szedinner's Profile

我明白有人會話佢hea，但講味道呢到其實唔差架~我比較鐘意食佢嘅雞扒麻醬撈麵，唔會話一試就覺得此味只應天上有咁出眾，但係入口舒服，覺得好夾。我食個日蕃茄麵無哂，所以轉咗菠菜麵。對比起附近餐廳可能無咩特色無咩名氣都無咩出眾嘅地方，但至少佢嘅食物令你食完之後覺得舒服...…Read More

價錢對比地點同食物質素都還可以，但比佢好嘅大有人在。唔算有特色，配菜都係平時見開一類，木耳蔥一類，紫菜不算脆，湯底係平常貨色...我會比較想去下其他睇下有無驚喜...p.s.:點解呢一種拉麵鋪都咁鐘意加椰菜? 其實我好唔鐘意拉麵裡面有椰菜......但不得不提吧台哥哥們幾親切好有禮貌，所以要加分!…Read More

行太原街時偶爾經過，肚子不餓所以只點了一杯乳酪。有別於某連鎖人魚咖啡嘅水質地味道淡的乳酪，佢嘅味道雖然芝士味不重，但藍莓、蛋糕碎同蜜糖令成個乳酪口感更有特色。當然咁樣嘅配搭都需要乳酪質感濃稠先可以襯托得起。會再來唷!…Read More

一直係蕎園食下午餐，叫嘅都會係佢嘅意粉。雖然無咩賣相，睇落去似求其炒出黎，但味道好香好有鑊氣。又雖然佢由上年起啲肉絲少咗，但食得出個位廚師手勢仍在。邊日個位廚師無番，味道真係會唔同咗......見到樓下講服務態度...其實佢地好多都做咗好耐，有啲好親切，例如伯伯同一個成日唱歌嘅後生仔，仲有水吧女人，第一次去可能會覺得佢地愛理不理，但同佢地傾多幾句你會知佢地成班都係好人黎......最後，我想問白汁意粉可唔可以多番啲料，例如蘑菇;(…Read More

其實我係見下面既食評有兩個負評，專登入黎寫番個正評的。臨番新工最後一日假期，去觀塘個時冇食午餐，撞正下午茶時間肚餓，就入左黎食下午茶。不得不說其實佢整得幾細心。牛油吐司：吐司係有烘過的，牛油係我接到個餐既時候已經係被面包既溫度整到溶溶地、滲左落包既狀態，所以咬落去真係好好食蘑菇奄列：唔好睇幅相好似整到個蛋好熟咁，其實個蛋係半生熟狀態的。出面個層係熟熟地，入面包住蘑菇個層係生生地，要做到咁樣，同樣都要好細心、又或是經驗老到對蛋處於半生熟既時間有直覺先可以做到咖啡：不過不失，係呢個成本黎講可以做到呢個質感呢種味道都差唔多可能佢既意大利飯整唔到你地心目中既水準，但請你地試下佢既下午茶啦好嗎?其實我都食過佢地既晚餐，意大利飯同意粉我都有食過，賣相都冇你地影得咁差。可能味道真係淡左D，但我會想像佢係老闆對味道既堅持，冇落到味精。試諗下，自己既食物冇味道自己會唔知道嗎? 冇咩味道姐，比個OK既評價真係咁難?…Read More

時間: 8:00 PM人數: 2食物: 南瓜蓉炒意粉、蔥油雙蛋飯、焦糖焗蛋飲品: 朱古力可能因為位置問題，想食野既人同睇戲既人都唔會行過個邊，所以夾埋我地只有兩張台。餐牌有呢到幾樣，除此之外有兩三樣燒既野同甜品。甜品入面我覺得最搶眼既有印尼燒香蕉加雪糕，同埋焦糖焗蛋。因為佢地廚房細，所以當聽到隔離台叫焦糖焗蛋我都唔好意思叫唔同既甜品，主菜就叫左南瓜蓉炒意粉同埋蔥油雙蛋飯。食物的話我冇影相呀。蔥油雙蛋飯: 屋企既味道，有少許類似黑醋定燒汁既醬同蔥油一齊做調味，正如深夜食堂既牛油撈飯同貓飯，你唔會話佢好味到天上有地下無，但係食落去既時候你會認得係過去某幾個時刻自己食過呢個味道南瓜蓉炒意粉: 有放蒜蓉落去炒既南瓜蓉炒意粉，意粉爽口，蒜蓉有點點喧賓奪主，但...其實我鍾意食蒜蓉，所以我都鍾意食焦糖焗蛋: 吉落去見住焦糖碎了、下面既漿湧上黎個下幾爽，食落去第一口有驚喜，佢既做法有別於平時我食開會加西米/栗蓉/撈焦糖入蛋漿/面頭加肉桂既焦糖焗蛋，係另外一種既新味道，屬全餐最大驚喜講左咁耐，最重要一樣野係，食麥當勞、三哥譚仔、甚至普通茶餐廳通粉都免不了會有程度不一既胃痛既我食呢到既野係唔會胃痛 <3呢個年頭，好少可會食到令自己舒服，味道又好既野食。同埋，佢地開左唔係好耐，人流又少，我真係好驚呢D咁有心既小店會汁笠。雖然我明白當人流多左再去食番感覺可能會唔同，但呢D遲D先算，我真係好唔想呢到會汁。其實我今次係食第二次，為左呢到我第一次寫食評。咁既鐘數都只係得兩張台，真係好驚佢地會汁。價錢方面，呢個位置，呢種味道，自己衡量。我番工番鰂魚涌，附近我食得起、食落去又舒服到同佢一樣既只有明家同菲比、camper's其中某幾樣。與其食附近既許留山或麥當勞，不如試下佢地既焦糖焗蛋同燒野食啦…Read More