Cswiris's Profile

週末又同爸爸媽媽飲茶，3位午飯點心盛惠750元。係平定貴任君評價。食物正常，雖不能說出色，但整體係1）蝦餃，翠園水準，1.5賠價錢2）花膠灌湯餃，蝦肉結實，上湯味道亦ok，但花膠未發夠身，實德德的3）砂碢帶子炒飯夠乾身同香，分量足不欺埸，三百元個炒飯是否值得見仁見智4) 香檸焗羊架，亦係正常出品5)紅米腸，翠園水準again，都係正常出品可以咁講 如果佢冇在我入場時同我講用餐時間45分鐘＆在巳經冇咩人等枱 又冇要趕下輪嘅情況下同客人講要截單！個人覺得佢地係ok嘅。食飯從來不只是食飯，也是家人朋友聚會的節目，唔知從幾時起，香港的飲食館着眼就係賺錢，而不是令客人食得開心、食得滿意。就算我哋已經選擇一間消費頗高嘅菜館，仍然得不到應有的服務，難怪大家都要北上。…Read More

是夜母親大人生日，朋友介紹阿翁小館，一於帶媽咪食餐好嘅。試咗佢哋個砂鍋紅燒翅，真材實料，味道回味無窮；再試埋佢哋個吉品鮑，嘩呢個不得了，唔知點解佢哋可以整到咁煙靭，味道啱啱好之餘，仲好有咬口，講真佢哋嘅出品對得住佢哋個價錢，除咗呢兩樣係貴價野外，其餘小菜都好好味，椒鹽九肚魚，薑蔥雞件，同樣係好得，媽媽食得開心，讚不絕口。呢間嘢除咗出品得之外，服務亦親切殷勤，頻頻加茶，小菜慢慢逐樣上，可以慢慢嘆，傾吓偈食吓野，完全冇其他菜館趕住收工嘅感覺。總之整體而言，係一個冇得頂嘅美食體驗，一定有下次👍…Read More

今晚到港味吃飯，可以咁講，價錢佢哋係好相宜，但係無論食物同服務都可以做好啲，否則，更平都冇用。蠔仔泡飯，蠔仔唔新鮮；其餘嘢正正常常； 女樓面亦正正常常，本應覺得以咁嘅價錢，算是還可以；最勞氣係最後埋單時，問收銀員攞單睇，佢黑晒口面咁掟張單俾我。呢個收銀員，上次已經係咁態度惡劣，本人行埋去埋單，佢一路做自己嘅嘢，我見唔係趕時間就等等佢，等到後尾越嚟越多人排隊埋單，佢先開始理我。呢啲咁嘅服務性行業員工，簡直係倒米，為香港飲食業悲哀。…Read More

晚上同父母到官塘龍寶晚飯。服務態度勁差，錯漏百出，仲要夠膽收人13%服務費°1）叫2位翅泥1位2)叫2碗白飯仍然係泥1碗，追問修正並等候多時才來第二碗，但餸已吃完3）剛來第一碟餸，部長無端端拿來一碟橙，原來係要上隔離枱 但客人吾要 我地才剛開始吃 就攞嚟我哋枱＇話係送嘅＇但其中一個橙是巳經黑皮的4)飯後叫伙記攞個盒 當時酒樓伙記問要吾要袋 我回覆吾駛 等左好耐 都冇人攞泥 其間多次想搵人問都搵吾到 全部聾耳陳咁直行直過 ＇最後要自行到櫃枱追問 才把飯盒拿來 但强迫性地附帶膠袋一個＇顯然已忘記我話吾要袋的5)出去埋單 收銀員態度奇差，客人check單又吾高興冷言冷語，當時係覺得奇怪點解服務費咁多錢＇最後發現收13%服務費在咁差的服務質素下 竟然收服務費 13%！！！絕無下次！！！…Read More

父親節飯，選了爸爸大愛川菜，朋友介紹下到這裡一試。嘩！嘩！真的是我在香港暫時吃過最好吃的川菜，跟我在重慶公幹時吃到的不遑多讓，夠正宗的，麻辣鮮香兼而有之，忍不住都要寫番篇吃評，推介給喜歡川菜的大家。3個人點了水煮魚、蒜泥白肉、五椒焗肉蟹、干煱牛肉粒、香菇鍋筍絲幾個餸。幾個菜色都做得色、香、味俱全，其中要說一下水煮魚，實在是太好吃了，魚肉保持鮮嫩，入口陣陣香氣，在辣得過引的同時，魚肉仍能保持肉質甜美，真的是太滿足了。相信以後會成為我家飯堂。…Read More