woohoo11's Profile

早餐買過幾次都幾好 番到公司都仲熱 因為店員入袋前會reheat最近買左次見佢無reheat就同佢講聲"想reheat呀" 店員話"個包本身熱㗎喎" 下 放左係度成朝喎 叮十秒姐 好難為你咩 結果番到公司個包就當然唔熱啦 無翻焗過仲淋淋地 以後見到果個店員就知唔洗再買…Read More

差到要打comment叫左西冷牛扒 虎蝦扁意粉 熱朱古力 龍蝦湯西冷牛扒牛扒肉質差 同茶餐廳高級扒餐差唔多 但呢度收緊$208 無牛肉味 唔怪得要幾盤汁放係前面虎蝦扁意粉汁係龍蝦汁 其實係龍蝦湯汁 其實係麥當勞之前賣果啲龍蝦湯 意粉同啲汁其實溝唔埋 蝦係成碟唯一唔似即食野熱朱古力由於要加$22 有啲期望 以為係濃厚的 但錯了 又係一個比茶餐廳朱古力還稀既熱朱古力總括 全餐都同茶餐廳質素比緊 價錢大概係3-4倍 非常令人失望既一餐Btw 店員面口有啲黑 …Read More

野食味道一般，唔算特別好食。問題係同男友食完就兩個都又痾又嘔。可能係我地唔好彩，自己腸胃又差啦。但員工既衛生意識都幾麻麻。首先全部野都係油又痴立立，作為間貴小小既韓燒可唔可以乾淨啲？一開頭抹枱已經抹漏兩大pat蒜蓉都視若無睹。幫你搬位又用你張餐巾抹晒成張枱。之後間唔中幫你燒下果陣，剪完生肉直接放把較剪上煎餅。好彩無叫醬油蟹，唔係真係痾死。叫左個海鮮拼牛肉既餐，兩人食好飽，每人埋單$310。無下次，見到個名都驚。…Read More

天水圍無幾多野食揀，新開左呢間泰國菜，見佢裝修幾好都抱左啲期望。琴日第一次去，同屋企人慶祝生日。野食整體都好普通，價錢唔算貴，不過咁既食物質素就唔抵，無下次，無食過既人都可以唔洗試，貪近都寧願去元朗屯門果啲。逐樣講下啲野食先：柚子沙律成餐算較好，但啲蝦都係無味，ok啦，啲柚子甜囉炒通菜少少辣，普普通通，唔惹味菠蘿炒飯無乜味，普通茶餐廳質素，純粹放左上個菠蘿度咖哩蟹無咖哩味，得椰奶味，蟹肉又好散，食蟹鉗都食到好似拆肉咁一絲絲薄餅份量好少，仲好似百佳買番黎雪藏果啲咁，厚厚一塊份咁，唔似其他泰國菜餐廳即場手造咁鬆化泰式小食拼盤個蝦餅味道唔錯，勁彈牙。有個葉包住既雞肉，我個人覺得全餐最好食，好juicy又入味。串燒，好硬，硬到連咩肉都唔肯定其他雞翼，魚餅同春卷普通。蒜蓉包呢個好食，最好係佢又夠熱又脆，仲有好濃蒜蓉味芒果糯米飯幾好食，不過芒果唔夠甜，可能唔當造～椰汁西米糕十分普通，食半舊試下就夠整體所以餸都好普通，最大問題係唔夠熱，黎到枱面已經凍晒，泰國菜應該好惹味，但佢一啲都無，真係非常普通。食完我全家都話自己煮好過，咁你明啦。服務一般啦，個個都唔係好熟手矇下矇下咁。環境幾靚，不過野食差靚都無用啦。唔會再去咖啦，就算全天水圍得佢一間專做泰國菜都係咁話…Read More

平時會叫迷你海南雞飯（$38）真係好迷你 我一個女仔唔算大食 食完就啱啱好到80-90%飽 都好既唔好食剩晒 雞係幾滑既 又通常都無骨 係幾好食的 醬就得兩隻 一隻辣 一隻係黑醬油 甜甜地 味道兩隻醬都唔錯 係個黑醬油好稀 好似普通甜豉油咁 無咩誠意蝦餅（好似40蚊） 無咩特別 係幾彈牙個味又唔錯 不過我覺得似雪藏出黎 炸到介口 我唔會叫第二次 又貴又無特別服務方面 啲呀姐無乜禮貌 好似唔想做你生意咁 仲成日掛住周圍望 要講幾次先落到單 不過成餐都淨係會同佢地講一兩句 就算整體 價錢有少貴 因為啲野未到好好食又冇好特別 純粹食天水圍少選擇條水 加上個態度。。係天水圍黎講少有既泰國菜 所以如果唔係超想食泰菜 基於佢價錢同服務 我都唔係太想再去…Read More

食過好多次 次次都要叫豬頸肉 咬落去好多汁 面頭燒過既部份有啲甜甜地 所以一定會同男朋友爭個頭同尾黎食係要等得耐啲 趕時間可能就覆放棄豬頸肉米線唔會太濃味 唔會食完口乾 淨係食米線唔食餸都可以食晒成碗 唯一缺點係芽菜超多 同米線個比例好似一比一咁 但又唔係唔好食 所以唔會叫走芽菜 所以叫少芽菜會好啲？服務方面 基本上都不錯 係有一兩個呀姨落單永遠要重覆三次先聽得明 不過態度ok就無所謂環境 係坐得有啲親密咖啦 不過都算坐得舒服 好有小鋪風味 好在唔會係咁叫你迫埋啲坐又想趕你走咁…Read More

呢間我由細食到大 次次都去有幾款常點既炸壽司呢間啲飯唔會濕到一patpat 同埋個調味都好唔錯！通常都係腸仔肉鬆的 有時有一兩舊係腸仔蛋定火腿蛋 我都係鍾意腸仔肉鬆 成日同呀妹爭黎食 想食腸仔肉鬆 要睇下好唔好彩老闆有無咁啱夾到炸燒賣又一個推介！ 咁樣食燒賣先係最好食雞軟骨呢個就係男友至愛 次次都叫一大袋 買番屋企一路煲劇一路咬真係超正！炸台灣腸 個人覺得一般 問題出係條腸本身 唔係好台灣腸既感覺 麻麻地炸雞球 呢個我覺得一般 粉有啲太厚 但有時好想食肉都會叫 唔係難食 只係唔太突出～可以一試老闆同老闆娘好少講野 不過feel到佢地係友善既好羨慕兩公婆一齊搞啲小生意 賣下小食…Read More