A菜的個人專頁

接近半夜時間,想找清些的食物醫肚,第一時間想記此店收凌晨兩點,今次四個人,叫了:五香牛肉粉 - 鹵牛肉,片得很薄,不過入味,好食!排骨麵 - 排骨切成細細粒,易入口,夠味道!多味粉 - 等於是什會粉,內容有排骨,鹵牛肉,豬膶,肉片等每樣兩三件.再加蔥粒,花生.食素的老友叫了:菜面¥7(大碗) - 有生菜,肉豆,冬菇片,花生,和蔥粒等.再加兩隻鹵雞蛋¥1.5×2,.鹵蛋,幾好味, share ¼ 已飽晒,此店以深圳道地特色為主,每碗粉麵的份量都很大,但肉的份量就不多,粉就類似米線,較幼,麵類似天使麵般幼細,兩樣都很滑,口感不錯!粉麵大碗售¥8,細碗售¥7.四個人食到"漏",埋單都是¥34,超抵!…查看更多

三點多,未食午餐,便來個下午茶當飯,三個人先叫了;上海粗炒 - 幾油,不過幾好味!再每人一個套餐:套餐一:菜肉包,春卷,豆漿菜肉包可以.春卷新鮮炸起,好好食!套餐三:粢飯,豆漿粢飯不合個人口味,套餐六小籠包,豆漿小籠包雪櫃貨,即叫即蒸,皮稍厚.一般.豆漿不太甜,O.K.最後,再加了:豆腐花×3 - 算滑,豆沙餅 - 甜甜地,又夠香,好食!埋單$95,食這麼多款食物,抵食!…查看更多

母親節正日晚飯,沒甚麼選擇,七大一小要了個$2200八位套餐,內容有:多子厚菰瑤柱甫 - 整個小菜都有水準,最好食的是冬菰和蒜子.甜豆花姿玉帶子 - 這個小炒菜色不錯,爽的爽,滑的滑,竹笙蟹肉魚翅 - 配料多,主角難尋,味道可以.頭抽蔥油蒸海班 - 班算滑,火候亦好,蔥油撈飯幾好味.茄汁煎大虎蝦8隻 - 蝦不算大,味道中規中矩.醬油金皮雞 - 皮薄脆,肉嫰滑,雞入味又沒油膏,全晚最好食!精選甜品(紫米露) - ,大路貨,不覺突出.蟠桃賀皇母 - 蓮蓉壽包,皮薄饀香,飽肚也即刻食埋.再加五白飯,三啤酒,還可以食埋生日蛋糕.基本上,這店的食物水準,只算中上,但座位寬敞舒適.最值得buy的是員工的服務態度主動積極,未開聲,已主動詢問顧客需要,水準一流!…查看更多

五個人叫了:鵝叉雙拼$62 - 燒味雙拼,燒鵝好食!叉燒全瘦都O.K.!及第煲$57 - 豬什的另一個食法.個人喜愛!魚雲湯$46 - O.K.生炒骨$42 - 中規中矩.乾炒牛河$38 - 不油,炒功不錯.豉油王炒麵$38 - 可以接受.有味粥$10×2 - 粥底夠綿,與豬什又夾,一口豬什一口粥,好味道!連一白飯,兩啤酒,埋單$347,在旺角算抵食!…查看更多

星期日五個人午膳,見此店沒甚麼點心合心水,而又有個只需$145,的午市套餐,內容包括三菜一湯,有近四十款小菜的選擇,便試一試.三個小菜選了:薑蔥魚腩煲,西蘭花炒鴕肉,及西芹腰果炒肉片,小菜不太大碟,廚師功夫幾好,味道不錯;湯選了:南北杏雙葉豬肺湯 - 材料幾多,勝在飲完不口渴.再加四個點心:蝦餃,雞扎,鵪鶉蛋燒賣,咖哩魷魚,點心似是行貨,不突出,亦不太難食.連茶錢及五個白飯,埋單$275.可以接受!…查看更多

近來喜到此午茶當飯,因貪此店11點後,大中小點一律皆為$9元之故.其中有幾款點心,覺得值得推介的是:鮮蝦腐皮卷(大) - 蒸完再煎的腐皮卷,負責煎的阿姐好心機,不濃又香口,好食!招牌麻蓉包(中) - 饀香包熱,甜度適中,不枉招牌之名!南瓜蒸排骨(中) - 肉排新鮮,味道調校又不錯,但最好食是南瓜!還有蟹皇干蒸燒賣(中),及海皇煎薄餅(中) - 都有上佳水準!…查看更多

此店晚九時後,有很多小菜八折,今日夾正時辰,特來一試.五個人叫了:梅菜扣肉 - 梅菜香甜,五花腩肥瘦適中,又已走油,正!炸大腸 - 香脆可口無澀味,好!客家煎釀豆腐 - 豆腐軟滑,超正!海皇什菜湯 - 西蘭花,生菜,小棠菜,再加上粉絲.蝦米,瑤柱,魚膠等一鍋熟,有腍,有爽,有硬,幾好食!芝蘭如意 - 荷蘭豆炒秀珍菇,木耳,白果等,清清爽爽,夠健康!飯$10×6 - 砵仔飯,O.K.杏仁茶$8 - 杏仁味濃,不太甜,幾好!楊枝甘露$14 - 無食不知.免茶,免加一,五個小菜都八折,白飯與甜品十足找數,埋單$328,價錢可以!…查看更多

路過見此店新開,便入內一試.兩個人叫了鳳爪排骨飯$17 - 排骨好食,鳳爪腍,飯軟硬適中,掂!蠔皇鴨腳扎$12 - 這個點心鴨腳多肉,腐皮軟,以火腿條取代芋頭,不錯,而最好食的是那肉饀,豬肉香,肉汁夠,咬落夠味道,好好食!香滑奶皇包$5 - 皮厚饀鞋又不夠熱,一無是處!鹹魚肉餅飯$17 - 無食不評.埋單$51,價錢中庸.兩個點心,一個好食,一個失望,惟中間落墨吧!…查看更多

天氣乍暖還寒,把握機會,又來一次火鍋.四個人試了:靚煲皇$168 - 料多取勝,煲料有:大蜆,蘿蔔,甘筍,大蒜,蔥,蝦乾,芹菜,粟米,土魷……等等,豬筒骨與豬軟骨估計加埋有斤多兩斤重,如此多料,湯味自然濃郁!美國桶蠔$128 - 一桶一磅有七隻,肉鮮味美又夠大,好食!墨魚滑$58×2 - 夠鮮夠滑,一個最值得推薦的火鍋料!生腸$18 - 洗得乾淨,全無澀味,可以爽食,又可以腍食,正!雜菜$28 - 有西洋菜,塘萵,及小白菜三款混合,菜新鮮,好!其餘肥牛$158,脆肉鯇$38,貢丸$28,和四寶丸$20等都合格!加上烏冬$18,黑啤$30×2,酸梅湯$13×2,醬芥$6×4埋單$830,中上消費!…查看更多

此店開張不久,都幾旺場,今次四個人,試了:涼瓜煎倉魚$60 - 倉魚煎得香,用涼瓜打芡煮返,又幾啱味道!金針雲耳蒸田雞$55 - 味道不錯,不過找勻都是田雞胸多,田雞脾每人分不到一隻.生腸墨魚鹵水双拼$55 - 中規中矩.韮菜豬紅$30 - 大大碗,熱辣辣,幾好食,鹵水鵝片$75 - 師父好刀功,鵝片薄如紙,食落夠香又有口感,不錯!啫啫雞煲$48 - 未算突出.加上三啤$18×3,兩粥7×2,兩飯8×3埋單$415,價錢中庸!此店食物水平,尚算合格,整個進食過程中,經常見到店前有幾位相信是老闆的人士,不時在打點.相信此店未來會有更大的進步空間!…查看更多

此店又轉名為同一集團旗下的另一名稱,究竟是為保持新鮮感,還是為了加價這個問題,深究的話,都會浪費很多有用細胞,還是看看食物水準如何吧？家鄉木桶蒸米粉 - 米粉軟又腍,入口又香,好食!乾沙牛河 - 不太油,沒落太多老抽,清清爽爽,掂!淨腸粉 - 夠軟夠滑,上佳水準!脆皮叉燒包 - 面脆心香又夠熱,好味道!牛奶桂花糕 - 兩種香味合一又幾夾,好食!唯一瑕疵是:小籠包 - 包頂皮厚及湯汁不夠.整體來說:食物O.K.,服務不錯,可以作為此區目標之一!…查看更多

晚上七點到此,全場爆滿,需要輪候,不耐煩等候,便過隔鄰店鋪,兩鋪同一字號,這鋪以方形檯椅做擺設,在鋪外售票,以售賣碟頭飯為主.兩個人要了兩飯兩湯,依次上為:菜乾豬肺湯￥5 - 幾大碗,豬肺清潤,湯味清幽,不錯!生地麥冬煲龍骨￥5 - 藥材少許.湯味濃,O.K.鹹魚雞粒炒飯￥10 - 大大碟,配料多,又不油,兩個人食都夠飽.星洲炒米￥10 - 本叫北菇蒸雞飯,因沒有而改炒米,以致遲來,又是大大碟,食不了,打包走;返家翻熱後食,不太辣,味道都不錯.原來這爿店,亦可叫小菜:坐定,指明,侍應會在檯上鋪上檯布,作為此檯為惠顧晚飯小菜顧客的識別.…查看更多

偶然路過,發現此店,便入內一試.兩個人叫了:三鮮餛飩￥10 - 豬肉混蝦膠做餛飩饀,用料新鮮,有十多隻,抵食又好味道!陽春麵￥5 - 大大碗,用香港份量來說是二合一,麵條幾滑,幾好食!雪菜肉絲麵￥10 - 望落用料幾多,又是大大碗,但無食不評.埋單￥28,原來加了茶錢￥1/位及紙巾錢￥1.…查看更多

此店身處大路中間建築物的二樓,因其招牌的顏色與牆的顏色相近,如不小心觀察,很難發現.今次,兩個人叫了:蝦餃(精) - 一隻中蝦做伴碟上,饀用蝦膠混馬蹄,入口幾爽,又是另一種食法.豉椒蒸魚雲(優) - 鯇魚頭成個,賣相不好,味道不錯!甜梅菜叉燒腸(優) - 又是新意思,梅菜和叉燒的味道相夾,O.K.煎南瓜餅(大) - 軟軟綿綿,幾好食!小籠包(特) - 湯汁不夠,稍次.流沙包(特) - 不夠熱,沒流沙感.茶錢￥3/位 - 水滾茶靚,加水又快,掂!(還有一款貴賓式.專人淥茶具及酙茶￥6/位.)連加一.埋單￥80.整體來說,蒸點味道不錯,包點就較差,價錢分九款,除精點的蝦餃￥18較貴外,其它都算相宜.侍應人手足夠,服務便捷,坐位又寬敞舒適,又多一食肆選擇!…查看更多

銀龍集團接手此店後,第二次幫襯,第一次幫襯碟頭飯,覺得屋邨出品,中環價錢,唔抵!今次幫襯,覺得碟頭飯是貴,但小菜套餐相比,尚算抵食.六人套餐$238,內容可任選五款小菜,再加一羮,一小食,六個白飯,六杯熱飲.五款小菜選了:豉汁魚雲,XO醬海皇豆腐煲,薑蔥牛肉,生炒骨,小炒王食物保持一貫銀龍水準,中規中矩,不算好亦不太差,其中以豉汁魚雲料足味好為最正!羮是粟米羮,比想像中好,小食為沙薑雞腳 - 稍鹹,味道可以.再配六個飯及六杯熱飲.另加蒜茸芥蘭 - 原價$30,跟餐平$5,菜新鮮.沙薑貴妃雞$60/半隻 - 稍鹹,可以接受.再加兩個白飯.埋單$339.侍應服務O.K.…查看更多