tingw1104's Profile

同屋企人四個人嚟食，星期六夜晚6點45左右。位好多，冷氣夠，地方乾淨，好好招呼。叫左個超值四寶(魚2味，柚子蝦球，乳鴿2隻)，特價冬瓜盅，同椒鹽鮮魷。落單個陣部長好好，同我哋講夠㗎啦，唔使再叫，再叫就食唔哂。上菜速度好快，全部野都好好食，尤其係個蝦球。每次我哋想自己再”不”個冬瓜盅，都會有staff 9秒9內衝過黎幫我哋”不”。食到一半又自動幫我地換碟。之前屋企人會特登搭車入小西灣食富軒，我諗以後都會轉呢度食喇。今次係我地第二次黎食，希望佢keep到，可以做一路落去。唯一小問題係老人家如果行動唔方便，未必行到樓梯上去。…Read More

復活節假期第一日紅日上到熟食街市幾乎爆滿得呢間有位食lunch食碟頭飯叫左咸魚雞粒炒飯，黑椒牛肉炒意，咖哩炒河同咕嚕肉第一碟到左炒河根本唔係炒嘅個阿姐放低左就走左，叫都叫唔住我地無筷子無碗要叫到第二個阿姐先知我地需要筷子同碗第二碟咸魚雞粒炒飯啲飯係硬到會胃痛第三碟炒意，等左勁耐先上好啲，但無乜肉第四碟，咕嚕肉等左成粒鐘未到，中間有問如果未整就取消佢算，佢話走緊油勁過分，成碟野得6粒肉全部都係洋蔥其實如果你同我哋講你假期淨係serve海鮮加工客我哋咪走去其他地方食你知我地係食普通lunch又無表示任何野又俾啲咁嘅質素勁無奈…Read More

外賣自取屋企人幫手拎番到去又發現俾漏左沙律醬Check清楚有冇野漏真係有咁難？上次9月尾留完評論，希望店家睇完會改善原來好似無乜作用，買一次漏一次店家應該完全無睇吧…Read More

平均一兩個星期我都會至少幫襯一次。第一次飲到佢哋杯白桃烏龍覺得好鍾意，所以之後都有keep住幫襯。.今日買左個外賣自取set，又出現問題- 沙律又無俾沙律醬- 杯野飲感覺上變左無糖（無加果汁），完全唔係平時飲白桃烏龍嘅味，好小好小嘅甜度應該只係來自落左嘅果肉，而我係無要求更改甜度的.其實無俾沙律醬嘅情況之前（可能一兩年前，唔係近排）有一段時間已經成日發生，我買3次有2次都無俾。然後搞到每次要check完先走，如果我check到俾漏左，個陣係一句唔好意思都無俾番我就算。有次拎住多野無手check，問店員係咪有俾到沙律醬，當時店員俾我嘅感覺係反而好似我好麻煩點解會問咁嘅問題咁。.上星期買set，直情俾漏左成個小食好彩我有check完先走，但都搞到要再等幾分鐘即炸番俾我。.希望經營者如果睇到呢篇，麻煩請叫員工留意下。其實食物出左之後pack野個陣要check清楚齊唔齊野係基本動作吧。.香港仔無同類食店，真心希望你哋可以長做落去。如果唔係想你地有改善繼續幫襯嘅話，我都唔會浪費生命打呢篇出黎。…Read More

琴晚臨時無訂位直接去左食，安排坐2人枱。當時6點有頗多空位，見其他2個人嘅都坐緊4人枱，所以有問有冇其他位，但話其他都俾人訂哂。兩個人，朋友鍾意壽喜燒湯所以就揀左，要加$10。一開始食牛同食左舊響鈴，個湯濃（甜）到係食咩都幾乎食唔到食材嘅味，淨係食到壽喜燒嘅味，仲要食完即刻飲野沖番啖個口。朋友有用生蛋汁配黎食，所以佢尚接受到。個湯一黎係好滿下嘅，唯有諗住等佢滾下少啲水再叫人加湯個陣加熱水算。我叫加湯個陣，個侍應都自動問確認係咪加水唔係加湯，話會太濃，姐係其實根本佢哋都知食客一般都覺得壽喜燒個湯太濃，咁點解佢哋唔同廚房溝通下呢？唔通想食客一坐低一食就叫你拎番入去倒走部分湯然後加水拎番出黎？以前間唔中都有去食，可能幾個月一次，都係叫壽喜燒湯，之前一路都正正常常。除開食成400蚊一個人，但因為個湯根本無食到啲乜，好sad。…Read More

其實本身睇完網上報導，都幾期待，決定食呢間慶祝生日。6點前入座，我地選擇左三種海鮮$218加1。我有WhatsApp book位時問定係咩海鮮，不過店家表示要當日4 5點先會知，因為係新鮮買。一入到去，服務都幾殷勤，有介紹，見我地碟滿即刻行埋黎俾垃圾桶我地。收碟亦收得好快。當日海鮮為蜆，螺同海蝦。我地2個人食，一開始會俾一份海鮮，意思係每種海鮮2粒/2隻，螺係一小煲嘅辣酒煮螺。海鮮係用爐自己燒嘅。而其他串燒就係畫卡落單由店家燒。一開始食其實覺得都幾滿意，海鮮幾新鮮，其他串燒亦吾差。由於我去嘅時間係5:45，所以人吾多，座位亦寬敞。但到refill時問題就黎了，店家表示每次refill只可以叫一份海鮮，我有refill左幾次蜆(每次只得2粒)。到後期再落單，叫左2隻蜆，睇住時間超過15分鐘都未黎，要催左幾次（我最討厭做嘅事，催左2次其實我忍吾住已經黑黑地面），最後先有黎2粒蜆。因為黎得太慢，所以亦有詢問過可吾可以點2份，店家表示吾可以。其實我明白成本問題，你話蠔同鮑魚要一份一份點都可以理解，但我要2粒蜆都要催幾次，實在難以接受，個人黎講無encore。食物質素：4/5服務態度：3/5出海鮮速度：1/5…Read More