charles530's Profile

等左咁耐白石角屋苑終於開左間茶餐廳，唔洗行去科學園先有野食。可能白石角居民餓得太耐既關係，都要等左幾分鐘先入得。餐廳食物種類都算多，價錢亦都親民，但食物質素真係差到一個點。下午茶叫左個豬頸肉炒烏冬，首先個烏冬係唔熱嘅，其次成個烏冬得一舊豬頸肉，簡直不能相信，餐牌圖片亦都非常照騙，當我想問吓個店員係咪得咁少豬頸肉個陣，佢答我呢嚿係豬頸肉，完全不能溝通。講完，建議大家都係唔好偷懶行多兩步去科學園食好過。…Read More

星期六日暴飲最食過後，總會有D內疚，所以星期一食返餐素食黎贖罪。樂農係社企餐廳，講求盡量少鹽少油，而可能係星期一既關係，一去到就有位lu。生煎蓮藕餅 - 蓮藕味唔係太重，反而係蓮藕餅內加左粟米同埋薯仔，食落比較黏和飽肚，份量亦頗多。咕嚕惹味球 - 用𤠣頭菇扮咕嚕肉，配上三色彩椒、菠蘿拌炒。猴頭菇食落煙韌，有咬口。欖菜四季豆 - 同其他餐廳分別不大，沒有驚喜，但以呢間餐廳黎講就偏油和重味。原籠松草花淮山雜菌糙米飯 - 原個大蒸籠上枱，面層舖滿多款食材，有d餸多過飯既感覺，令人食得相當滿足。飯裏混入了淮山粒，食落爽口。而家講求健康生活既香港人，好多時都會加人紅米／糙米煮飯，令營養價值更高。最後叫左個小壽桃，雖然佢叫小壽桃，但其實佢一d都唔小，一籠有6個，最後食左3個淨返就打包返屋企第二日做早餐了。…Read More

小酒窩餐廳平時夜晚排哂長龍，行過見佢lunch時間唔洗排隊所以走黎試下，lunch時間都差唔多坐滿，店員既招呼都好好，我地三個人叫左三個set lunch 一齊share黎試下。叫左佢地個自家制咖哩配butter chicken，佢個set仲可以跟飯或者naan bread，我地諗住試新野所以就揀左佢個naan bread。naan bread就好似一個pizze底咁樣，熱辣辣有陣烤味，配埋咖哩同埋butter chicken一齊食都幾好味。我地仲有叫左個rib eye steak，味道ok，價錢合理，再配埋牛油薯仔同黑椒汁都唔錯，但就無乜特別。本來諗住最普遍既意粉反而相當驚喜，意粉好香白酒味同蒜味，味道濃郁，配埋菇及雞肉，係我食過最好食既意粉，建議大家下次黎食一定要試佢個白酒蒜香炒意粉。…Read More

星期六食完晚飯就去左附近既SENSE CAFE食甜品，呢間CAFE一向都以分子技術作招徠，所以黎到都特燈揀左一個用分子技術做既甜品。我地未夠十點就黎到，但都差唔多坐滿，食完之後就已經要排隊啦。我叫左個富良野3.7芒果蛋黃牛乳布甸(HK$55)，佢特別既地方就係用左分子技術，將芒果汁外圍整成一層薄膜，外形就會好似一個蛋黃咁樣，幾得意。整穿左之後就撈埋牛乳布甸一齊食。整體黎講呢間CAFE都係食創意多過食佢既味道，如果叫普通既甜品就唔洗揀呢到。…Read More

近排見到好多朋友都去試食Le Salon De Thé de Joël Robuchon嘅甜品，見佢賣相精緻，價錢尚算大眾化，於是決定放假去一試！去到都唔洗等位即刻有得入，餐廳入面大部份人都係叫佢個三層tea set (一人份HK$230, 兩人份HK$450, 包茶/咖啡)，我地兩個人只係叫左一個tea set, 因為想留肚試下佢其他野食。Tea set 嘅咸甜點無乜特別，反而佢個自家製的士多啤梨醬唔錯，味道較酸，但就充滿果肉及果汁，好有口感。另外我地叫左佢d茶試下，個茶壺就幾靚，但茶無特別，但價錢都唔算貴。最後仲有試佢個crepe，個人覺得幾得意同特別，味道唔錯，但就偏貴，可以一試。總括黎講餐廳環境舒適，如果係圓方行街行到累都係一個幾好既歇腳地方。…Read More