豬麗葉的個人專頁

上次專登來食, 好可惜冇晒凍豆漿同凍豆腐花.吾知係吾係雪櫃壞了, 好可惜啊！所以在三十度的下午, 飲左一杯熱豆漿同煎豆腐.個煎豆腐好好味呀～好香豆味～而杯熱豆漿都幾好, 但我諗冬天飲會更正！…查看更多

迎月o個日, 早Ｄ食飯, 之後可以去賞月嘛！我地六點三左右去到, 好彩仲未要等位.但只係得番吸煙區, 都好拉～我覺得呢度比尖沙咀o個間坐得舒服Ｄ.地方闊落Ｄ, 加埋一塊塊大鏡, 睇落好舒服.今次食左好多野呀～先叫左杯"九龍"飲品, 酒味吾濃, 有小小藥水味.和民沙律, 我至愛, 又爽又脆口感豐富, 次次都要食.生牛肉沙律, 吾怕食蔥要試下, Ｄ汁又好味～好正嫁！吞拿魚腩卷, wasabi 夠晒辣, 抵食又飽肚之選.燒鮭魚腩, 油膩左小小, 女仔怕肥, o岩男仔就仔口味Ｄ.燒墨魚咀, 新菜式, 但吾夠味, 我地落左好多七味粉.牛肉鍋, 比想像中多牛肉, 湯底甜甜地, 熱辣辣, 好味.石頭泡菜飯, 小辣, 味道冇乜特別.最後叫埋紅荳雪糕～完美結束！埋單$300 左右, 食到好飽, 呢個價錢吾貴！最鍾意呢度可以坐幾耐都得, 一定冇人趕.所以冇得訂位都可以理解, 吾想等唯有早ＤＤ拉～！…查看更多

見雜誌介紹$98, 仲包一杯飲品, 好似好抵喎.原來真係ok, 物有所值, 冇令我失望.第一次係Bar 食buffet, 感覺好得意.坐在梳化邊睇電視邊吃～好realx, (^^)食物好有水準, 酒店都吾會太差吧～頭盤, 三文魚, cold cut, cheeze, salad, 貴精不貴多, 吾錯.主菜當然有好多好多吾同種類既咖喱, 有四,五種左右.我最鍾意o個種紅紅地色既雞, 味道特別, 好好味.軟薄餅同硬薄脆都好香好好味, 點咖喱汁～更加正！甜品都有幾多選擇, 蛋糕有四款左右, 仲有bread pudding 同生果.$98 食到飽飽～所以呢度都幾旺場.除外白領同外藉人仕, "太太"級都吾小, 訂定位穩陣呀！…查看更多

其實見到呢間店好耐嫁, 不過門面吾吸引.<br>所以冇意欲入去食野, 一路以為係食普通粉麵的.<br>之後見到呢度Ｄ朋友極力推薦, 好評如潮.<br>咁梗係要黎試下拉～果然冇令我失望呀！<br>餐牌上面有好多冇見過, 古靈精怪的菜式.<br>真係見到乜都想試, 最後叫左...<br>豬肺綑～點解吾似豬反而似牛既？<br>豬天梯～好濃酒味, 有咬口, 好味呀！<br>豉油撈麵～幼麵加甜豉油再加Ｄ吾知乜醬, 總之係正啦！<br>咖沙～湯底非常好味, 辣辣地又帶香味, 但配米粉好似吾係咁正宗, 如果可以好似新加坡的就更好了！<br>呢度鋪頭細細, 比人感覺好親切. 服務態度好好.<br>會再黎, 因仲有好多野想試但未試呀～…查看更多

大熱天時好想飲台式凍飲～<br>未試過呢間,所以順便黎食埋飯.<br>午市套餐幾抵食, 最好係可以自由配搭.<br>試左貢丸湯, 滷肉, 擔仔麵同白香果茶.<br>滷肉份量好多, 我最鍾意用Ｄ汁送飯.<br>呢度Ｄ滷肉好入味, 有小小藥材味～好正！<br>我地兩個人叫左一個餐加白飯加飲品已經夠飽.<br>埋單吾駛一百蚊, 抵食！…查看更多

我一向怕熱氣, 對韓燒麻麻地.<br>朋友話黎食晚飯, 冇所謂啦～反正呢度選擇多.<br>五個人, 叫左﹕<br>石頭飯, 牛肉麵, 海鮮薄餅, 牛肋骨, 牛肉同雞腿.<br>朋友話點都要食燒肉, 我食左小小牛肉, 冇乜特別.<br>我最愛係海鮮薄餅, 差吾多每一檯都有叫薄餅.<br>入面料吾係好多, 但調味幾好, 可惜一人只分到一件.<br>送的酒糟糖水味道清清地, 都吾錯.<br>埋單吾叫平, 偶爾食一次都吾錯既！…查看更多

呢度裝修幾別緻, 吾似一般酒樓格局.<br>如果請人食飯, 黎呢度都幾得體.<br>最緊要係價錢吾貴, 不過都幾多人, 記住訂定位.<br>上次叫左一個套餐, 份量同食物款式好多.<br>咸蛋蝦好濃好香好好味, 不過一件起兩件止, 食得多太漏.<br>擔擔麵一窩上, 但我嫌佢辣左小小.<br>其他小菜都幾有水準, 不過侍應就吾係話好好.<br>有漏單情況出現, 服務態度亦吾係好好.<br>我係剛開業時去的, 吾知而家有冇改善呢？…查看更多

好耐冇食過雞批, 有次見到新鮮出爐.<br>熱辣辣賣相吸引, 所以買左個試下.<br>雞批幾大個, 入面有火腿,磨姑同雞肉～<br>好味又飽肚, 做下午茶一流呀～<br>仲有鮮奶撻都好味嫁～(^^)…查看更多

呢度鋪仔細細, 感覺舒服, 乾淨, 吾錯！接待我地的係日本女仔, 但操流利日語.仲介紹我地食套餐, 抵好多嫁！又真係好抵喎！叫左兩份拉麵套餐, 仲有一Ｄ小食...九洲麵～湯吾夠濃, 而且頗油, 但麵就好彈牙.鼓油味拉麵～我比較愛吃呢款, 清清地, 好味！跟餐有一客小牛扒飯, 日本米好好味, 甜甜地, 份量吾多, 但足夠.另外, 仲有一個手卷係跟餐的, 非常好味.好足料, 連個底都有三文魚. (^_^)仲叫左, 雞軟骨, 雞串同牛利, 即叫即燒, 熱辣辣.仲跟兩杯飲品. 埋單$15X, 非常抵食.有水準又超值, 可以黎試下呀！…查看更多

一向對呢度感覺吾差, 但上次試過任食...完全吾得. $58 係平, 但我都吾會再試.先講出面自己拿的食物, 可形容為混亂.粟米沙律變壞左, 仲不斷補, 要我地反映佢地先知.基本上你冇野會想食, 亦冇野好食！但主菜係肉...一樣令我地好失望.份量吾多, 因我地坐得好入, 根本吾夠分.因黎到我地張檯之前己經冇晒了.跟住我地同個waiter 講, 佢極之不禮貌.佢話:"咁你地而家有咩不滿丫！" 嘩～我地只係問?地Ｄ肉係點分配, 佢咁樣答我地！之後都冇mood 食了, 而且Ｄ肉類出得好小.吾止我地一檯不滿. 唉～極之失望. …查看更多

街坊格局, 好多部小電視, 乜台都有得睇.通常係一大班人黎食飯, 好鬼熱鬧.我地兩個人, 所以吾可以叫太多野. 但都吾失望喎.芝士石班～石班又脆又香口, 應該係新鮮的.個芝士汁好濃好好味, 送飯...好正呀！蒜子雞煲～好香呀, 我一向鍾意食蒜頭, o岩哂我！成煲都係炸過的蒜, 好味, 不過Ｄ雞就吾係咁得.油鹽水豆腐～豆腐入面有蝦, 調味好好. 得一啖吾辣,但之後越食越辣. Ｄ粉絲吸左Ｄ湯, 好好味嫁！…查看更多

我最鍾意焗一焗之後先食, 但吾好焗太耐.個邊邊脆脆地, 入面軟軟地就最好味了！不過呢度Ｄ包吾可以放太耐.我上次食吾哂, 一過左有效日期就發左毛毛.所以要趁新鮮食, 吾係就浪費了！…查看更多

近排興起日式居酒屋形式的餐廳. 呢引左好多人.上次同一大班朋友黎試下食晚飯, 幾好喎～！氣氛吾錯, 好適合一大班人傾謁食野.裝修幾靚, 吾係好有日本味, 但好舒服.侍應服務態度好, 值得一讚.因我地人多, 所以試左好多野...壽司, 魚生, 串燒, 沙律, 炸豆腐...仲有好多小食, 呢度包羅萬有, 乜都有得食.至於食物質素, 普普通通. 都係食氣氛多於一切.呢度長期多人, 記住先訂位.如果怕人多, 可以去世貿的分店, 比較小人.亦坐得比較舒服, 日本人較多.但我上次係去食午餐, 所以個餐牌吾同.叫左一個牛排午餐, 份量多, 呢間味道好Ｄ喎！而我推介魚子三文魚, 雞肉親子丼.佢係兩碗的, 一碗三文魚子飯, 一碗係雞肉飯.初見到咁多真係嚇一嚇, 因只係$8X ～魚子新鮮, 吾腥, 好甜好好味. 值得試下！總括黎講, 吾貴, 物有所值. 我推薦世貿分店.…查看更多

公司o係呢度附近, 所以例牌黎呢度飲茶食飯.呢度消費較高, 但食物水準不俗. 而且吾會好嘈.除左一般點心做得幾好之外, 老火湯都幾好.而我最鍾意呢度食物多完化. 成日有新菜式.試過"焗海鮮飯", 之前未試過在酒樓食, 好新奇.一大碟上, 夠晒一圍人食, 好好味～！呢度個蛋白杏仁茶都好正嫁, 又香又滑. (^^)…查看更多

尖沙咀的分店裝修幾好, 幾靜.有大梳化, 坐窗口位幾舒服.呢度吾會好多人, 所以幾正, 可以傾到謁.價錢吾貴, 五十幾蚊有份牛扒.份量仲吾細, 味道就普普通通.呢度話馳名咖喱同海南雞飯. 試過咖喱, 好似冇乜特別咋喎.海南雞飯就吾錯, 夠入味, 可以一試！…查看更多