Brid's Profile

見到好多人都讚佢地啲牛腩好食，叫個外賣叔屋企慢慢嘆，冇諗到係咁咁咁好味， 係北角最好食😋當然佢嘅酸菜魚，肉餅都令我刮目相看。 酸菜魚味道剛剛好唔會太酸或者太辣。肉餅係非常有彈性， 佢啲小菜都唔差值得一試…Read More

上次食生日飯已覺超值， 朋友選擇牛柳非常淋好味改變咗我對牛柳沒有肥膏嘅睇法。今次朋友聚會，我决定加錢食16安士肉眼。肉眼一上枱， 個心係嘩咗出嚟， 塊扒都幾大份加上佢side dish 係煎香脆薯仔，好味到我停唔到口， 勁脆口👍🏼肉眼要 medium rare有少少over但都唔影響味道， 好味， 整體令我回味無窮。但可以將薯仔份量減少加多少少沙律菜會冇咁膩。老公選擇食炭燒鱸魚（係我上次食過好味又大仔）但今次條魚細咗1/4，好彩都冇影響味道。契女選擇牛柳亦都保持到水準， 讚👍🏼飲品方面見好多人都選擇 Berry Well 但好失望完全淡而冇味， 因為我地選擇食set， 飲品可買1 送1， 所以另一杯選咗杯紅色飲品幾好飲但唔記得咗個名😜而我2杯都係 Smokey Passion, 飲品上枱後女侍應即噴上 Wisky 係飲品上， 所以每一口都有Wisky 味道， 好飲…讚👍🏼甜品選擇raspberry mouse cake今次略甜，上次帶一點酸， 比較喜愛上次嘅甜度會令整個晚餐畫上完美句號。希望佢哋可以修改一下。因為有7折， 所以今次都係超值， 我會再次到訪的。…Read More

之前曾經幫襯過， 手沖咖啡同佢地主打咖啡的確唔錯。 早幾日放假經過買杯冰凍咖啡， 嘩😳60$杯？ 因店內格局同之前有唔同， 沒有精品咖啡豆，沒有精緻蛋糕， 所有擺設明顯同之前唔同咗， 店舖亦唔見太多啡友去飲，個略帶點大隻（月巴）年輕老闆亦冇出現，完全唔似一間有精品咖啡店， 已經覺得奇奇怪怪， 感覺店舖似一間高檔咗嘅冰室。經查問下原來已經轉手， 唔怪之得杯冰咖啡會set到咁貴啦，咖啡味已經唔再好飲☹️再幫襯…不了🙅🏻‍♀️…Read More