lokling999的個人專頁

每次行入OTE, 都好想試下臨近海傍的日式夀司餐廳, 今日終於可以一試, 但就是要同一個很好的同事farewell,美景美食在前, 心情有點忐忑.真的好喜歡餐廳內一排的落地玻璃, 清楚望見對面港島景緻, 非常開揚.我地點左兩個雜錦魚生飯定食, 有沙律, 面豉湯, 蒸旦, 甜品是闕餅.雜錦魚生飯裡的魚生, 帶子, 蝦, 墨魚都算新鮮甜美,其他有一兩款相對無乜鮮味,  以$250左右一個定食來說, 一個值7分的魚生飯定食, 加上一個超美海景, 侍應服務都唔錯,  $250是值得去試的!…查看更多

平時行過旺角西洋菜街時總是很匆忙,今日放假路過附近剛好是午飯時間, 見到一間似是新開的茶餐廳, 一於試下新野先!我地點了個招牌海南雞飯, 套餐包一個中湯; 常餐招牌沙爹牛肉面, 套餐包括火腿煎旦牛角包.海南雞入口幾滑, 但唔算太新鮮, 油飯唔太肥膩, 少少香口, 唔差, 但如果說是招牌菜就要求高少少, 算是及格啦! 例湯是青紅蘿蔔湯, 都幾甜, 有點驚喜常餐沙爹牛肉面, 沙爹汁味好濃, 牛肉算是嫩滑, 成個公仔面好多沙爹汁浸住, 啖啖面都係濃濃沙爹汁, 正!兩個午餐$150, 以茶餐廳來說唔算平, 招牌海南雞飯要$90, CP值唔高; 反而$60 常餐沙爹牛肉面可以一試!…查看更多

好掛住日本呀!! 去完呢間日式餐廳, 真係可以一解鄉愁!超鐘意深淺木色的陳設, 好有日本西餐廳氣息! 今日並無book位, 好彩walk-in比到一個鐘我地, 打開餐牌, 好可愛的套餐賣相, 超吸晴! 好colorful, 唔同顏面富士山造型的飯團好正!點左兩個四品料理, 每款食物造型都好有心思, 最鐘意燒青魚, 富士山飯團, 桂花糖漬蕃茄. 超回味的一餐, 一定會 ENCORE!…查看更多

爹爹生日, 想買個靚靚旦糕影相, 最後係美心西餅訂左個兩磅嘅壽包旦糕. 呢個旦糕賣相幾靚, 影相出黎好搶鏡, 但味道好一般, 旦糕裡面好似清旦糕咁, 同期望有D落差.…查看更多

星期日同舊同事食飯, 搵左間地點方便的餐廳傾計食lunch，位於朗豪坊二樓，餐廳門口reception位置裝飾感覺好清新, 裡面亦有唔少打咭位。點左兩個 lunch set, 三文魚沙律， 招牌和牛漢堡包＆薯條，套餐包餐湯，飲品。食物質素而言， 唔算差， 亦無咩驚喜，招牌和牛漢堡包唔錯， 三文魚沙律就好一般，賣相亦欠誠意，沙律菜都算新鮮。以星期日來說，$300 兩個套餐，又可以坐幾個鐘頭，唔趕我地走已經算唔錯， 而且裝修幾好，好清新好舒服，係可以再encore 的餐廳！…查看更多

晚餐過後, 最開心就係同朋友聊下天, 常去Isquare 同膳, 就是未去過這間bar, 一於上Isquare 30/F 的Eyebar 吹吹風, 聊聊天!原來 Eyebar 是南海一號同一單位的,  要穿充過南海一號才可以到這個全室外的bar!  一行出室外, 維港兩邊最美的夜境盡入眼簾, 居高臨下, 感到格外舒暢! 我地點了Mocktail Lychee & Guava 及 Pineapple, 味道不錯, 配合這個美極夜境, 十分寫意! 最可惜係有多位人士在場吸煙, 尢其在呢個抗疫期間, 餐廳似乎不夠周到!…查看更多

趁今日仲放長假中，知道爸媽最愛歎唐茶，一於帶兩個寶貝去明閣試下點心先!   到達明閣已經下午兩點，被安排到類似偏廳的地方，由於偏廳只有少部分地方有窗比較”光猛” ，其餘地方採光度非常低，光線較暗淡，比起大廳的感覺略差!  普梨是我家最常飲的茶，這裡供應的普梨有茶味，不苦，入口有順滑，不錯!帶子賽磅蟹餃 ($78 三件) 餃子賣相精美，燈燈的餃子上面有煜帶子，薄薄餃子皮加上分別得出帶子味道及蟹的味道，很好!上素蒸粉果 ($62 三件) 皮薄而唔油膩, 清新的味道藍天使蝦脆腸粉 ($98)  腸粉內天婦羅蝦仍很脆，唔”淋”, 非常不錯!蜜汁叉燒包 ($68 三件) 一般鮑魚淮山雞札  ($88 二件) 比較一般，鮑魚只得一小條，跟名稱有點不符合期望明閤點心比一般酒家好吃，以這個價格而言，只是合符理想，但沒有驚喜可言! …查看更多

平日食lunch 都好趕時間，成日行過皇后大道中，都唔多為意有一間有好有歷史的中式餐廳係附近。呢間中式餐廳好有西方風格，裡面有酒吧台，主色調係紅色黑色，但假天花掛著好多紅色的掛飾，有兩隻紅色龍雕塑擺放廳的一邊，充滿中國色彩！  我地主要想食中式點心，叫左蝦餃，杞子燒賣，炸流沙包，煎腸粉，馬拉糕，春卷，壽包，花雕綿花雞，牛肉，豉汁蒸鳳爪， 燒腩仔， 炸蝦餅，啫啫唐生菜。  點心質素其實比較一般，價錢比一般酒樓貴，比較出色係啫啫唐生菜, 用蝦醬炒得好香好入味，燒腩仔都好淋身好味。 各人都食得唔太飽，每人消費$180，以中環食飯來說價格質素都係一般，但餐廳服務唔錯，無論帶位，上菜服務員都好有禮貌，好有笑容!…查看更多

慶祝同事周年紀念, 搵左間一樣咁有味道的中式餐廳賀下佢!!叫左十幾樣點心, 小籠包, 蘿蔔絲酥餅, 紅油抄手, 生煎包, 糖醋排骨, 上海粗炒, 都很有水準;  有幾道菜幾特別, 夾餅乳香肉, 乳香肉係好"淋身"有肉汁但唔覺得很炸好熱氣的朱肉; 去骨樟茶鴨味道很好很入味;  灌湯牛肉餅, 牛肉餡料好juicy, 外面皮好香口, 非常好食!   內裡環境就有點懷舊中西式風格, 非傳統酒樓裝修; 我地坐餐廳正中位置,  餐廳仍未坐滿人, 但冷氣非常不夠!每人要$300 左右, 以食物水準來說, 是一般性價比,  而且食物選擇不多!…查看更多

提早慶祝父親節, 爹爹愛食中菜, 就試試附近的上海菜館.  金滬庭菜館奶白色主調配藍淺灰色陳設, 配上大量玻璃鏡, 感覺優雅我地點左沙鍋雲吞雞, 片皮鴨, 酒醉乳鴿, 小籠包, 上海粗炒, 酸辣面, 蒜子莧菜, 生煎包等等..沙鍋雲吞雞湯好味, 味精感不重;  片皮鴨皮脆, 有點油膩, 粉皮有點厚身, 偏硬身; 酒醉乳鴿好難食, 用中式酒去做乳鴿感覺好奇怪, 唔夾; 小籠包, 生煎包一般水準;  上海粗炒 面好硬, 唔好食; 蒜子莧菜唔錯, 菜新鮮, 炒得唔錯; 酸辣面 用上粗身面口感唔好!雖然食物好壞參半, 但兩款茶都非常好, 叫左人參烏龍, 碧螺春.  另外, 侍應很殷勤, 無論點菜, 上菜等人服務態度很好!…查看更多

我家小朋友生日慶生，要求揾間有景的餐廳，又有食西餐，終於㨂左Isquare 炊公館😍一行4人，我地點左1 個套餐，有龍蝦湯，芒果沙律，美國牛柳，甜品拼盆，另外加A4 和牛，buffalo Wings ，三文魚扒，海鮮意粉食物整體幾好，A4 和牛有入口就溶的感覺，Buffalo wings 好食，唔太辣，朱古力mouse cake 朱古力味濃唔太甜，有水準👍最窩心係餐廳安排結他手，為我地唱生日歌，中文英文版都唱，大朋友小朋友都十分開心，有驚喜🥳🥳…查看更多

媽媽生日，諗住買個靚靚生日蛋糕慶祝下，點知個旦糕會變成咁😤成個塌哂 當日中午取旦糕時已有乾冰附盒，回家只需30mins 一直有冷氣，完全冇碰撞過，一直放雪櫃，夜晚開黎食先見到成咁😤個旦糕設計造工有問題！…查看更多

已經好耐無去太子搵食，今日剛考路過太子，突然好想食下宵夜，但又唔想去茶記喎. . . . .  靈機一觸，想起始創有間台式餐廳幾叮緻，一於同朋友試下先！ 從餐廳外面看，內裡裝修陳設比人好溫暖休閒感覺, 時已晚上9點幾，客人唔多，我地坐係窗口位置梳化卡位，最特別係有一個卡位雙人梳化係用威也吊住的，感覺更加休閒。 宵夜時段唔係太餓，主要想飲下野傾下計啦，我地點左 三文魚凱撒門沙律脆香鬆餅套餐 配 凍0 茶 ($99) ，同 水果茶 ($39)。 三文魚凱撒門沙律脆香鬆餅， 鬆餅好食，其實係普通格仔餅黎，軟硬啱啱好；三文魚沙律就一般啦，以$99  連飲品價錢來說，CP 值唔算好；至於水果茶 $39，係合理水準，味道唔錯。  食品質素一般, 雖然感覺休閒，但用上布料梳化，好難清理，不難見到梳化面上有好多污積，感覺好唔舒服!!!   …查看更多

Restaurant week 的第3餐，去左北京道1號的AQUA.  之前係呢度食過晚餐，lunch就未試過, 一於約埋朋友品嚐下呢間風景一流的餐廳先! 餐廳有26, 27樓, 我地被安排係27樓, 雖然唔係窗口位置, 但仍可清晰望見港島區景色, 景緻一流!!   可能係日頭關係, 不難發現餐廳設備係有點殘舊!     我點左 前菜 火炙油甘魚及鯉魚朝鮮醬海草沙律;   主菜 燒朱肋骨配日本押麥 ;  甜品 白朱古力奶凍配芒果.  熱情果  火炙油甘魚及鯉魚朝鮮醬海草沙律 ,  火炙油甘魚及鯉魚好有魚味, 肥美新鮮;    主菜 燒朱肋骨配日本押麥, 肉好實好韌, 肉味一般, 份量少;    甜品 白朱古力奶凍配芒果.  熱情果, 賣相唔好, 味道好一般! 呢間餐廳賣點係窗外景色, 但食物質素真係好普通, 以$220 (連加一) 去試都還可以, 再貴的價錢就真係唔值得啦, 最重要係連甜品賣相亦欠誠意! …查看更多

趁著restaurant week，同班同事去附近的Mercedes 試下先.  平日行過皇后大道中，只見有部車放係店門口，但唔留意真係好難發現裡面有餐廳.  Book 左1點10分， 我地1點5分已經到達，由於 lunch時間好緊迫， 我地一早已經寫好哂要食乜野，一到即刻可以點菜.    大約20分鐘後， 頭盤來了，我點左 熟紅柿，蘿蔔, 蒔蘿  (Vine Ripened Tomatoes)，  呢個前菜係好酸，  熟紅柿，蘿蔔口感唔錯, 好開胃;   主菜係 燒焦的加拿大豬肉里脊 (Charred Canadian Pork Loin) 配沙爹胡蘿蔔，青豆，柑橘  (Satay carrots, green beans, citrus),  賣相幾好, 豬肉里脊肉味好濃, 好嫩, 配菜新鮮;   最後甜品清酒，味噌，北海道牛奶冰淇淋 (Sake, miso, Hokkaido milk ice-cream)  清酒雪糕好滑好香， 配上有咬口的粒粒果仁，好特別好味道! 呢份午餐質素好好，可惜等待主菜的時間太耐， 1點50分先上主菜, 等左40分鐘, 仲要催左幾次再等齊我地7份主菜先上， 我地要好快咁食完份午餐，完全享受唔到，好可惜!   希望餐廳上菜時間可以改善一下! …查看更多