jupjup's Profile

今個澳門trip ,好多野再食返都冇以前咁好喇....唯獨係佢,最冇令我失望.....我第一次遇到佢,係澳門美食節啊,係macau tower出面塊空地,到而家問返我食過d咩,可能我都答都你少少,但係問我係邊間餐廳既攤位呢?sorry....得一間係我要自己記住個名..因為我一定要再食過.... 一坐低B豬去左洗手間,所以我自己發辦,因為魚湯粉既連帶效應(未試牛河),我少少地嗌左一個下午茶餐,同一個煎墨魚餅拼豬肉餅....首先講個餐先....一份豬肉丸+煎4隻韭菜餃+雞絲翅都係 MOP20,已經令人好驚喜,因為澳門既野食都貴左好多...豬肉丸,同以前一樣,彈牙爽口,有肉香,鮮甜,我鍾意食辣,通常都會加咖哩汁....韭菜餃真係意外收獲!皮脆而薄,亦冇話沾得太多油,咬落去係冇乜肉但係一D都唔會寡..(多謝你啊9527~~~~)最犀利係D韭菜.......我咁大個女係未食過咁嫩既韭菜既.....夠竟係邊度買既呢?(因為佢係紅街市後面,我真係好想去睇下,但係一來冇得試食,二來我又要去金沙,唔通拎住一紮韭菜咩?不過我真係好有興趣知架!)可以話係我食過最好既韭菜餃,至於個雞絲翅呢...因為前面果兩樣野太好喇,搞到我完全冇印象(即係唔特別好又唔特別差掛.......) 墨魚餅可以清清楚楚食到粒粒墨魚,仲係好甜既添...煙煙韌韌,好有咬口,不過我未食過佢既墨丸,我覺得我會鍾意墨丸多d喇~因為個豬肉餅唔夠肉丸好味啊,我都係鍾意加咖哩汁多d,期待下次同b豬一人一碟餃子一人一換丸丸啊~…Read More

1.海鮮忌廉湯-所謂海鮮,其實只得一隻大蜆,我食唔到有沙,不過個忌廉好稀,唔係好夠忌2.蟹子肉鬆芝士沙律-怪囉,好似自己係屋企亂整既野,難登大雅之堂3.手撕雞-哩個仲爆笑,你可唔可以想像下煲湯雞肉加美極同tabasco既味道?4.清酒煮大蜆-呢個算係最好味(我都覺)5.蒜蓉檸檬蝦伴怪味汁-可能佢切左蝦頭先煮的關係,所以蝦肉好老,不過個汁就幾好!(切頭即係唔新鮮啦,咁近鵝頸橋,買海鮮有幾貴?個汁唔好食晒啊,留黎點雲吞)6.莎樂美腸芝士卷-好好味,不過好似去左網吧食tea咁7.鮑魚雲吞,蟹子雲吞-無味得好犀利,問佢有冇野點,佢堅持話:下?好夠味架喇喎~我覺得佢咁既態度好唔得啊8.香矛蝦醬焗雞卷-雞肉太厚,份量太大,一個女仔食半件都滯啊9.酸忌廉海鮮意粉-所謂海鮮,又係得青口幾隻,我地17個人,佢俾4碟,每碟得3隻,點分?10.許留山芒果糯米糍-本來佢話係雲尼拿巴夫伴朱古力醬,不過後來改左每人一粒許留山芒果糯米糍,不知所謂有drink list.不過咩都話冇,上菜好慢,又唔會話有人問下你d野 o 唔ok啊.....個人上完菜就冇人,想叫野飲?等下個菜上檯囉!…Read More

暈船浪加宿醉,都阻止唔到我搵魚湯粉既決心,一落船就去左三盞燈搵我好掛住既魚湯粉喇,另外加左一個生菜,揀左馬拉盞,冇做洋蔥餅喇?好耐添?咁邊度有得食啊?b豬一路食一路扁嘴,冇佢想像中咁好味,仲係咁問點解我會覺得好食(平時我話得好食既野都佢唔會reject既,但係今次......)因為馬拉盞係用好多油整既,我又作嘔作悶,咪撥開冇乜點食囉,埋單時佢話$7x ,哇冇聽錯嘛?兩碗粉一碟菜一支野飲咋喎......(要知道一碗粉都係$1x度),佢話係啊,個生菜$28...............................當堂眼都突埋....以為係因為佢d馬拉盞好貴啦.門口擺住一樽樽既馬拉盞都係$28(大過一甖普通size花生醬)之後我就拗爆頭喇,點解要咁貴呢?b豬話佢地掠水,我都覺得有少少,始終係香港黎講$28碟油菜都好貴,更何況澳門......好在第2日b豬同我去左隔離食牛河(你可以睇埋我其他食評丫)補返數,食完隔離鋪我地都覺得....哩間鋪,我地應該同佢緣盡架喇......p.s.一舊舊好多窿窿既唔係粟米黎架,係芭蕉莖,唔好再搞錯喇!…Read More

本來真係好飽,所以諗住分一小碗食,因為b豬想試先同佢去,第一日b豬陪我去隔離食魚湯粉好失望,所以我想補償返佢,但係真係好有驚喜,牛肉係瘦,但係超淋,又片得薄,浸一浸湯d肉味出晒黎,令到個湯好好飲啊,河粉係一級貨,精瑩通透,呈本透明狀態,滑到"殊殊"聲啊,加埋佢個辣椒油,食下食下我都食左半碗lu,另外仲嗌左綠豆糖水,係腐竹海帶綠豆,好清涼啊,不過甜左少少囉,唔飲糖水佢都有支裝可樂呢!p.s佢個辣椒油係我近期食過既最好食,裡面有炸乾蔥啊,真係好香好香,唔食得辣可以加佢個沙嗲醬都好香呢,咁少野已經可以令到一碗粉更加完美,其他食肆應該借鏡啦…Read More

行過見到咪買一個試下囉,去澳門唔係賭錢架,係為食野,所以我唔會錯失任何試新野既機會(雖然真係唔夠quota食舊野,冇計啦)可能就黎收工,佢係夾下面已經切好既肉,因為個鐵盤係熱既,所以d肉既肉汁都流失晒,仲有少少硬,而個包有少少厚啊!同埋以澳門野食既價錢都算貴喇!p.s我係台灣食過真正既shawama,真係好好食架,哩個有太大對比喇....…Read More

好耐冇去澳門lu~成日提起佢既炸雞,終於可以帶佢去食,第一次去既時候,係俾佢既香味吸引到入去既.....通常我會買多幾隻返香港食架,加d鹽同辣粉真係好食到唔停得口,又脆又juicy,今次試左個炸墨丸,成$15一串,同普通既墨魚丸冇分別,勸你地唔好試喇(我以為$15一份,點知b豬買完返黎話得一串,如果我知道咁貴我都唔會買,真係唔抵嘛,點知仲要咁普通,真係激死我啊!)…Read More

咁既價錢唔好咁多要求啦,$18當碗仔翅咁食囉,其實真係食唔到好多翅,$30果個係就係多d,不過頭頭尾尾果d位又少少韌啊,下次去試下有花膠果d先,其實個羹推得好好靚,值得一讚…Read More

佢寫住中國唔知咩金獎,咁咪試下囉,成$45先得果少少,都唔緊要啦,如果好食係貴d架喇,點知一夾就爛,係佢成個底爆開,你以為佢好薄咩?又估錯喇,係又硬又厚既,睇相都見到佢係一d都唔通透既,咁做到咁厚但係又爛既皮,係咪巧奪天工呢?仲唔快d去試?…Read More

第一次去既時候都成6年前,果陣我記得係真係好好食架,唔知係人大左要求高左定係咩呢,硬係覺得冇咁好食lu,尤其係塊豬扒,好似落左好多鬆肉粉咁,林得黎好假,唯一保持到水準既係佢地既咖哩汁,好香濃,又夠辣,都會再去既,因為個咖哩汁撈麵真係唔錯架!…Read More

佢地介紹完之後,我行過根本逼唔到埋去,又要排隊,咁耐以黎都未試過,都唔知幾點先會少d人........第一次係冇買手信囉....,..好唔開心......p.s.其實澳門人係唔食果兩間大野既,又貴又唔好食,100蚊有60蚊係俾包裝/廣告/試食......羊毛出在羊身上......…Read More