chankamann's Profile

啱啱號喺荃灣做嘢，同同事打算吃一啲豐富啲精緻啲嘅午餐，行過就入咗嚟呢間餐廳我哋幾個分別叫咗個all day Breakfast、一個risotto同一個輕食沙律(啲名真係有少少唔記得😂）ADB同個沙律味道正常，但係個risotto好好味，味道好濃郁，食得出嗰個汁係用蝦頭熬出嚟Overall都唔錯嘅餐廳，食飯嘅時候好放鬆，係幾呀慢慢食、chill住食嘅餐廳另外唔知呢一個算唔算係加分為，呢度嘅職員當日遇到嘅係要講英文，哈哈即刻覺得有啲異國風情🤣…Read More

上次同朋友食完，見閑日唔多人夜晚再一丁友試下今次一個人叫咗一個芝士焗龍蝦意大利飯，加20蚊可以再加個湯同餐包今日個餐湯係南瓜湯，同埋飲嘅時候會飲到少少南瓜蓉，飲得出係用真南瓜打出黎，個湯要讚。另外，佢個餐包我都好鐘意，問咗侍應話係蜜糖燕麥包，所以唔洗搽牛油，本身個包已經有少少甜味。同埋另一個加分位係，佢哋會焗熱個包，所以食嘅時候熱辣辣好好味去到個重頭戲——龍蝦意大利飯，一個人真係會食得好滿足😂😂隻龍蝦都幾大隻，雖然係用芝士焗，但係又唔會覺得好飽濟，個意大利飯都煮得啱啱好，唔會過淋，而龍蝦味亦都適中唔會過咸Overall is a good dinner!!忙完一日係幾好嘅慰藉😂…Read More

經過見到間西餐廳，門面顏色幾靚幾warm，就諗住過嚟試吓，估唔到都幾好食👍我同個朋友就冇叫到二人餐，諗住食多幾款前菜試吓，頭盤我哋叫咗一個三文魚牛油果他他同蘆筍帶子。第一個蘆筍帶子，粒粒帶子都好大粒，同埋個汁落咗啲黑松露，味道都好香濃。不過個他他仲有驚喜，特別佢下層個牛油果應該係落咗一啲青檸汁，所以食落去成個好Refreshing!而個主菜分別叫咗一個三文魚扒同埋牛扒，本身單點只可以叫肉眼扒，不過嗰日餐廳生意太好，已經賣晒肉眼扒，所以就轉咗做8oz西冷扒，價錢亦都相對平啲三文魚扒係拌檸檬牛油汁，就好似我咁鍾意食檸檬味嘅人，應該會幾鍾意嗰他他同呢一個三文魚扒，牛油奶油味好香之餘，又帶少少檸檬酸味，食完完全唔覺得油膩如果西冷牛扒成數都好準確，個肉質都好好食，所以整體來講成餐飯都好食，而且買單兩位都係$500內，都覺得性價比唔錯！不過我哋去嗰日都幾爆滿，遲黎一步就得返吧枱可以坐，好彩又趁未多人之前，吧枱有位，可以影到張野食靚相😂…Read More

雖然只係嗌外賣，但係嘢食好好食，特別係蔥油雞，個雞非常之滑，連埋上面嘅蔥油同埋炸蒜片，食得好滋味！另外都嗌咗一個黑椒炒烏冬，一般茶記食嗰啲烏冬會好油膩，但係佢剛剛好，唔會覺得太油或者太鹹！另外都嗌咗小食糖心蛋同埋魷魚鬚，但係就唔記得影相，個魷魚鬚都非常之好食！…Read More