heathersitfafa的個人專頁

前幾日喺旺角行完街好想食辣野，然後經過先達附近呢間泰國野，就諗住入去試吓因為之前朋友都有食過話ok，我哋六點幾左右到咗等左一陣就有位。我哋得兩個人，驚食唔到好多所以只係叫咗一個主菜，粉絲蝦煲都幾大份好多料，個煲有好多隻蝦，我哋食晒啲粉絲都仲有個兩隻蝦未食🤣粉絲都好煙un，唔會覺得好淋👍🏾👍🏾d蝦都好入味😍😍另外一個就叫左冬陰公湯，亦都有大蝦既，佢既冬陰公味道非常正宗，酸甜亦有小許辣味，配菜好足料，作為主菜前既開胃菜就岩哂啦！然後每次食泰國嘢我都好鍾意食椰菜苗，因為好似唔係度度都有得食呢個椰菜苗辣得黎都幾惹味😍😍😍椰青都係每次食泰國菜必叫🤣雖然啲椰青水唔係好甜，但係啲椰肉好淋同好好味…查看更多

黃埔既food court好多選擇，拉麵癮起，就揀呢間誠拉麵啦！同其他舖頭一樣都係可以坐係bar枱前面睇住師傅整野食既。我朋友叫左豚骨味噌拉麵，而我就叫左赤豚骨拉麵（特），赤姐係辣既。五至九點都可以+$22加購做套餐，兩個都轉左做套餐，要3隻餃子同可樂。🍜 叉燒既脂肪同肉既比例好平均👍🏻上碟之前見到佢係用左火槍燒一燒佢既表面，增加左香口既味道😋另外麵身適中，份量都岩岩好湯底既味噌亦都唔會太咸。糖心蛋亦無煮得太熟無左果個糖心既效果！套餐包埋小食有3隻煎餃子🥟，餡料味道都ok，不過可以再煎燶少少，咬落會脆口d。下次黎會試下佢既沾麵，希望遲d再黎唔洗排長龍啦！…查看更多

深水埗出名多地道野食，但想食西式餐廳選擇就少之又少。早前聽朋友講過有間手作意粉，趁得閒d就去試左，位置唔難搵，就係大街對住大馬路。裝修好靚，好新淨，服務員都好好笑容，知道我地book左位，突登揀張靜少少既枱俾我地。主要係想佢既pasta，首先揀左黑松露野菌忌廉汁手扭麵，服務員介紹手扭麵既由來，話係以前外國監獄既人發明既，非常有趣。價錢係呢區算貴，但係質素黎講係超水準，手扭粉非常彈牙，黑松露味十足。令我想試埋其他pasta!美國黑安格斯黑醋醬，服務員介紹係慢煮煮成，我地叫左medium rare，見到中心仲係粉粉的，食落口就知呢間餐廳有幾用心，完全唔係快餐店求其煎兩煎既水準。另外護心肉配黑醋醬係好夾，餐廳用料用心。見到門口有牌寫住有today’s special，好奇心驅使底下叫左意式羅馬茄煮鱸魚，一開始叫既時候，服務員有同我地講因為食物即叫即做，所以要半小時既等待。好味有誠意既食物，又怕咩等耐少少呢。整條鱸魚浸游係茄湯之中，鱸魚係餐廳每朝新解買番黎既，鮮甜又無咩骨，我朋友平時唔食魚都食左半條！…查看更多

話說同friend係荃灣行行下街突然好想食放題，咁岩經過大鴻輝就平平地揀左呢間食。好彩我地早，未夠6:00就到，等左一陣就入得！一坐低就梗係叫左刺身先！每款都叫左幾件。赤貝同螺片都好鮮甜，好快清哂！我自己就最鍾意食甜蝦，佢有大隻細隻⋯⋯我就覺得細隻既甜蝦最好味最甜海膽手卷海膽嘅份量都唔少，但唔算好鮮甜，可以一試，話哂唔係間間放題都有海膽食架！炙燒既壽司都唔錯，好有肉汁，juicy juicy的。蟹粥係我每次去食放題都必嗌既😂😂蟹既份量唔多，但係個粥都幾鮮甜雞翼同香芋波波都係必叫👍🏾👍🏾👍🏾最怕炸物係唔熱既，一凍左就會變得好油，呢間上到黎係熱辣辣既！7:30前走208一位，都算幾抵佢仲有movenpick雪糕食！！但係個日唔係好舒服唔敢食凍野就冇食到，下次去一定會食…查看更多

每人叫左一個瘋狂套餐 - $222有齊麵食 飲品 小吃同甜品😋由於唔係好食得辣既關係，所以冇試到辣既野🌶🍅番茄牛肉麵-番茄湯底好夠味，麵底係幼麵，唔會太軟或者太硬，配埋個牛𦟌好腍，一碗真係唔夠喉👍🏻瘋狂大排面(BB辣)🍜-湯底有少少麻辣，加埋有紅燒感覺既豬軟骨，唔錯！蒸蛋🥚-蛋個口感好滑，淡淡既蛋香配埋蔥同肉碎，味道剛剛好蒜泥青瓜🥒-青瓜好爽口，食飯前食呢個小食都幾開胃成都老冰粉-呢個甜品好特別🤤聽講可以係用黎解辣🤔第一次試已經愛上佢！入面有唔同既配料:山楂片/酒米/花生/提子/白芝麻，每一啖食落都會有唔同既口感醪糟粉子🍡-好似酒釀丸子咁，食落冇好濃既酒味，粉子都有Q彈既感覺…查看更多

話說同friend約左食飯，佢咁岩係葵興既KCC返工，諗住喺商場是但搵一間餐廳食。嗰度都幾多嘢食，但係個friend想食叻沙，所以揀咗呢間食我地都幾早，6點半左右到，但已經有幾台食緊。一坐低就見到個碗好特別，好得意嘅公雞碗🤣因為今日都幾早食晏，所以好肚餓，叫咗一人一碗麵先。佢叫咗個招牌Mee叻沙～～個叻沙好足料，好多餸！食完先發覺原來個底仲有啲蜆，但係都唔係好貴，好抵食個叻沙用咗兩款面去整，個口感好特別我自己就叫左呢個牛骨湯河，好鍾意個湯底，好濃牛味但係又唔會太鹹👍🏾👍🏾最鍾意係佢既牛丸，好彈牙～～正！之後食食吓發覺好開胃，所以叫埋個小食拼盤，因為可以樣樣野都試吓一開頭嚟到覺得好大份，好驚食唔晒，點知最後我哋竟然食得晒，因為都好好味個蝦餅係我最鍾意，外面好脆但係入邊啲肉又好彈牙～鳳爪都好好食，夠入味最後因為大家都好想食個芒果糯米飯，所以雖然好飽但係都叫咗好彩份量都唔係好大，佢一邊係芒果，另一邊係有芒果加啲飯，啲芒果雖然唔係好甜，但係同個飯同椰奶好夾雖然唔會成日去葵興，但個friend叫我下次再去搵佢食飯要去返呢間，不過原來佢都有幾多分店，下次會再試下其他分店！…查看更多

世界第一碗米之蓮一星拉麵，見到出面個廣告都覺得非常吸引。以為好食既拉麵會係好up dup，同舊式細細間家庭式經營？相信食過呢間會令大家對拉麵店有另一個睇法。舖頭光猛又寬敞，食拉麵都可以坐得舒舒服服架！睇番個menu，除左有基本既叉燒拉麵，仲會有照燒雞拉麵，對於成日食拉麵既朋友又多個新鮮感。不過我都係選擇番叉燒拉麵對於軟綿綿既叉燒我絕對係無法抗拒，呢個湯底就係拎米芝連既重點！清新既味道再加埋面頭既松露醬溏心蛋煮得岩岩好，係估唔到佢會爆哂d蛋汁出黎！個蛋係好想好想追加架，出面蛋白亦都非常入味…查看更多

去拉麵舖頭必填的拉麵紙一見到沾麵係毫不猶豫地會選擇的，係我喜歡的粗沾麵我同朋友分別選擇了特製辣味同同特製拉麵。每碗都有三大塊叉燒，兩塊紫菜同半隻蛋。沾麵湯入面仲有不少既荀佢既叉燒咬落去好軟綿綿，油脂分佈好好令佢浸落湯度吸哂d湯汁舖頭好貼心地有埋卡通教大家點食，相信而家沾麵係香港越黎越popular，我諗大家已經變左expert la!場上面貼住一d期間限定既拉麵，見到有人哪左冷麵，非常吸引另外，仲叫左燒牛舌，本身以為係厚厚地果隻，點知原來薄薄地都可以好爽口架下次試下其他小食先！…查看更多

係斜路上既一間小店，入面坐左唔少客人，朋友鍾意食雲吞，見menu不錯，就入去試試。前菜叫咗涼拌青瓜，由於要食好多野所以揀個開胃啲嘅嘢食，平平哋細細份只係需要$15。叫咗其中一個雲吞叫做薑汁椰菜豬肉雲吞，啲雲吞夠大粒又足料，個雲吞皮唔會太厚，食落都算啱啱好，而薑絲唔係好多，所以唔會搶晒豬肉嘅味道，湯底清淡得嚟好配合雲吞嘅味道。然後另外一個試咗檸辣撈雲吞，幾有驚喜，本身會覺得好有辣味，但係加埋青檸汁之後感覺非常清新。仲帶試咗川煎麻醬鮮腸粉，腸粉口感好煙韌，好有口感，煎得啱啱好又唔會好燶，而且用咗有辣味嘅麻醬，令腸粉味道再提升。飲品叫咗羅漢果野生靈芝茶同埋烏梅山楂洛神花茶，羅漢果甜甜地又潤肺解渴，洛神花茶可以調節血壓又消滯，所以兩杯飲落都好舒服，舒緩食雲吞嘅飽滯感覺。…查看更多

由於而家返工係天水圍區，好多時都會去元朗嘅商場行吓尤其係YOHO MALL。返工咁辛苦當然要食D好嘢黎獎勵下自己啦。早排知道呢度新開左間放題，同事即刻話要book位試下，好彩同事醒目有book到位就算book咗位都要喺鋪頭出面排長龍㗎，所以唔想等位嘅話就記住要book咗位先嚟喇。放題野飲選擇好多，好開心有清熱飲！食放題會食好多熱氣野，我成餐飯就只係飲佢:)佢仲有一個位置係Flo前菜嘅，每個人都會拎嘅就係黑松露炒雜菌，我同我朋友都拎咗三四轉，去到第三轉嘅時候成個盤都空晒要等佢refill了。刺身就一如預期咁都尚算新鮮我點幾多件佢就黎齊幾多件，仲有得叫大隻既刺身蝦！海膽手卷都非常唔錯，唔會有腥味同埋佢細細件唔會食完一個海膽手卷就飽晒同埋非常貼心嘅係佢設有暖野飲嘅櫃唔係每個顧客都會想飲凍飲非常加分！…查看更多

這是一家坐落在鬧市外的小咖啡店，店鋪小小的，很精緻。從店內的擺設，可以看出店家的用心。偶然認識了這家小店，卻讓我們不知不覺地淪陷其中，即使到店鋪打烊了，都捨不得離開。與好友分別點了一杯榛子咖啡和泡沫綠茶，兩杯飲品都很出眾，咖啡和泡沫綠茶的氣味香濃，口味順滑。我們還點了一份草莓pancake和雙色薯條（薯仔和番薯），雙色薯條配有黑松露的sauce，一口接一口地吃，完全停不下來。坐在玻璃窗前，任陽光肆無忌憚地撒在店內的每個角落。一杯咖啡，一本書，就可以過一個閒適的下午。…查看更多

星期日難得空閒，走去尖沙咀行下街。自己一個想食得輕鬆自在啲，就揀左呢間冰室，我係九龍公園果邊行過黎，有小小難搵，不過原來只要穿過相中呢個小通道就可以即刻到達！有興趣試既朋友記住喇！入到去係好闊落既感覺，唔會好似普通冰室咁，要坐到好逼好逼！我見好多人食滑蛋叉燒飯，不過又好似太heavy，所以揀左鮮忌廉雞湯鮑魚火腿絲通粉呢個餐！送麥包多士同炒滑蛋。佢既鮑魚絲唔係得幾條架，都好多，所以每啖通粉都送到啲火腿絲或者鮑魚絲，係足料既！另外，個滑蛋真係好正！又香又滑，佢無炒到熟哂老哂咁，下次再黎有好大原因都係個炒蛋我將會放係多士上面食，三到爆架野飲方面，我加左$6叫左愛爾蘭咖啡，香港有邊間冰室係可以有得飲？可見老細係十分有心思，咖啡味道不錯，亦好香，再下次都會encore!另外見到對面飲熱奶茶都係好吸引！我係食哂成個通粉再飲左小小湯想再試其他口味既通粉呀！…查看更多

住係粉嶺食野真係無咩選擇，有日行過聯和墟見到有間新加坡五星級大廚主理既餐廳，打算試試佢！雖然牌頭好厲害，但入面係有種溫暖既感覺架，而且價錢係絕對親民，最愛呢d小店！先叫左個海南雞飯，d雞係又香又滑架，唔係得個滑字又無味果種，食左好多舊都係無點醬如果要我揀個最好味既醬我會揀黑色果個醬油，甜甜地同d雞好夾架！你地睇下雞皮同雞肉之間果層啫喱喂呀會唔會太正呀，食到停唔到口個餐有配埋木耳做前菜，酸酸地既汁，好開胃，又可以唔洗加錢都食到多一種菜我同朋友見佢個飯咁正，就起勢咁叫左好多野食，我諗其他客人見到我地兩個實嚇親下面咁多個小食入面，我最鐘意雞絲粉皮同燻蹄，大廚不愧係大廚，可以整到每個小菜既汁都唔同味，你叫可以點唔推介俾其他朋友仔黎呀下一次一定要另叫一碟雲耳同試埋牛展！…查看更多

第一次食呢間火鍋本身無抱住太大既期望，諗住打邊爐都係十下十下咁不過實在好有驚喜！揀左招牌五格，有木瓜煮蝦、蘿蔔牛腩、沙嗲、麻辣、龍蝦5款湯底。 各款各有特色，我地最鐘意既係沙嗲，香甜又野味，我差不多將所有野食都放左係沙嗲湯度煮。另外蘿蔔都愈煮愈入味，係極香牛腩味！4個人叫左咁多野食，我地認為牛肉放入麻辣湯食係最正，同埋佢d雞脾菇切到好厚，岩哂我😍不過我覺得呢個招牌企鵝仔可以唔洗叫😅😅唔太似企鵝.......…查看更多

又來到神戶屋放題啦，每次都揀佢因為水準keep得好好唔會話無啦啦失準。食放題主角都係食刺身兩個女仔都係每樣叫左少少嚟試吓，最呢度最好嘅就係有埋海膽同生蠔食，海膽唔會話有腥味，雖然唔係超級鮮甜，但都有海水味，平平哋食放題食下生蠔海膽感覺已經回咗本。壽司就只係揀咗兩款，平時去壽司店都一定會嗌既芥辣八爪魚軍艦。另一個揀呢間放題嘅原因就係有得打邊爐，其實仲有部隊鍋選擇架，不過朋友唔食得辣所以只係揀咗部普通邊爐打，仲有最愛嘅辛辣麵可以食添啊。嘢飲除咗最普通嘅罐裝檸檬茶，仲有韓國罐裝飲品，菠蘿汁同埋西柚汁。唔鍾意食雀巢雪糕嘅仲可以揀超細盒嘅百福豆腐花，最最最最深刻印象嘅就係最後每人可以食一條嘅韓國雪條，今次揀咗芝士蛋糕味好特別好似食緊芝士蛋糕咁呀…查看更多