肥豬寶寶's Profile

經過見下午茶餐78折，未嘗過所以試吓。$76一個麵餐，有前菜有小食，最令我估唔到嘅係個湯底好清甜好好味，值得推介！同時我亦追加了小籠包（4隻）及鍋貼（3隻），小籠包皮薄多汁，鍋貼就略嫌唔夠熱！2人食，大家都很飽很滿足！…Read More

$68真係超值👍🏻step1我揀咗韓式炒粉絲（japchae) + 飯，份量都好多，之後餸可以揀2樣，我揀咗韓式炒牛肉同豆腐，牛肉好好食，我本來以為橙色的豆腐是南瓜，點知原來係豆腐😅呢個餸比預計似中菜，不過都好味。廚師俾咗好多生菜，之後佢仲送咗西蘭花沙律俾我試！其實本身我係因為佢嘅沙律吸引我去幫襯，但原來要沙律只可以減少一個餸，所以最後只係試咗少少沙律，下次一定要試吓佢啲沙律😊成個飯盒份量好多，佢仲送多一碗麵豉湯，真係好抵食👍🏻不過因為舖頭細，堂食比較少位，所以我只係買外賣冇堂食，呢個是唯一的缺點吧！…Read More

很豐富的早餐！食物味道ok, 份量好足夠，仲有多士同蛋未影相🤣有特色的牛腦麵、牛寶麵、牛沙瓜麵😂不過我今次第一次食只係order咗牛丸麵，下次幫襯要試吓其他先得！…Read More

老公之前去東區醫院覆診食個早餐之後大讃抵食兼好味，所以今早特登帶我過嚟食早餐。早晨至11:30，都有好多人。沙嗲牛肉麵的牛肉有牛肉味，不錯，而我就食豬小排腸仔麵，豬小排好味，腸仔就鹹咗啲！本身早餐跟日式湯種包，但今日冇曬餐包所以以多士代替，不過老公話上次食過的餐包上枱時還是熱辣辣，很新鮮，不過多士亦唔錯😋最正係杯奶茶，有茶香味👍🏻早餐價錢$40-$43，抵食推介，希望可以keep住水準💪🏻…Read More