尋覓搵美食's Profile

星期日晚餐當然唔想太太煑也想留港消費、因為今日贏咗馬仔去賀一下7:30到達(之前電話留位）尚有幾張空枱例牌港式食肆要求90分鐘不過兩個人去食也足夠時間吧最抵嘅係Soboro beer 可以buy one get one free十幾條串燒再加一個鰻魚炒飯、非常之完美 最好就係入場receptionist 問你要唔要個火爐？呢樣真係唔錯的選擇/服務可以為食物保温、保存味道最值得一贊我唔小心跌咗隻筷子兩位服務員各自立即主動送上一對新的兩個人消費$570會再次幫襯 …Read More

揸車車太太去開九龍城買餸，咁樣就順路去呢度買返幾個牛肉飽回家做下午茶，車到門口落車見門口唔少人等位，於是入去櫃位買四個牛肉飽外賣，之後返上車等待十五分鐘見仲未得？落車去問問佢就話差唔多、再過五分鐘見都等咗20分鐘冇理由咁耐，阿姐睇吓個落單時間就自己答：係喎點解咁耐嘅？再追之下又多7-8分鐘先有！四個牛肉包要25-6分鐘等唔等得真係自己諗下吧😝😝😝…Read More

星期日因為下午同朋友食過下午茶，晚餐冇去食但係又有少少肚餓之下，太太建議不如去食甜品，於是我就想起第三街嘅松屋了，一如預期維持水準；不過想叫個鰻魚飯或者蛋包飯，可惜可能夜咗少少之後飯已經沽清，老闆話試吓他的串燒雞肉又真係唔錯，比起以前佢對面已經搬走咗嘅BBQ有過之而無不及！而那個綠茶心太軟配合那一個雲呢拿雪糕，唔太甜又能帶出綠茶味道，而最後個疏乎厘好大個，聽到師傅講原來也已經用晒材料，不佢可能覺得乜都沽清對客人感受唔好，於是再刻意開工再去預備材料，結果之後再有兩枱客人入嚟，因為見到我哋個疏乎厘好大個，都話要試試真係唔錯，值得再三來幫襯！😍😍😍👍🏻👍🏻👍🏻…Read More