into.wandering's Profile

隱藏於鬧市中的一間越式餐廳。早前一直裝修中。4月頭經過見開番入去睇睇有咩變化。整體風格變了木質系cafe feel。梳化望落無換到但都有打理過。乾淨整潔。餐牌亦有所不同，是日叫了兩個飯餐。- 越式咖啡豬軟骨飯：豬軟骨炆得夠淋，但咖啡味不濃- 法式牛柳粒红飯：牛柳粒是煎的，紅飯是茄汁炒飯- 越南滴漏咖啡：煉奶底，賣相取勝，凍飲冰底會另上不用排隊，店內氣氛平靜，適合聊天Vietnamese fusion dishVietnamese coffee pork cartilage rice: pork cartilage is deep-fried enough, but the coffee smell is not strong as you may imagine French beef fillet red rice: beef fillet is fried, and red rice is fried rice with eggplant sauceVietnamese dripping coffee: condensed milk base, good for taking photo. Cup of ice will be provided in cold drink. A Vietnamese restaurant hidden in the downtown. It has been under renovation before til the early April. The overall decoration style has changed to a wooden cafe feel. No need to queue up. The atmosphere in the store is calm and suitable for chatting.…Read More

第一次食呢間日本野，有驚喜。四個人食，叫左個晚市二人餐，但足夠四個人食咁豐富！前菜有一大盤沙律、一份厚切三文魚刺身、唔凍的毛豆，仲有味噌湯、壽喜燒牛肉鍋、一個鰻魚炒飯….因為無預計過2人餐份量都咁足，所以追加左一個刺身拼盤，海膽差唔多有成板咁多，鮮味！見到餐廳仲有小房間間隔，多人既話可能可以Book到一個專屬空間～總的來說，性價比幾高！…Read More

同事帶我食好西系列＜旺角甜記餃子＞同事介紹 位於旺角中心地帶的餃子店 門外有本簿仔自助登記等店員叫號 長期排隊店 一張二人枱有一人坐緊佢都唔會安排人再搭 所以少人數排會比較著數 大團體可能等候時間會耐些少提供兩種餃子，分別是湯餃子和炸餃子。湯底有兩種，番茄薯仔湯同經典的雞湯餃子的餡料有多種選擇，菜芯豬肉，韮菜豬肉，椰菜冬菇雲耳豬肉，粟米芝士雞肉，京蔥羊肉和西洋菜豬肉等等是日吃了 羊肉味濃 的京蔥羊肉餃和西洋菜餡料充足西洋菜豬肉餃 西洋菜愛好者表示十分滿意豆漿是樽裝上 和街外賣的差不多感覺辣菜浦幾辣下 要浸湯食 後勁好強…Read More

附近不算很多餐廳，特別喜歡這間西餐廳！今次點了酸種包，份量相對輕省，蛋沙律的味道剛剛好，加上蔬菜沙律，如果想吃一個輕便的午餐，非常合適。這份餐點有附上濃湯，而且定期會轉變，可以試不同口味。餐廳是落地玻璃設計，可以靜靜地望住陽光同附近的植物擺動，稍稍地讓自己在忙碌的生活中放鬆，對自己好點，食個輕鬆的午餐！餐牌仲有其他好吸引的美食，可以試下其他，夜晚仲會變身成酒吧，間唔中見到佢有Ladies Night。仲有一件有趣的事，餐廳內有部大投映機，有時會播歌，甚至試過播足球賽，可以約朋友一齊享受下！…Read More

慢煮豬手肉配酸種包 / 英式鯷魚牛油 /蘋果八爪魚鯷魚蕃茄醬意粉一間裝修氣氛都舒服的西餐廳，內裏是木製的桌椅，文青工藝風格。點了兩個餐點，配搭都不是一般西餐廳會食到的，感覺到有用心設計餐單！八爪魚原本配墨魚麵，但剛好無貨，轉了普通意粉，味道一樣不錯，魚柳調味酸酸地，是有另外調味的，稍酸，但因此不腥。另外的手撕豬手肉多士，上面有較少食到的鯷魚牛油，加上蘋果調味，令整體口感不會太重。最後點了柚子茶，加上香草的調味，亦比一般只落茶包的花茶有心思。…Read More

讚好台灣 是日下午茶揀左讚好台灣 價廉物美 相當抵食 自選1款主食 +3款小食 配飲品兩個人叫左兩個套餐 主食 試左 麻辣擔擔麵 （小辣 譚仔10小辣既程度）麻醬乾麵 （唔辣 正正常常）小食方面試左1. 逄甲盬酥雞 （ok 好食既）2. 甘梅脆薯 （推介 加梅粉 成件事好台灣！👍🏽）3. 夜市小香腸 （正常台灣腸）4. 椒麻牛肚絲 （稍辣 有譚仔5少辣既感覺）飲品揀左1. 特調咖啡 （正常 一般咖啡 ）2. 香芋奶茶！！ （市面上好少見但本人極愛既一款台式飲品！！ 👍🏽👍🏽👍🏽）下午茶時間唔使排隊 店員仲會企門口yo人入去 好好招呼 推介👍🏽…Read More

趕時間最岩食快餐 當期主題係海賊王 雖然唔係fans但都覺得幾靚個包裝 餐廳係moko 一田個層 係正自助收銀機對面 店面好細 無堂食位 只能坐係一田範圍 有兩張枱 唔係繁忙時間可能都有位坐 …Read More

叫外賣，海南雞不過不失，最正既係無骨。佢既油飯好出色，感覺好有雞味，而且份量都幾充足。美中不足係無乜配料，只係得青瓜兩舊，食食下覺得有D寡。另外買左個馬拉盞通菜，都有D咸，但不辣的，用黎送番都可以。最後送一杯檸檬薏米水，都幾大杯，算幾有誠意。估計堂食熱食會再好味D。…Read More

想食個健康的午餐，打開MENU，見到有全日早餐，一眼就比個蕃茄湯吸引左。加$30仲有個羽衣甘藍沙律。本身一個人食擔心會唔會食唔哂，點知份量剛剛好。而且仲要好fresh。三層芝士的濃郁味，比想像中正，加熱了剛剛好，好正！最後仲送左個黑糖姜母茶。環境好舒服企理，一個人靜靜地食個午飯，感覺好舒服。推薦。…Read More

平日夜晚覓食 見到依間韓國野相片價錢都幾ok 就衝入去試下 環境同價錢成正比 環境光猛同都乾淨既 座位方面就符合香港特色 同行人士大家中等身材都感覺有少少坐落不安 又或者可能冬天著衫厚左？一入座枱面都有放左水樽 杯同紙巾 真心值得一讚包佢提供紙巾好厚實 比自己屋企用緊個隻仲厚 用qr code 掃code 自助落單 過程順利 食物叫左1. 鐵板燒牛仔骨熱辣辣鐵板上汁燒牛肉 肉質還好 雖然韓國菜 但煮到有中菜既感覺 但都算好味既2. 芝士泡菜炒飯 炒得好乾身 一啲都唔油 泡菜足料 食食下都有d辣 3. 芝士蛋捲 蛋捲嫩滑 蛋捲上加左茄汁同芥末 都夾既4. 韓式無骨豬手豬手肉質嫩滑唔鞋 大大碟 附生菜 生蒜頭 同 韓國辣醬 夾埋一齊食相當有韓國嘅感覺 飲品叫咗2杯韓國咖啡 估唔到依度咖啡係mvp 唔係個種煲燶底既茶餐廳咖啡 當然未去到cafe 質數 但水平都算幾岩我地口味 大家都一致推薦👍🏽兩個人飲飽食醉 埋單300多 算幾抵食 大推無骨豬手 同韓國咖啡 …Read More

某日同同事早收工路過jolibee 見到人少少又有啲餓 於是一齊入去食個tea🤭早已聞名Joliebee 炸雞係正過KFC既 今日一試 不得了 果然名不虛傳 炸雞新鮮炸起熱辣辣🔥唔知係人大左隻雞細左 定租貴咗嚇到隻雞都瘦左 今日我係jolibee 終於搵番細個食炸雞既感動🤓另外講一講個意粉都係相當炸裂既存在 佢隻茄汁唔係平時食開個隻 甜甜地幾好味 腸同芝士既份量都足料 一切都配合得剛剛好 唔係特別鍾意食意粉既我都覺得佢相當好味 👍🏽汽水薯條正常發揮 價錢合理 人流唔多 推薦黃埔店🫰🏻…Read More

幾個人去食, 一直都幾喜歡這些傳統餐廳,  而且佢既扒實在高質!塊扒有半吋後，如果叫五成，食脂肪位真係好正（雖然好肥）最正係佢既芒果布甸，係傳統茶樓既奶味布甸，加花奶簡直一流，回憶番哂黎，同而家街邊買勁重膠感既布甸好唔一樣。真心正！一定要試。…Read More

搭夜機 早左到機場 周圍睇下有咩食 發現很久沒遇見的burger king了呢一查之下原來全香港得番兩間 抱住懷舊心態即管一試人均消費九十多 接近一百蚊一個餐 印象中以前無咁貴？ 叫左兩個一號餐 （雙層煙肉芝士華堡）汽水好大杯 薯條都係粗個隻 整體味道感覺同以前差不多 無話好食左或者難食左 附近自由坐座位對住停機坪 可以邊食邊望下飛機 有景睇下 少許chill位置都算好入下 要行一段長路 起碼十分鐘先行到上機前食個快餐 算係一個快靚正好選擇 …Read More

一鳴屋台料理 上星期去開上水，忽然好想食拉麵，見到這間店都有排下隊就入左去試。好少見拉麵店好似車仔面咁，可以揀唔同的湯底、麵的軟硬度同不同的配料。叫左一個黑蒜油湯底、細麵同叉燒。個湯底比想像中糊質，但是非常香！叉燒都好夠味，份量剛剛好。另外再追加一個芝士明太子玉子燒，唔會太燶，味道算濃，但口感唔錯。會想再食！同行的人叫左一個三色MIX丼定食，入面有海膽、吞拿魚蓉、魚籽，味道唔錯，未到絕等鮮味，但都有基本水準。…Read More