chutim210's Profile

Happy Friday 本來滿心歡暢地相約左2位友人共進晚餐，結果失望而回。而且係本人多年來未試過食到一半已經有想離開既感覺。話說當晚去到坐底，睇睇餐牌後，經商量一致決定先叫3樣野食試下水溫先。1. Freshly Shucked Oysters - 新鮮生蠔作為生蠔控既我地，見到餐牌有當然會叫幾隻來品嘗。於事叫左半打法國生蠔＄68蚊隻。生蠔上台後大家都急不及代影相，打卡，鋪IG。佢個擺盤真心值得一讚，由其是隻碟生蠔整體叫做ok啦，都叫做有少少creamy 既感覺，甜度叫做有少少，金屬感就真係冇乜。不過雪味就比較重。待應收餐時都問我地生蠔品質如何，大家都係咁易答ok了事。2. Sauteed Mussels with Lemon Garlic Cream - 香蒜檸檬忌廉汁炒青口賣相睇落真係唔係差，我起手拎第一件青口食感覺已經有d唔對路，有種已經係壞左既味道。當下覺得係正常，因為一間廳每日要處理咁多青口，間唔中有極少部份唔夠新鮮我都可以理解得到。如是者，食第二隻，第三隻都係有同樣問題出現，跟住我已經唔再食，當時覺得再食落去分分鍾會肚痛。同場友人亦有同樣不良感覺，之後大家臉色一沉停哂手。:(反而個蒜蓉包同埋汁水都唔錯，唔講以為佢地先係主角。其他青口我地都決定唔再食了。待應見到我地停左手，問我地做乜唔食，於事我地便講出原因，我重提議叫佢試一隻。待應話萬萬不能，因為對海鮮敏感。佢重話會叫經理前來處理。一會兒過後外藉經理到來，問青口到底發生了什麼事？我便如實告知，我亦提議叫佢試一隻。佢話好！跟住成碟野拎起話會同chief 反映。3.House Dry Aged Bone -In Black Angus Ribeye - 乾式熟成有骨肉眼扒最後到件有骨扒出場，賣相很不錯但是，當我食左生蠔同青口已經感到失望，對於呢份扒都唔敢話有乜野期望。整體黎講呢個餐算係最正常，薯仔配菜既賣相當出色，唔講以為係帶子黎。我都有同朋友檢討過係咪我地唔識叫野，不過諗多無謂，賣單去食多個魚蛋粉穩陣。…Read More

在剛剛過去的星期齊,見到開放番晚市,於是就同我之之去左尖東食泰國野.去呢間到食既原因係主要比佢既30% Off 吸引左.一坐底都感覺到幾安落的,因為客服員安排左我地坐一個無咁嘈既位置,而且當時兩側都冇人係到於是我同之之就點餐, 叫左 細既大蝦冬蔭公湯 + 香辣蝦+ 泰式鳳爪沙律 . 野飲 叫左 白酒一杯 + 泰式凍奶茶首先黎既係大蝦冬蔭公湯個蔭公湯係幾好飲,好夠味,我自己感覺唔係重味精!亦都唔會話好辣好酸.唯一係覺得佢個湯太多香料,根本上每啖都有,好似重多過D湯咁隻蝦夠大隻既食落正常,唔可以話好,但係又唔可以話係差之後,沙律 和 香辣蝦  都係差唔多時間到的.個沙律我自己感覺上係最底食的一個,因為份量都好多的.鳳爪係好食的,去左骨,大家食落都感覺順暢既,又唔會好重味個隻.沙律菜方便,菜就真係一般般.食落唔夠脆口,唔知係佢Keep 得唔好,定係本身就唔係幾靚.但係都可以接受既洋蔥個D反而又好好多.我覺得都值得推薦比大家.最尾呢個香辣蝦,個味道幾好的,個汁都正.好岩我同之之口味蝦就唔係大隻.但個Size都唔係話太細.配料都炒得幾正.係一個好開胃既送黎.野飲,一般啦,我個杯紅酒直頭係唔係得…Read More

話說某日下午與之之同到這家餐廳共進午膳.到步後各自在餐牌裡點了不同的午餐.先黎餐湯,強有餅乾2件.餅乾正常,餐湯飲落似麥皮,而且還有一些像餅乾碎的東西在內.感覺奇特.😅😅😅我自己就叫左個龍利柳,食落油淋淋咁但都免強可以接受.個意粉應該係預先整好左,到有人點既時間再拎出黎,凍凍地咁.面頭加左一堆平時燒味鋪用黎點雞既蔥油其他配菜,栗米似湯渣.其他好似未整熟咁.另外之之個意大利粉又是搞笑,簡單D黎講就係好似大家樂/大快活D咖啡咁.你表面上睇落佢地係炒埋左一碟,但係實際上係汁還汁,意粉還意粉咁,感覺上係點左餐之後,馬上將所有野放埋一齊就上得台.老實講,我自己唔係好明白點解呢間野重可以生存到.…Read More

先前行過去金馬倫道見到有兩間位食壽司令我印象深刻,於是星期六晚就決定同之之去試下我地7點幾黎到,好幸運地都等左幾分鍾之後就有位.呢到個鋪位就唔大,我諗最多都係企到16-20人左右.主要有三個師傅整野比客食.個食法有D好似日本一些高級壽司鋪咁,飯/面既魚生會比定少少醬油咁.第一件試既係北寄貝K既!食落感到唔係話特別新鮮,有咬口但唔會咬唔開個隻.第二件蟹柳捧:正常水平食落同出面食開既差唔多,唔會話好食,但絕對唔差.第三件腐皮:感覺奇怪腐皮本身係甜甜地咁,但係加左師傅上碟前既醬油之後,食落我自己覺得唔係幾夾.第四件帶子:味道正常同出面食開既差唔多,應該都係同一種貨源,唔特別多講!第五件墨魚:師傅話係新鮮的.我食落覺得口感相當之不錯的,但是太多醬油.令到成件事改寫左.第六件三文魚子:賣相滿分食落新鮮,可能係因為數量唔少,我自己食落有點滿足既感覺第七件黑松露火灸帶子:中規中,唔特別多講.最尾的辣三文魚手卷:只能說可以Over all : 價錢其實可以,但係佢地做既壽司上碟前都係會用醬油係壽司表面上掃一掃,令我覺得當晚所有野都偏咸左.同埋留意番D相.D醬油直頭滴落隻碟到,呢2方面絕對大打折扣食物整體上都可以的,值得一讚既係佢地溶雪個到做得幾好,好多壽司食落都令我覺得個溫度剛剛好…Read More

今晚黎到養生殿同之之打邊爐 去到個時冇乜人,我地選擇左坐卡位.感覺到OK既,可能因為佢都係開左冇幾耐.坐底後覺得有一位侍應生都做得幾好不錯,因為見到我地係第一次黎食,所以都有用心咁介紹佢地既Set 比我地知道,同埋D湯底既分別,用咩材做法.呢個真係值得讚賞. 我地點左一個 尚級 $188 極上雪花美國牛 + 一個 和牛餐 ($398-唔知有冇記錯)湯底方面係: 烏雞 和 川芎白芷魚頭 叫完餐後我加左一杯啤酒,跟住就開始混醬.呢到款項唔係話多,主要比D大路野客人,我覺得到OK既,多有時未必係好.湯底先到,侍應都建議我地未食之前飲下D湯先,話好正.我地聽完佢講,一於試下!烏雞個湯,飲落味道唔係話濃清清地有雞味的藥材味就會重多少少.總括黎講係偏淡的,但是我自己覺得適合我自己另外一個川芎白芷魚頭,味道相對上比另一個係濃厚好多.飲落都唔會有腥味,藥材都落得足.其實兩個湯材料都好足.單單講湯底都做得唔錯.先黎牛肉坦白講,我唔建意客人去叫和牛個set ,因為我食落同$188 個D分別唔大.食落都係正常打邊爐既牛肉,唔會話好好食,但又唔係差咁樣.(正常野) 跟住到D 餃/丸佢做出黎都幾精緻的式,食落都不錯的.唔會話食左舊粉頭落咁.有肉味,丸方面都彈牙! 之後我地都加左個凍豆腐 + 炸支竹食落正常唔會話好好又唔係差咁. 菜菜OK既!乜野都有D唔會話太單一 到最後尾,就食埋麵條.我就叫左烏冬,之之就叫左米線.整左3分鍾左右就拎上黎食.麵質係正常.味道當然係唔會差,因為吸哂咁多野食既味! 到最後好7百多元落樓,主要貴左係個和牛餐到.如果大家有興趣去試既話就冇必要去試和牛既,普普通通$198 已經OK.我自己本身都係貪新鮮想去試.試左之後覺得正常唔係話特別.唔會特別想番轉頭食多次咁!…Read More

和居和居本身打算去謝裴道既炎丸水產,係openrice訂左位,點知去到原來已經關門大吉,希望各網友自己留意番一下!自己去到見到冇左間野都馬上同openrice 反映番!同之之去到見到冇得食,於是往灣仔方向行下,行行下就見到呢間野,在感覺不錯的情況下便入去坐底左.餐廳環境都算叫做OK,內裡都企理整潔.招呼都不錯!黎到先叫左支熱既清酒同之之飲,名就真係唔記得,但係都唔差.米味都重同埋隻酒幾香,最緊要係唔會話飲完會頭痛.(侍應具我口味介紹) 叫左個雪魚捧當下酒小食.味道:不過不失,唔係每一片都脆,其中有幾片好似拿埋一舊咁.除非其他網友好鍾意食.如果唔係都唔會特別建議你地叫黎食.燒雞翼味道:比較差,可能係我叫既時候冇特別留意到佢地有其他既日本雞翼,只係叫了一個普通的.賣相係幾好,但係食落好一般,首先味道係唔夠,另外肉質都係麻麻地.免治雞肉捧味道:幾好食,肉質嫩滑,同埋即燒即食,夠熱.美國小牛扒賣相不錯但食落有(SO)味,唔建議大家叫黎食.蘆筍豚肉卷　削根部外軟內脆,幾好食,食得出有處理過.炸雞件賣相靚,食落正.唔會話炸到太脆身硬哂咁,食落唔會整損口.下酒真是一流呢!!!建議大家叫.燒元貝味道可以,都算平,$78蚊2件.食落都叫鮮味.建議大家叫黎食.炒雜菜唔知自己本身係咪鍾意食菜同埋會持素,覺得呢份菜相當好食.炒得好香.總括而言:我自己就唔會番轉頭再食.但我自己都會推薦向大網友出開黎CWB如諗未諗到食乜野都可以黎一黎呢間野試下.因為都合適同女朋友傾下計咁.台唔會話太迫,又會太嘈咁.最近要係價錢唔貴.好似係有75折(唔知自己有冇睇錯)…Read More

今日同之之黎到呢間位於天后水星街既麥明記take lunch~👫入到黎坐底感覺都幾好,唔會話好嘈,我地重選擇左坐係一個角落卡位到.🤗🤗🤗黎到呢間野,雲吞麵當然係必食既野黎,我地二話不說都叫左一碗大既(打算兩份分)🤤🤤🤤然後,叫左一個牛腩飯 + 鯪魚球 飲左個熱奶茶.首先黎左個大蓉,色水,賣相幾好.湯底望落去清澈見到底,一睇就知師傅造過功夫去處理湯底.雲吞:皮薄餡靚,雲吞皮真係好薄身,絕對唔會話令你咬左落去令你口入面感覺有層野.蝦+豬:肉都食得出係新鮮,調味方便都做得好好!(加埋辣醬真係好正!)麵:時間掌握合適,D麵一咬就開,但又唔係林哂唔好食咁.牛腩飯:牛腩鬆軟,食落唔會有渣!腩汁都相當濃郁.芥蘭:都唔錯,叫做嫩.加埋腩汁都好正!!!!鯪魚球:賣相好吸引,重大過粒乒乓球 ,即叫即炸!咬落去就知道魚肉相當足料,，又彈牙！而且有甘香既陳皮味,我自己個人對呢件波波既評價相當之高!絕對建議大家去食!!!最後到杯熱奶茶:本身係呢D麵檔隨食野唔會期望杯奶茶好正,但係飲落又唔係差最後賣單都係百多塊，相當底食，下次會翻轉頭！…Read More

今晚同之之黎左呢間位於頭牛角得寶商場既齊齊素到食飯.講番點解會黎呢間到食先,因為我地食睇左某網媒介紹被吸引而來的.講番入正題先,呢間餐廳離地鐵站都唔係話好遠.同埋易搵的.行番十分鍾左右都會到.都方便易搵.我地去到門口同姐姐講訂左位,佢就示意我地要買票先.兩位$396元正.好,入到去就搵左張2人台坐底.今晚既客人都唔係話多.只係坐左35%左右啦.之後我一個箭步就出左去睇下有咩好食先.係呢一邊見到呢面都有D冷盤咁,有水果,雲耳, 沙拉,涼粉,dessert我自己拎左D青瓜薯粉咁.食落都正常冇野.都OK既!見到有兩款熱飲,我自己就試左菊花茶,但係太甜........玄米茶冇試.食完凍既,我地就出去食熱野.去左炸野個邊,見到有2款Pizza,薯條咁.我自己就試左一件Pizza,薯條,春卷和咖哩角.重有個D四川青瓜.Pizza都OK,但係就應該係放耐左硬身左D薯條完全係漏左氣.但係本身佢個做法應該係正既.就好似先前M記做個D Shake shake 咁.春卷入面,有好多種素菜絲整成,口感唔錯,食落係爽口.但係又係一件漏左氣既食物黎,而且比燈照住都係凍的.咖啡角都係同春卷薯條個D一樣.唔想多講.食完呢轉,咁我都去食番D主菜!我自己就盡量所有野都試.會介紹下呢個爆炒福花.我幾鍾意辣辣地咁,會幾開謂.但D西花就焗到出哂水....(如果係剛剛整出黎應該相當正的!到最後我就食左D瀨粉同埋粗炒.2樣野都可以,瀨粉浸左都應該有好一段時間但都唔會話好林.好易散咁.另外.粗炒都過得去咁啦.唯一係個脆麻花之之話正.其實好多野都係為左唔浪費而食左去坦白D黎講,呢間係我食左咁多間素食自助餐黎講最差最HEA既一間.而且呢個價錢,1D都唔覺得底食.同價去番D單點既素菜餐廳都好過呢到多多聲.我同之之都唔係話食左好耐.(一個小時多D)但係除左粗炒有見到換過新既出黎,其他野都好似冇見過.佢既人流可能真係少定唔知點啦.但是我自己就唔建議去呢到食,食完之後我自己諗會唔會係因為我地睇左廣告話呢間野好正而期望過高呢?定係其實自己要求太高?但坊間我都有食過3間呢D素食自助餐,但都唔會差成咁.我自己就真係唔建議大家去呢到食.…Read More

今晚終於同之之黎到荃灣商場食莆田，其實經過幾次都想食。坐低後便叫野食😋😋今晚揀左:馬來風光(炒通菜)脆皮蒜香雞招牌海鮮麵飲品：玉米汁川貝枇杷花茶先黎係通菜覺得廚師唔係掌握得個火喉幾好，菜葉都可以，但菜梗太硬。味道一般。招牌麵賣相正常，湯味算係濃郁，麵既質地不錯。軟硬適中。都叫多海鮮。但個豬肉就有問題，可能係唔新鮮 。有股怪味道😖😖😖最後到脆皮雞賣相最好的一道菜。👍🏻👍🏻食落堅係脆，但太乾。肉質無左水份油份。同埋閒口。但感覺係三個餸之中最好。😅😅😅玉米🌽汁都幾好，有d 玉米粒咬下口。少少甜川貝枇杷花茶焗左一陣先飲都夠味，加埋蜜糖都幾夾，而且份量剛剛好，唔會好甜。飲落感覺都潤到喉。👍🏻👍🏻😋😋😋特別一提下呢個辣汁，今晚相當重要既角色。全靠它令所有野都生色不少😂😂😂😂😂服務態度都幾好，有禮貌，值得讚👍🏻👍🏻唔知係對呢間野期待過高定點。感覺完全唔係咁好食。買還是我沒有點到對的菜呢？🤔🤔🤔但已經唔會再翻轉頭食👻👻👻…Read More

今日就和之之去了呢間酒店的潮食街 午餐.我地成3點鍾先去到,其實都已經過左Lucnh Hour.唔知係咪因為咁,入去到感覺到餐廳好清淨,環境好清幽.好適合傾計.咁我地就叫左個素菜喇沙和素食Burger 另外兩杯飲品先黎呢個喇沙,我對呢個喇沙的評分真係相當之高.有朋友黎到真係值得試下!!!首先係佢個沙底整得好靚,味濃之餘唔會話好味精個隻.(因為食完冇話好想飲水)配料中:豆腐卜就已經索左本身個湯汁,咬落又唔會太熱會燙傷個口/舌,湯汁流番出黎都和暖.鮮菌食落都有本身既新鮮咩道,而且食落一咬就開.相當 脆.荷蘭豆都好幼嫩,食得出個種豆味.最後講埋個米粉,都好好食.師傅控制個米粉既軟硬程度真係剛剛好.唔好好軟,一夾就散開碎左/發大左咁.但食落都唔會話硬身,而且令你感到有趙頭.呢個喇沙真係令我同之之都食出幸福感來.呢個要比滿分另外,個素食Burger 薯條都正常,唔係好好食,但又唔係話差.Burger 中間個層係用薯蓉整出黎.唔知係咪因為我地掛住食個喇沙而忽略左個Buger.到食落個時已經凍左少少.但係相反.個包又整得好好.係專登烤出黎咁.D牛油重剛好熔化左係個包入面,都幾正的!招呼都可以,睇落好多都係年輕人,唔知係咪岩岩讀呢科出黎實習既呢?佢地都相當之主動,同埋反應都好快.一見我伸手都馬上走來問有乜野可以幫到你.賣單都四百幾,係貴左少少,但係都食得好開心,一次半次冇乜所謂啦,而且我之之又食得開心.個到又傾到計咁.…Read More

今日同之之黎左好多人都會有好多回憶的沙嗲王😆😆話說岀左 cwb 行街，本身打算去食千両的！但過馬路時見到對面沙嗲王招牌便改變初衷😂😂😂下午一點半左右上到去唔洗等就有位！一坐低大家都無夾過就話要食充滿回憶的白咖哩香茅豬扒飯！😋😋😋另外就加左個大雞腿餐配薯條🍟🍗再叫左杯青擰話梅核打兩份飲🥤真是平靚正👍🏻👍🏻豬扒好鬆軟，個汁真是正，略帶酸，好開胃！我同之之直頭想添飯🤣🤣🤣個雞脾都精神既！起左骨。都好照顧到食客既儀態👍🏻👍🏻但係但炒菜就差 d 大油了😅😅…Read More

星期六晚揾左大抗呢間位於精品酒店既西餐同我之之食飯🍽可能當晚港島區有示威活動既關係，七點多去到餐廳都無乜食客。😮😮去到感覺有點似包左場咁😂😂😂餐廳環境都可以叫做優雅的，光線柔和，唔會話太暗。咁我地叫左個龍蝦沙拉 + 炸雞做前菜沙拉🥗叫做過得去，唔特別。炸雞做得幾好真心推薦，下酒一流！皮脆肉嫩，相信唔係炸岀黎的！主菜叫左 medium well wagyu rib eye steak🥩黎到賣相可以，個medium well 控制得幾好。塊扒都靚。咬落唔韌，無渣👍🏻👍🏻😋😋另外，Happy Hour 去到21:00 ，紅白啤酒都有買一送一🍷🍺…Read More

24-8-2019 晚餐🥣🍽 位於銅鑼灣核心地區,方便易搵近地鐵岀口🚇.餐廳分了18:30及20:30兩輪.當晚我提前訂了20:30的.建議先預訂.當晚都爆場的. 本身想叫一個 $328 set 和一個普通 set 另加象拔蚌的.點知象拔蚌一早已經沽清,令我有點失望☹之後就同女朋友每人叫左份 $328 set,賣相都相當吸引.如果以呢個價錢黎講,個人認為真係超值.最起餐入面既海鮮坐部都好新鮮.龍蝦🦞/蟹🦀/蜆/蝦🦐/ -,蒸熟之後肉質鮮味和彈牙,基本上唔需再加任何醬料都已經好好食.另外一提,佢地自家制既手打燒賣都十分好食!!😋😋 我都幾鍾意呢種食法,因為可以真正咁食到本身海鮮既水準.而且唔會話好似出面打邊佬咁重口味.我對食物既評分相當高的👍🏻(比呢個價錢絕對超值),但係飲品方便唔係幾岩我心水.座位都叫做可以,(咁呢個價錢都咁上下)我自己只係覺得個餐份量太多!2個人最後賣單800蚊.…Read More