din2008's Profile

知道佢做開遊客生意，好耐無去，見隔離個個話掛住個梳乎厘，就同佢去食。去到都係嗰幾樣嘢乾炒牛河，瑞士雞翼，味道都係甘，無特別無變重點就係梳乎厘嚟啦，上嚟嗰陣時一睇就知道係燶嘅，叫佢返轉頭完全無視咗我嘅呼喚🫣知道佢呢項價錢唔算係貴，但係未至於要俾呢一個我吧？之後我見其他枱都有叫到，但係人哋枱個d嗰啲個個都大大嚿好靚嘅，睇到隔籬嗰個扁晒咀😟講真你呢個甜品成本有幾多，大家心中有數，廚房既然甘都出得，樓面又擺到落枱，我唯有跟你呢個標準食🙄我同隔離個講話叫多個黎食，呢個唔食囉，你知啦，佢哋即叫即整（要等），佢就話等得黎都飽啦，個晚餐就甘完左。…Read More

兩個人好肚餓，叫咗三樣野分別係青椰海南雞飯泰式青咖喱飯同埋泰式醉貓炒手工卷海南雞飯我朋友幾鍾意，因為佢嗰個骨膠原好多🤣泰式青咖喱飯，我同朋友唔太食到辣，但係佢個辣又好令人過癮！！所以最後叫咗三杯嘢飲🤣醉貓炒手工卷係重點，好多配菜香料佢都有落得足，又香又好食🤤絕對值得返嚟再食過！！最後二人連加一總共$233，係貴咗少少，但係以呢個水準嚟講，比貴多少少好食甘多，絕對值👍🏻平時體育園好多比賽同埋演唱會，建議大家避開呢d時間黎食，因為出餐一定要等好耐，我地係5點幾個d時間去食，就快好多同埋唔駛同人逼…Read More

食飯時間到到都多人，又想靜靜地食又唔甘逼，最後去左呢間。黃金食飯時間上到去唔算多人，二維碼落單，叫咗卜卜蜆濃湯鍋-招牌羊上腦肉：同佢形容嘅一樣，入口香，但又唔會太大（蘇）味-招牌高鈣肉：基本上30秒就已經可以撈上嚟食，相當鮮嫩醬料吧提供嘅醬好得意，我記得有芫荽醬，係幾特別，不過想試返個羊肉味嘅就配返佢哋本身配羊汁，味道甜甜地但好出喺打緊嘅途中有店員會埋嚟同你講有啲海鮮優惠，叫咗個元貝，以為係打邊爐個種，點知原來佢係蒜蓉燒上俾我，ok la 只係我個人覺得浪費咗啫。另外，爆汁鹹蛋魚丸一定要試，好好食！粒粒爆漿！不過因為個鍋偏高身，所以我都大部份係企住嚟打，無咩所謂既，反正氣氛夠兩人埋單連加一共$711…Read More

啟德零售館我行左一圈，都係試下呢間,因為未食過。吸引我嘅地方，係因為佢有all day Brekky ，我特別鍾情於all day ，所以一坐低就叫左佢黎試，加多杯super Oreo milkshake 佢menu 上milkshake 類型幾多，係我估唔到既份量相當足之餘，每樣都好好食，牛油果又俾得足，麵包雖然係多士上，但係佢有搽牛油，出邊市面多數都冇搽，薯仔係粒上，但佢有焗過，出面仲係脆既。一份all day 係價值$165，但我欣賞佢心機好夠，餐廳座位唔多，但餐廳對出有落地玻璃可以望到青年體育館場嘅跑道，都算開揚最後連加一服務費，一共$261…Read More

平時經過都見到唔少捧場客，但我自己一次都未食過，有日見閒日，又晚上11點無咩人就入去食。（係未睇mm報道之前）見到冷凍櫃有已經包好咗嘅沙律同埋壽司，方便心急嘅食客可以買走用食，慳返時間，坐低填表嘅時候，聽到應該係老闆，佢同員工講：d啲盒點放點放，唔使理佢地點諗，保持食物質素就得甘有執着嘅老闆，食物都應該唔會差去邊。我叫咗個蟹籽沙律，份量相當驚人，但又真係好好食👍松葉蟹膏炒飯，送上嚟新鮮熱辣，份量亦都相當足夠。叫左一串串燒雞軟骨係想試吓佢手串燒如何，但係都相當唔錯。另外再叫咗三文魚腩同埋油甘魚刺身，真係俾《夠》腩你🤣食完相當滿足👍總括嚟講冇一樣嘢令人失望，晚餐一共$286無加一，期待下次再黎…Read More

酸辣粉：佢啲酸辣湯底還可以，但係個粉就同市面上有啲唔一樣。都可以一試既金湯酸菜抄手：就好似急凍嗰啲湯味精配雲吞，無特別羊肉小串10串：瘋狂撒上辣粉同埋孜然粉，已經食唔到有羊肉嘅味道。辣到忍唔住要飲野。當時仲係天氣比較熱，但係間舖好似冇開冷氣一樣，就算唔食辣嘢都會好想飲嘢，見佢有啤酒提供，可能就係想叫你飲啤酒呱。佢戶外都有啲座位，可以叫做食煙人士/有寵物人士會方便d。但基於佢仲會收你服務費嘅關係，我個人黎講食一次就算，唔會再試。…Read More

終於經過K11，終於齊腳，終於到夜晚飲嘢啦入去都係要經過佢set好既秘密關卡，係幾有心思👍🏻入到去，都係用成個紅色做主題，包括埋廁所門😂Menu佢地有自己主打既cocktail.分別叫左Tea fist -道具相當懷舊，但係偏甜Flame -跟Old fashion 再演變出嚟，別有一番風味Blood Mary -係因為見佢杯杯都唔錯，再加上去，menu 無既，同出面hea 你個d ,佢算有誠意👍🏻服務：每杯嘢飲上嚟嘅時候都會有人再解釋杯嘢點樣飲同埋有啲咩成份，令你對每杯嘢飲再有更多嘅認識，呢種服務，係出面少數無既埋單時先發現原來佢哋都有小食提供，可能我哋睇嘢飲嘅時候冇留意，不過下次都可以再試🤭…Read More

之前經過K11，見到佢啲裝修好靚，心思思想試咁啱原來銅鑼灣有分店，打算去試一下入場時間大概係5:30到，冇咩人基本上都係掃碼落餐，佢會見你download佢個官方app，有優惠券送返，嘢飲係買一送一叫咗貓爪蝦滑 $59海鮮棒棒糖 $59飛魚籽墨魚滑$68鵝腸$78 （正常）午市二人套餐（包牛肩胛+松阪豬）貓爪蝦滑同海鮮棒棒糖分別有幾種唔同味，同埋形狀相當可觀，絕對好吸睛同埋影相。飛魚籽墨魚滑係幾唔錯，比出面出色個人比較推薦清涼椰子雞湯底，真係同你落足料，佢主打嗰個青花椒牛油果就普普通通，都係辣同埋麻出邊仲有其他配菜俾你，基本上你唔係太大食的話，一個午市套餐加出邊嘅配菜已經夠食佢基本上成個氛圍同環境都好適合火鍋邊食邊傾偈，佢張枱側邊仲有好多貼身嘅設計，例如櫃桶有牙線，側邊有得俾你充電等等食食吓又會有服務員嚟同你講，請你飲杯沙冰有時間嘅話，會想試返K11嗰邊嘅環境再食多次…Read More

一開始路過，睇佢個內容係以酸菜魚為主打，但因為我哋唔食得辣，所以就打算望望有冇其他中菜岩食。咁啱我打開嗰份menu,見到有個砂鍋花膠雲吞雞半隻，好耐冇食過，大部份出邊都係好垃圾所以，我決定比一次機會佢都城小籠包-係好食嘅，但係出邊有更好食既，所以$58可接受鮑魚黑毛豬紅燒肉-上乘豬腩肉，個種肥美，其實食兩舊已經封喉，雖然叫價$288，但佢真係俾足料你，冇野好批評砂鍋花膠雲吞雞半隻-真係好足料，好耐無見過奶白色的湯，飲左兩碗到，個侍應行埋嚟幫我哋剪開隻雞嘅時候，我見到個雞不停滲d雞油出黎，我再飲多一次，真係除左細個時曾經飲過呢隻味之後，已經好耐冇飲過甘足料嘅湯👍🏻$398呢個價真係好抵俾！！！酒釀桂花丸子-我食過更好食既酒釀桂花丸子，糯米粉落得10分充足 一碗已經夠飽肚由於我哋係兩個人食嘅關係，枱就一定唔會太大，但係因為我哋當其時唔係黃金食飯時間，俾咗一張兩張細嘅枱拼枱咁食，先叫放得落我哋上面叫既野食 ，環境氛圍都好好，就係空間座位比較細，冇+1，但係有收茶錢。下一次或者嚟緊有節日的話，都會帶屋企人再嚟食👏…Read More

朋友上網見到甜品好靚，日本又有分店，估佢應該唔差，專登過黎食因為本身已經食左野，所以剩係叫甜品算。冬甩🍩聽講係佢地主打，甘就叫左一份，十分鐘唔駛已經上到黎，出餐好快！食落去佢個冬甩好煙靭，咬極都唔斷，相當有彈性😂另外個醬有d奇怪，因為佢唔似係焦糖味，佢似係全花生，再加左其他味既糖漿，先係有啲鹹再帶少少酸，配返落個冬甩度，一啖封你喉🫠好彩跟餐有個無糖烏龍茶，飲哂杯野飲就頭也不回就走了。…Read More

環境同餐具雖然係刻意營造，但係相當有氛圍另外，歌單相當有年代感，我都只係識好幾首甘大把值得一提，員工服務態度無可挑剔，眼看八方耳聽四方，細聲講都未叫想要咩，佢地黎已經拎埋俾你！我真係好耐冇試過食大排檔係配飲支裝汽水，爽！冇記錯佢嘅三寶又名（唐三藏）絕對值得叫！韭菜鵝紅合理，糖醋麵比想像中好食如果唔係得兩個人，係想叫多啲餸，值得一讚，上菜速度奇快呢度真係一個好神奇嘅地方，室內中環街市，嘆住個冷氣，但係食緊大排檔嘅食物，怕熱嘅朋友們，你哋有新地方了總括嚟講會再返轉頭食，仲有好多嘢我都想試，希望你地可以保持到一貫嘅水準💪…Read More

睇完介紹黎食，甘正宗意大利野當然要試下佢地個Carbonara 啦，因為由個麵開始已經係佢地自己整，相當期待😚Beef carpaccio 冇咩特別，正正常常Carbonara 汁同煙肉都好唔得，你食得出佢係鹹，但係唔係嚟自煙肉嘅鹹，偏向乾身，個麵還算正常Wagyu sirloin 配菜比牛好食，菇知道係先煮好再上但真係太凍，入口好油。薯蓉做得好滑身，呢個反而估唔到。牛上黎時已經係切好哂，淋埋汁，一食落去，鹹出天際🙃係咪外國人口味一般都甘重😅？Strawberry swirl 感恩佢真係一杯飲得落口既野飲總結佢出餐係算快既，如你只求飽而唔要求價錢同食物質素平等的話，我地成程只係食左35分鐘就交左枱🙂…Read More

當日附近路過，想搵個地方休息下飲杯野就見到呢間，好有日本風入到去以為係出邊先咁嘅裝修，點知原來入邊都好有心機，好日本。值得推薦嘅，係佢有個日式榻榻米，好啱女仔影相同打卡，坐得又舒服😌基本上佢有主食咖啡同埋甜品但我哋唔太肚餓，就淨係叫咗杯嘢飲同甜品算我哋叫咗杯昭和富士山同埋熊仔糖特調稍息草莓布丁🍮，每杯都各有特色，昭和富士山你以為佢係藍色嘅波子汽水味，點知佢飲出嚟係百香果味熊仔糖我哋咬咗好耐😂因為佢係一支竹籤串起啲糖，冇問題既，我地絕對欣賞個心思既值得一提，同事服務態度相當好，我地臨走時仲買咗個紀念品🫶，下次路過會再嚟💪…Read More

一開始以為人好多喺度排緊隊，原來全部都係睇緊Menu可能時間尚早，唔使排隊，直接入座主打露營主題，氣氛唔錯🤔叫左Espresso水牛城雞翼同埋卡邦尼意粉相同Menu 出黎係一模一樣，意粉佢成個冬甩甘樣上都驚伏伏地🙄所以叫埋其他野試下出餐唔算耐，基本上15分鐘出得哂所有野Espresso 唔係我口味，我唔係專家唔評論落去水牛城雞翼上到黎靚係靚呀，但佢個汁酸到話梅甘既味😞放唔到落口食呀🫣卡邦尼明顯地焗爐焗完偏乾身，要用刀切開黎食，成餐基本上係薯條最好食🤤，真係估你唔到😅…Read More

原先只係想試下佢個新式雞蛋仔點知見到佢有套餐可以order我地就試一個套餐再加散叫野食豬手未夠淋，梅子味好輕身幾乎冇咩味，基本上得酒醩味生菜魚肉同蒸腸粉冇咩特別瑞士雞翼係幾入味重點係蝦頭油撈麵，比想像中好食同埋唔會太油，呢個最驚喜竹炭芝麻糊雞蛋仔我另外加左麻糬，佢整個時會幫你加埋落雞蛋仔到，朱古力醬另外上，上份雞蛋仔時店員會再通知你一聲基本上就係將道地嘅小食變得精緻同細份d,一份靚既套餐上俾你，整體上係飽既，未到話好好食但都唔差，店員服務幾好，出差時間都快，不過因為我地就係第一枱入座既客，所以時間上就唔能作標準。…Read More