TobiBoboCheung's Profile

今年復活節假期冇出外旅遊，留港消費嘅人原來都幾多。今日嚟到荃灣愉景新城，人流極多，而且機乎所有家庭都係同小朋友嚟，無他，因為呢個商場真係太適合小朋友嚟了。餐廳位於地下個層，係面就係玩具反斗城。我點了這個黑松露野菌忌廉意粉，但我覺得忌廉味太濃，完全覆蓋了黑松露嘅味道。兒童餐共有4款可選擇，其實3款都吸引，賣相似乎唔錯。呢款有炸蝦、三文魚飯團、蜜糖雞腿、薯仔米沙律同麵包布丁甜品。老公揀了葡萄酒煮大蜆意粉，佢話味道幾好，而且好多蜆肉好juice。不過要留意，用餐時間有限制。…Read More

係媒氣公司買咗熱水爐同煮食爐，有現金券回贈到此餐廳用膳。由於2月14日前一定要用，所以我地拿拿聲搵日得閒去食先。餐券沒有拍定時段使用，我地揀咗下午茶時段過來試一試。我點了All Day Breakfast，味道唔錯呀，而且都好豐富，有抄蛋(幾嫩滑)、煙肉、德國豬肉腸、野菌、焗豆、蕃茄、薯仔及多士。肉眼叫了七成熟，廚師控制得好好，肉質好Juicy，有口感!配上一杯紅酒，這個下午極為寫意、享受加配這個番茄扁意粉有意外驚喜好濃郁番茄味，意粉有咬口，好回味不過下午茶時段冇得BOOK位，不過人唔多，應該都易有位嘅。雖然坐唔到窗口位置，但係日頭有陽光，望出去可以望到海景，感覺都好舒服。不過價錢真係比較貴，如果唔係有現金券都未必會嚟呀!因為有現金券，埋單比$11咋…Read More

買咗票睇戲，為免一陣食飯時間超多人又有排等，我係睇戲期間用THE GULU禁定餐票搖距等位。今晚揀咗道頓堀御好燒專門店試下，其實本身都唔係好知道食麥，入到嚟至知主要係自己動手燒大阪燒食。有得散叫同套餐，都唔知揀咩，費事煩就點了套餐試下啦。套餐前菜有凱撒沙津，味道都OK之後就嚟一碟碟唔知點處置好嘅食物原來D職員都唔會幫你或者介紹下....要自己睇MENU學整....Round 1由於冇人介紹下，我地都好狼狽，亂整一通咁(多得隔離枱指點一下，哈哈)先落D油，之後落晒D肉同菜抄香後，分別加蛋同麵 (好唔小心我地仲把其中一隻蛋掉了落坑)一番努力，加返D醬料，望落製成品都見得下人嘅Round 2，簡單燒下肉食，D肉唔係得別好食，係好普通嘅牛。仲有牛油帶子煎下，都OK嘅Round 3就係將呢碗野，撈埋然後煎(相比起原來比頭先Round 1簡單好多)每邊煎5-8分鐘左右，最後加起醬料，其實食落同Round 1個款大味道分別不大不過都幾好玩，不過我覺得試過一次就夠喇最後有兩杯飲品同雪糕....兩個人食真係好飽好漏埋單HKD$426.8，每人HKD$213.4…Read More

以前讀書嘅時候，因為吉野家平同好食，我同D同學仔都時時去食個下午茶至返屋企。而家工作喇，公司/屋企附近都冇吉野家，老公又話自己返工成日都食，所以我都好小機會可以食下吉野家。今日老公比我話事，我又貪平，當然係想揀D有下午茶嘅餐廳食啦見到吉野家，都有下午茶，不過唔知係咪年初二嘅關係定係我真係太耐冇幫趁，而家下午茶都HKD$38一個餐(我想當年係記憶廿零蚊咋......)算啦~都搵到位喇，都係搵餐晏仔食啫。我的最愛野菜牛肉飯配熱綠茶HKD$38但係估唔到咁耐冇食....價錢貴咗不止，連份量都相當之小....牛肉得3-4舊....洋蔥又唔夠，D牛肉汁又唔夠.....好失望呀!呢個餐仲衰，煉奶窩夫+雞串丁麵(出前一丁)配熱綠茶 HKD$38個麵冇餸，得兩條雞肉串....而個窩夫更加係不值一提.....完全唔脆口唔熱太差喇!…Read More

而家香港地有下午餐嘅餐廳愈來愈小，就連快餐店大快活嘅下午茶餐價錢都貴到嚇死人。相比起大家樂嘅茶餐價錢還算合理，食物質素都可以，叉燒肥瘦適中，叉燒汁香口，不過今次呢碗叉燒飯嘅叉燒又真係小咗D....數埋都未必有7舊.....但係飯就足夠嘅。加HKD$7要埋碗雪菜肉絲米粉，就啱啱好夠飽喇。雪菜肉絲份量合理，米粉清清地，加配嚟講算係咁喇。茶餐包可樂一杯，合共HKD$37，已經好難得好感動!希望多D餐廳可以保留下午茶餐啦~而家香港D消息水平真係好高....…Read More

最近都沒咩胃口，想清清地食碗麵或者粥粉麵算。知道平時靠得住有下午茶食，平時返工就食唔到下午茶，難得今日放假，就一於平平地食啦點知入座後至知，今日冇下午茶(下...今日先係年廿七....已經冇下午茶?!)再睇睇枱面餐牌，已經寫明年三十開始及新春期間設加二服務....真係好差，加一服務都算仲要加二服務...真係搶錢....仲有已經計埋你每位茶錢$3位由於冇下午茶，咁唯有食午市套餐啦。我自己叫咗碗雲吞麵，份量大小OK，雲吞都係皮薄餡靚嘅，大概有5粒雲吞左右，麵質彈牙。入到嚟，由冇咩胃口，但又見到抄麵都想食下，所以加配一份。HKD$40+$17老公就叫咗香菇滷水雞翼菜飯HKD$52幾有住家飯口感，雞翼鮮嫩，菜飯健康!加杯奶茶HKD$10總括嚟講，味道係OK嘅，環保都坐得舒服(我地3個人可以自己住卡座)，不過價錢服務費方面，真係貴咗D囉!…Read More

今次有幸被邀請到高級私人會所餐廳食飯，感覺好興奮，呢度只招待會員平時都嚟唔到店舖環境優美，比較懷舊中國feel~出面有個露台比人上去影下中環夜景，又有條旋轉長樓梯都幾靚，感覺高級。食物方面，由名廚主理食到好飽好滿足…Read More

今日中午去咗尖沙咀，想搵D特別D嘅野食(唔係一般商場一色一樣個D...)行到白加士街，比我搵到呢間小店。係一間幾正宗既既上海野價錢合理我點了1號玉豆豬肉餛飩麵，配麥茶 HKD$42餛飩足料，新鮮…Read More

中環午市新選擇!呢間係一間有日本料理既快餐店，除了一般快餐丼或定食，佢仲有壽司、魚生食...門面貼有午市餐牌，價錢在HKD$55-HKD$100左右，中環黎講算抵食。店舖都算大，午市時間坐滿人要自己搵位等位，不過買野食就唔駛排，拎野食就要等耐d~叫number自己出去拎我點了廿一炭燒鳥丼，配玄米茶 HKD$57，不需要加一服務費個飯幾好，有好多雞，有野飲又有個大福甜品～…Read More

午餐時間嚟到馬鞍山廣場，難得Bean唔駛排隊，立即walk in。原來有Lunch set食，價錢大概$5x - $7x，跟一杯餐飲。初先都驚又忌廉又蕃茄汁會唔會好怪，點知又唔會喎，好濃烈嘅蕃茄汁味，意粉軟硬度適中，唔會太淋身。野飲就係熱檸檬蜂蜜茶…Read More

今次試下茶木嘅泡飯感覺咸咗d，不過都幾香幾足料食完泡飯，略嫌未夠飽，見到新出了款台式糖水，就點嚟試下。紅豆沙都幾綿，唔似酒樓個D溝水，而且好多料，又有珍珠 (好有咬口感)、薏米、芋圓配搭，甜味適中。…Read More

嚟到中午時間，去返上次食過番尋味嘅敏華冰室。我被上次點了一碗「沙嗲牛肉公仔麵」嘅「公仔麵」吸引我再之光臨。中午呢個時段都係要等位，等到入座時，已經可以點茶餐了。茶餐選擇比較小可能上次太期待，今次覺得個公仔麵又冇咩特別喎，而且雞翼冇另外用碟上，浸晒落湯度，好快就冇晒D脆口感，我建議應該另外上會好D。上次嚟食晚飯，竟然賣晒叉燒，我食唔到，今次終於一嘗。叉燒係整得幾好嘅，冇肥膩感，而且叉燒都算多，食到好飽肚添奶同茶比例啱啱好，甘香滑漏…Read More

結婚周年記念日由於工作忙得不可開交，原本沒有打算正日可以食餐飯慶祝喇，點知到果日竟然可以處理晒手頭上嘅工作，拿拿聲搵返間似樣D嘅餐廳簡單慶祝下啦。我地揀咗係尖沙咀海港城地下嘅呢間BLT Steak，好好彩中午打電話留定位，仲可以留到個窗口位。食飯環境一流，簡單慶祝就啱晒，最緊要係價錢都算中價，抵食之選食物質素方面都唔錯，而且我之前留位時仲專登留個甜品寫上慶祝字句，令是日晚餐畫上完美句號。對面望返餐廳嘅位置…Read More

再次走進大學校園，知道開咗間日式餐廳，而且聽聞初初新開張嘅時候仲一定冇位。我今日下午有時間，於是去試一試。好好彩，今日人又唔算太多，我一個人去食係唔駛等位嘅。呢度環境裝修有別於一般大學Canteen，感覺時尚D，用水泥牆和日式風格設計，有搭搭咪位置、亦有卡座、又有高枱位置，似出面嘅餐廳咁，而且職員都普遍係年青嘅。野菜飯係Basic HKD$28 + 餸錢 (around HKD$1X - 2X)餸方面，我揀咗咖哩牛肋肉 +HKD$16味道一般啦，冇咩驚喜，D肉較為硬D，反而我比較喜歡D野菜，如果可以多D就更好。另外，D日式咖哩汁係好香嘅，令人好想揀D日式咖哩飯食。餐廳有水可以自己拿而且D餐具都係非常乾淨…Read More

係沙田Home Squre行完IKEA，先知原來呢個商場開咗間「丼丼屋」，由於行到好累，都唔想再去其他商場搵食就試下呢間啦。(係元氣旁邊)由於我地冇預先禁票，所以等位都等咗15分鐘左右。餐廳主要係四人枱，但係今日多數都係兩位客人，所以眼見8-9成客都係搭枱坐嘅。我地分別叫咗兩個單點:名古屋鳥開親子丼 HKD$83望落去個樣幾吸引，可惜內裡都搵唔到5件雞肉，成個飯只係食到生蛋味(澳洲和牛)十和田燒和牛洋蔥丼 HKD$95食落去同普通牛肉冇分別!不過總好過碗親子丼......而且兩碗飯的分量都係偏細碗，男仔未必夠飽。每枱都有一樽水比客人自己添，幾方便，唔駛下下叫侍應幫手。…Read More