riceopenadam的個人專頁

food court熟客都知道或會聽過，神户北之板叫餐洪亮的聲音：北之板丶北之板！幾乎家喻戶曉！行動要快，點來咖喱豬扒蛋包飯，前湯為粟米湯，味道尚可。亦有沙律附上，不過小編認為沙律及粟米湯的量份可以多一點點就好了，沙律亦可以作為蛋包飯伴碟，那就不用分很多細碎的碗。豬扒舖在蛋包飯面上，份量亦不算大，蛋包飯的味道都平平無奇，飯亦有點太多水得感覺，軟軟的！因為餐不跟飲料，所以小編亦點了熱檸水，要加8元，檸水都用一小杯盛載，不足夠！性價比不高！…查看更多

在上星期日打算到紅磡食久遺的有名串燒「美味佳」，但原來忘記了這店星期日不營業。朋友馬上介紹我到附近的串燒店，我亦好奇，想試過究竟！初入到店內，人不算太多，可能這店鋪面有關，鋪面不像可以進入來，極為隱世！食物一目了然，簡單及清晰嘅餐牌令我們快速點餐！首先試一試撈麵，撈麵有細份量給大份量，我試了細的，個人應為細份量撈麵的味道比較濃，較為惹味！（試了一小口友人的大撈麵）然後點了雞中翼、蟹籽丸、貢丸及雞軟骨。這些串燒本身已經沾上調味粉，再加這店的秘製燒烤醬，味道十分強烈，讓人食到停不住口，一串接一串。一串接一串，果然唔夠喉，要點第二round, 第二round點左燒燒賣, 燒韭菜，味道拍得住「美味佳」！呢個燒茄子亦都係友人嘅至愛，一大塊，茄肉好豐厚，真的會很飽，但不會覺膩！飲品都有優惠，買滿十串串燒就送一款飲品，款式任選，真係好抵！串燒之家，豈只一家，決定多作新嘗試！…查看更多

大家對大家樂印象多數都係經典焗豬扒飯同埋燒味六寶之類，但其實大家樂間唔中都會推出新餐迎合大眾！今次同友人走到尖沙咀加拿芬道，見到好耐無食既大家樂，就去左食。呢間大家樂係要落一層樓，而且係新裝修，環境非常闊落又新淨，小編極度加分！唔單只淨係其他餐廳既二人餐先好食，大家樂繼之前既燒春雞之後，都推出左新既他他醬烤雞二人餐！取餐前，食客可以前往醬汁大本營自己調配心中想食既醬料，沙嗲醬、蒜蓉、豉油、辣椒一應俱全！（本身亦提供了魚柳沙律醬）呢個烤雞簡直十分抵食，烤雞雞肉豐厚、味道鮮嫰，肉汁濃郁，而且不會太肥膩，女士們都不會拒絕！呢個餐除左原隻雞，仲有2份粟米，一大盒芝士肉燥意粉，2塊薯餅。同友人分左半隻雞後已經有7成飽，食埋薯餅粟米已經足夠，意粉確是錦上添花！友人和我都飲凍檸樂，配埋烤雞食真係一絕配！好想介紹比所有朋友聽有咁正既餐！…查看更多

九龍塘這所大學的「聖」物是魚柳包漢堡，但未擒王之前，想試一試老二雞扒漢堡！學生canteen以自助形式進行，由點餐到取餐、選位置亦然！首先是薯條部份，以粗薯條製作，薯條炸得有點油條的感覺，食落口不夠脆和熱，而且茄汁只有兩小包，絕對不夠！跟老麥快餐相比可以話係比下去。整個雞扒包算不錯，搶回了不少分數，有一塊大番茄夾在中間（如圖），比起坊間的漢堡包健康得多，煙肉亦有兩塊，這價錢這用料都算是很好了！雞扒亦算大塊，包內的沙律醬亦能將其味道昇華！最後熱華田人手即場沖製，小編點了濃濃咪的華田，飲料方面有相對的自由度！滿意！下次準備潮聖！…查看更多

今日晏就想隨心隨吃就黎到樓下food court, 見到沙嗲之星生意都幾好，有人龍，就跟隊點餐試試。在場呀姐好有心，見我舉棋不定，就推介我食「今日之星」！仲話雞扒好食。簡簡單單，一塊大既炸雞扒係面，雞肉館佔既比重都高，下面有好多白蘿蔔，大大舊，再加兩條菜（如圖）。而白飯係分開放上，是次飲品係菊花茶，而且係免費既，無冰塊，亦無提供飲管。是平平淡淡的一餐，追求味道享受既食客建議往別家試試，因為這裡主打平凡，隨心隨心。…查看更多

金加利冰室在土瓜灣屹立多年，有一定的老食客，今日，我要試個究竟！今日係去食晚餐，隨行友人一個。看過餐牌之後，我便試試其條平民鐵板----西冷薄牛扒、德國香腸配薯菜！凍檸茶！不例外，首先送來飯前開胃湯，我選了紅湯，湯中真材實料，係足料既一碟！。但伴湯的烘多士不夠脆，咬落去一口咬唔斷，可以做好小小！我既鐵板黎到，店員都好有心咁為我遞上紙巾比我作遮掩！加分德國腸如圖一大長條，牛扒夠薄有兩塊，均真，不會太韌，韌度適中！黑椒汁亦剛剛好足夠，薯條均在牛扒下，建議先食，以免變林，隨大家口味！小編另外加了飯（$5），飯亦夠大碗，岩哂我呢啲飯桶！食野最緊要有心思有驚喜！驚喜竟然係杯凍檸茶度？無錯！真係好大杯（如圖），小編真係好驚訝，真係好抵飲呀！！！（建議一定要試試，絕無僅有）而友人點了黑松露白汁素炸魚長通粉，熱華田，友人都覺得無論係其外形設計及味道都很出色，名牌老店果然有功架，抵！最後，仲有埋甜品，小小心意已經將成餐飯昇華！（有涼粉及啫哩供選擇）性價比很高的一間餐廳，必定再回頭！…查看更多

早前的食評都有提過，小編最近曾到訪迪士尼樂園，在園中亦有好野介紹給你們！---火箭餐廳！火箭餐廳算是迪士尼內最舒服的餐廳，餐牌食物一目了然，點餐及取餐過程亦非常順利，座位亦不難找到。今次點左炸魚寶套餐。呢個套餐有薯條同炸魚塊，炸魚塊外貌好似麥樂雞咁，但食落入面就係魚，魚味好重同好出，以沙律醬配食，非常合襯！好味！薯條亦係新鮮炸出，熱辣辣，脆口，粗度亦適中，金黃色，很有質素。如果一家人玩到累累地，可以黎抖抖差差電再玩過，係唔錯嘅選擇！…查看更多

上班日總是平平淡淡，晚飯亦不外如是。如常到附近的金大班用餐，一進入店內已經找到位置！:)自從上次試過幾次斑腩飯，一試便愛上，所以再點了茄子斑腩飯看看這店菜色的穩定度。不例外，茄子斑腩及飯都是分開碟上，小編嫌今次的斑腩份量太少，曾要求店員作出更換，店員馬上用匙羹摷一摷搜尋碗中的茄子斑腩，翻了幾翻，見到有體積很小的斑腩便說有足夠的份量，小編亦無與其再爭辯，只好不甘心地這一餐。味道與上一次沒有太大分別！友人今次選了干燒伊面，但略嫌其麵太林太濕，水份太多，有種頹食的感覺，華田尚算不過不失，沒有驚喜。:(:(…查看更多

早兩日去完主題樂園，口乾乾淡淡的。好想食一啲濕潤嘅食物作為晚餐。經過樂富一角，喜見米線陣，沒有多想便進入了食店內用餐！由於同友人都非常餓，看一看餐牌，二話不說就點了擔擔米線。米線好快咁送到面前，呢碗米線係唔包其他餸，只有一碗米線， 一小絀酸菜同肉碎（如上圖），一目了然。小小的食材並沒有為米線打了折扣，味道依然。加上米線本身有小小辣，可能暖身。酸菜伴米線、肉碎聽落平平無奇，但絕對是很合拍的配搭。而且足夠飽肚！飲料方面我選了芒果鐵觀音，而友人則選了青瓜豆漿！芒果鐵觀音內附有鐵觀音茶包，小編略嫌鐵觀音的茶味蓋過了芒果味，而芒果味亦很容易積在底下，需要不斷攪拌飲用！有人表示青瓜豆漿調配合適，有一種小清新的感覺，推薦這個！期待下一次來臨！…查看更多

小編係假日紅磡寶石戲院睇完戲之後，就順便同友人撐枱腳，今次走到附近的「越北」試試！因為自己未試過生牛肉，所以就點左生牛肉牛丸河粉！第一次試生牛肉，上菜時見牛肉仲係鮮紅色，都好緊張，估唔到一浸入湯，牛肉已經好快熟左兼變埋色，而且口感係意外地好嫩滑浸入湯中令湯底散發出香味！而牛丸係剪開一半上，無咁彈牙，味道尚可。再加埋配料（辣椒、青檸）食，辣辣地好野味，青檸汁好開胃，可見食店老闆都有細心花過心思！而友人就點左豬扒湯河，豬扒都比較脆身，食落都有咬口，唔會話太林，兩碗河粉嘅湯底都比較入味，可以話係精髓黎！飲料方面我同友人都點左椰汁冰，椰汁冰以沙冰形式上，略嫌冰塊有點大，如果再磨得碎小小會更加好。最後店內座位都算舒適，枱上有是差拉醬同一支好似蠔油咁既醬，雖然試左一試味道無咩特別，但都幾有特色！加分！…查看更多

今日掃街梗係唔少得呢間摩芽雞蛋仔，自從半年前新蒲崗食過之後都想食過返尋味！今日就食佢！星星朱古力雞蛋仔係我第一次試，上一次試原味，估唔到都有驚喜！雞蛋仔入面加上星星穀物早餐，絕對提升雞蛋仔本身口感，味道都互相配合到，好完美既配搭，熱朱古力味亦夠濃，岩哂鐘意朱古力嘅我！下次會再食！…查看更多

今日即興同友人到葵芳廣場掃街，決定試吓新野，行吓行吓見到呢間「真好味麻辣燙」，鋪位位置有種隱世的感覺，就決定試一試！呢間小食店奉行freestyle, 食客可以係鋪面隔離嘅冷凍櫃自選材料，用老闆提供嘅碟揀好之後交還返俾老闆，等老闆幫你進行「麻辣混」，淋上熱湯及辣汁，就已經可以開餐！我和我同友人夾份食一碟，選了黑椒大肉腸、豬皮、貢丸、流心魚籽燒、響鈴等。麻辣燙既湯汁加上以上材料變得特別有味道，小編認為此店的重點是那秘製湯，一小口湯配上其材料，津津有味不得不提其魚籽燒，很特別，別家難求，小編推薦可以試試！2人食都係48$！抵！下次再食過！…查看更多

琴日係Throw Back Thursday, 而行行下見到好耐無食既OUTDARK, 就一於重溫下久違嘅味道。因為聖誕節臨近，一入鋪頭裡面已經見到周圍掛滿哂聖誕燈飾，好黑好有氣氛。Outdark以其炸雞聞名，所以就點了蒜香蜜糖炸雞。由於只有一名友人同行，就先點了這樣。員工一將炸雞端上，我和友人已經垂涎三尺，面前是一大盤炸雞，有薯條、薯格及薯條熔為蜜糖炸雞的配襯。四款調味醬料包括芥末、柚子、醬油及辣醬都有另外提供。炸雞的份量很多，炸粉不會太厚，反而雞肉很豐滿，兩人食絕對足夠飽腹。炸雞件外層塗上蜜糖汁，非常美味！薯條作為搭配亦不會比炸雞件遜色，不論薯條還是薯格，本身已經沾滿味粉，絕不能與其他食店媲美，亦不會高功蓋主！出色飲料方面，我和友人分別點了Bong Bong 及 Sikhye, 各有特色，Bong Bong裡有提子肉果粒，絕對為提子汁增添口感！而友人亦對Sikhye好評如潮！只食炸雞已經不足夠滿足我們的慾望，所以再加點DIY飯團！估不到飯團亦有他特色之處，就是配備手套，讓客人也動動手捏飯團，DIY自己心目中的飯團形狀！這活動增添整頓飯的玩味，小編亦認為是非常好的親子活動！:)整頓晚餐我和友人都讚不絕口，食得又開心！期待下次的來臨！…查看更多

人在樂富，友人今晚想食清淡一點，就提出到越棧用膳，不用排隊，想食就食。一入店內揀左卡位坐，首先睇咗單點美食及菜式，都不太滿足，因為涉獵嘅餸菜不夠多，所以一於食大佢，嗌個二人套餐！首先自己揀咗雞翼豬扒紅米飯，炸春卷。而友人就點了雞絲扎肉湯河，蒸粉包。而飲料分別是椰汁冰及熱紅棗！上菜過程出現小插曲，店員上錯了湯河的配料，變了雞絲豬扒，友人提出之後服務員都很快就換了正確的配料給我們，很配合及合作，亦很迅速！首先我的紅米飯水份非常多，好像食粥一樣，食下去亦有一部份是很硬的，好像飯焦一樣。食粉麵的餐廳還是不要叫飯吃好了。豬扒及雞翼非常細小，抽乾了水份一樣，非常乾身，炸出來的被亦不脆，冷冰冰沒有肉。味道非常一般炸春卷亦有生菜附上，但炸春卷亦比較硬，沒有什麼味道，春卷的餡亦太乏味了吧。蒸粉包算是最有味道的一道菜色，但亦不算得很好食，包餡裏面都很豐富，很飽肚而友人的河粉似乎亦得不到友人的鍾愛，算是平平無奇。值得一提的是椰汁冰亦比以往的差了，十分淡味，基本上飲不到椰汁的味道，有點粗製濫造的感覺，連招牌都大不如前，令我很失望。希望下次來的時候能夠改善！總括而言，大約$200食這一餐晚飯性價比不高，都不太推薦二人餐。…查看更多

今晚難得約到友人食飯，就相約在一間有童年讀書時回憶的南山村品香樓相聚食晚飯。品香樓的金漆牌匾高高懸掛在大門上，古色古香，十分有風味。甫入席，員工馬上端來一小碟花生，讓我和友人邊點餸點食，口不能停。今次叫來老字號的黑椒腐竹牛仔骨煲，魚香茄子煲及京蔥爆雞球，白飯每人一碗。鐵銹的容器印證了老字號的歷史。牛仔骨選材雖然不是頂級牛，但煮得很入味，搭配著腐竹及三色椒，完全能將牛仔骨的味吊出，色香味俱全！身為魚香茄子愛好者的我亦很喜歡這個魚香茄子煲，豬肉粒配上鹹魚碎作搭配，一碗飯當然不足夠，所以我及友人都叫了兩碗飯，茄子不會太軟身，食出它本身的風骨！蔥香雞球不過不失，個人嫌蔥佔得比較多，而雞亦不算太出色，不過友人亦表示不錯，各花入各眼吧！每人大概120蚊左右，能享受一頓豐盛的晚餐，滿足，滿足。…查看更多