haphapeat's Profile

香港公園有間湖畔餐廳，可以望住瀑布用餐，不過打卡位好快就full，今次都book唔到。同朋友一齊share咗afternoon tea set。第一層炸物，炸蟹餅幾好味，全舊都係蟹似，素春卷淋咗唔脆，不過炸物溫度唔夠熱。第二層冷盤鹹點，parma ham, salmon roll味道正常，但蝦沒有味道。最底層甜品，比我想像中ok! 開心果同焦糖味macaron好味，紅桑子蛋糕沒有藥水味，奶凍夠滑，tiramisu有別平時，蛋糕部分佔得較多。Scones質感唔會太鬆散，但牛油味唔太夠，可配clotted cream / rose jam。$488 for 2，整體質素可接受，但試過就未必會再去了。…Read More

好耐好耐冇食勝香園啦，耐到都唔記得咩味🤣咁啱排到我哋就截龍，好彩等咗唔係好耐。· 牛油檸檬汁蜜糖脆脆眼見每枱都有點，麵包烤得香脆，牛油香👍🏻蜜糖同檸檬汁好夾，少少酸，唔會太甜，好味。· 番茄雞扒/牛肉麵湯底好濃番茄味，好多茄蓉，雞扒冇乜特別，配牛肉好味啲，感覺新鮮啲，另外有加配雞蛋，湯底取勝。· 奶茶茶底冇澀味，但偏甜。· 凍檸茶…Read More

店舖大概只有十多個座位，被安排坐吧枱位置。· 鹽燒油甘魚鮫相比平時常吃嘅三文魚鮫大件好多，魚肉比例亦較多，肉質較實身，但油脂冇咁豐富。· 煙三文魚沙律用作解油膩，味道正正常常。· 炸物拼盤（池魚、豆腐、雞軟骨）最鍾意池魚，粉漿夠薄，有魚春！連埋魚頭食都唔會有苦味。· 串燒（雞翼、牛肋肉、月見雞肉軟骨棒）鹽燒雞翼最好味係表皮燒得乾脆，但仍保留雞肉軟滑質感👍🏻；牛肋肉牛味幾重，肉質好腍。· 最中餅雪糕揀咗開心果同海鹽味，開心果味道不夠突出，海鹽好味，鹹甜交錯😂整體唔錯，價錢合理，可以再試其他串燒。…Read More

元朗好似多咗好多串燒小店。· 芝士年糕覺得最驚喜同最好味！搽咗蜜糖，甜甜哋同芝士餡好夾，外皮燒得好脆，同軟糯嘅年糕好有對比，呢個完全係出乎意料之外。· 茄子食得出蒜茸係唔同啲，似係預先調味過，茄子夠軟身，唔錯！· 菠蘿表面加咗一層焦糖脆，菠蘿夠甜。· 雞髀睇到唔少食評係必食，但覺得小小失望，唔太特別，部份位置肉質燒得偏硬身· 豆卜· 蒜茸娃娃菜以下嘅串燒覺得較普通，同埋份量偏少。· 雞軟骨· 牛舌· 大腸· 雞腎· 麻辣花甲粉…Read More

同朋友每次都會揀各自想去嘅餐廳為自己慶生。· Welcome Champagne· Bread好隆重其事，會推餐車喺你面前，簡單介紹提供嘅3款唔同年份嘅黑醋，12、25、50年，酸味有唔同，但我覺得分別唔算好大。· Blue Fin Tuna Tartare吞拿魚他他搭配海膽同魚子醬，吞拿魚肥美，海膽鮮甜。· Tuna Otoro Carpaccio 配搭橄欖油同檸檬汁，開胃，但吞拿魚切得太薄，口感欠奉，但味道唔差的。· Mussels食咗幾隻，有陣腥味🤔應該未煮時青口已變壞，最後職員願意重新再煮一碟，味道差好遠，不過青口有啲細隻，冇記錯好似係1kg嘅份量。· Rigatoni Pesto Pistacchio & Sicilian Red Prawns見到開心果做pasta材料覺得好特別，食落開心果味道唔算濃，但碎粒增加咗口感。· Limoncello最後完結用膳時，會送上一杯檸檬酒，唔好飲，好奇怪🥲職員態度，餐廳環境加分，但食物味道就不過不失，不算太突出。…Read More

屯門呢排好似好多拉麵推介😗餐廳晚市主要做omakase，割烹料理，拉麵係近呢幾個月午市推出的。· 雞清湯拉麵 / $98根據師傅所講，湯底冇加任何味精，熬咗20小時，可以試咗原湯先，感覺雞嘅精華去晒碗湯度，然後再加黑胡椒，加咗味道層次唔同咗，好好味，碗湯最後差唔多飲晒。拉麵適中硬度（鍾意呢啲幼身拉麵），有啲韌度，同一蘭拉麵質感好似，叉燒唔係用豬肉，係用九州雞肉卷起做咗雞卷再切片。· 雞白湯拉麵 / $88同我想像中有出入，湯底creamy d，但會膩啲，每碗拉麵有味筍、蛋、紫菜做配料。個人更鍾意雞清湯，比較出色～不過餐廳好似係每日限定供應20碗，我1點左右到都食到。…Read More

· Fried Chicken Sandwich雖然叫sandwich，但係更似burger😂麵包係用法式甜包，麵包甜味中和返南乳醬，炸雞大大塊，好juicy。肉質好嫩滑。· Tai Hang Fries平時鍾意麻辣口味食物，薯條加咗孜然粉同辣椒，有啲山椒味，啱我口味！· Fried Chicken同炸雞包入面件炸雞應該一樣🤣點餐冇為意，同樣點配南乳醬。· Mala Tounge麻辣牛舌，牛舌薄切，飲啤酒食佢同薯條都食冇停口。· Young Master Draft Beer揀咗Classic同Hi-Juice，Hi-Juice會比較酸啲，兩款都係pale ale。…Read More

同媽咪去行街，搵咗間餐廳唔使排隊就坐低了，原來而家有all day breakfast揀😂· Sooth - poke the poached egg味道正正常常，最印象深刻係法包，外脆內軟，口感非常好，好香牛油味，粉紅色醬係酸忌廉，我覺得太酸🥺· Breathe - smell the waffleWaffle外面好似包裏住一層砂糖，口感較實，但味道還可。· Latte / Thai milk teaLatte唔錯🫶🏻每枱都會有蝦片做前菜小食。…Read More

「魚事者」以魚肉小食同魚麵招徠。· 炸魚無薯條薯條形狀嘅炸魚肉，煙煙韌韌，可以自己揀醬料，點配雙子醬（明太子醬加蟹籽），有驚喜，不過一定要趁熱食先好味。· Fish-chos 扮墨西哥魚皮Nachos嘅魚皮版，好有創意🤣但又真係好夾，魚皮同粟米片性質有啲似，同樣脆卜卜，魚皮配牛油果醬，番茄紅蔥頭粒粒好好味。· Fishotto魚米粒粒•扮意大利飯又一創意之作，將魚麵切成粒粒扮risotto，口感彈下彈下咁。· 蝦頭油炸蝦球魚麵撈當時1516諗緊叫邊款湯麵時，隔離枱食客好熱心話呢個好正，係好香蝦油味，但有啲乾身，都係下次有機會試返湯麵🥹· 魚湯翡翠苗幾鍾意，食得多炸嘢，可以清吓，魚湯夠味。…Read More

· 油浸本地水培大筍殼筍殼魚油炸後，再淋上甜豉油，魚肉好嫩滑，真正外脆內嫩，好味👍🏻· 招牌梅菜扣新鮮豬肉梅菜扣肉必點，豬肉好大塊，肥瘦相間，口感腍身，好入味，撈飯一流。· 回鍋花生苗上菜先知呢啲比較粗身好似芽菜嘅係花生苗，口感爽脆，加咗肉碎炒，小小辣，幾惹味。· 香煎墨魚餅食到粒粒墨魚，但口感唔算彈牙，相比較普通。· 鮮鳳梨山楂咕嚕肉記憶唔深刻，不過不失。· 豬油砵仔飯豬油撈飯冇得輸🥹用砵仔蒸飯，飯粒相對會乾身啲，飯粒同樣粒粒分明，比較有口感。· 自家製黑蔗糖蜂巢糕黑糖味好香，唔會太甜，帶小小煙韌感。…Read More

訂過好多次位，但都去唔成，今次慶祝朋友生日終於可以試到。· Seafood Paella (medium)食西班牙菜點能夠唔食Paella，有分medium/large size，2個人medium都有啲多，海鮮有蝦、魷魚、蜆，飯粒索晒海鮮鮮味，味道好濃郁。· Pulpo A La Gallega八爪魚彈牙而唔韌，配搭Paprika，微辣，更突出八爪魚鮮味，底下則鋪滿煮得軟身嘅薯仔粒。· Chicken Salad蔬菜爽脆新鮮，略嫌沙律醬偏鹹。· Churros最期待，外脆內軟糯，沾滿肉桂糖好香，再點朱古力醬食，perfect match!…Read More

有別大部分酒店嘅Tea Set，通常都係Set for Two，但呢度就冇呢個限制。不論鹹甜點，總共可揀選8款，職員會推架餐車喺面前揀選，大家都揀咗鹹甜各4款，先食鹹點，然後甜點。另外每人會配有2個scone，原味以及提子口味，scone唔錯，唔會太乾身，幾香牛油味，內裏軟身，最鍾意都係搽clotted cream，另外有牛油同4款果醬可配搭，Raspberry、Orange、Hazelnut spread、Bush peach，Bush peach都唔錯的。· SweetCoconut mangoFleur de sel caramel⭐️⭐️⭐️Lemongrass apple⭐️⭐️100% chocolate⭐️⭐️Raspberry lycheeApricot cheese最鍾意Fleur de sel caramel，榛子醬加焦糖脆餅，Lemongrass apple食落好清新，蘋果蓉啫喱加千層酥嘅配搭，100% chocolate好難中伏🤣慶生有安排隨機2款甜點喔，所以多咗2款😂· SavouryTuna tataki⭐️⭐️Smoked salmon roll⭐️⭐️Wagyu Beef⭐️⭐️Hamachi Tartare⭐️⭐️Tomato macaron有5款係因為試埋朋友嗰啲😽鹹點揀嘅大部分都係好正路，唔會出錯，好味的，但Tomato macaron實在唔係我杯茶，餡料係goat cheese，好羶🥲但相信鍾意goat cheese嘅會好喜歡，因為味道超濃！另外有好多craft tea揀，建議大家揀唔同款，可以試多啲。…Read More

之前食過土瓜灣外賣覺得一般，但果然大排檔係要堂食先有風味，。· 香爆黑椒牛仔骨煲 / $113黑椒味重，牛仔骨好大件，配菜（洋蔥同青紅椒）索晒牛椒汁好正。· 七味黃金一口金磚豆腐 / $75豆腐軟滑，正常發揮。· 燕麥金沙蝦球 / $113係我鍾意嘅黃金蝦🤩鹹蛋黃起沙，包住蝦球，然後上面鋪滿燕麥，幾得意嘅配搭，食落口感幾特別。· 楚撚豬油撈飯 / $23白飯倒入豬油、豉油、可隨喜好加入蔥花同芫茜，飯粒分明，的而且確係非常香口，好夾食大排檔小炒。· 綠豆清心丸糖水糖水係贈送的，清心丸好味，可以下火🤣。…Read More

真係好鍾意食日本菜🇯🇵🤣· 特上壽司八貫 店員推介餐廳嘅手握壽司，表示十分受客人歡迎，覺得有啲似輕量版omakase，事前唔會知有咩壽司，由廚師發辦，賣相好好，味道都好好🥹，刺身好新鮮，一致覺得好味，赤貝、墨魚都夠爽口。· 花魚一夜干魚肉好厚身，味道正常，唔會偏鹹。· 玉子燒當日係用夢王蛋，聽聞蛋味會比蘭王蛋更濃郁，睇顏色都知蛋黃有幾橙黃🥹，呢度玉子燒係冷食的。· 鴨胸肉沙律（前菜 ）壽司真係好味，推介！…Read More

同朋友幾個女仔最適合搵間cafe坐下☕️Cafe有室外室內座位，室外露台位置頗多，建議大家坐室外，比較chill，又可以打卡。食物質素還好，但價錢合理，去飲咖啡之餘，可以順便參觀大館，過一個悠閒嘅週末🤍· 日本雞蛋三文治· 士多啤梨三文治· 香脆薯條· Iced Chocolate / Mocha（唔記得咗😂）· Milk Coffee…Read More