Alice_kayi的个人专页

今日一離開地鐵站就落大雨，好彩油麻地站出去1分鐘到有一間靚靚麵包舖可以避雨！我俾佢門口嘅深綠色設計吸引住，有意粉又有麵包食，入面啲麵包造型超得意！有我好鍾意食嘅bagel，我叫咗開心果同埋芋泥麻糬bagel，嗌咗兩杯特色嘢飲，仲嗌多咗兩個用柿子做主題嘅甜品😆因為好肚餓😂😂😂 不過最後真係太飽食唔晒，bagel係幾好食，開心果幾有驚喜，我覺得都幾香，而芋泥麻糬入面真係好煙靭。焙茶特飲勁濃茶味，我個人麻麻，但係我個friend好鍾意。我自己鍾意抹茶多啲。…查看更多

睇咗好多人話呢個蒜蓉豬腳好好食，save咗勁耐都冇食過，今日就嚟試吓！勁誇張，大size 豬腳同中size只係相差$50 ，但係我真係食唔到咁多😂😂直接叫一個二人餐包一個飯，同埋一個豬手set。兩個人食都好鬼飽👍好推薦多啲人一齊嚟食，因為每一樣嘢食都好大份，可以試多啲嘢食，試多幾款前菜。呢個餐仲包一個沙律，前菜免費任添，所以飲食十分均衡。人均每人$250左右，味道同我喺韓國食嘅一樣，所以好開心。下次想黎食菜包肉😆…查看更多

今日因為工作，所以入到荃灣海濱。呢度嘅餐廳唔多，感覺都係家庭式經營，或者專做呢一個小區嘅餐廳。行上咗屋苑平台，見到呢間泰國嘢覺得性價比幾高，一個午餐大概$55左右，所以再入去試吓。同同事嗌咗幾款小食，包括豬頸肉、炸蝦餅、無骨鳳爪、串燒，我又嗌咗海南雞飯同埋珍多冰。佢哋嘅泰式味道都幾正宗同九龍城嘅差唔多，但係價錢就平20幾至30幾蚊，所以我先話性價比高😂海南雞都幾滑，我好快就食完，就冇影相😂😂😂小食入面我最鍾意無骨鳳爪同炸蝦餅，因為我唔係好食得辣，所以呢個鳳爪超啱我不過地方真係比較吊腳，唔係住附近/有事要做都未必過嚟食，如果偶爾行開過嚟嘅朋友，不妨一試👍 支持小店，支持香港人。…查看更多

朋友話要食好啲，所以喺K11 Musea揾餐廳，結果就揀mussels👍我地2個人，因為冇book枱，所以只可以坐bar枱，目測大概可以坐30人左右，唔算有好多位。不過我估唔到竟然係開放式廚房，但冇乜油煙，抽油做得好好。雖然2個人，但係大家都好餓，叫左4個item，人均大概$400，平均每個item $200。根據上次既經驗，大推blue cheese青口，配麵包超好食☺️麵包有6塊，好香脆，浸埋入blue cheese汁，好好食~同時又揀咗白酒青口，青口會鮮甜啲，但用汁配麵包/薯條都略嫌淡😂 西班牙炒飯雖然有少少偏酸，但係材料豐富，所以都好食。至於蛋餅，我覺得比較普通，有個梅乾都幾酸，麻麻地。…查看更多

第一次入愉景灣，想試一間特別嘅餐廳，所以揀咗呢一間土耳其菜，入到去裝修都幾有土耳其風格，原來餐廳有兩邊門，一邊係望住海景，有一啲心形嘅卡位，如果夜晚喺度飲酒應該都幾好feel 。不過因為晏晝天氣太熱，所以我哋選擇室內，佢餐牌有唔同嘅嘢食，有少許其他國家嘅嘢食。我哋兩個女仔嗌咗一個鍋飯，同埋一個kebab，仲有一杯橙汁，大概每人二百幾蚊。味道上，我覺得不過不失，有少少土耳其嘅特色，但係如果經常食開土耳其餐嘅人，就會覺得比較普通，啲烤肉冇特別好食，味道尚可。店員服務好好，親切有禮，環境都舒服，所以可以輕輕鬆鬆，喺度食嘢傾偈。…查看更多

為左慶祝生日，所以book咗餐廳食飯。今日係閒日嘅晏晝，所以又唔算多人。舖頭一入去就係一個花店，已經充滿好多花，行多兩步就會見到每張枱都有花做擺設，裝修好靚，好多細節位，華麗但唔浮誇，好適合影相😍😍😍 （入到去都覺自己係公主）座位方面比較大張舒服，最鍾意係佢有圓枱同卡位設計，人多人少都啱🫶嘢食方面超級適合打卡！影相！味道方面亦都唔錯，佢係多國菜，所以菜式比較多元化。我哋六個人嗌咗個四人餐，然後再加幾度主菜，首先嗌咗兩款唔同嘅湯（蘑菇湯同蕃茄牛肉湯），我試咗蕃茄牛肉湯都算幾好飲，然後前菜嗌咗牛肉塔，時蔬，南瓜沙律同埋帶子南瓜沙律。的確幾好食~ 佢嘅南瓜係特別甜，牛肉塔都幾好，但係因為四人餐，所以所有嘢都係得四份。主菜方面我覺得雞肉的確幾好食，我哋額外再嗌咗個牛扒，牛扒份量唔算好多，每人都有一件咁上下，Pizza都好食，係脆既皮底。由於慶生，所以枱面有一個鮮花寫住Happy birthday，甜品方面佢哋會有架車放生日嘅小蛋糕以及生日頭箍，好適合大家戴上頭箍一齊打卡。店員都好識做，又會教我哋點樣影相，又幫我哋分食物。大推！少女心滿滿！…查看更多

打邊爐一定要冷氣夠大，呢度係做得好好😋😋去九龍城搵食咗咁多次，第一次食呢一間邊爐，原來佢喺尖沙咀都有分店。今次同細佬兩個人一齊食，唔需要等位，好快就有卡位，每個卡位都有一部小電視可以一邊食嘢，一邊睇電視，好開心😆呢度最推薦佢係佢嘅一Tang而且佢有好多唔同牛肉部位，如果鍾意食牛嘅朋友一定好開心！（包括我細佬）另外佢哋都有一啲刺身，同埋自家製嘅小食。刺身都幾新鮮，自家製小食可以一試👍整體食物質素都幾好，不過就覺得有啲單品比較貴，或者份量比較少，但係食得出係好質素嘅食物🙈 侍應都好親切，會幫手。嘢飲方面，我哋嗌咗自家製嘅蜂蜜蘆薈，然後再加梳打水。正人均大概$800左右…查看更多

第二次黎食，今日太可惜冇咗最鍾意嘅開心果，但係試到好多唔同嘅新口味。佢初期開張嘅時候有試過，而家第二次再食，質素依然保持水準😎推薦大家每一次都要嗌三球雪糕，因為一球$70，二球$85，三球$95，所以叫三球同朋友食就啱啱好😆今次同朋友食咗開心果醬，夏威夷脆脆果仁同埋莓，另外有朋友試咗新口味嘅豆腐花，豆腐花好有驚喜因為佢係薑汁豆腐花，有小小薑味同薑皮😆呢個口味算做得幾成功！雖然我哋係夜晚九點幾去到，但係舖頭都坐滿人，可以見到佢有幾受歡迎。我哋發現有個小貼士，原來唔同人「筆」嘅雪糕都有唔同size，其中有個店員佢整嘅雪糕球係會特別大，如果想食多啲嘢不妨留意吓。…查看更多

我好耐之前已經聽過呢間酒吧一直都覺得有時間就去試一試，但係估唔到已經聽到佢執笠嘅消息，所以一早就同朋友約定今日去食飯我哋預先用網上訂位服務，九月頭訂到九月尾嘅時間，預先做咗好多攻略，知道歉有唔同嘅雞尾酒同埋小食。大家推薦嘅腸粉薯波，我覺得幾有驚喜，佢採用咗平時食腸粉混醬嘅方式加入薯波，亦都試咗冬陰功味嘅薯波，有少少辣同埋蝦嘅香味，唔錯！熱狗方面試咗兩款，兩款嘅麵包都整得好好食外脆內軟，而熱狗腸方面亦都充滿驚喜，四個人分啱啱好一人一嚿😂整體食物份量都唔算特別多，而價錢就大概180蚊一份。至於雞尾酒方面，全部都比較容易入口，所以都好適合影相打卡用。今次同朋友一共四個人去，每人嗌一杯嘢飲同埋四款食物人均大概$380至$400左右，已連+1 。我好鍾意呢間酒吧嘅概念，希望遲啲可以再見到佢👍😆…查看更多

食左好多年，佢一直都冇乜點加價，我覺得都幾良心🤣 （以前一個lunch都係50幾蚊，而家都係60蚊左右，其實好合理）今日過黎食下午茶，如果想少食既，我都幾推薦，如果太餓，可以叫返午餐，都係60蚊左右。今日叫左2個餐，一個T2，一個T6。T2，係焗豬扒飯，我覺得有啲偏濕，芝士味唔算重T6，雞脾不過不失，配喇沙湯，我揀左意粉整體上，我覺得對得住價錢😂餐廳係下午茶時間都多位，舒服，鍾意可以坐多一陣，冷氣又夠大，啲位多數係卡位，私隱度都高，傾計又舒服。想食下午茶既人可以黎呢度食，九龍城既朋友推薦🙋‍♀️🙋‍♀️大概人均40-50蚊，冇加一，有粉麵飯同麵包沙律餐。…查看更多

約左fd傾野，想揾個好坐，又靜，又舒服既地方，所以就揀左呢度。比想像中容易揾，估唔間舖仲有二樓，都算多位坐又舒服，幾岩傾計。食物選擇唔算好多，但睇得出食材肉容有講究，比起普通cafe再好少少，所以價錢連加一都貴少少，大概人均160（連加一）。我試左沙爹牛面頰腸粉，其實幾好食，我只你見好多人嗌就嗌，配搭上黎都幾岩，仲好飽。反而叫意粉就普通啲，有個龍蝦汁蟹肉貓耳朵，就冇乜龍蝦汁味，相對地淡口，同細份（男仔fd話唔飽）。Staff都幾helpful，啲水free flow 。好似話甜品都okay，下次再試。…查看更多

多人食飯就一定係大排檔！妹記一直都係心目中首選！由中學開始，慶功、生日飯、莊聚，都會去食妹記。有啲招牌菜一定要叫，例如鬼馬油炸鬼，墨魚咀，薯仔炒牛柳粒，同埋唔少得既啤酒！成班人拎戰鬥碗一齊飲啤酒先係重點😆雖然少左人留港，但妹記都係好熱鬧！最鍾意同大家一齊飲勝！呢啲先係香港風味！侍應都好親切，氣氛都幾好，我食得早，所以唔洗等就入得，不過而家早個輪食飯有限時，想無限時就食8點後。野食都好好食，冇退步到，人多可以叫多幾款菜，留港食飯，不妨撐多啲本地既品牌，都有好既選擇！人均食左180，只可以現金或支付寶…查看更多

黎九龍城想試清酒，必須要黎呢間！作為九龍城人，久唔久都黎呢間居酒屋食野。晏晝多數食拉麵，夜晚就會食刺身、燒物，再飲返兩杯清酒。店員都好友善，會同你逐一介紹佢地啲清酒，甚至做到一間清酒品牌既獨家代理。今次試左室町酒造 甘熟清水白桃清酒，係好甜既白桃酒，雖然有8%，但飲落唔覺，不知不覺就飲完一枝，下次再試下其他！除左清酒之外，每次我都會點呢款料理，大推！好好食！條魚燒得好香，配鮮芥末同䄂子汁，去魚既油膩感。讚…查看更多

去左大澳咁多次，第一次去酒店餐廳食飯，有睇過價錢唔算好貴，服務、裝修、環境同食物質素，都絕對對得起個價錢😂冷氣好涼爽，炎炎夏日黎講，真係避暑一流，勁refreshing，坐低飲杯野，再借埋充電器，完全係幫個人recharge我個日係食夜晚，餐廳唔算多人，不過夜晚太黑，睇唔到海景，但個人黎講，本身餐廳都已經打卡able。我地冇嗌set dinner，只係每人單點個主菜，係夠飽，人均$170，其實可以接受。侍應態度都好親切，會幫手斟水，又教我地點樣去借充電器，食餐飯幫埋電話充電，我自己就最欣賞呢點。…查看更多

在五六年前已經很喜歡尖沙咀的紅雞，這一兩年知道在紅磡也新開了一間，一直未有機會試，所以難得假期前就走過去，望著海景吃飯👍😎 餐廳寬敞有很多位置，基本上都不用等待，直接就有位。感覺上餐牌選擇比尖沙咀較少，但我是衝着炸雞來，所以影響不大🤣我們兩個人點了一份半半炸雞，泡菜五花腩肉和一杯西瓜沙冰，十分滿足和飽肚👍炸雞又熱又香，每一口都充滿醬汁的味道，能夠感受到每次都是新鮮炸出來，所以雞肉又香又充滿肉汁。西瓜沙冰感覺是利用新鮮西瓜刨冰而成，所以不太甜，很清涼，每人大概200幾蚊。^_^…查看更多