michael216's Profile

我叫外賣。二人餐。份量太小。圖片與實物差太遠。只得一人份量。二個成人一定吾夠食（我已經叫多一客小食）我兩個其中一個係8歲小朋友，食完都仲話肚餓，可知份量有幾多，仲要比少份小食，我無追返，等你黎到我都食其他野食飽。味道係茶餐廳水準，有牌子我預左份量小，好食無問題，但係真係差太遠。茶餐廳平40%份量多一倍，味道真係無分別。今次中晒伏，一定要分享比屋企人，親戚，朋友，同事。真係估你吾到。祝生意興隆，繼續有人幫襯你。…Read More

食物質素不錯。員工清潔餐盤速度快。有笑容。整體來說是很好。可惜是。。。當到達櫃位跟員工點餐時，該名男店員在櫃位並沒有任何反應。當我話：「hello?」該名男店員仍然沒有回應。連等一下，請等等都沒有說，就連一個眼神接觸都沒有。（可能好高級啩？）唯有等另一個櫃檯。當到我正在下單的時候。該名男店員 命令式的大聲的呼喊正在跟我下單的員工。突然一嚇。另我當場一呆。對話被打斷。場面十分尷尬。只可說該男店員連基本禮貌都沒有。(應該真係好高級。)總括整體不俗。。。希望這編文章能被管理層看到並加以正視。…Read More

1830去到已經有人等緊位。到埋櫃面問2位有無位。個姐姐望左我0.5秒就答我無位要等。起碼一粒鐘。。。其間佢不停襟電腦同寫野（可能真係忙既）但係我就覺得有D不被尊重既感覺。到留電話講埋我係附近行一陣。我順講埋我姓陳。個姐姐一句話：「我地呢度吾留姓咩，電話得啦。」我呆左。係咪咁大間連鎖餐廳無錢培訓員工。基本既對客技巧都吾識企帶位？雖然間餐廳吾係高檔。我講比你聽。都吾使咁講。無禮貌。不知所謂。終於都到食果part..老老實實。真係普通到不能再普通。兩個扒，一杯啤酒。埋單1170。咁既質素咁既價錢其實係幫手交租。我從此以後吾會再光顧。亦都會叫埋D朋友吾好再光顧。同O字果間扒房比無論價錢，食物質素都輸晒。…Read More

中價收費。大家樂質素。枱布吾乾淨。吾知係吾洗定洗吾甩？就咁放張紙係上面就算。Sell 半自助扒餐。自助既野吾多。一兜菜（如果有4個人去夾，第4個應該夾吾到，量吾多。）咖哩角。薯角。3兜生果。由於由去到坐低至到食完塊扒都無人拎過，我食左小小薯角就吾敢再食。吾知放左幾耐。叫左塊牛扒同我係大家樂食差不多。黎到隻碟仲有2-3粒瓜同茄子。碟大扒細瓜小。仲有係無得跟飯同意粉。得薯角，麻煩自己去夾。待應ok有禮貌既。但係應該係新做。睇得出碟都楂吾隱。有湯，扒，甜品，餐茶。菜生果任食。300左右係旺角吾算貴。但係吾會再去。因為真係無一樣野係好食既。花園餐廳會好食過佢。…Read More

以前D嘢真係幾好食。夠獲氣。擴充後真大不如前。夜晚D嘢食要等好耐。而且D嘢食好求其炒。完全係趕時間質素。下午/下午茶真係吾好提。幾十蚊無要求街坊質素完全明白(我都係屋村仔）但係杯凍飲D冰多到好似吾使錢咁。奶茶係完全完全無味既。吾好話茶味。奶味我都飲吾到。似杯冰水😡。…Read More