shingks's Profile

Happy Friday 好應該要慶祝一下，豪一豪佢。同事介紹灣仔開咗一間新嘅法國餐廳，我哋去試吓先😅餐廳門口佈置簡潔尤如法國嘅小白屋一樣清新。入到餐廳已經比入邊嘅裝修吸引，坐低望吓個Menu，十分吸睛，因為有我最喜歡吃的鵝肝！首先黎左個法包同牛油，法包用北海道配製嘅小麥粉做，鬆軟可口！再配埋個特製嘅牛油，我竟然一口氣食晒兩個包！再嚟兩款頭盤，第一款係四小碟，油甘魚刺身好新鮮，10個讚！再嚟順時針食第二碟嘅哈密瓜溶配巴拿馬火腿👍🏻。第三碟係炸銀雪魚泡沫，最尾小碟係一口鵝肝茸配無花果醬👍🏻👍🏻主碟我叫左豬，從來未食過咁少脂肪嘅豬，因為呢隻豬係食水果大，所以佢嘅肉質鮮嫩，冇乜脂肪😃最後梗係唔少得飯後甜品，日法fusion嘅甜品真係好有特色，今餐真係十分滿意👍🏻👍🏻👍🏻👍🏻…Read More

想念日本？去就啱啦後知後覺，差不多兩年幾冇得飛日本。可以話對「返鄉下」，有著強烈思念。係日思夜想下，fd突然介紹話尖沙咀金馬倫道開咗間好日本嘅日本居酒屋。忍唔住就即刻起行。一看餐單，好新派日本菜feel。和牛，龍蝦，還有充滿少女心的熊仔打卡，都看得出店舖用心設計。餐廳裝潢都好有心，和風式設計，加上柔和的燈光。可以話係一個日本嘅沈浸式體驗。講返幾個印象深刻食物。忌廉球炸薯條。搭配酒一流，好邪惡，熱騰騰的薯條，搭配解膩的忌廉球，一絕，叫人一口接一口不斷食。另外值得一試的係和牛溫泉蛋飯，視覺衝擊，上碟。待拍完照後，店員會細心把飯拌開，香滑的蛋液混入飯中。搭上和牛濃郁的脂肪與牛的味道，很完美的融合在一起，必試。總的來說，可以一解鄉愁，值得去試試。…Read More

又嚟到星期五，Happy Friday係要出街食飯慶祝吓！屋企附近有間食日本串燒好出名嘅小店，未有疫情之前，間唔中會同班姊妹嚟呢度飲下梅酒，叫碟雞泡魚乾，就可以吹水成晚！今日同個女和老公食晚飯，試吓啲大路嘢，我哋叫咗個牛肉壽喜鍋，壽喜鍋好好食，牛肉又多，連個湯都好滋味。然後我又叫咗個兒童餐比個女，茄汁炒飯入邊加咗雞粒，再蓋上蛋漿，就變咗一個好的骰嘅蛋包飯！阿女當然食到舔舔脷啦！呢間小店嘅特色，除咗好有日本feel，我原來舖頭入邊仲有好多漫畫睇㗎 ！食未嚟之前，我女就睇咗幾本叮噹漫畫啦！好開心，阿女仲話下次再嚟😬😬😬…Read More

疫情冇得出街食飯，但係又好想食日本吉列牛扒，又要近屋企，價錢又要實惠，食物質素又要好，非牛脾氣莫屬啦！同老公兩個去完街買日常用品之後，我哋就出發去牛脾氣買外賣返屋企嘆！雖然疫情關係佢哋冇做堂食，但係佢哋依然有做外賣。我老公叫咗個吉列芝士滑蛋豬扒飯，我就叫咗個吉列牛飯再加多個龍蝦肉沙律！由於外賣自取，食店送多個特色小食俾我。其實好難外賣自取都咁好食，牛脾氣嘅外賣自取返到屋企依然都有堂食嘅水準，可想而知，如果之後去堂食係會幾咁好食。見到舖頭有聲援卡攞，係Mirror同Anson Lo呀⋯⋯真係開心死我啦！雖然我鍾意Edan多啲😂舖頭裝修都好有特色，外賣餐具都好靚好日本🇯🇵feel , 好期待遲啲回復正常後，帶埋呀女去堂食😍…Read More

呢排天氣突然變冷，最啱就係打邊爐，靚靚老婆對打邊爐要求好高，唔好俾佢鬧，同事介紹咗銅鑼灣宇宙商業大廈嘅「三鍋」，一於試吓咩料你冇聽錯，係宇宙商業大廈，以前去飲酒就去得多，我真係冇諗過呢幢大廈有嘢食，呢間餐廳個格局有啲似私房菜，地方唔係好大，所以就有種好Close，好窩心嘅感覺講返食物先，打邊爐最緊要係牛，我哋order左本地手切肥牛，牛味非常充足，非常嫩滑，脂肪同埋肉嘅分布都好勻循湯底方面，我哋要咗鴛鴦鍋，胡椒豬肚湯x麻辣湯底, 完全唔需要加錢，好公道，嘢食未到，我哋已經飲咗五份一湯底珊瑚蚌，當然唔會令你失望啦，淥20秒到即刻食得，鮮味無比炸魚皮，又香又脆，呢個係我打邊爐必叫鴨血，呢個正囉，食到台灣嘅原味度，其實鴨血係貴惹來，有時食湯麵，只係得一兩片，但係呢度比足你最後補充一句，如果book大房，係有無敵維港海景㗎，下次叫埋一大堆老友一齊食多次先…Read More

多謝兩位好姊妹同我慶祝生日❤️今晚天氣不似預期落大雨，好姊妹book咗旺角通菜街一間隱世西餐廳同我慶祝生日。餐廳牆身用白色磚，感覺很舒適。坐低後餐廳職員隨即送來暖水，職員笑容可恭同好有禮貌，未開始食嘢已經對呢間餐廳好有好感。我哋三個女仔都好鍾意食嘢，打開Menu真係有好多選擇。最後我哋揀咗食串燒,意大利飯仲有德國豬手。餐湯係忌廉湯，伴有蒜蓉包及自家製香草蕃茄醬，出面落住雨飲湯，感覺好溫暖。蒜蓉包好香脆。飲完湯，職員即送上鵝肝多士～ 鵝肝好大塊，煎得好香～真係好有驚喜❤️姊妹們都鍾意一邊飲野一路chitchat, 我哋分別叫咗Tiffany Light, LA Mojito 同埋 Fruit Punch~ 杯杯都夠大杯樣又靚，可以夠成晚一路傾一路飲，性價比好高。接下來，職員送來串燒安格斯牛柳同埋串燒蒜香雞～ 串燒燒得好香又夠肉汁～真係好好味。 身為飯桶，晚餐一定會食飯。好姊妹點咗松露野菌意大利飯畀我食～ 本身好驚意大利飯太膩～點知個黑松露太好味，好快已經畀我哋分曬嚟食😆 。我哋仲叫咗德國豬手～真係好彩有叫到～ 豬手焗得脆卜卜，但肉就好juicy唔肥～ 呢一餐飯真係好滿足好飽～ 傾計傾到唔捨得走嘅我哋，最後叫埋甜品：LA伯爵茶奶凍焦糖脆脆伴雪糕～ 好精緻好完美好靚嘅甜品，影合照同打卡一流~ 其實呢間餐廳仲有好多野食都好吸引，下次嚟旺角都一定會再光顧。價錢唔貴，但食物高質，職員又有禮貌有笑容，好高性價比～…Read More

吉列牛忌廉烏冬專門店有時返工悶悶地，想係午餐食啲香口啲嘅嘢，食日式燒肉就最啱，不過好多燒肉專門店做任食，我又唔想食到咁飽，好彩今日靚仔同事帶我去食唔係咁常見嘅石燒吉列牛吉列牛定食: 和牛非常幼嫩，只要擺上石鍋燒幾十秒就有得食，入口正到呢，比吉列豬扒高幾班咖喱雞忌廉烏冬: 一見到侍應擺上台，第一個反應係：「咩嚟㗎 ？」因為濃厚嘅忌廉，全白色嘅cream 鋪滿碗面, 見到特別，食落仲特別，雞肉同忌廉融為一體，淡淡都咁creamy 蒜片牛舌: 最緊要有咬口，唔好太淋，要充滿牛味，佢完全做到呢點最後值得一題，兩杯飲品都有心思，好味得來唔會死甜，食完濃味嘅燒肉之後，就最襯！…Read More

今日老公生日，佢話想近近地喺屋企附近慶祝，其實我屋企附近好多餐廳都試過，唯獨仲未試過校長燒肉，橫掂咁近地不如試吓啦！入到去燒肉店，俾佢嘅裝修吸引咗，店入邊分開好多個區域，係用學校嘅課室來劃分，創意無限！未食已經興奮！坐低一陣我哋就出去攞嘢食，真係大開眼界，佢哋嘅食物選擇實在太多，燒肉都有好多款，仲要係好好食添！除咗燒肉之外，仲有好多日本魚生刺身同壽司！另外熟食區亦都有唔少嘅食物選擇，每一款味道都唔錯！佢仲有好多好多甜品同飲品任君選擇。燒肉店來講佢都算係好多元化，下次唔知食乜好？唔使諗啦！一定係校長燒肉啦！…Read More

新派日式料理銅鑼灣lunch選擇五花八門最近聽朋友推薦一間新派日本料理今日有空試試，驚喜不斷一入餐廳，就被日式裝潢所吸引。係日本嘅味道啊！餐廳選擇繁多，壽司，卷物，串燒，魚生，清酒等等。不過lunch唔想太heavy 叫咗個火焰丼 lunch set同網燒牛舌心。火焰丼有海膽，鯛魚，油甘魚，三文魚，左口魚裙邊，玉子。可謂十分豐盛。師傅細心將每一塊魚生單面輕輕炙燒，帶出豐富的魚油味，但又不會影響魚本身的鮮味，好吸引。網燒牛舌心選用一塊牛舌最嫩滑的牛舌心肉，不加醃製，直接網燒，拌上一點柚子醬的酸平衡油膩感。好推薦…Read More

今日專登出去銅鑼灣搵個死黨食飯，佢話要搵間私隱度高嘅樓上cafe，唔想撞到公司啲同事，咁即係去Mamaday啦, 佢最鍾意嗰度坐得舒服 私隱度又夠高 對正鵝頸橋天橋，同time square只係五分鐘路程。肥牛蛋飯一睇賣相就已經流曬口水，質素 一啲都唔差，滑蛋好滑好creamy有蛋香味， 個人覺得呢碟飯帶點東南亞口味，淋上炸起嘅蒜蓉醬油，加上分量十足嘅肥牛 食到舐舐脷！必食蟹肉pizza，每一 啖都係蟹肉，多到你 唔信，即叫即焗係要等耐少少不過值得，薄餅底軟綿綿夠脆得黎又唔燶，鍾意食pizza必叫 No. one!…Read More

午飯時間諗住落投注站買中秋金多寶, 可惜遇著裝修, 惟有去附近搵下有咩好食, 行去斜對面見到間新開麻辣麵店「湯火功夫」, 號稱全球門店超過2700間, 咁勁梗係入去食番碗試下啦。坐低原來係自己剔落單紙, 嘩…又唔係貴喎, $37包3個餸, 任揀2款素食, 加1款肉食, 湯底有麻辣、蕃茄麻辣, 或者冬蔭功麻辣, 再唔係麻辣撈都得! 一場黎到,支持下招牌麻辣湯底, 落完單店員回頭再確認辣度, 哈哈....唔食得辣, 辣到係0!雖然好老土叫左唔要辣, 不過個湯嘅麻香味道真係好出色, 仲有好惹味嘅花生, 口感好滑帶點麻; 豆卜、油麥菜, 午餐肉吸收唒湯嘅精華, 我條金舌頭食完唔覺口渴, 肯定冇落味精, 讚!!!…Read More

食過一次渝味曉宇之後真係不能自拔，仲做埋銅鑼灣分店常客，今日決定改去灣仔分店朝聖，灣仔分店面積比銅鑼灣大座位較寬敞，服務質素依然親切專業！鴛鴦鍋麻辣＋大骨滋補湯， 花椒八角夠香夠麻夠地道，食到一半已經頂唔順要跳河 飛過隔離骨湯涮兩下，絕非尋常普通辣。嫩牛肉，羊肉卷，超新鮮肉嫩冇筋， 估計選用草食羊， 完全沒有蘇味。滷豬大腸，真係讚口不絕，灌水清腸洗得好乾淨，肉質爽口彈牙。 推爆必食雪耳紅棗糖水，質地黏住漿口，滋陰養顏， 健康低卡路里！！！…Read More

今日同個同事食飯，因為佢生日嘅關係，我打算請去食餐好嘅！我知道佢本身好鍾意食日本鐵板燒，專登喺公司附近搵到一間正宗日本鐵板燒！未入到去餐廳，淨係門口嘅招待員已經勁有禮貌，呢樣真係日本餐廳必要嘅待客服務。員工安排左我地坐位後，鐵板燒師傅就出嚟問我哋想食乜嘢，我地每人叫左一個lunch set 。坐低冇耐，就嚟咗碟魚生壽司，已經唔記得係咩魚嘅壽司，總之就係新鮮好食嘅魚生壽司啦！隔咗一陣，師傅就攞咗一個木盆，入邊裝住兩隻極大嘅南非鮑魚，係超大隻仲要不停咁郁，超級生猛👍🏻👍🏻未煮已經想食咗佢😂師傅用昆布箍住隻鮑魚係鐵板到燒， 功架十足，絕對唔係亂咁燒，而係有方法有技巧將隻鮑魚煮好。上碟嘅時候，佢用一塊冬瓜墊底，再將鮑魚切片上碟，再淋上蟹肉昆布煮嘅汁，簡直係一絕！然後就到主打嘅牛肉燒，大大塊牛肉加上師傅嘅手勢巧奪天工，一啲都唔鞋颯颯，配埋佢哋特製嘅蒜片，冇可能停得到口！😍😍再嚟個炒雜菜，你以為冇乜特別？咁就錯喇！佢地啲菜，無論椰菜定係芽菜都係極度新鮮有機菜，其實炒雜菜都有技巧，可以吵到唔淋但又剛剛熟，仲要爽口嘅，真係呢度嘅師傅是做得到！去到套餐尾聲，就係個日式炒飯，多料唔在講，個炒飯啲飯粒粒分明，又唔油膩係好考功夫！最後，來多個朱古力慕絲做甜品🍸，上面淋有士多啤梨汁，為呢餐生日飯做一個完美嘅句號！😉😉…Read More

今日好開心可以一個人享受寧靜午餐, 所謂眾樂樂不如獨樂樂, 逕自去了銅鑼灣的「Cafe Zense」找尋偽毒文青的氣息。可惜天公不造美, 下大雨冇得坐空中花園扮毒妞, 又如何…在室內找了個靠窗的梳化座位, 環境一樣舒適雅緻。是日餐湯大蒜湯, 刺激的蒜味欠奉, 加入奶味順滑的忌廉反而不經意流露出蒜香的細膩清新, 食材天然富含豐富營養價值; 香煎魚柳伴蜜糖焗甜薯, 魚柳嫩滑入口即溶, 外皮煎得金黃香脆, 甜薯不經油炸連皮吃。最後一杯香濃榛子咖啡, 足以令我消磨半天!…Read More

今日食lunch約咗個保險經紀renew下份保單，近近地就喺公司附近百樂中心睇吓有乜好嘢食！其實都好耐冇食過泰國菜，而且個保險經紀又好鍾意食泰國菜，記得之前喺食過一間幾地道嘅正宗泰國菜，抵食夾大件，咪翻炒再食多次。我哋叫咗個椰子雞湯，泰式西柚沙律，泰式豬扒炒河粉，加兩杯特色飲品。個泰式沙律好新鮮，佢啲醬汁應該係自己自製嘅，夠濃又好食👍🏻而且西柚仲好新鮮添👍🏻👍🏻泰式豬扒炒可係勁大碟，真係唔使驚唔夠食，仲要材料有多，炒得又夠火喉👏🏻👏🏻👏🏻當然佢嗰啲特色飲品又大杯又地道仲要好好飲！兩個人食到飽都係幾舊水，真係物超所值👍🏻…Read More