gladysteng's Profile

因為個女要去荃灣大會堂幼稚園畢業禮，揀咗荃灣廣場嘅美中鴨子食晏。原本諗住食四人餐，見到主餐牌平日午市全部半價，仲抵過四人餐。叫咗一隻鴨，兩位老人家話係佢哋食過最好嘅片皮鴨。其他小籠包賽螃蟹蒸銀絲都好好食，單6百幾蚊5位。趁仲有優惠，搵日有機會午餐去食多次。…Read More

外賣叫左兩個大阪燒，一個炒麵，一個飯，總共二百幾蚊。要等個半鐘先煮完，5分鐘後送到。嚟到結果個份量極細，個大阪燒直徑得飯碗咁大，佔個盒得一半，味道都唔係特別出色，啲粉漿都仲有啲生⋯炒麵個份量同一個印尼撈麵差唔多加兩片牛肉⋯最正常係個飯。性價比極低，好失望，唔會有下次⋯…Read More

冬至當日訂$1388 長腳蟹餐加羊腩煲，另有6人份嘅杏汁豬肺湯。訂6:30pm 送餐，結果7:45pm先到，要自己落樓拎。冬至多單加塞車，都可以理解。拎到隻蟹上手，心諗點解可以輕成咁，又話有四斤？上樓拆開磅一磅，結果得2斤。當然，生蟹秤煮熟之後就預咗，但係得返一半就真係有啲誇張。再試個白肺湯，份量確實唔少，可惜一入口就係杏仁精味⋯⋯全家人一致認為差過大家樂嘅例湯，不過盛惠$195。羊腩煲算係最出色，如果當佢$288都值嘅。當日向負責人投訴下啲質素，結果當然係彩我呢個老親都傻啦!最後唯有走落街買外賣飯盒加餸同屋企人過冬！…Read More

叫六個餸，全部都咸得緊要。用料超廉價，香菇扒時蔬嘅菇大細仲細過$1銀，砂鍋什錦得幾條菜，其他都係水，粉絲都冇乜。咁嘅質素，難怪星期六晚8點都得3份1客。冇下次。…Read More