HKtastyfoodie的个人专页

今日誤打誤撞搵到呢間隱世西餐小店，環境都算唔錯，座位都坐得幾舒服！呢個黃金雞柳炸得好香脆，好夠蛋黃香，啲雞柳都算嫩滑，食得出真係好新鮮，而且份量都唔少，好抵食！另外呢個黑松露磨菇意粉香氣十足，黑松露嘅香氣啖啖都食得出，啲意粉份量亦夠多，絕對夠兩個人食！呢個紐西蘭肉眼排都好正，件扒嘅份量都唔細，好夠牛香，煎得一啲都唔鞋，配搭埋佢個醬汁食簡直絕配，呢個一定要試！而個Pizza就幾鬆軟，上面啲配料都好足料，啲千島醬汁食落一啲都唔贖，越食越開胃！佢哋嘅嘢飲都好有特色，隨便點返杯都唔會伏！…查看更多

今日係旺角路過呢間新開嘅燒烤店，於是就決定入去一試，入嚟個環境都幾舒適，座位都好多吓！而且佢個Menu嘅種類都唔少任君選擇。呢個燒韭菜呢佢就好夠孜然味，又唔會燒得太過，食落真係好惹味，份量一串都唔少。而佢個燒雞中翼燒得好入味，一啲都唔鞋，燒到佢皮脆肉嫩。另外個羊肉串都好值得一試，一啲都唔覺得鞋，好香羊肉味，牛肉都好嫩，一啲都唔覺得鞋！另外燒海蝦都食得出個蝦肉新鮮，絕對唔係用冰鮮蝦咁簡單。個燒茄子亦都好特別，佢有加左一啲菜脯係上面，一齊食落又幾夾，好夠咸香！個燒蜆都唔錯，好夠蒜蓉香，而且份量都唔少，啲蜆肉都好甜口。個麻辣蕩就不過不失，種類都幾多，辣度都幾夠，食得幾惹味。最後要嚟返個炸鏝頭做甜品夠曬爽，外脆內軟！…查看更多

今日係尖沙咀行完街路過一試呢間隱世嘅日式板前料理，入面呢度坐位唔多，但個裝修都幾舒服，啲侍應服務都好好！我哋兩人叫各自叫咗兩個set，一個係1988嘅板前料理套餐再加一個480嘅Light meal炭燒串燒set!先講吓呢個炭燒串燒set，佢有份季節前菜係一份蘿蔔絲漬物，幾開胃，同爽口！之後有一個精選酒肴係呢個雞泡魚乾，佢呢個燒到好軟腍，食落一啲都唔鞋，好有魚味，非常出色！之後就到佢嘅串燒，咁係隨機廚師發板。我哋第一樣係呢個燒牛舌，牛舌佢都好厚切，燒到好入味，食落好有牛嘅奶香。另外雞頸肉好新鮮，燒得好嫩滑，一啲都唔鞋！個茄子醬汁都好出色，燒得好入味！另外仲有燒雞翼係燒到皮脆肉嫩，好香口。個豬腸都好有風味！ 最後仲有個燒菠蘿俾你解膩！咁至於另外個版前度呢套餐啦就更加豐富，前菜佢都有三樣，分別係呢一個水母刺身啦海膽豆腐粒同埋呢個漬物！另外仲有時令生蠔一隻，好甜口，入落真係感受到海水嘅沖擊！佢分別有用長蟹蟹嚟作多款料料，有呢個蟹肉茶蒸碗，啲蛋吸收曬啲蟹香，食落好鮮！另外個蟹肉拖羅蓉脆脆真係一絕，好鮮入口即溶！個蟹肉天婦羅啖啖肉，一啲都唔油好足料！最重要一定係呢個炭燒長腳蟹腳，好肥美鮮甜，真係成條蟹肉啖啖肉！最尾仲有呢個昆布湯野菜同埋和牛打邊爐！啲和牛真係好新鮮入口即化，好夠牛香！打完邊爐後會係湯到加入飯同配料煮成一碗湯飯比你，吸收曬啲牛同菜嘅精華，真係好滿足！呢間真係唔可以錯過！絕對值得一試！…查看更多

今日行過嚟到呢間新裝修嘅日式料理店，入嚟環境都幾舒適，座位都唔少！我哋點咗個北寄貝刺身，幾新鮮甜口好爽口！跟住我哋有點佢啲壽司，啲醋飯整得幾正宗，用料新鮮，食得出食材係高質，帶子都好甜口好大件！另外有點咗個牛柳粒石鍋飯，飯量十足，牛味都好夠，呢到夠曬兩個人食！鍋物有點咗呢個泡菜豬肉豆腐鍋，啲泡菜辣得好過癮！另外小食都有點呢個芝麻雞翼，炸得好香口，配埋佢個蛋黃醬一港！最後有試左佢嘅牛舌，夠曬厚切，好重牛香，燒魷魚夠曬大條好入味！值得一試。…查看更多

今日嚟到呢度食放題，發現咗呢一間真係好高質。入面嘅座位都好闊落坐得好舒服，而且佢嘅價錢唔貴， 298+1可以食勻雞煲/烤魚再打邊爐！另外仲有羊腩煲或者魚頭煲同埋豬肚雞煲揀!我哋一齊先試咗個羊腩煲先，羊腩煲嘅湯底好夠濃，啲羊腩都食得出好新鮮，佢啲支竹好入味，記得點返份生菜或者油麥菜落去煮埋一齊食！真係好惹味！食完羊腩煲之後我哋繼續食呢個烤魚，佢烤魚都有好多種口味俾你揀，而我哋就揀咗呢一個麻辣烤魚，與都有兩個種類俾你揀，佢係成條上，有先炸過，個湯底都好夠辣，越食真係越開胃，條魚份量夠大條，食得出好新鮮！最後都一定要試埋雞煲，夠香夠麻，食完之後再打埋邊爐真係一次過滿足曬4個願望！火鍋料嘅種類都唔少而且仲有啲小食提供，每枱都仲有刺身拼盤送上，真係好抵食！…查看更多

想一次過滿足3個願望：雞煲，烤魚，串燒，呢間係尖沙嘴的餐廳就可以實現，地方又寬闊啱曬同朋友聚腳！今次係比$1蚊雞煲吸引試下，每人消費$150以上就可以有呢個優惠。 川味雞煲味道夠入味，雞肉嫩口，份量都有誠意一啲都唔馬虎，完全係二人份量，雞煲醬汁唔會死鹹，有辣度有鮮味，再加火鍋料打邊爐。火爐料選擇多份量都適中，牛柏葉新鮮爽口，油麥菜鮮甜掛汁惹味，加埋個薯粉朔晒啲汁好好味！最後仲有試左幾款串燒，金菇肥牛卷同蘆筍牛肉卷口感有層次，燒韭菜孜然味十足，牛丸同墨魚丸燒到皮脆內彈牙。飲品都比較多選擇，有台式奶茶，水果茶同奶蓋等。…查看更多

今日係將軍澳同朋友食晚餐，講起想食烤魚，就搵咗呢一間烏蠅館一時試，座位唔算太多，但幾乎滿座。我哋點咗條海鑪魚，揀咗呢個傳統麻辣中辣，等咗一陣，條魚一上菜睇落份量真係好夠，香氣十足！食落啲魚肉好嫩滑，啲辣度岩岩好，越食越開胃真係，佢嘅麻又唔會太過火，啲魚肉越煮越入味！食得出條魚真係好新鮮！食完魚之外，我哋都有點咗啲配料嚟打邊爐，有呢個牛丸，份量都唔少，好夠牛香同彈牙。菜方面我哋點咗呢個金針菇，完全可以吸收曬湯底啲精華，食落好香！當然唔少得個主食，點咗呢個薯粉，份量足夠曬兩個人份量，煮到佢入曬味，簡直係一試難忙！我哋都有點佢嘅蝦滑，好有蝦味夠曬新鮮，食落好彈牙。呢個嚟到必定要試～最後甜品點咗呢個紅糖滋巴，炸得好香脆但一啲都唔油，啲紅糖係入面變曬流心咁真係好正。…查看更多

今日開咗咁耐今日終於來一試呢間網紅大排檔，環境都幾舒適座位都好多，我裝修都好設計玩味！我哋點咗呢度每日限量嘅咪走雞，一上枱一大煲好香酒味，佢有用荷葉嚟包住隻雞，隻雞啲肉都好嫩滑，入面仲包住有唔少配料，隻雞都幾有創意！另外有點咗呢個懷舊蟹膏蝦多士，多士炸得好鬆脆，啲蝦肉都好大件，蟹膏鮮甜咸香，兩樣配埋一齊食真係好夾！仲有點咗條呢個發記大香腸，味道好咸香，有些少胡椒味，同平時食到嘅腸仔有好大分別，呢個食得出有油腸香，口感少少似食腊腸！佢嘅份量都好大條，夠曬4-5個人食！我哋點咗個椒絲腐乳炒通菜，鑊氣好夠，份量都幾多下，呢個送飯簡直一流。…查看更多

好耐冇食過茶木，啱啱行過見佢裝修咗，換咗個新look，於是就試吓佢有咩新特色。 座位坐得舒服咗，入嚟個環境都好舒適，見佢而家開始主打新茶飲。我哋晚餐佢有一啲晚嚐套餐，每個餐都有一款主食加嘢飲，仲可以配埋甜品或者加錢追加小食都得！我就點咗份古早杏鮑三杯雞，啲雞肉好嫩滑，食得出係新鮮雞，好香麻油味，佢嘅醬汁用嚟送飯一流，我朋友就點咗個半筋半腩手工拌麵，呢個拌麵真係好惹味，辣度適中，越食越開胃！跟餐我哋都配咗兩杯嘢木柵鐵觀音珍珠奶茶，其中一杯就轉咗呢個茉莉花茶底，飲得出佢今次轉形有意主打茶飲，由新鮮茶葉沖泡，淡淡茶香會有回甘，好有新意！小食方面我哋跟餐配咗個麻辣豬耳，辣得爽，都好爽口。仲叫咗份路邊攤小食，有呢個自家制台灣腸、鹽酥雞同埋丸，樣樣都好入口，鹽酥雞又唔會太厚粉！ 我哋都叫左個櫻花蝦花枝丸嚟試，好香櫻花版味，用嚟送飯都幾岩！嚟到茶木又點可以唔食佢哋嘅甜品呢？ 跟餐配左個白朱古力抹茶窩夫，另外仲點多左個抹茶雪糕配雜果窩夫，呢到係即叫即整，所以佢一上枱仲係好軟熟！佢啲面底好夠牛油香味，一啲都唔似出面食嗰啲，真係會食唔停口，極力推薦！…查看更多

今日係上環呢頭搵到呢間隱世串燒鋪，佢入面座位唔多，但格局顯得呢度係隱世食店一樣，佢呢度主打雞嘅串燒，選用咗備長炭嚟燒，果然係打住世界第一嘅級數名號嚟做！我哋揀咗唔同雞嘅部位串燒嚟試，有呢個雞腎，燒得好爽口，唔洗點加配料，鹽燒已經好夠惹味，食得出係好新鮮。另外有呢個雞頸肉，啲雞肉好滑，一啲都唔會覺得肥膩。雞全翼賣相燒得好靚，真係睇得出師傅嘅功力，雞皮焦香，但內裡雞肉仲係好嫩滑，好多汁！仲有個免治雞肉，啲醬汁同蛋香撈埋一齊食簡直一流～除咗雞之外，我哋都仲有點咗呢個牛舌，呢個係我食過最好食嘅牛舌之一，入口有陣陣嘅牛香奶香味，好爽口，仲有配搭埋啲黑椒嘅調味！另外點咗個黑豚五花腩蘆筍卷，啲蘆筍吸收曬五花腩啲油香，食落又唔會太膩，呢個配搭好fresh！全晚重頭戲係點咗呢份網燒牛肉，份量好夠，絕對兩個人份量，配搭埋呢個原粒芥末同柚子胡椒嘅醬，好重牛香，一啲都唔鞋。另外個銀鱈魚都一定要試，燒得好香口，啲魚肉好嫩滑，配埋啲沙律醬，真係越食越開胃！我哋都有叫咗啲主食嚟配埋一齊食，點咗個滑蛋雞肉飯同稻庭烏冬嚟試，烏冬好滑個湯底都好新鮮，而個雞肉飯就蛋香一流！…查看更多

收咗工想同朋友飲返兩杯~覺得串燒真係好適合，所以就揀咗呢間串燒鋪，一入去氛圍很好~霓虹燈配上懷舊燈飾，好有特色!重點菜式推介1.避風塘廣島生蠔生蠔肥厚多汁，蒜味香濃，香口加鮮味，真係好值得一試，再加返杯🍺 正!2.海鹽燒牛舌串燒一定少不了牛舌，因為切得比較厚身，一啖落去，口感十足3.卷燒玉桂焦糖金菠蘿燒菠蘿就食得多，加了層焦糖令口感變得豊富，再灑上玉桂粉，超級推薦!其他菜式整體表現都唔錯，肉類有燒雞腎、燒雞全翼、燒牛肚、燒牛丸、蜜糖燒台式香腸，蔬菜類有蒜蓉燒茄子同燒韭菜，最後值得一提嘅係芝士響鈴，火候控制得啱啱好，外脆內軟，芝士味香濃!👍🏻…查看更多

今日同朋友係尖沙咀呢頭約食隻，搵咗呢間打邊爐，入到嚟座位都幾多，裝修舒適！一坐底叫咗份泰式無骨鳳爪開下胃先，酸酸甜甜，份量好多，呢度有唔小小食比你揀。佢呢度有好多特色火鍋湯底，我朋友鐘意胡椒豬肚，我哋就揀咗佢嘅胡椒豬肚花膠雞鍋，個湯底夠曬濃香，豬肚花膠份量都唔少，仲有半隻雞比你，個湯底越煲越香，淨係食湯底啲料都好多。之後我哋點咗個蔬菜拼盤同餃子拼盤，呢個有齊曬5種餃子，我就最中意佢個黑松露菌餃，好夠黑松露香！嚟得打邊爐一定唔少得食肥牛，我哋揀咗個安格斯肥牛，啲牛真係好夠嫩，食落好夠牛味，入口即化。呢間打邊爐真係一啲都唔差，可以值得一試。…查看更多

今日同朋友喺九龍城覓食，講起九龍城就一定係嚟食泰國嘢啦。咁就搵咗呢一間嚟試，呢度座位都唔少坐得都幾舒服。講起泰國嘢我哋就最鍾意食佢嘅椰皇咖喱，所以我哋就叫咗個泰式咖喱大頭蝦，佢呢度啲蝦都好大隻，完全係啖啖肉，佢有兩大隻一分為二，總共會有四件，啲咖喱真係好香，用嚟送飯簡直係一流。呢個嚟到呢度係絕對要試！除咗呢個之外，我哋仲點左唔少串燒，個牛筋丸燒到好爽口，配搭埋個沙嗲醬超夾，雞翼燒全翼就醃得好入味，食落啲雞肉仲係好嫩，一啲都唔鞋，我哋豬牛雞肉都有試曬，全部都大大串，好抵食！條司華力腸燒到個皮脆卜卜真係好正！我哋都有試個鐵板豬頸肉炒通菜，份量好多絕對夠三個人食，炒都唔會太鹹，好友泰國風味。最後幾多點返兩個椰青飲飲，好解膩，又多水好甜，食落透心涼。…查看更多

今日同朋友圈約咗去蘭桂芳飲嘢，於是就提前嚟附近嘅呢間店食晚飯，又估唔到呢間火鍋店咁有特色，又比到驚喜我哋喎！佢嘅裝修環境都全部以古代風設計，座位都好濶落坐得幾舒服！一坐低佢哋就會先比你抽個籤，入面啲籤有唔同優惠提供，我哋就抽中咗個全單95折～我哋都鐘意食辣，所以我哋淨係點咗個麻辣湯底，但其實呢度都有唔同嘅湯底提供，有啲係佢哋獨家自制嘅，幾有新意。 湯底一上就好香麻辣味，入面有少少配料，辣度適中，唔夠辣可以加辣。我哋點咗都唔少嘢食，嚟得打邊爐就一定唔少得點肥，我哋點咗呢個牛頸脊半份，呢度份量都夠兩個人食，佢啲牛食得出係好新鮮，入口即化同埋好香牛味！我哋都有點佢嘅牛筋丸，好彈牙。佢嘅雲吞都好大粒，入面係有兩隻蝦包埋，份量十足！而佢嘅黑柏葉好爽口，好有口感！響鈴都好脆，一啲都唔會太油。而個鮮蝦蝦滑就真係好足料，好爽口，而且食得出係有唔少蝦肉一齊打出嚟嘅！最後點咗個金針菇同寬薯粉嚟埋尾，兩樣吸收曬湯底啲精華，食落真係十級正！！！！！鐘意打邊爐嘅真係唔好錯過呢間，又可以帶fd嚟打下卡。…查看更多

今日同fd 忽然間想食串燒，又喺尖沙咀搵到呢一間居酒屋，一上到黎座位都好舒適，都幾滿座！嚟呢度居酒屋當然要點返兩杯酒試吓！我就點咗杯菠蘿燒酌，呢杯菠蘿梳打溝得幾好飲，好易入口，飲落都有啲酒香，另外我朋點咗呢杯巨鋒燒酌就甜口少少，但飲落都唔會好重酒精味，幾好飲！我哋都點咗啲刺身嚟試，個北寄貝同八八魚刺身好爽口，食得出都好新鮮，而個三文魚刺身就好肥身，食落口即溶，啲油脂食入口到真係好正！ 天婦羅我哋咗呢個紫菜魷魚鬚天婦羅，佢炸得好乾身，一啲都唔覺油，估唔到啲紫菜可以同魷魚鬚咁夾！我哋另外都點咗啲串燒，個燒雞翼燒得好入味，肉質一啲都唔鞋，食落好多汁。個明太子雞翼都好足料，少少辣，外皮燒到好香，食落一流。另外最正我覺得就係個西京燒，啲魚肉好嫩，簡直食唔停口，而個燒牛舌真係夠曬厚切，但成件牛舌都仲係好嫩，燒得都好入味～而個牛柳就醃得好入味，食得出啲牛肉質地好新鮮，整體嚟講佢啲串燒水準絕對係above average!最尾叫咗份黑豚肉炒烏冬嚟填飽個肚，呢個份量都唔少，絕對夠兩個食，烏冬炒到好有鑊氣，啲醬汁味道都好夠！…查看更多