ap2s9dqt75bc's Profile

幾乎每次嚟宜家傢俬都會嚟食，食物水準一向都保持得好好。之前有段時間成日都要排晒隊，但係而家已經唔使再排隊， Walk in都可以食到。叫咗個德國脆豬手，豬手做得好好皮脆肉嫩，不過我最鍾意嘅係啲酸菜。配上芥辣汁真係一流！另一個係比目魚，不過不失，個份量比較細。兩個人食完之後都好似唔係好夠飽，所以再點多咗個Brownie 。希望個餐牌上面會有多啲無五辛素食選擇，因為平時同姑姑行完萬佛寺落嚟，都想食齋，如果可以支持便就更理想 。…Read More

好多人都話馬鞍山係美食沙漠，諗住入馬鞍山探表哥，佢帶咗我去商場呢間西餐廳，好唔錯喎，其實都唔係好沙漠啫咁 😜兩個人食，點咗煎魚，一個Pizza，份量啱啱好！飲啤酒仲有買一送一happy hour。個魚有個酸酸地嘅汁襯返，貔貅煎得香，係我鍾意食嘅！個Pizza有啲fusion，酸酸辣辣嘅汁，好特別，值得推介大家試吓！表哥話平時可以帶埋寵物過嚟坐出邊，環境唔錯。呢個商場有得泊車，如果唔揸車嘅話，由地鐵站行過嚟係呀少少路程。所以目測人流都唔係好高，希望呢間餐廳可以繼續穩定做落去啦！…Read More

同屋企人一行四人嚟食冬至飯，叫咗一個砂鍋雲吞雞、原條烤魚、紅燒乳鴿、瑤柱蛋白炒飯 。其實木茶餐廳都唔係非常之忙，但係坐低之後，想搵個人落單都難。最後落完單，等咗半個鐘先上咗碟乳鴿，之後再等多幾個字真係好唔耐煩，一問之下，就話個砂鍋雲吞雞係要好耐時間，然後條魚又落漏單……不過都體諒過時過節忙啲，而且餐廳而家通常都係過節嘅時候搵啲part time 人返工，落單唔熟，都冇辦法。講返食物，乳鴿比較瘦，但係燒得唔錯，皮脆，亦都唔會過鹹。砂鍋雲吞雞個湯都好濃，雲吞大大粒足料，有半隻雞，食落都算滑。原條烤魚雖然遲咗好耐先上，但係都好有看頭，有一個大盤咁樣出，辣🔥得過癮。炒飯，炒得好好，粒粒分明有鑊氣。環境唔錯，間餐廳有戶外座位，天氣冇咁凍嘅時候可以考慮再嚟過坐室外。最後，就係泊車有free三個鐘頭，真係唔錯！…Read More

幾個月前第一次嚟食，當時因為冇主食，淨係得麵包小食，只係同朋友坐低傾吓偈。幾個月後，朋友再訂呢間餐廳，話而家有得食lunch，一齊返去試吓。嚟得呢度食，個個都鍾意個海景，因為餐廳目測有八成以上嘅座位都係海景位。不過我哋都好欣賞食物嘅出品，同埋呢度嘅服務員。今次嚟試咗一個蟹意粉，一個廚師每日精選主菜Pan fried Fish。湯係一個椰菜花湯，套餐加少少錢就有埋甜品，見到好多人都讚過French Toast，我哋都點咗嚟試吓。個魚係好厚身嘅barramundi，平時西餐廳會俾啲檸檬汁，呢度冇咁樣做，反而用咗一篇鹹檸檬同埋酸豆俾啲味落去，出乎意料效果好好 。蟹肉意粉就個人覺得偏甜咗少少，不過過海膽汁係香嘅。法式多士真係值得讚，切開入邊全部都係蛋漿，而且好厚身，cinnamonSugar 很正（邪惡…）總結嚟講，唔算係一個好平嘅午餐選擇，但係食物質素同埋服務環境等配套加埋係值得同好友嚟好好享受嘅。…Read More

之前成日都訂唔到位，尋晚終於有機會食到呢間得獎餐廳！今次係兩家人一齊食飯，有老人家有細路仔，菜式老少咸宜，上菜又溫度，服務親切，果然名不虛傳！炒嘢好有鑊氣，叫咗個炒蜆，送啤酒一流！另外隻雞非常之皮脆肉嫩，食到舔舔脷！其實仲有好多想食嘅嘢，例如圓體啦，不過人唔係好多，叫唔到好多餸菜。希望下次可以叫多啲朋友一齊嚟試吓。食完之後侍應送咗一啲自家製嘅焦糖核桃，係幾香口，仲可以買走。不過我哋冇買 。有鑊氣，讚！乳鴿都好食，不過點菜時冇留意，又食雞又食乳鴿，感覺多咗啲 。可惜你喺呢度附近泊車唔係好方便，如果坐港鐵過嚟大圍站，行5分鐘就到就唔錯嘅。…Read More

喺尖沙咀買啲嘢，自己一個食午餐，撞咗入呢間金色不如歸，喺日本好似有啲名氣嘅餐廳？入到去一個人都冇，可能仲早（ 12:00）叫咗一碗拉麵，天氣凍，叫個辣嘅試吓。碗麵上到嚟，習慣食咗條菜先，然後夾起一片肉，發現冇第二塊肉，心諗，係咪比少咗我呢？ $130一碗拉麵，唔會郁都冇多塊掛？於是我問職員攞個餐牌再睇多一次幅圖片，圖入邊都真係得一塊肉…… 圖片與事實相符，我都冇怪餐廳了 😅😅😅 食完之後，落咗地鐵站買多個華御結食。（張相係我食完條菜之後即刻影嘅）…Read More