natchan2975's Profile

同朋友午餐嚟富山麵家食飯，都幾多人排隊，等咗10分鐘左右先有位。第一次見有輕食套餐，唔怪得咁多女士嚟幫襯。記得之前成間餐廳都係藍色一片cinnamoroll，雖然活動已經完咗，但仲有好多cinnamoroll嘅行跡。我地都係叫番正常套餐食，拉麵整體不過不失，不過就附送埋小丸子同野飲，比起一般拉麵店抵食！野飲仲有個好哥愛嘅士多啤梨樽裝住，好可愛XD 只能說呢餐廳好識做生意，知道點樣吸引唔同客人嚟，難怪咁多人排隊嚟食~…Read More

帶子意粉好好食~ 醬汁煮得好濃又好入味~我地事前訂咗威靈頓牛排，結果無令我地失望~ 肉好嫩之餘酥皮又唔會散，只係配上三色豆有啲特別。餐廳好貼心咁幫我地分成三人份，唔洗我地自己再切。我地叫咗梳打特飲，賣相真係一般，但飲落都感覺到有用心調。朋友叫咗杯ocean，賣相好靚又好飲，可惜唔記得影低。我地仲叫咗甜品畫碟，字體真係好靚，非常推薦！不過有大家嘅名所以唔方便post出嚟~ 甜品就一般~平日夜晚都幾full booking，同埋大部份都係舊客人，同侍應關係都唔錯。侍應都好主動幫我地影相同落單，我地成日都叫錯咗佢地過嚟，但佢地都無介意，仲同我地傾計~ 整體嚟講係一間幾舒服同適合吹水嘅地方~…Read More

康記粥店喺呢區算係幾出名，雖然唔知新康記同舊康記有無分別。今日lunch嚟到都無晒位要坐出面，呢個天氣下都係唔錯嘅選擇。我叫咗雞粥，份量大大碗，都有雞味，但雞肉就唔係好見到XD 覺得食粥好矛盾嘅係，食到一半就會有啲飽肚，但好快又會肚餓然後再食。不過，37蚊一碗粥嚟講都算係咁了。老闆攞錯咗碗粥比我地，但朋友堅持唔要，老闆就再煮過，於是都等咗一陣先有得食。朋友叫咗湯粉同炸油條。老闆好忙，我地需要自己去隔離枱落調味料，可惜嘅係無麻醬！…Read More

餐廳lunchtime都幾多人等，我地排咗10分鐘左右先入到去。入面座位空間唔多，甚至有啲迫，但裝修好有特色，而且啲歌都好八九十年代feel。朋友推介食菜底，但我覺得嚟到無理由唔食麵咁浪費呀嘛XD 另外混湯底好似都幾辣，唔食得辣就要小心了。我地叫咗野食無耐就上菜了，速度好快！整體嚟講麵少餸多，係讚美嚟！我覺得蘿蔔幾清甜，每樣餸嘅份量都幾多，食完都好飽肚。呢個價錢嚟講算係幾吸引呢，下次真係試下菜底先~…Read More

我地經openrice訂座，入座時店員先通知訂座要每人最低消費150蚊，我地覺得事前通知聲會更好，始終150蚊唔平啊。我叫咗個all day breakfast，味道唔錯而且配搭新鮮，而且調味都有心思。為咗呢個最低消費，我仲叫咗個腐乳cheesecake。味道出奇地配合，有腐乳味但唔會太出，唔錯。雖然味道唔錯，但呢間餐廳服務一般。入座時有通知用餐時間，但上餐時間係非常之慢，最後仲發現漏咗單，一句sorry都無。我朋友野都未食完，就被餐廳告知用餐時間已到，要我地盡快離開。我地本身都以為有人等緊枱，但離開後先發現其實無人等緊...... 咁點解又要我地未食完就要走呢? 真心唔明......…Read More

好少嚟YM2，今次嚟到食德美壽司都係貪價錢平。我同朋友分別叫咗個set，味道不過不失，我好後悔叫咗海鮮煎餅，結果大部份都係食緊炸粉XD 朋友嘅牛肉烏冬配壽司相對比較吸引呢。順帶一提，要過200蚊先可以比信用卡，我同朋友差啲就要去禁錢了。可能相對附近餐廳比較平，德美壽司lunchtime都好多人幫襯，店員有時都好忙，未必可以即時提供協助。朋友話食過其他分店，覺得觀塘分店無咁好食。不過呢個價錢同份量我就覺得都還可以啦。…Read More

嚟到希雲街後方見到有幾間CAFE，就隨便入咗一間。入到去發現連店名都搵唔到XD 餐單選擇唔多，亦都無咩LUNCH MENU，於是我叫咗個all day breakfast。份量比想像中細，不過唔知係咪配牛角包會係咁樣。雖然食物質素唔錯，但覺得以100蚊嚟講，性價比較低。勝在環境舒服悠閒，裝修風格特別，但店員們都比較cool，唔會主動提供menu / 幫助。如果想自己一個坐低靜下嘅話，都係一個適合嘅地方。…Read More

暖胃嘅南瓜湯~三文魚飯都算幾多三文魚，還可以。牛排就真心一般，好多筋切唔斷，有啲後悔叫咗嚟食。野飲就係全餐最出色的，呢杯係熱情果芒果益力多，賣相同味道都唔錯。不過唔知係咪益生菌好勁，我食完即刻要去廁所XD平日夜晚嚟講，呢間餐廳都無乜人幫襯，但都算係一個舒服嘅位置比大家吹水休息。食物方面就唔好太大期望了，只係一般~ 唔好彩嘅係我地食緊個陣，出面街有人食煙，啲煙味傳到入嚟餐廳入面，食得唔太安樂 T_T…Read More

之前朋友去過另一間分店，所以銅鑼灣一開，佢就話同我地嚟食。可能唔太多人知開咗分店，所以暫時lunchtime都唔算多人。餐包一般但幾有蒜蓉味~個牛肉湯好正，牛肉同洋蔥都煮到好軟，所以飲落好舒服暖胃。試咗新出嘅酸忌廉牛肉飯，個味道好特別，有少量酸瓜，令到個汁好清新又有啲酸味，係好好嘅嘗試~紅酒汁雞排薯條個雞排幾嫩。我地最驚喜係薯條好脆，感覺似有落炸粉喺面先炸。牛排五成熟煮得幾軟，不過個意粉相對較少調味，所以一般~餐廳座位都幾闊落，適合同朋友坐低吹水。店員好積極咁解答我地，臨走仲比個優惠我地下次再嚟，唔錯~…Read More

嚟到油麻地幾出名嘅老虎岩餐室，唔算好多人，一嚟到就有位，仲有上一層可以揀。我就揀咗呢個全餐57蚊，唔算平，但有晒我有興趣嘅野所以特登嚟試下~蕃茄芝士牛肉多士﹕個多士幾香脆，芝士同蕃茄幾夾，美中不足係啲牛有啲乾，所以食落有啲吃力。手工燒賣﹕魚肉有香味，雖然得3粒但全部都大大粒唔錯~黑糖仙草奶茶﹕唔會太甜但一般~成間餐廳都好多年輕嘅店員，感覺餐單同其他餐廳都唔同，所以覺得幾有意思~  順帶一提我去個日個廁所好污糟...... 希望唔係日日都係咁啦~…Read More

同朋友嚟到筲箕灣食日本菜，事前我地openrice search到呢間餐廳幾受歡迎，於是特登嚟試下。不過餐廳離地鐵站真係好好好好好遠，同埋開正私人屋苑樓下，所以感覺好少客。入到去亦見到只有我地一枱客同一個老闆，店入面播放住好舊嘅kpop歌，有啲搞笑~我地各自叫咗個雜錦魚生飯食。同其他餐廳唔同，呢個雜錦飯每一份刺身份量都多而厚，而且竟然仲有海膽！呢個價錢嚟講真係好抵食！我仲自己叫咗一隻蠔嚟試 (唔記得咗影完先食XD)，問老闆介紹比較清甜嘅蠔。雖然最後都係覺得偏咸，但都係新鮮的~…Read More

同同事睇中咗最近優惠﹕12點半前入座有85折。於是一Lunchtime就衝落去，好彩我地好快就有枱，事關舖頭入面座位唔多，15位內，所以有機會等好耐。我呢個係沙嗲豬肉意粉，係幾新奇嘅組合。食落醬汁好濃，而且有啲辣，所以唔食得辣嘅要小心。同埋份量偏少，所以唔太建議男士淨係食意粉。我加咗18蚊要杯黑芝麻latte，其實menu無黑芝麻揀，但店員好好咁幫我沖一杯。個拉花好靚，而且飲落芝麻味好濃，唔錯！其他同事都加咗錢要前菜同湯，都話味道不錯，只係要加48蚊有啲貴呢。有位同事叫咗沙律，佢覺得醬汁好咸，店員都好好咁比番現金券我地。話說一開頭講嘅85折，店員一開始唔知道有呢個優惠，但其實餐廳門口同IG都有寫 後來店員話佢可能呢幾日無返工所以唔知道，好搞笑~ 睇嚟大家都攰了…Read More

呢間餐廳真係好多人排隊，我地等咗15分鐘先可以入座。佢個menu分咗唔同人數嘅套餐，有埋圖片，清晰易睇。二人套餐就包咗兩個拉麵、一個小食同兩杯汽水。我地覺得多人食會抵食啲，因為一人套餐係最貴。叉燒醬油拉麵﹕叉燒同其他餐廳唔同，比較多肥膏，醬油味有啲淡。蝦湯拉麵﹕叉燒幾好食，不過個湯同樣都係唔濃。反而個芝士年糕又幾好食，超出我地預計，可惜有啲油。食完之後我地仲見到出面有人排隊，唯有快快離開。整體嚟講係一間普通嘅拉麵店，唔適合同朋友吹水傾計太耐。…Read More

同男朋友特登嚟鳥十試一試龍蝦海鮮丼。龍蝦係幾新鮮嘅，食到一半都仲有啲郁動。所有刺身都係新鮮，調味都較多，但驚喜不大。呢個丼都成600幾蚊，我地就覺得一般。仲叫咗個北海丼，不過都係普普通通。我地覺得個飯太痴立立，整體性價比比較低。而且餐廳有一半嘅枱直對商場，呢個價錢嚟講環境麻麻，個音樂仲有啲刺耳。侍應時不時走嚟sell蝴蝶蘇，雖然係禮貌嘅，但真係同餐廳image唔太夾。價錢似高級餐廳，但環境同食物同一般餐廳一樣。…Read More