jamies1990's Profile

最近比我在旺角發現了一間充滿特色情懷的西餐廳——吃扒，到平時在旺角鬧市街頭巷尾的食肆有着截然不同的風格。吃扒位於豉油街108號地舖，我就係比佢好靚的紫色配拱形大玻璃櫥窗所吸引。因為行街行到攰，好想坐得舒服d。Menu的主菜好抵食，加$25有餐包、湯、甜品及飲品。每次去食西餐廳，羅宋湯是我必點的，因為飲完好開胃，這間「吃扒」落足料煲，睇相就知，正👍🏻主菜我同朋友分別點了挪威三文魚扒檸檬牛油汁配炸椰菜花及5成熟特選肉眼扒配薯菜。第一印象係好足料好大份😆，小妹特別欣賞廚師烹調的檸檬牛油汁，小小酸帶點牛油香，配煎香三文魚扒，魚質又脆又滑。無誇張，炸椰菜花必食。如果主菜配的炸椰菜花唔夠食，可以再點這客小食：炸椰菜花配煙肉酸忌廉。另一主菜的肉眼扒5成熟度剛剛好，滿意👍🏻。肉與脂肪比例均勻，肉眼天然味道非常濃郁，入口即化。配菜炸薯條熱辣辣，我唔係講究，但比較怕食到一些凍冰冰的薯條。另外，我建議唔好將汁（除了選熱溶芝士）倒落去鐵板，因為會整到薯條唔脆。最後我們都食得太飽，連飯後甜品雪糕都食唔落。…Read More

性價比高港式糖水舖——仁芝初有日食得太熱氣，想要食個甜品滋䦞下。這間仁芝初價錢相宜又好味😋。性價比高，值得一試。本人最喜歡法式紫米露，是一款凍的甜品有椰汁，紫米露，法式燉蛋，最適合花多眼亂又想食唔同嘢的人士。椰汁配紫米露甜度適中，口感香滑，越食越好味。另外我又點了紫薯芋蓉蓮子西米露，呢個 Mix and match 都不錯。紫薯芋蓉香味濃郁濃郁，有淡淡的紫色，加上蓮子有口感。檸檬薏米水，健康清甜，飲多兩支都唔怕，去濕一流…Read More

這間九龍城樓上火鍋店「大邊爐」名不虛傳。平時嘴刁刁不愛吃飯的女兒都讚好食。有好多款火鍋湯底，我點了海底椰青雞湯窩，$128，湯底濃度恰到好處，湯料十足，除了有海底、椰青及少許雞件外，還有豬骨、花膠，湯底不似有味精，由廚師精心肴制，火喉夠。這裡的手切封門柳是必食，我只是叫了例牌，睇相就知都好大碟，肉質鮮嫩，師父切功了得，厚度剛剛好，$338。這裡的海鮮刺身也是必食，我點了半條鱆紅魚刺身，都好大碟，當天的時價是$268，每片大大塊，超級新鮮。另一推薦——特式魚蓉麵，可吱到約2-3人份量，魚蓉麵質較烏冬煙靭彈牙，$46唔貴。「大邊爐」自家制多款特色手打丸，今次試食三寶丸，有牛肉、豬肉丸、墨魚丸，$108。其中牛丸添加了陳皮，豬肉丸則加了梅菜，味道非常夾，兩款丸爽口之餘帶點陳皮和梅菜幽香，這種配搭是高質火鍋店才有，墨魚丸則沒有添加其他食材，但口感彈牙好新鮮，鐘意食辣，點些特制辣椒油，好正。配菜小食還有由醋醃製的青木瓜，酸甜爽脆。…Read More

雖然不是住尖沙咀，但在這區吃喝玩樂特別開心，尤其是有小朋友，九龍公園又大又多設施，一星期總會至少會來一次。最近去了與九龍公園咫尺之遙，名叫「澳門茶餐廳」位處樂道40-46號吃晚飯，唔洗去到澳門係香港都食到澳門小食😋炎夏，天氣熱到焗桑拿，又肚餓又不願排隊，這間餐廳都頗大，有好多位。一坐低，即叫這裡招牌，原味樽仔冰鎮奶茶，$26，透心涼快。之後，慢慢點菜，發現這裡雖然是茶餐廳，但原來除左食到正宗澳門小食，仲每日都有新鮮海鮮提供❤️我點了馬拉盞炒通菜，$70，火喉足夠。燒乳鴿，$54，即燒熱辣辣好惹味。清蒸龍躉仔，魚質鮮滑。澳門焗葡國雞飯，香噴噴，葡國汁滋味，$80。全部菜都是新鮮出爐，而且不收加一。…Read More

初次品嚐甚麼是懷石料理是在日本京都，閃過眼，原來已經相隔了3年有多，可恨的COVID-19。今次朋友帶我去了位於中環些利街2-4號LL Tower3樓的喜多嬉牡蠣屋食懷石料理，有比較之下，是次依然很有滿足感。皆因除了懷石料理外，這裡可以任食蠔、任飲、任食串燒。第一道是海鮮湯，鮮甜美味，食慾大增八品料理每道菜式都好精緻，首推高質海膽蟹肉沙律，令人食慾大增。串燒炙燒香味撲鼻。這裡雖然任食，但質量保證不差。燒帶子同蠔也是任叫的，燒起來同時保留到帶子的汁，夠juicy這間店保持到日本道地料理的水準，而且進入店舖，都受到侍應師傅們的熱情招呼，加上香港的店舖裝潢沿用日本的風格，席間對日本的情意結油然而生。…Read More

平時聽到以「任食」兩個字作招徠的火鍋店，我總會有些少顧慮，因之前都試過中伏，價錢又要有競爭性，重量之餘就難些重質，從商業角度出發不難理解。不過，今次我就的確找到一間高質任食的火鍋店——蚊蚊豬老火鍋🍲。大人星期一至四，不同時段$248/$298，小童則$138/$168，五至日、假期及前夕另加每位$20。免茶芥、送任飲。食物質素到位，務求最新鮮。火鍋湯底是好好好重要，舌頭要感受多元味道，鴛鴦鍋是必選的。這裡的餐牌，選擇多多，連萬州烤魚都有，可選清江魚，盧魚，都係多肉的鮮魚。平時食火鍋，除了食物是否新鮮外，我都特別留意店家有沒有推出自家制的炸物。蚊蚊豬老火鍋無令我失望，其中有即叫即炸嚮鈴、炮椒爽魚皮我很喜愛。牛肉都有許多部位，本身我是比較惜食之人，不會因為「任食」就有幾多叫幾多，所以我同朋友兩個人就點了牛的4個部位，分別是牛舌芯、極上牛肩嫩肉、牛板腱、封門柳。識食之人，睇相就睇到牛肉的質素，這方面無得呃人的。食過不同部位的牛肉，已經好飽了，份量都蠻多，之後點了的脆肉鯇及魷魚刺身都好新鮮。…Read More

尖沙咀食肆林立，選擇有很多，如果想揾間有特色的串燒店，可以去位於寶勒巷10號10 Prat 樓上8樓的喜聚燒。我入到串燒店，揀了大玻璃果邊的梳化位坐，望住黃昏🌇市景食，好有feel，睇相就知。教人回味萬分的「燒新鮮脆皮白鱔」，正正正，廚師選用大大條白鱔，將魚肉切成長條形，盡量令食客可以大大啖咬魚肉，魚皮燒到脆卜卜，$68。鐘意食辣野的，不要錯過「喜聚鍋仔麻辣雞」，雞肉嫩滑可口，好入味，享受麻辣的刺激，$198。燒海鮮都唔錯，試了「炙燒野生海虎蝦」好多肉，蝦頭爆汁，充滿鮮蝦膏，$68，平時去街市買隻虎蝦都要三幾十元左右。燒貴妃蚌多汁鮮甜，$68。燒肉方面，安格斯肉眼串都是好貨式，$56。…Read More

7月份天氣炎熱，熱到令人心火盛，最岩食日本料理，壽司刺身入口夠涼快。想宴請朋友食飯，這間岩鹽日本料理絕對不失禮，是定位高級少少的日本料理。前菜八瓜魚意大利風沙律，酸酸地，食慾大開。第二道，木魚高湯浸翡翠苗比我暖一暖個胃。輪到牙骹要咀嚼下，一嚐串燒師傅誠意作，燒雞肉丸串、紫蘇豚肉腸串，肉汁爆開，難免有少少熱氣。是時候，要食壽司涼爽啊。岩壽司、鹽壽司絕對是此店必叫，否則，不要說自己幫襯過。壽司刺身色澤鮮艷，咀嚼拖羅帶有鮮香魚油，炙燒和牛甘香可口。香味撲鼻。每貫手握壽司，有份量保證。店家另一特色馳名——釜飯，這道料理，比較少日本餐廳有做。我點了和風牛肉釜飯，店員指明用沙漏計時一分鐘才吃，細心到另配牛肉汁自己調味，再有一壺茶漬及紫菜片可作為泡飯食，我就先齋食飯，試真D，飯粒夾雜銀魚仔，食落就知殊不簡單。同朋友食飯，要食埋甜品才算完美😍。隨意點了椰子雪葩，抹茶蕨餅配黑蜜糖醬。果然，真正椰子盛着雪葩🥥，不是玩兒戲，堅有椰香。今次，朋友表示十分高興。…Read More

近年川菜大行其道，愈來愈多川菜店掘起。今次發現了長沙灣一間平民川菜店，性價比極高又正宗！由長沙灣地鐵站A出口，橫過一條馬路即達，極方便。招牌一人套餐價錢夠親民有7款主題食材價錢介乎$58-$78，選擇包括鯛魚片、鱸魚片、生魚片龍利柳、墨魚片、鮮嫩肥牛、川式毛血旺，另有8款湯底可選：檸檬酸菜湯、酸菜金湯、老壇酸菜湯、香辣、麻辣、藤花椒酸菜湯、番茄湯及任選2款配菜，然後自選主食，如手工薯粉、白飯、米綫。首推薦藤花椒酸菜湯配墨魚片，白色一片片，肉質新鮮彈牙，花椒湯底令人胃口大開。餐廳還有煲仔飯供應，聞到隔離飯焦香味，加上價錢唔貴，盛惠$65，教人難以抗拒，所以再點了薑蔥田雞煲仔飯，飯焦粒粒分明，田雞肉汁滲入煲仔飯，香脆可口。…Read More

長沙灣有間隱世川菜店，是區內真正正宗四川菜！由四川師傅主理由長沙灣地鐵站步行7分鐘左右。招牌重慶酸菜魚啖啖魚肉無骨，不只是大人喜愛，小朋友都鍾意，想要走辣BB辣幾辣多油少油都得，配埋寬粉，Q彈有嚼勁，如果人少少，可以叫半份。其實，比起重慶酸菜魚，我更喜愛鮮椒田雞，我都係叫咗BB辣，但這個湯底的味道與酸菜魚的湯底截然不同，一點都唔酸，名副其實充滿鮮椒味，田雞肉質鮮嫩。其實這裡連飲品都好多選擇，炎炎夏日，我揀了至尊健康鮮果茶，有香橙、火龍果、藍莓、蘋果，配幽幽清香凍茶。這間店絕對保持到四川川菜的精神，服務員熱情招呼，耐心有禮，加上店舖裝潢舒適，絕對會再次光顧。…Read More

比預約時間早到，人不太多，餐具已準備好，侍應生可能看到我有小朋友，禮貌地安排我們坐在角落位置，十分細心。之後用QR code自助點餐，餐牌清晰還附上圖片，落單方便又快捷。不夠3分鐘，已經送上飲品，之後再送上生蝦刺身，蝦肉有鮮味，實淨，感覺新鮮，配上正宗泰式醬，十分野味。接著來個芒果蟹肉炒飯，每粒飯都乾身，不太油膩，味道合理，不太咸，有水準。然後黎個串燒併一併，看上去比較乾和硬，應該是預先燒好，然後保溫，一般水準。再來是燒元貝，這次是新解即燒，十分熱辣辣，中間灑上白飯魚乾，味道很夾，可以再試。再來一條泰式烏頭，肉質嫩滑，清甜有魚香味，全晚最好一道菜，值得一試。最後食埋椰汁西米糕，清爽，埋單3人食左8百蚊左右，不算太貴，可以再來。…Read More

同一班同事食飯，最好緊係食日本放題，選擇多，壽司刺身樣樣有，今日黎到大喜屋新開既旺角店，裝修新淨，環境企理。準時6點已經到達，坐低見到淨係飲品選擇之多，有自家冷泡茶，啤酒汽水放滿幾個大雪櫃除左凍飲，成班同事最開心既係清酒白酒燒酒任飲食物方面，餐廳而家用左手機點餐真係方便左好多，唔洗再好似以前咁寫紙仔，所以野食黎得又快又岩。我地一開始就緊係叫左一大碟刺身先喇，仲新多左長蟹腳，整體都好鮮味另外，仲有海膽壽司添，雖然味道同高級既無得比，但以呢個價錢比到呢個質素已經好滿意喇，當然仲有唔同既燒物都出息，燒羊架都有80分以上，另外竟然睇到餐單上有花膠鮑魚，肯定要試一試埋佢，鮑魚幾易咬同埋配既汁都調較得唔錯，大約食左個幾鐘已經好飽喇。但甜品始終係另一個胃，緊係食返兩杯雪榚來結束完美的一天喇…Read More

今日經過深水埗，見到呢間餐廳個門口裝修都幾吸睛，環境幾有氣氛，原來系一間串燒店黎，見食物都幾多選擇，所以一於同朋友試下新野！呢度落單都系自助掃QR CODE，好方便！份清酒煮花甲好夠味，粉絲吸晒啲汁，好好食！花甲都洗得好乾淨，無沙！仲點左雞腎、豬頸肉，燒到脆口，岩岩好，送酒一流！孜然韭菜系每次去串燒店都必點item，呢間都落足調味料，十分惹味！想食得無咁邪惡，所以仲點左幾份蔬菜，都幾大份，食完呢餐同朋友都表示好滿足，好飽！…Read More

聽朋友介紹，來到佐敦一間以新鮮生蠔🦪為招徠兼好有情調的餐廳Marco’s Oyster bar & Gill。由佐敦站B2出口轉角一路直行3-5分鐘便達。餐廳位於酒店樓下，而且要上一層，比較隱世。不過，餐廳環境境氣氛十足，甫入內便聽到柔和結他聲還要是真人自彈自唱。我點了一打生蠔送一支白酒，憑藉口碑，定價保守及生蠔款式多樣化，入口新鮮爽滑。另外，點了德國🇩🇪豬手，皮香脆可口，有餐包、西湯、沙律配，大件夾抵食，焗過的豬手零舍香味撲鼻。本身唔係太好芝士，見到隔離幾台客都有點純正意大利卡邦尼意粉，師傅用大火燒香原個大芝士，即場面前烹製。如果鐘情芝士的食客一定要試。由於我都感受到師傅的熱情，我都唔執輸，點了香橙酒煮班戟伴雪糕，這道甜品，都可以感受到在師傅面前即場烹製的樂趣。對食追求更高層次，這裡是味覺享受的記錄，並銘記於心，對廚師將食物用心烹調作出心存感恩的肯定。…Read More

星期五晚，當然要對自己好點喇，約左朋友來到長沙灣這間味道樂居酒屋餐廳裝修跟日本居酒屋很似，有種溫暖感覺我地點了新鮮亦貝，亦貝入口很鮮甜清爽，配合芥末提鮮，作為前菜最好不過，或者如有檸檬汁應該口感更佳💯我地亦叫左螢光魷魚，味道很濃配，一碟有大概6-7隻，配一杯熱茶可以剛好中和，此道十分推薦接下來選擇了半條綢池刺身，很有魚味，可以配薑一起食，但個人覺得就加少許豉油已可，喜歡吃紫蘇葉的包在一起口感更好最後熱食方面叫了野菜牛肉湯烏冬，本身對道沒有太大期望，只是希望吃來暖暖胃的，反而牛肉很有驚喜，不是一般外面的肥牛，應該用了較高級的日本牛，細節位很加分，烏冬也很煙靭，不會煮得過淋最後見到旁邊食客點了生蠔，忍不住又加點了兩隻，微微海水味，鮮甜至極…Read More