LamSiuYing's Profile

喺門口睇餐牌已經覺得唔對路，成條街附近鋪頭全部排哂隊，得呢間無排隊老闆娘係咁同我哋講呢樣有半價，個樣又6折，幾乎半個餐牌都有折$68黑松露忌廉湯個湯好似水一樣咁稀，無菇味無黑松露味乜味都無$48 凍cappuccino 紙杯上，無冰，珍珠奶茶飲管配比你飲咖啡重點係我第一次飲咖啡係用水溝成一大杯咖啡$4×× 牛扒叫咗5成熟，上到檯係全熟，完全切都切唔開$88 芝士××腸叫咗個腸食，上檯係一份all day breakfast, 裡面包括一條腸，老闆娘話因為單點一份腸唔抵食所以佢自己幫我哋轉咗all day breakfast??? 檯面好多塵真係喺香港食過世界第一伏嘅餐廳…Read More

琴晚去尖沙咀諗住食十二味但係見到好多人排隊，好肚餓唔係好想等見到隔離有間 藍色嘅小店 裝修幾靚 menu 主打係輕盈西餐即使一個女仔食都完全可以食得哂藍芝士瑪格麗特餅乾pizza🍕我超級中意食瑪格麗特，但係出去食pizza兩個人叫一個都已經飽到食唔到其他嘢呢間餐廳應該係主打一人餐佢全部pizza都喺一人份量而且我超中意個pizza底係用類似餅乾做餅底完全唔會heavy！一個人食兩個pizza都絕對可以！人生第一次食到呢種咸撻佢裡面有芝士 薯蓉 番茄牛肉撻皮都唔係平時會食到個種食完都喺完全heavy（唔知點解）仲有個洋蔥紅蘿蔔薯條好特別好fresh嘅感覺！總結：我下次真係會再嚟！…Read More

成日經過見過排哂隊，次次都諗住下次唔排隊再嚟食點知下次又下次都係見到keep住有人排隊，睇嚟真係好受歡迎今日中午12點45份左右嚟到，排咗大概15分鐘就入到去坐低店員告知係QR code自助落單，跟住就遞上兩杯茶問店員有咩推薦，店員推薦咗鱚定食凍蕎麥麵，夏天最多人食呢個見到隔離檯有叫八爪魚天婦羅，好大份，我都叫咗一份天婦羅食得出係新鮮炸起，粉好薄，而且食材好新鮮無梅味凍蕎麥麵會配一個冷麵汁，冷麵汁夠凍，配上wasabi食超級清爽！大推！八爪魚天婦羅超大份，估唔到香港都可以食到咁厚身嘅八爪魚，建議兩個人share食服務不錯，食物好食，下次會再嚟！…Read More

今天同朋友兩個人去食，剛開始都好好，冇咩特別事，因為價錢唔係平，所以我哋對食物會有期望Set c 做緊8折優惠，所以揀咗set c坐低之後即刻有個類似九宮格嘅牛肉拼盤上台，好靚點知原來中伏，我唔知係牛肉問題，定個爐問題，啲牛肉點燒，都係無油花，由頭乾到落熟個陣擺入口，一係就無牛肉味，一係就苦苦哋，而且係無論你食牛舌，牛柳定牛xx都好，都係一樣咁難食全晚同朋友都係叫烏冬同甜品填肚（烏冬甜品都好食嘅）因為我哋個set 120分鐘，但因為食食下會唔知時間，突然就有個男人，無著制服都唔知係咩人，攞住部look卡機，就話我哋夠鐘，要比錢，張單幾錢咁樣我同朋友呆咗一下，因為我哋其實仲食緊嘢，而且正常餐廳都會提前可能半個鐘或者15分鐘提醒客人準備夠鐘，但喺佢哋無！突然就埋嚟話夠鐘要比錢好啦，比完錢，我哋都唔知點做好，啦啦聲飲啖水諗住就要走，但飲水同時，個男人已經攞咗個盤過嚟執緊我哋檯面啲嘢，我同朋友都唔知係咪連水都唔方便飲多啖，跟住我哋就走了走出門口，其實根本冇人等位總結：性價比超低唯獨牛角包窩夫出色…Read More

其實呢間我已經食過好多次次次都好滿意嘅除咗有時某啲新品過甜之外基本上質素都穩定不過我每次上去買，啲店員態度都麻麻哋譬如有一次，我去到6點鐘，見到得返少量tart, 我就想問佢係咪得返呢啲口味我一講：請問係咪.... 職員：我哋今日收7點我再問：我係想問係咪得返... 職員：係第二次：我：想問下係咪冇哂... 職員：暫時冇我唔知係咪每個客問問題時間有限時，次次都係咁答我第三次：我：請問今日有冇... 職員：現貨係哂度其實我覺得人嘅基本禮貌係聽完人哋講嘢先答:)我明白佢哋係好忙，因為次次去到都有人排隊，但我只係問一個問題，其實冇必要咁樣希望佢哋可以改善下❤️…Read More

疫情期間個個都冇得走被逼留喺香港，少不免一定會掛住啲外地嘅美食嘅，香港日本菜就真係好多 ，不過台灣菜比日本菜要少好多。今次路過銀湖天峰呢邊，見到門口開咗兩間新嘅食店，呢間台北日記好搶眼，因為佢成個感覺, 啲門面呀, 招牌個啲，全部都好有台灣地道嘅感覺，Menu都好多台式嘢食，各種嘅便當, 小食鹽酥雞, 台灣香腸，仲有台灣滷味。今次買咗兩個便當試下賣相唔錯,肉燥超濃味，而且塊豬扒大得超誇張，好唔容易見到有台式滷味嘅外賣檔就當然滷味都要試埋喇，滷水汁超濃, 呢個汁襯咩都好好食。下次會再幫襯…Read More

今日搭巴士經過見到旺角有間新開嘅餐廳門面睇落勁靚, 因為有好多燈牌我去做完facial之後就特燈行返過呢間嘢睇下間舖都好大下, 唔止門面靚, 入面都好企理啲樓面姐姐服務態度都好好坐低睇完menu真係頭痛完全唔知食咩好, 好多嘢食揀聽講佢哋出名係沙爹牛肉麵, 咁第一次嚟食就試下呢個先其實沙爹牛肉麵好普遍, 好多地方都有得食不過真係唔係間間整得好食但係呢間冰室個沙爹牛肉麵真係好食佢成個套餐勁有誠意超濃嘅沙爹湯底, 跟餐配炒蛋特別係個多士係超級厚, 食落口感勁正配埋杯凍檸茶仲正下次會想再嚟多次, 試埋其他嘢…Read More

教育路呢邊又有新餐廳開張門面細細，但門面裝修都幾搶眼店內裝修算係懷舊+現代feel但一間餐廳最重要都係味道好食同朋友坐低，餐牌都幾多選擇最後order咗兩個小菜當晚餐廳內人流唔算多，我哋嘅兩個小菜都好快上咗首先見到西檸雞好驚喜，賣相非常之吸引雞肉鋪得好整齊，檸檬醬分量足夠，而且有好幾片檸檬擺面，影相打卡都非常適合之後上埋欖菜肉碎四季豆，熱辣辣而且欖菜味非常香欖菜同肉碎嘅份量都啱啱好，四季豆爽口入味最正嘅係小菜跟配一個白飯，我同朋友就啱好一人一個服務態度都好好，有機會會再試埋早餐午餐或者下午茶…Read More

我本來非常喜歡壹茶 飲品夠新穎 即使觀塘有多間飲品店 我每次都會去壹茶買 平時飲開牛油果脆脆 但喺今日去無咗 可能喺賣曬 理所當然地我選擇了第二喜歡的寒天珍珠奶茶 因為本人正在減肥 特意叮囑要微糖 去冰 買完就衝忙地離開了 結果不但沒有去冰 還非常非常甜（估計喺正常甜度）但是已經離開了 20+的價錢也不想追究太多 但是真的很失望可能正值暑假 店內的員工都不是我平時看到的員工 全部都是中學生的樣子 我不是歧視這些年輕人（我自己也是90後有做兼職的人）而是他們連最基本的東西也沒有做到 當時店內也只有我一位客人在點單 即使是暑期工我覺得也應該好好對待工作吧 唯有暑假過去之後再去試試看…Read More

今晚9.20分入座 餐牌睇咗好耐先開始點餐 因為9.30後入座半價 所以點餐個陣問咗侍應2人套餐有無8折 佢話有 我就翻開餐牌想叫 就喺手腳慢咗d 就比我侍應大我“喺咪叫嘢食架”。之後揾咗另外一個人落單（應該喺老闆）點知等咗20分鐘都咪有嘢食 再問其他侍應原來啱先無落到單個下真喺嬲 因為已經10點25分好肚餓了 啱落完單嘢食都咪上就叫買單 個下真喺嬲多次（體諒我個陣喺晚飯都咪食，仲要漏單）再次落單後10分鐘先上菜 叫咗個芝士薯條（只碟喺好熱嘅）侍應竟然喺我後面好大聲咁話“睇熱”，唔喺我話，你一間西餐廳搞到好似大排檔咁嘅服務真喺差，又無禮貌。叫咗個T字骨，叫咗7成熟黎咗全熟，都無乜牛肉味，現場環境非常非常嘈 好似打交咁 …Read More

因為呢間嘅廚師摞過獎 所以特燈同2個朋友過黎食嘢 浦頭好隱蔽 喺M記隔離 不過裝修好靚 我好中意個feel d樓面姐姐服務態度幾好 問佢有咩好推介都介紹咗好多比我地揀 因為我地得3個人 所以叫咗4個送 …Read More