carmenli170822's Profile

好朋友生日一早book左Sage bar and restaurant。之前嚟過依度食Lunch，覺得呢到性價比高，所以今日佢生日，就揀呢度同佢慶祝。Menu係一張紙響clipboard上面，最平嘅main course$188起，同一般西餐嘅價錢差不多。我哋分別揀咗乳豬卷同埋美國安格斯肉眼扒。乳豬卷係朋友指定要叫嘅，一般乳豬卷入邊係乳豬皮捲着乳豬肉，但係依度又有啲唔同，係將啲豬肉同薏米香草mix左再釀返入去，所以食落唔滯因為唔係全部都係肉。乳豬皮好脆，點埋特製蘋果酸辣醬又好夾，醬汁小甜帶少少辣，但對於食得辣嘅我黎講辣度可以再加強啲，但係我朋友就話啱啱好。依到嘅乳豬卷一定要試，係一個自己整唔到外邊又食唔到嘅菜式。另一個菜式係美國安格斯肉眼扒陪黑椒汁辣根忌廉。我哋叫嘅係7成，係喜出望外嘅，好友肉味，同埋個生熟程度係我哋想要嘅。跟住我哋再點返黑椒汁，令到個肉味提升左。我見到隔籬枱叫咗燒春雞好似好吸引，下次再嚟一定會試吓啦！…Read More

今日要入元朗做嘢，晏晝兩點幾想搵間餐廳靜靜地咁坐低食嘢，上OpenRice search下，見到呢一間餐廳都幾多好評，而且就響附近，所以就一個人走去食個late lunch。lunch餐牌都有幾多選擇，最後我揀咗香煎精選魚柳，今日係龍脷魚，啱晒我。頭盤我揀咗蘑菇湯，應該用左好多蘑菇煮，成個口充滿蘑菇味，好濃郁好creamy。跟住主菜到啦， 個賣相好吸引，總共有3塊魚柳，配菜仲有冬菇同埋菜心。我好好奇點解西餐會有菜心，原來呢個係意大利嘅菜心唔係我哋平時街市嗰隻，好清甜。魚柳煎得好香脆，配左啲酸酸地嘅醬汁，有一陣好清新嘅檸檬同洋蔥味。呢度晏晝唔貴，座位亦都好寬闊，我兩點幾黎客人唔太多，所以坐得好舒服咁過咗一個好chill嘅下午。…Read More