Chocolate Little's Profile

第四次光顧，之前给我的印象已經很普通，但是茶餐廳來說，它是不錯的。同事有禮貌的招呼，環境乾淨，鎮店豬扒冇得輸。不過以我由坐底到去比錢都只係半個鐘，其間叫咗共3次杯熱啡走奶到我食完最後嗰啖先嚟~跟住有3位客入嚟，因為唔想分枱坐，個阿姐就叫佢哋等我坐緊嗰張(大佬，老麥咩?! 我個餐已經乾啃，仲諗住我要高温對埋杯啡？! 唉~)我飲咗1/3杯，個阿姐埋嚟叫我轉枱…我就放棄杯啡，去比$走囉! 可以嘅話，外賣啦，不過我冇乜必要都唔再去Iu~…Read More

諗唔到食乜，見未試過，就試吓。落單後先發覺冷氣唔夠，喺體感温度成三十幾度嘅情況下，真係有少少辛苦。其中一個餐到喇，因為都係牛飯(我又唔認得個飯係乜樣)，咁我見個餐盤上嘅餐飲係我男友嘅，我哋都默認個餐係我男友嘅。到佢食食吓就上我個餐。我聽到個同事講個飯名嗰陣，我發現呢個先係男友個餐(两個牛飯係唔同產地嘅牛)，咁我就話呢個餐錯咗，叫佢攞返張order出嚟睇。佢就將我男友個餐飲放落我個餐喥。如果第一次嚟食，好難辨認到係乜鬼牛。我問佢有冇跟住張單做，佢仲話有。最後佢都即刻做過比我。不過我就好唔鐘意D咁要客人動腦嘅服務。唉!…Read More

星期五晚飯，80分鐘交枱冇問題，根本出得切就一定食得切。落單嗰個黑口黑面，都算。個Main Coures 都未食完就上甜品，隔離枱就食完收晒碟都仲要等甜品。時間管理有問題，麻煩餐廳同事自行想辦法解決。唔好喺個客提出意見或投訴嘅時候，當面黑個客面!…Read More

咖哩冇辣味(又唔係日式)，又冇咖哩味，得椰味，仲係唔係咖哩呀？好油，仲咁濃椰漿味，好難食囉!食咗两啖即刻要先劣評佢，因為已經有D食唔落嘅感覺。牛腩就唔硬同唔肥，得一粒薯仔。有幾條唐生菜嗰喥夠搞笑。…Read More

請問打開飯盒發現有張order單喺飯面(已經焗咗10分鐘)係乜嘢玩法？等候時間已經由15~20分鐘縮短至5~10分鐘。份量亦足夠，唔須要加底(張單)，同埋張單應該唔洗加熱，麻煩下次張單就咁貼飯盒面，億萬個唔該!…Read More

每星期幫襯一次，都幫襯咗近半年。每次早上11:00前落單，預計12:45取餐，每次取餐都要多等10~15分鐘。準時到取要等咁耐，咁咪遲D去囉，遲D去又係要等咁耐。睇住佢比晒D0008號，0012號..我問我0001同0002都未有，點解要倒轉D單號嚟做？佢又話係順住做，個妹妹仔仲次次日劈口劈面答我未得。今日得15分鐘食飯，仲要嘥時間喺喥寫劣評。質素係好，但我接受唔到次次咁受氣，幾好食都冇用。:(…Read More

食物質素冇問題，服務質素有問題。為何要不把茶杯蓋蓋好才放入袋？成杯茶倒晒，差D食茶漬飯! 有圖有真相呀，真係成杯茶倒晒，就算趕出單都可唔可以嘥幾秒睇清楚先出？拜託!…Read More

午餐，疫情价$43，明白一分錢一分貨，但是最基本的飯底要生冷槓是何玩法？味道係冇問題嘅，但係成餐飯好似食緊石仔咁。唔食又浪費，食完到依家成個鐘個胃仲痛緊(>.<)…Read More