Canaria*'s Profile

海鮮蒸鍋一向係我既至愛，得悉深井開左一間預約制既蒸氣海鮮鍋，就係新年前同屋企人一齊去試下當提早做節😊店家只提供2款套餐，分別係龍蝦海鮮套餐(HK$388, 主食為每兩位一隻龍蝦)及海鮮套餐(HK$268, 主食為原條鮮魚)，其他配料就2款套餐都係一樣既。我地就叫左2個龍蝦海鮮套餐同1個海鮮套餐，咁就可以乜都試下😋記住預約時就要同店長講定你要咩套餐方便準備店長準備緊食材既時候拎左隻龍蝦出黎比我地打卡，仲好生猛識郁相當新鮮🦞隨後就會拎返去繼續處理，最後做成海鮮拼盤供客人先打卡再慢慢逐樣放入鍋中蒸煮，枱上有memo提示每樣海鮮要煮既耐，仲提供埋計時器，唔使驚會煮過龍👍🏻🦀當日我地食既海鮮有🦐: ▪︎龍蝦：非常鮮味彈牙，肉質厚實仲好多膏，每一口都係不能錯過既美味，可以大啖食龍蝦肉好滿足😍︎▪︎原條鮮魚：店長揀左一條好大條既斑，肉質好滑仲好濃魚油香，實在太大條魚所以食完好飽🤣︎▪白鱔：第一次食到咁大舊白鱔，咩醬料都唔使點已經好好食，白鱔愛好者一定鐘意❤️︎▪鮑魚 ：大隻又彈牙，外面少少煙韌內裡溏心，好味👍🏻︎▪蠔：好少見到咁大隻蠔😍好厚肉又唔會腥，好滿足▪除左以上既海鮮外，仲有大大隻既蝦，多膏鮮甜既蟹，同埋元貝、花甲、北寄貝等等，每樣都好好食，真係學店長話齋，唔使點豉油或任何調味料，食材既原味道已經非常好味💖係海鮮食到七七八八既時候，就會奉上紐西蘭南瓜拼新鮮蔬菜🌽個南瓜好軟糯帶微甜，味道竟然有d似芋頭😮!!粟米就好飽滿仲超甜，無論蔬菜定海鮮都高質到不得了👍🏻食曬所有嘢之後就輪到重頭戲，就係海鮮粥啦😍粥底已經煲到勁綿，海鮮同蔬菜既精華全部融入曬入去，每一口都係鮮味既濃縮，再配埋油炸鬼同店長自家製既麻辣菜脯，好食到我雖然飽到不得了但都停唔到咁食左幾碗💖個粥底份量好大所以每個人都可以分到2-3碗架食曬成個套餐之後真係飽到就快行唔郁🤣唔單止所有食物都好好食，店長親切又風趣，服務仲非常好，呢個價錢食到咁高質既蒸氣海鮮鍋 真係好難得，所以已經決定左以後有咩大時大節都要瘋狂黎幫襯，可以無限encore👍🏻…Read More

熊本牛鍋推出左一款季節限定套餐，唔單止可以無限時任飲任食，仲送海鮮雞煲同埋大閘蟹！咁抵食，即刻拉埋朋友去試下先🐮無限時任食任飲牛頸脊套餐($328+10%)呢個套餐真係包好多嘢，以下跟進食次序介紹下 ▪️🐔海鮮雞煲除左嫰滑雞肉之外，入面竟然仲有原隻新鮮鮑魚、蝦同埋蜆，好足料🫨!!醬汁好惹味，而且唔會過鹹過辣，無論係配肉類定海鮮都好夾▪️🦀大閘蟹只要叫呢個套餐就會位位附送3隻足四両至四両半大閘蟹，正所謂九月圓臍十月尖，所以今次拎到既都係大閘蟹公，但都多蟹膏㗎😍入口香濃又綿密，蟹肉亦幾鮮味，好食! (⭐其他套餐可以每位優惠價$138加三隻大閘蟹)▪️🍲火鍋湯底 - 泰式冬蔭公 & 木魚昆布 (轉鴛鴦湯底+$30)同朋友都係鐘意用湯底打邊爐多啲，所以加錢轉左，泰式冬蔭有椰香，夠酸帶微辣🌶️但最有驚喜係木魚昆布湯，鹹鮮味大爆發🤯第一次食到咁好味既清湯，必點!!💯▪️🥩肉類 - 牛頸脊、加拿大極嫰保濕豬片、美國頂級牛肩胛呢個套餐包3款肉類，款款都好大片同夠肉味，個人最鐘意牛肩胛，油脂豐富，肉味濃又易咬👍🏻▪️🥢火鍋配料、飲品、甜品火鍋配料種類豐富，一般丸類蔬菜同較少有既蒟蒻粒、鮮雞件同鮮魷魚都有🦑飲品亦都同樣地係極多選擇，有啤酒汽水亦有滋潤下火啲既冰糖紅棗燉雪耳同夏枯草，呢2款都幾好飲㗎👍🏻最後甜品就有雪糕同泡芙，個人覺得士多啤梨同芒果味最好味😋食完咁多野真係飽到要捧住個肚走🤣任飲任食仲有大閘蟹送真係抵到不得了💖…Read More

好重冰感既刨冰🥶本來想嚟試下佢地既窩夫，但原來三角形個款普通窩夫已經冇再賣，唯有改叫同場有其他人食緊，睇落幾靚既刨冰🍧💜紫薯芋泥雪糕刨冰餐牌標示佢地既手作紫薯芋泥係限量供應，但係紫薯球味道非常麻麻，冇紫薯應有既香甜味，只得難以形容既味道，而芋頭雪糕球味道亦只屬一般而且較甜刨冰上面有好多椰果同白玉丸子，仲有芋泥淋係面。椰果好重糖水味，白玉丸子就夠煙韌所以比較好食。芋泥好香甜，芋頭味好出，味道幾有驚喜，可惜份量太少，食幾啖已經冇曬😞刨冰都幾多，但係冰粒感太勁，有部份仲痴埋變左一大舊冰，同埋好淡味，同食緊普通冰係冇分別中價位但呢個質素，仲要淨係收現金😕食完覺得浪費左個quota，希望係嗌錯野問題啦…Read More

呢間位於鰂魚涌既日式丼飯外賣店最近推出左新menu，熟丼系列全部使用由4款蔬菜整成既菜粒蓋飯底，感覺比一般丼飯健康，睇下味道又點先🥢🐮七味牛舌丼 - 多菜少飯($78) & 追加溫泉蛋(+$8)一打開蓋發現個賣相仲靚過menu張相🤣菜粒份量冇欺場，多菜少飯真係勁多菜🥕蔬菜已經全部切曬粒，口感爽脆，調味啱啱好，好味又健康，好欣賞佢地仲用左我鐘意食既羽衣甘藍💕淨係呢個菜底都夠送飯牛舌有5大片，本身帶有少少鹹味，所以配返偏甜既醬汁平衡返味道。肉質超級淋，幾乎唔使咬咁濟，牛舌味仲勁濃，食第一啖已經覺得好驚艷😳個牛舌會唔會做得太好味左啲!!!配埋有濃郁蛋黃香既溫泉蛋，好味到覺得可以食多幾個丼飯都仲得👍🏻👍🏻👍🏻如果想食得再低醣啲，仲可以+$10轉成全菜粒底，無論係菜粒定主菜都咁高質，梗係要keep住encore啦🤤…Read More

有日係銅鑼灣行緊街個陣突然覺得好口渴，就衝左入去最就腳既呢間茶飲店拿拿聲買杯嘢飲解渴💚雲朵青提 - 微糖 ($42)青提呢個選擇幾少見，所以就揀左呢個試下，可能係青提本身既味道比較清既關係，溝埋茶之後只有微微既青提味，但係味道幾清新，同個茶底好夾。茶底都唔錯，唔會太濃但又有茶既甘香味👍🏻好解渴雲朵即係奶蓋，一望就知勁厚🤣比得一啲都唔手軟。質感比較稀，奶味芝士味都ok，唔會過鹹，本身已經好大杯，再加埋咁厚既奶蓋，飲完之後降曬溫得嚟即刻飽曬美中不足就係價位屬中上，有啲肉赤…Read More

近年多左唔少餐廳開始提供植物海鮮菜式，位於葵興既入素就係其中之一濃香喇沙海鮮湯配擔擔拌麵喇沙入面有豆卜、蔬菜、素魷魚同素蝦，湯底帶有濃郁椰子味，飲落好香好順口，就咁飲都唔會覺得膩，反而有種好開胃既感覺，而素魷魚同素蝦都好彈牙爽口。擔擔醬汁係另上，味道有少少似咖哩，好惹味所以我全部撈曬 不過個麵就淋左啲，如果可以用返啲有咬口啲既麵條就更好啦炸素蝦外表真係激似一般炸蝦，原本我估唔通係用素蝦包粉炸?點知估錯曬，食落去係軟綿綿㗎!口感好綿密，食到一梳梳纖維，問左店員先知好似係用准山製成，仲有啲紅蘿蔔粒同粟米係入面，雖然要比啲想像力先會覺得像蝦，但味道唔錯㗎炸素蠔裡面有大量紫菜去模仿蠔既鮮味，食落少許煙韌，真係有幾分似蠔既口感同味道! 呢個相當有驚喜，亦係我今次覺得最好味既植物海鮮菜式日式燒鰻魚呢款串燒外脆內軟，外層係極脆身既腐皮，裡面係同素蝦一樣既軟綿綿餡料，中間亦夾左紫菜，配埋醬汁一齊食的確係有燒鰻魚既神韻呢3款炸素海鮮都係入素自製，睇得又食得，另外仲有個酸酸甜甜既醬汁，無論配炸素蝦定炸素蠔都一樣咁開胃㗎西柚菠蘿低糖果汁味道以菠蘿為主，後勁帶少許西棟香味，甜度啱啱好，可以飲到水果既清香味，啱曬食完咁多炸物之後解下膩…Read More

講到章魚燒我就會諗起真・章魚無雙，自從係葵廣食過一次之後就念念不忘，咁啱最近路過太安樓，點可以唔買返盒止下癮🤤🐙八粒雙拼 - 明太子＆黑松露($46)每粒都好脹卜卜同熱辣辣，最緊要係超多醬!!!!無論係明太子定黑松露醬都淋到成個面都係，務求粒粒都可以被醬包實曬😳明太子作為人氣Top2，味道有保證，鹹香同鮮味俱備。黑松露就比較creamy啲，每粒章魚燒都有啲黑松露醬係面，一入口已經香味大爆發，但味道唔會太搶，鐘意黑松露味必試💖除左醬汁之外，佢地既章魚燒依然係啖啖章魚，唔會食到成口粉漿，仲每粒都夠大粒同夠脆夠實身，欣賞佢地一直keep得住個質素，好好食👍🏻👍🏻👍🏻…Read More

今次嚟到呢間藏身於銅鑼灣充滿異國風情既餐廳，聽講佢地既漢堡包幾好食，就同朋友叫左2款開心share🍴🍔和牛漢堡 Wagyu Burger - Combo ($139+10%)和牛漢堡扒非常juicy，口感比較彈牙，入口啖啖和牛油脂香味，配埋軟熟漢堡包同醬汁，幾好食👍🏻洋蔥圈都好脆好香口，洋蔥味頗重，同漢堡包好夾🍔古代漢堡 Cauldron Burger - Combo ($139+10%)呢款漢堡既肉質比較厚同乾身，但係牛肉味就較濃郁，同埋口感會扎實啲，鐘意啖啖肉既話比較推薦呢款💗芝士上放左阿根廷青醬，酸爽味道令口味多左個層次之餘，亦可以中和漢堡包既油膩感😜佢地既薯條屬幼身個款，外脆內軟㗎🥭Blackcurrant Mango Drink (跟餐+$35)飲品好大杯😆芒果味較出，每一口都有香甜既水果味，啱曬一邊食漢堡包一邊飲兩款漢堡包都好大個，食完之後飽到上心口🤣如果想留肚試下佢地既甜品同雪糕，可以揀tasting既大小試下㗎💕…Read More

呢間位於鰂魚涌既泡芙店一直人氣高企，係出爐次數有限兼售完即止既情況下聽聞非常難買到，不過今次好好彩第一次去就食到，真係同傳聞一樣勁多人排隊😂即刻試下係咪真係咁好味先台灣桂花烏龍麻糬($30)因為啱啱食完lunch就揀左個清啲既口味，白色cream係桂花味，味道清香微甜亦食得到桂花香。而綠色cream就係烏龍茶味，茶味極濃郁，重茶味到係會回甘，夾埋一齊食就好似飲緊桂花烏龍一樣，花香茶香皆備😍而且啲cream好輕盈，絕無油膩感，係難得一見既高質cream💖Cream下面有大大舊軟綿綿既麻糬，估唔到麻糬原來同泡芙咁夾。另外絕對要讚既係泡芙本體真係好食到不得了😳我擺左成個鐘先食都仲係好脆皮同挺身，一啲都唔油之餘仲極重蛋味，成個泡芙無論係食落定係聞落都香到令人難以抗拒，絕對係目前食過最好味既泡芙…Read More

Poke Bowl已經成為左我既新寵兒，鐘意佢又健康又可以揀沙律菜底。最近係鰂魚涌見到呢間Poke專門店淨係main都勁多款，點可以唔試😍🥗B.Y.O.BBase：椰菜沙律Sauce：是拉差蛋黃醬Crunchy：炸蒜、炸花生碎Top：煙燻黑胡椒鴨胸、北海道章魚Add-on：秋葵、蕃茄莎莎見到個menu寫鴨胸、章魚同埋秋葵都係New就忍唔住點左(對新野冇抵抗力🤣)，落單之後好快有得拎，比預想中更有份量，賣相亦都好靚椰菜沙律好新鮮，是拉差蛋黃醬都幾辣下，但同時頗惹味所以同沙律都幾夾。🦆鴨胸既胡椒味好重，估唔到係個幾重口味既選擇，不過厚切得嚟肉質夠淋。🐙章魚有咬口但係完全唔韌，個煙韌程度係啱啱好，仲好有鮮味好正，兩款main都好好食👍🏻👍🏻秋葵就冇咩特別，勝在新鮮所以夠脆。蕃茄莎莎幾開胃，不過入面有頗多生洋蔥，所以都幾大陣味，食完唔敢同人近距離講野🤣呢個自選組合可以話都幾重口味，不過每樣野都好好味，特別係main既份量好多，可以話係目前食過最滿意既poke，同埋好欣賞佢地提供咁多選擇，就算一星期食幾次都唔厭呀…Read More

自從植物奶越嚟越係香港盛行之後，自己都為健康著想，慢慢由飲牛奶轉為飲燕麥奶杏仁奶等。為左用行動支持走牛奶，今次就去到位於土瓜灣既Cutting Onions，試下佢地純素產品🍀Cutting Onions既前身為以前太子成日要排隊等位既「包販子」，當時已經有好出色既 vegan options，就算嚟到土瓜灣都仲有保留呢個特色，當日點左：🍵黃梔花綠茶奶茶(轉燕麥奶)茶底係用左「想爺爺了」所出既茶粉，茶味好濃帶微甘，仲有淡花香，味道就似有花味既抹茶咁，同燕麥奶好夾，既清新又好飲👍🏻🧅洋蔥芝士菇菇天貝包呢個包超巨型🤣厚到我要分開嚟食，入面有炸洋蔥圈、大啡菇同天貝，配合埋店方自家製既素蒜味醬、素芝士醬同包，絕對可以話係目前食過最好味既純素包💖不得不讚個醬真係非常惹味同好香🥹仲有個包軟得嚟帶點煙韌感，而且所有配料都處理得好好，好食到覺得可以一次食10個🍨純素雪糕 - Cross Bun口味Cross Bun係一款加左各式香料既甜麵包，所以呢個雪糕會品嚐到肉桂、豆蔻同丁香味，味道帶點刺激同偏甜，但係非常好味🫶🏻同埋底下既花生同糖粒一齊食又別有一番風味。雖然係純素雪糕，但質感同一般雪糕無疑，而且佢地好慷慨咁𢳂咁大球雪糕比我，食完好滿足呀💕Cutting Onions唔單止食物好食，店員仲好nice同好有耐性咁介紹佢地所用既本地出產同有機食材，聽佢地講先知原來有本地出產既天貝😳果然用心做既食物係特別好味，真係要多啲嚟支持下佢地先得!…Read More

係鰂魚涌個邊有好多好味既食店隱身係橫街窄巷，其中一間就係呢間台式餐廳，雖然店舖細細但係餐點選擇超豐富，咁我就試左：🥢是日精選 - 點子炸雞肉燥新竹米粉配椒鹽台腸片個餐一嚟到已經比佢個份量震懾到🤣炸雞同台灣腸既份量多到我以為自己叫左單點！每件炸雞都大大粒，雞肉仲保持到嫰滑，無論係雞同台灣腸既調味都唔會過重口味，淨係食呢兜小食已經飽左2/3😳肉燥米粉個湯底好濃，米粉爽口條條分明好好味，雖然以為肉燥係一般食開肉燥飯好多汁個隻，點知唔係，但又幾好食同埋味道好夠，所以就算成個餐份量咁大，因為好食所以都可以輕鬆食曬💗跟餐仲奉送飲品，店員介紹係預設無冰走糖，味道會淡左啲但都可接受，食完油膩濃味野後反而覺得飲落好清新可以清下個口腔👅呢度可以用超親民價錢食到呢個份量呢個質素，仲要包飲品唔使加一既午餐，真係清泉嚟😍點可以唔支持…Read More

坊間既海鮮蒸鍋大多數都要一班人share，得1～2個人個陣就未必可以選擇。但係呢間位於銅鑼灣既海鮮蒸鍋專門店就唔同，提供一人一蒸鍋，咁特別梗係要去拜訪下😳🦐內務總管套餐 呢個套餐包左刺身、炸物、海鮮、肉類、三寶丸、蔬菜拼盤同甜品，最後仲有粥底可以食。刺身不過不失，炸物既日式炸雞個炸皮就麻麻地，同埋濃味炸物感覺同成個套餐有啲格格不入海鮮同肉類幾新鮮，唔會有沙或者霉，總共有7款海鮮2款肉，雖然每款都係一人份量，但夾夾埋埋其實都幾多，食曬已經飽左一半。三寶丸同蔬菜拼盤同現成既甜品屬預想中既味道，不過粟米同南瓜都幾好食。最後輪到粥底，食到差唔到就會有店員幫你倒啲飯落去準備。個粥底集合曬所有食材既精華，有濃郁既鮮味同埋幾棉滑。同行朋友亦大讚好食，就算好飽都食左勁多碗🤣…Read More

呢間丼飯專門店相信好多人都聽過，特別係佢既午市用餐時間30分鐘既規定，都真係幾令人卻步😦不過亦都代表餐點應該唔錯先會咁有人氣，等我試下係咪真係咁好食先🦀海寶丼【特上】呢個丼有吞拿魚、油甘魚、章魚、穴子、蛤蜊、小扇貝、真雪蟹、海膽、甜蝦同鮭魚子(走左青瓜)，份量頗大，鋪滿飯面既海鮮睇落真係幾吸引海鮮既量係多到可以啖啖都食到，但可惜味道只算尚可😣可能係因為熟海鮮偏多既關係，感覺食到好多有咬口既海鮮粒，但唔知係咪生魚粒唔多，鮮味就欠奉。咁多款海鮮之中蟹肉同蝦都幾好味，海膽就最麻麻地，冇鮮甜味成餐最有驚喜應該係個醋啫喱，配埋個飯一齊食好夾好開胃，仲令味道多一重層次。不過可能係因為我偏好生食多過熟食，而呢個丼冇乜食魚生既感覺，食完冇乜滿足感，唔太啱我食🫠有下次既話試下其他嘢算…Read More

天氣熱先嚟遇到伏既芝士奶蓋，唔同連個天都唔鐘意我☹？前排就係土瓜灣既呢間和風茶飲店度飲到一杯令我頗失望既茶🎋鮮甘蔗奶蓋茶 - 少冰走甜($34)寫住數量限定兼我好鐘意甘蔗汁既關係，就諗都唔諗點左呢個。第一啖覺得味道幾清新既，但係甘蔗味明顯比茶味搶左，唔太飲到甘蔗味之餘，仲隱約飲到啲酒味😣總之成個甘蔗茶底都冇我以為會有既清甜甘蔗味，只有一種難以形容既味道，可能要改善下個甘蔗汁同茶既比例，同換過啲甘蔗汁茶麻麻地唯有寄望個奶蓋，睇落係好厚，亦都真係比得好重手，質感都滑身既，但係得個鹹字，冇乜奶香味，比得多都冇用，就咁浪費左一個quota💔…Read More