甜詩C's Profile

叫左個精選二人套餐 $298卥水鵝 + 鵝肝 – 卥水鵝好夠味, 鵝肝好滑, 卥水豆腐大件又滑潮州凍烏頭 – 都ok, 冇乜點食因為我本身唔太食魚香煎蠔仔烙 – 蠔仔唔細, d 蛋煎得岩岩好, 好香口, 加埋魚露一流方魚肉碎粥 – 好味, 啖啖肉蒜蓉炒時菜 – 蒜蓉夠, 有鑊氣…Read More

叫左:蕃茄嘉茜包 - 估唔到佢d 意式麵包 (意大利嘉茜包) 咁好食, 麵包厚又香軟。洋蔥湯 (跟原味意式麵包) - 洋蔥味極濃, 另有蕃茄同煙肉醉。辣蕃茄汁長通粉 - 不過不失, 汁微辣。茄汁雞肉意粉 - 都係不過不失, 唔算驚喜, 但係又唔係失望個隻。心太軟 - 朱古力醬汁都算幾多, 蛋糕亦軟, 唔錯!兩個人 $238, OK wor, 會再黎。…Read More

叫左:青咖哩雞跟蒜蓉包 $32估唔到蒜蓉包超掂, 又香又脆, 蒜蓉味極濃。青咖哩好香, 味道濃, 唔算辣, 雞件滑, 數量亦多。黃咖哩雞跟飯 $32黃咖哩本身唔差, 味道亦濃, 唔算辣, 不過同青咖哩相比, 黃咖哩就較失色, 薯仔仲多過雞件。泰式豬頸肉 $32不過不失, 豬頸肉薄左d。…Read More

行過呢度, 見到好多人排隊, 聞到好香, 有蛋糕、麵包、曲奇, 樣樣都好似新鮮出爐咁, d 人好似唔駛錢咁又迫又排隊。好奇心驅使下, 我就買左個杏仁蛋白蛋糕 $14。夠晒熱, 蛋白味好重, 甜味就冇lu, 好淡。 可能焗得耐左, 好可惜, 只有蛋糕既中間位置可以食, 周邊近錫紙既部份好”鞋”。再望真d 間鋪既招牌, 原來寫住什麼 Maria、超羣…之類既名。…Read More

自從Pacific Place N 年前冇左個 Food Court, 想係金鐘食d 經濟又好味既真係冇乜。星期日行過呢度, 見佢冇乜人, d 相又影得幾吸引, 就抱住冒險既心情試下la。友人叫左::) 一吋手打牛肉芝士漢堡 $36我就叫左::) 日式咖哩吉列豬扒漢堡套餐 (跟汽水, 薯條) 又係$36等左成10分鐘, 不過都算la, 因為d burger 係即叫即整, 熱辣辣又新鮮, d 料同醬汁亦夠, 口感豐富。牛肉鬆軟, 吉列豬扒亦夠厚好味。好鍾意佢d 薯條, 又粗又好味, 唔似 M 記個d, 又幼又乾。質素價錢都算抵食, 值得一試!…Read More

估唔到 lunch set 都有幾多選擇, 仲幾抵食。揀左青咖哩雞配飯, 跟冬蔭公湯, 凍檸茶。冬蔭公湯ok, 略酸。 青咖哩雞好味, 咖哩少少辣, 辣既程度可以接受。會再黎, $35 有湯, 有主菜, 跟飯或烤餅, 凍飲加$2。仲想點?…Read More

有成年冇黎過呢度lu...今次叫左::) 泰式生蝦剌身 - 生蝦既size唔細, 肉質爽 $68椰汁雞湯 - 略酸, 不過不失 $45:) 炸芝士蝦球 - d 芝士好多, 漏晒出黎 $40:( 咸蛋黃炒鮮魷 - 退步了, 以前好食好多...唔夠味, 鮮魷又淋, 有點失望 $58整體: 可以一試, 不過, 希望有所改善。…Read More

意外地發現呢間粥店, 叫左碗雙併豬潤豬肉丸粥, $26。:) d 料好多, 豬潤超厚, 豬肉丸夠味, 熱辣辣既粥又'綿"又好味, 真係物超所值。想叫埋油炸鬼, 但係賣晒 lu...滿"粥", 滿足!…Read More

叫左$9 個焦糖咖啡味。外相吸引, 可惜就係得個樣。已經等左超過15分鐘等佢變軟, 點知食落去仲係好硬。入面既忌廉都仲係硬, 難得! 整體普通過普通, 味道淡, 很失望 :(至於服務態度就更失望。其中有一名店員極為冇品, 店既設計係收銀處下方, 原來有度門, 係店員出入之用, 呢個我亦都係不愉快事件發生後才知道有這度門, 因為店舖既主色係黑色, 根本好難發覺有這度小門。當我同友人付錢之後, 突然有人推開度門, 有一金髮女店員從該處爬出黎, 佢推門好大力, 友人都避唔一切, 隻手已被撞度, 該店員望見但扮作不知情...我問友人有冇事時, 佢仲刻意用腳好大力踼度門, 我真係唔明佢咩意思, 整親客人又冇道歉仲黑口黑面, 佢都有問題, 仲對公司資產發脾氣, 個老闆請著d 咁既人真係趕客。另外, 當時有個外國客人問其中一店員 "what is sakura?" 個店員竟然 O 左咀, 問另一店員 "係咩呀?" 我心諗有冇搞錯, 自己賣緊乜都唔知, 諗左陣, o個個店員答 "foul-ah"。真攞命! …Read More

華仔請食飯, 見飲食男女介紹過, 就黎試下, 叫左: 稻庭烏冬 $53 連薯蓉 - 烏冬夠滑。 豚肉飯定食 $68 - 值得推介, 豚肉有質感又入味, 醬汁濃。 咖哩豚肉漢堡飯定食 $78 - 豚肉漢堡份量略少, 不過咖哩好味, 漢堡上面仲有兩塊焗芝士tim, 味道濃郁。唯一不太滿意的, 就係店子小, 坐位都是近近的, 坐得唔舒服, 店員亦好趕咁, 未完全食晒, 見客人略為停止進食, 就黎收碗......有加一, 埋單$219。都會為豚肉再黎。…Read More

同屋企人飲茶, 試左新開業既御名軒, 整體唔錯, 點心多選擇, 質素好, 唔貴, 環境亦舒服。比較鍾意: 煲煎叉燒包 - 用煲仔上, 幾得意, 包軟又香口, 叉燒料多。 咸水角 - 有蝦米, 料多, 皮脆好味。 叉燒腸粉 - 腸粉皮薄又滑, 叉燒料亦多。 甜品組合 - 當大點計可以選3款, 未試過酒家有咁樣既選擇, 揀左銀杏芋泥、焦糖燉蛋、士多啤汁梨腸粉。 …Read More

細佬介紹呢度, 話好味抵食, 叫左: 冬蔭公湯粉兩碗 - 一碗係雞扒料, 另一碗係肥牛料, 湯好飲, 夠辣夠酸。揀左餐, 每碗$33 + $2 連冷飲。 泰式瑞士汁雞中翼6隻 - 其實唔多明泰式點解又會同瑞士汁雞翼會扯埋關係?? 都唔理lu, 當佢瑞士汁雞翼咁食la, 汁濃好味, 仲好味過太平館多多聲tim, $36。 無骨辣鳳爪 - 我本身唔食鳳爪, 細佬就話夠爽夠入味, 份量足, 配料多, $28。店員亦有禮貌, 埋單$134 冇加一, 抵食 …Read More

Yogurt 、配料同份量都係自由配搭、隨你喜歡。當日 yogurt 味揀左益力多味同芋頭味。配料超多選擇，揀左mochi、彩色cereal、wasabi 豆、椰果、菠蘿、綠茶jelly、紅豆、爆珠等。最鍾意mochi同爆珠, 口感一流。Yogurt 味濃, 鍾意佢配料夠多選擇, 收費就根據重量而定。…Read More

好失望......服務態度 - 零 店員唔認真, 係到玩。:( Gelato 味道 - 我叫左 regular size 既榛子朱古力味, 好浠,味道好淡。個店員仲係咁 "yui"完, "putt" d 面頭部份既俾我。俾錢時, 仲話如果係度食要加一, 有冇搞錯。俾完錢, 杯野已經水溜溜, 要鬥快食先得。唔會再試。真係好失望!…Read More

銅鑼灣呢間個景觀好舒服, 可以望住維港食 :)今次叫左: 至愛既炸軟殼蟹 - 有4 小隻, 啖啖肉, 夠味又炸得薄。 吉烈豬柳炸蠔定食 - 炸得皮脆又薄, 豬柳好厚, 肉質鬆軟。蠔味濃, 唔腥。 吉烈雞定食 - 都係豬柳好食好多。雞同吉烈好似唔係好夾。 定食本身跟既湯係麵豉湯 - 加$28 轉左秘制豬肉湯, 個湯好甜, 好多料。 $10 一杯既西瓜汁 - 冇加糖, 鮮甜解渴。…Read More