不請自來's Profile

首次踏足馬灣，同行十三人到此晚飯，抱著填肚心態，但這小飯店的菜式很有鑊氣，用料亦算新鮮。我們吃了．．．椒鹽鮮魷：煎炸菜式素來沒有期望，但魷魚好新鮮，肉質沒有「梅」，又絕非雪藏，味道剛剛好！牛肉金菇：牛肉ｏｋ有ｄ有少少過熟，但精華在金菇，必食呀！蝦醬通菜：承過去食客經驗，蝦醬好香，炒得好有鑊氣，好味。甜酸骨：個汁不會太稠，沒有加色素，好味道，只是「大大件」賣相嚇窒不少女士。蛋白炒飯:好乾身, 無乜味精, 味道ok喎!其他還有：金銀旦x菜、西蘭花鮮魷、魚香茄子煲、旦白炒飯、豉椒炒蜆、蝦仁炒蛋, 算不上超好食 , 但都係合格之作。值得一提:此店沒甚服務可言, 態度奇差, 點菜時處處針鋒相對,好有「撩交嗌」味道, 大家最好有心理準備。…Read More

看到網友力讚，我跟男友都躍躍一試，發現每Part都有驚喜，海鮮的確豐富，但平常不太擅生蠔，也覺得這裡的生蠔好甜，以自助餐的級數而言，算好good! 燒牛肉的確好味，別的自助餐，牛肉往往over左好鞋柴，但呢度一ｄ都唔會，還有兩款醬料選擇，我較buy honey味那款! 熟食方面，只試了白汁三文魚，都OK，不會太實太柴！　沙律方面，真係好開心，配菜好多，仲有醋同olive oil調味，加埋煙三文魚，我吃了兩round pancake好味,薄薄地,邊位小小脆,用料好豐富，我要cherry同cranberry加cream, 師傅落足料畀我,好開心 甜品只試了拿破崙,紅豆綠茶蛋糕,麵包布丁,頭兩款真係好食,拿破崙個板脆,但用叉拮起來又不會散晒, 好豐富,合桃同cream個層都配合得好好; 紅豆綠茶蛋糕都要試呀,紅豆蓉一定也不甜,配埋綠茶好好味,飽飽地都要食埋去! …Read More

朋友生日，一行三人吃了：薯仔肉丸：個汁好味，薯仔煎過所以唔會一Pet，肉丸味道不俗只可惜太過軟身，無硬口芝士焗西蘭花：普通雞絲炒雜菜配薯條：個賣相經已好似住家小炒，將雞絲青椒紅椒oinion切絲炒，味道都好家庭feel，配埋薯條有點搞笑，我不懂西班牙菜，不宜評價西班牙海鮮飯：招牌菜當然一試，果然不俗，用料十足，青口同魷魚好味，但蝦就有少少"梅"，飯好香，份量都幾多，四至五人也足夠另外想講，我地落order後想先來幾杯水，但waitress隨即黑面，口講ok,但食左成餐飯都無杯水提供，呢方面稍欠專業…Read More

睇節目介紹，個主持聲都唔聲掛住食，就知肯定有ｄ野！我同朋友吃了：田園沙律：OK!正常野!豬扒配酸蘋果沙律：係真係好味，豬扒煎得剛好，還有肉汁，絕不乾身，夾了生磨菇同食，感覺不會致成口都係肉，配合得好好！芝士鮮蝦菠菜飯：飯雖有少硬但有菠菜味，蝦係用新鮮的，好爽口，芝士汁係香滑但一點也不膩，真係好精采杏仁餅＋雪糕：杏仁餅真係不可不吃，離晒譜．．．．好食到，杏仁香味但不太甜，連個餅底都好香脆！拿破崙：味道好好，個酥皮好薄，好脆，但食的時候有點論盡！還有：侍應禮貌周周，好體貼客人，連飲開係暖水都係關顧到，真抵讚！…Read More

廢話少說，一行九人，吃了：菠蘿叉燒包：好味，朋友仔無介紹錯，菠蘿包仔細小，皮薄但內裡的叉燒餡好多汁，外皮脆，絕對係　巧手之作！鮑汁鳳爪：少少失望，鮑汁一點也不入味！ｘｘ珊瑚骨（蝦醬味道）：好正，好入味，外表似經劇炸，但入口不乾，好香口！節瓜粉絲煲：有家庭feel，蝦干選用無染色的，好鮮甜，令成個煲生色不少！蟹肉旦白扒豆腐：可能先來惹味的醬骨，吃這道菜時，略為味淡，但算清淡得來滑口，OK!海洋薑蔥炆伊麵：普通，用料足，沒甚薑汁味道！荷葉海鮮飯：不俗，飯好乾身又完整，用料足，獨欠荷葉香荔芋酥鴨（類似名稱）：普通，兩種食材走在一起，沒甚特別！總結：此食肆的用料算新鮮，食物似沒加味精，以上菜式都有其原味，同行與我對此也大表欣賞，可是再經"硬食"侍應的服務態度，飽到上食道！1. 上述是我們所吃，可能吃的並非珍饈不味，部分侍應似不屑招待我們，我們最初拿到的餐牌沒有太多選擇，後來他們才拿出另一大menu來!吃至尾聲，同行朋友最看不過眼是侍應黑面，似嫌棄招呼我們！此餐館如只貴價菜，那就不用設計其他非鮑參翅肚類菜式了！2. 接近尾聲，餘下一兩件留在碟上，有侍應不動聲色走來收去，其實那刻我們也吃不下，但問一聲是代表對食客起碼的禮貌及尊重！…Read More

一行5人吃了:芥末鵝掌(涼拌): 超好味,有芥末香同紹酒香味,令鵝掌好軟身,正!木耳(涼拌):食落味道一般,香香地,但吞嚥後辣味隨即跑出來，好特別！燈影牛肉(涼拌):放在燈光下可以透光的超薄牛肉，OK!南瓜粉蒸雞:雞唔知加上什麼醃料,同南瓜配合起來好香滑。魚香蒸茄子:調味好正,有少少辣、有酒香、仲有薑蓉味,佐飯一流。水煮魚:魚真係好滑,但沉底個D粉條...好煙韌，　　　（我不嗜辣，朋友好好order少辣，）香餅:好薄，有酥皮feel,ok蘿蔔魚湯:好香甜,無膻味!xx豆花湯:我未試過,朋友飲晒,估計OK!是次第二次光顧，其實之前食過陳皮牛展、菇菌類，都係水準之作。請一位朋友食飯，每人150。好欣賞服務員態度，好有禮貌，見我地食到抺汗，會不時添水，好細心！…Read More

三人行，晚餐吃了：咖喱牛胸肉: 咖喱好香，唔算好辣，牛肉有胸有筋，底層有蔬菜，入口充滿咖喱汁！薄餅：唔錯，點咖喱最！海鮮炒有機紅米飯：海鮮就唔算多，但炒得一粒粒，不油膩，味道清！椒鹽鮮魷：以小吃而言，份量十足，好抵吃，因為伴泰式甜酸汁，算不上椒鹽，但味道亦算不錯豆腐炒雜菌：效果在豆腐與蒸旦之間，的確滑，但吃不出豆腐香還是旦香！香芒糯米飯：賣相好靚，炒香了的椰絲，加入芒果黑糥米，獨欠椰汁不夠香。香茅雪糕cheese cake：香茅雪糕好特別，芝士旦糕也不錯，特製的泰式醬汁，可能是我對食物的味道有既定的配搭，總覺香茅與芝士旦糕合不來的，愛試新的人絕對要一試。總共消費$350…Read More

由開業至今，經已幫襯了五六次，愛其原因係坊間不少齋舖用油較多，但呢間則不然！我覺得好味包括：ｘｘ鴛鴦米：好惹味，但一點也不oily!豆腐蒸旦白：簡直係女士們的「飛佛」，粒粒豆腐同豆類煮成芡汁舖在旦白上，淸香滑！欖菜炒飯：對欖菜麻麻，但師傅炒得好甘香，飯好挺身，但用油唔多，好味！齌鹵味：唔會有太多汁醃住晒，所以唔會成口甜爺爺！…Read More

同媽咪兩人吃了燻魚拉面：拉面好好味，面條煙韌好，有嚼勁！紅油抄手：我不嗜辣，雲吞個好好味，食唔出用咩菜，但淋上去的豉油同辣椒油，加埋蒜頭干、花，味道豐富，媽咪都話正！紅燒豆腐：以為係用炸豆腐，應該布包個隻豆腐，而且味道OK，冬菇好鮮甜喎，好入味，我鍾意！小籠包：同意前人說法，的確皮簿、多湯，但咬落去，味道卻一般，感覺係先興奮，後失望。埋單$150…Read More

一行六人，Order了．．．．．．鮮肉小籠包：皮的確厚了一點，然而肉汁充腴，經已值回票價，所以莊多叫一籠。松茸ｘｘ湯年糕：以往食上海菜多嘗炒年糕，這道菜以菇菌－松茸做湯底，鮮甜味美，精彩。砂鍋雲吞雞（半隻）：以前吃的湯色奶白，味濃，我個人略嫌過鹹。這個湯好淸，沒加味精，感覺煥然一新。賽磅蟹：以前吃的個汁好厚，某程度有點「涕涕」，呢間煮得好有口感，食到旦白滑一滑感覺，夠淸 夠香，我鍾意。四喜烤夫：好好味，做前菜至正。酸辣湯：真係做到酸辣得宜，用料十足，我怕辣的都覺得好味！炸鏝頭：炸得好，唔算膩，有水準！百頁毛豆雪菜、高力豆沙的表現，中規中矩，算合格。朋友七點前經已入座，所以唔使等位。…Read More

我們試了:「雞絲粉皮」：粉皮好厚，整道菜唔夠香「竹笙扒時蔬」：真係好淸，冇味，竹笙唔知經咩處理過，好透明，成個都冇水準。「火腿菜粒炒飯」普通貨色「ｘｘｘ雞卷」：以好薄的旦白包入素菜料，好香，係成晚唯一一道令我覺得值回票價的菜式。…Read More

食肆開業至今，一直載譽甚高，眼見人潮如湧，搞到心癢癢試一試。話明好食，要等就理所當然；話明好食，員工耍大牌，招呼不周，唔志在你賞面不賞面，也是理所當然。可惜．．．．．竟然係唔好食！食壽司，飲綠茶或玄米茶算係指定動作，等同於上中式茶樓侍應問你飲水仙定普洱咁自然，呢間真係估你唔到，「食壽司，飲普洱」，飲落口都呆一呆，太吊詭啦，從細微處可以睇到間野對自己食物的要求……我同朋友未落order都不敢寄予厚望。果然，如我們所料，食物的質素確係好一般，個魷魚壽司，食落糊口，其他如三文魚都只屬普通貨色，同大型壽司食肆差唔多，但更甚的是size較細，又唔見特別好味，我覺得尖咀ｘ前壽司更勝一籌。最後四字「只此一次」！…Read More

成班同事通常食午飯，午飯小菜係超抵食，勁好味：1. 芝士斑塊：勁濃味，同事怕肥都話忍唔到口，仲可以撈汁送飯。2. 蒜香骨：外脆內軟，個脆醬係超薄，所以唔會好油膩，好得。3. 魚湯娃娃菜:製作真係好認真,個魚湯好鮮甜，用料十足，落齊冬菇、草菇4. 豉油雞: 好入味，冇雪藏味道，又唔係得個鹹字，真係好掂！5. 老火湯....其他小炒.....不得盡錄，全部都係水準之作，我寫的都已經唔係晚市最熱賣之選，同事話晚飯先有得食的沙薑雞．．．蜆．．．黃金蝦都係上乘之選。…Read More

我們一行8人吃了醉雞、咕噜雞、西芹炒帶子、冰鎮芥蘭、香橙牛仔骨、魚湯娃娃菜、銀絲卷。除了香橙牛仔骨及醉雞還可以外，其他一律唔合格。「西芹炒帶子」，碟頭細得可憐，每人一小匙經已可以收碟，用料成本應該冇８蚊，但盛惠88蚊，個80蚊應該落入服務．．．．．．．味道呢？名符其實ox醬炒，淨係落ox醬外，沒有任何味道，差過街邊小炒好多，師傅應該用兩成功力，辛苦晒！8人中在剛過去的春節品嘗過「娃娃菜」，大讚味美，今次亦極力推介，可惜由煲菜變成一碗，份量少了也另當別論，但用料減少，味道嚴重失色，令朋友大失所望。銀絲卷，驟眼看似饅頭，因為實在太細呢！味道一般，但盛惠48蚊。咕噜雞，好乾身，乾得有「嚼勁」，真係「一試難忘」。…Read More

先講風沙雞，我覺得好味過銖記，冇咁「鞋」！我對大肚婆炒飯向來情有獨鍾，夠乾身，夠薑，仲好抵食添。沙拉骨好惹味，係有ｄ太多骨！椒鹽九肚魚個炸醬好薄，好正，不過ｄ椒鹽唔知點解有「香蕉」味．．．入口有點怪，就咁食好過！環境當然係一般啦，去得就預左嘈！…Read More