shuen4444's Profile

今日同事帶我到一間隱世越南餐廳，為左一試呢個法包 不惜一切由跑馬地搭叮叮到呢間鋪頭 位置係跑馬地上面唔算易搵 真係隱藏得好入越式法包叫咗一個辣嘅法式麵包，見到佢入邊嘅材料好豐富有肝醬，燒肉片，燻蹄，扎肉，越式酸菜，芫荽，法國牛油，青瓜！麵包外層外脆內柔軟鬆軟口感，吸左肝醬，扎肉有咸香濃郁的味道另一個亮點是越式酸菜和芫荽的加入為整個法包帶來了微酸爽脆的清新，有清涼解膩的作用，口感豐富又油膩！女仔食半個已經好飽火車頭湯河粉重頭戲之一火車頭湯河粉 作為越南菜餐廳最具代表性的美食 好唔好食就睇呢呢個粉！一黎到一定要試下湯，湯底是由牛骨同雞湯煮成，湯底口感濃郁鮮美,並帶有一股迷人的清甜。飲得出湯底有各種香料如八角、肉桂、香菜等,使得整體湯底香氣撲鼻，濃郁又清新既感覺河粉的質地柔韌細滑，易入口湯底好融合！配料也很豐富多樣。除了基本有安格斯生牛肉，仲有熟牛肉，牛白肉，牛柏葉、牛筋、牛丸等,不同部位既牛肉為整個增添了層次豐富的口感，為牛魔王而設！火車頭湯河粉還有配料如青檸汁、魚露、辣椒，重口味如我任加辣椒係好開心既！整體整得唔錯，價格略為進取，配料都足所以都對得住價錢，份量足夠，湯底好飲所以差不多飲哂！蛋咖啡試左杯傳統越南飲品蛋咖啡，用蛋打到泡沫咖啡既質地，蛋漿的味道與口感猶如雞蛋布甸，沒有腥或很膩既感覺，攪均後，咖啡中帶有雞蛋絲滑亦相當濃郁蛋味，有甜甜地既味道。話梅金橘蜜食飽飽飲返杯酸酸甜甜話梅金橘蜜，非常解到飽滯感。整體比普通越南餐廳做得更傳統，價錢略為進取，但份量相當充足所以都對得住價錢…Read More

今日去左北角試左一間小店 主要係經過個門口俾個招牌吸引住 ！目測小店真係位置唔多 勝在時間夠早唔使等位 一坐低唔夠20分鐘全場滿座 大部分都係附近嘅街坊 就覺得應該冇揀錯！招牌安格斯溫泉蛋蝦籽撈麵同埋葡式蓋仔豬扒飯 就呢2個 跟門口招牌食！個麵口感豐富，麵本身好有彈性，彈牙有嚼勁食落有滿足既咀嚼口加埋安格斯牛肉既鮮嫩 麵有蛋香味同蝦籽豐富層次 蝦籽有微妙的咸香和清爽的質地，加埋辣椒醬每一啖都充滿咸香味，爽脆，香辣！份量又夠大 對得住價錢！葡式蓋仔豬扒飯個份量好大 豬扒好大塊完全掩蓋咗個飯 仲要係厚切豬肉扒，嫩滑多汁 完全唔鞋口 豬扒下面有太陽蛋 個蛋黃混合豬扒米飯一齊食 蓋仔飯搭配口感嫩滑豬肉扒 外脆內軟 ，配搭蛋香和米飯的口感，呈現出豐富的層次感。仲有花茶可以消滯！見食客都係附近街坊，坐場滿座就知呢間性價比高相當不錯，質量對得住價錢！抵食！…Read More

今日去友人屋企，留到晚上帶我們到附近搵食，天氣凍凍地自然就會想食暖笠笠嘅嘢，於是搵左近近地既燒肉餐廳，就係美食亭，友人食過都話唔錯！其實裝修真係好新淨，因為又想食燒肉，但係唔想食到好飽，燒肉放題都好吸引，價錢都好相宜，姐姐力 sell 我地試放題話好抵食，雀仔胃既我地燒肉定食套餐就啱晒！我地叫咗兩個套餐，米國盛盒定食300g $198 &澳洲盛盒定食300g $146，包左湯，沙律/泡菜，+$6 有紫菜飯同埋飲品任飲，甜品任食! 勁正，燒肉套餐同時可以享受放題嘅甜品飲品自由，啱晒我哋呢啲女仔食！澳洲和美國牛肉牛肉上碟已經覺得啲紋理清晰，肉質和濃郁的牛肉味，因為share 食覺得2者都好唔錯喎難分高下，澳洲比較濃味d，色澤鮮豔，自己燒既肉就特別好味，嫩滑多汁。紫菜飯 +$6飯嘅份量好多，加咗紫菜飯同埋燒汁，盤買牛肉一齊食 ，一大碗飯都可以清哂！配埋沙律 同麵豉湯 一齊食 真係超級滿足！好夠飽！飲品汽水，紙包飲品，茶就有菊花普洱同埋鳳梨，啤酒都有，選擇非常多，原來仲有生菜可以夾肉食添呀！甜品最開心既時間，因為有唔同味道既啫喱，芒果布甸，西米露同埋紫米露，完全係符合我哋嘅口味， 芒果啫喱係滿滿童年回憶！仲有士多啤梨味雪糕， 係可以食到士多啤梨嘅果肉，呢個價錢食到飽飽！呢到行親民路線既燒肉店，無論喺環境舒適度 服務上都做得唔錯，最緊要價錢親民！…Read More

土瓜灣’新三興‘私房菜價錢茶餐廳質素 唔好當香港人係水魚！打算到呢間餐廳食飯都同我繞路走！星期一16/10 與同事一行9人到呢間所謂的私房菜餐廳。方方面面都有問題！1. 環境超差-因為有預約 我們坐上層，一上到去那陣陳年霉味，本以為可以一嘗IG所推崇的香港風味，但結果極為失望。2. 食物預約-打開餐牌想點的，網上推介的所謂招牌私房菜，全部原來都需要電話預定的。那我打電話預約時餐廳員工何解隻字不提？結果：侍應一句「你點的都要預先預約還要反白眼」這態度我想2002年劉德華的服務廣告已經奉勸了服務業不應該有這個態度。失望。3. 服務態度趕客走-點菜時已深深體會到餐廳‘特色服務質素’ 串咀，反白眼，未食共實已經飽飽地！呀姐你聽下人講野啦， 點完菜話即刻起菜，估唔到佢無幫我地起菜，等了20分鐘未有野食再問佢先話‘起得啦下話？8:30‘ 然後走法國菜流程，每道菜食完再上下一道！食住風咁吊住條隱？4. 食物圖不符-香港餐廳吃飯真係唔好睇圖，包你後悔莫及！私房菜的價錢相信大家都心中有數對食物都期望比茶記高，結果都是希望愈大失望愈大！第一道蝦多士是好食的，後面愈來愈唔對路，先唔好講鍋唔鍋氣食物，你都唔好收我百幾蚊比細細碟 茶記例牌咁大既份量呀，賣相唔得唔講 唔知係唔係趕收工個炒魚塊既菜，塊魚細到嘩一聲入口即溶因為係梅既，有圖有真相，真係勁失望！收咁貴既價錢普通茶記都做得好過佢！油炸鬼扮肉！ 5. 9:45趕人走- 呢間餐廳不倫係環境，服務，味道，衛生，價錢整體都當食客係水魚，咁唔緊要！大家都係想聚下吹下水咁食物唔得，你有啤酒我地都算，9:45 既時候我地想繼續叫酒飲，呀姐話截咗單 唔比落，叫酒飲唔關廚房事架加上呢間高級私房菜只收現金我地order 酒本應都唔關埋數事，唔緊要！呀姐講到咁清哂枱都係擺明趕客，真係夜繽紛！好生意呀！6. 失望指數-其實而家餐廳真係唔易做，香港人北上消費仲多過留港，食完呢餐更加感受深刻，係土瓜灣做得香港人生意唔好當香港人係水魚！唔好中伏！唔好中伏！唔好中伏！…Read More

今天我和友人準備去睇戲嘅時候見到一間好特別既餐廳係電影為主題嘅餐廳 咁啱又未食嘢就入去試吓 真係少又有創意既餐廳 好多Marvel 公仔 小朋友係到食一家好開心 成個氣氛好唔錯！鋪天薯條配醬燒豬仔骨$136🌟🌟🌟🌟 個名已經吸引到 再見到呢個價錢 不得不試呢個豬仔骨. 上盤好大份，份量就非常對得起個價錢，份量十分大大概分到5舊肉，非常適合分享或者作為主餐。豬仔骨肉質鮮嫩，入口即化， 老人家食都無問題 ， 入口就骨肉分離，醬汁唔會好咸拿捏剛好，中高上出品。另一讚揚位係薯條，配菜的薯條上撒滿了芝士和肉醬，肉汁同肉碎豐富了整體口感和味道，成件事。這道菜給人的印象非常好。美國安格斯牛肉雙層芝士蘑菇汁漢堡$90🌟🌟🌟🌟🌟必點！接下來是牛肉雙層漢堡。牛肉的口感適中，不會太過咬勁，但也不會過於軟爛。漢堡包皮外脆內軟 配料豐富，蘑菇汁令整個漢堡更加濕潤。特別是搭配的水果沙律，提供了清爽的口感，讓人吃得更加解膩。 share 食已經好飽，好滿足了！金橘檸檬梳打特飲 加$18 🌟🌟🌟在飲料方面，我們點了金橘檸檬梳打和柚子雜果梳打。金橘檸檬梳打有檸檬的香味，清新又開胃。底層有醃製的咸檸檬 懷舊味道給這款梳打增添了獨特的風味，咸咸甜甜讓人難以忘懷。柚子雜果梳打 加$18 🌟🌟🌟柚子雜果梳打裡面加入了百香果，菠蘿 ，檸，青檸，柚子肉，讓整杯梳打散發出濃郁的生果香氣，而且不會太甜膩，適合喜歡口感清爽的，非常解膩。總的來說，這家餐廳提供的菜式和飲料品質都性價比很高。豬仔骨和牛肉漢堡都是對得住佢個價錢，金橘檸檬梳打和柚子雜果梳打都好match 到個主菜， 環境好舒服，小朋友去一定好開心。…Read More

同朋友收工一齊食晚飯 去返平時食開午餐既飯堂 貪佢多選擇 夜晚食就唔會咁多人 靜靜地傾下計咁晚上既 set 同午市唔太一樣我地叫左2個$128 自選肉 鍾意任何配搭都可以 最好就係咁 自選3款肉或海鮮或蔬菜我地分別叫左牛肩扒，鴨肝，魷魚 set ,友人叫左和牛漢堡，鴨肝，燒茄子，一齊share食咁就可以食到多d款等緊食物我地叫左啤酒Asahi 發現超級抵飲！$38支 有2大杯正 當chill下飲返杯都好正！仲有免費自助沙律吧、湯、飯（一碗）我地加左$5 可轉滿滿紫菜飯或咖哩飯 好似牛角飯！牛肩扒，鴨肝，魷魚 份量都唔少！第一次自已燒鴨肝勁出色 可以燒到外脆內軟 入口即溶 好油好香口！和牛漢堡又係好香牛味， 比較難燒！但值得花時間的 ， 燒茄子剛剛好中和肉肥膩感！配飯食都好食！$38黑蒜油トト蜆， 好抵食！成個湯都蒜頭有黑蒜的風味和口感，蜆配上黑蒜的香氣和蒜油的濃郁味道！又平又抵既一餐，試到咁多野好唔錯！2個人加埋$400都唔洗！可以自己燒下 又傾下計，飲返杯！ 係冷氣凍左d 其他性價比都好超值…Read More

今天和朋友一起去慶祝生日，在尖沙咀的一家居酒屋用餐。選擇了午市套餐，一進去就看到是半自助形式，可以自己取沙律和麵豉湯。和朋友點了商務2人套餐，因為覺得這個套餐性價比不錯。套餐包括新鮮的刺身、一個壽司卷、兩份主食和甜點，感覺這些都很吸引人。開始就先食咗一啲沙律，同埋麵豉湯開下胃，沙律吧乾淨衛生，喜歡食幾多就自己取，麵豉湯可以任意加海帶紫菜。刺身是新鮮的生魚片，2片各種不同種類的魚，有三文魚 吞拿魚 和八爪魚。壽司卷是火炙左口魚壽司卷，壽司鮮甜鮮甜，火炙魚肉更加嫩滑表面小焦，面頭加咗蟹籽，口感不錯！主食我們選擇了芝士流心玉子鰻魚飯和黑松露忌廉石鍋烏冬配吉列豬扒定食必食！芝士流心玉子鰻魚飯 鰻魚係這道料理的主角鰻魚肉質鮮嫩，醬汁烹製過後甜甜地和絲滑。外層酥脆，內面保持著魚肉的鮮嫩。玉子燒加了芝士拌開會慢慢融化成流心狀這種搭配令豐富的口感和奶香味，令成個飯更加誘人與鰻魚相得益彰。每一口都能嚐到鰻魚、玉子燒和芝士的美味交融，深得我們歡心。出色！黑松露忌廉石鍋烏冬配吉列豬扒定食！黑松露忌廉醬的味道非常濃郁，配合石鍋中的高湯和烏冬麵完美融合，形成了一個濃郁的湯汁很濃。吉列豬扒的煎至金黃酥脆的外皮與嫩軟多汁的內部相得益彰，有6件咁多，都很飽！甜品係榴槤雪糕，榴槤味不是很重 ，淡淡地不會很膩， 很好中和作用！…Read More

記得以前呢間舖頭度喺北角有試過一次搬咗去九龍灣新鋪 味道依然一樣 價錢定位十分親民 設計都同舊鋪一模一樣做朋友每人叫左一份主食+ 2份小食+ 2杯飲品日式牛肉壽喜燒鍋配烏冬 牛肉勁多 感覺就似一人邊爐但係會偏甜 真係對得住佢個價錢 仲要有日本蛋 本身已經熱嘅烏冬， 同其他配料，撈埋一齊食 好唔錯 如果一直keep住熱住就會更加好再嚟多一個蒲燒鰻魚便當 ,雖然唔係話好厚身，但偏長身都有2條 ， 甜甜地，配菜都相當唔錯 蘿蔔又淋又甜加咗$10有大大杯野飲，好爽！環境相當闊落 ，慢慢靜靜地食個飯傾吓偈都唔錯，勝在夠平！…Read More

到左太古搵食系列星期五都想搵間好食既餐廳 獎勵過去一星期的努力 今次去試呢間日本野 望落好似好ok因為價錢牌都唔算好平 $158-238 中午餐嚟講都算係偏貴叫左個$158汁燒安格斯薄眼，當滿心期待嘅時候， 果然係希望越大失望越大！牛肉份量，少得可憐！個味精湯ok 一般操作！個飯OK，叫做一碗正常日本米！個沙律同埋啲肉撈埋一齊，首先擺盤是不吸引！味道不知所謂， 連鎖日本牛肉飯餐廳比佢更出色，牛肉得個三幾塊 2-3口食完 女士食完都唔夠飽 ， 唔夠送飯！完全不值得這個價錢！加左$38有個 一口三文魚扒用極差既三文魚乾爭爭，好彩有個汁先叫做好啲完全係不知所謂！一啖食晒 完全談不上性價比！…Read More

又係鰂魚涌搵食系列今日係lunch嘅時候搵到呢一間餐廳 唔使點樣排隊呢間餐廳主打係卡位 多人去就未必岩 啲位都好窄，唔坐得唔係好舒服，男同事隻腳長啲都唔知點擺店員服務一般般 冇乜特別講返嘢食，$66-$70 叫咗個牛扒 好明顯落咗好多鬆肉粉 口感不是太好反而個燒春雞，有啲驚喜 又夠熱 個皮夠脆個汁唔夠多 女仔食嘅話個意粉都夠多嘅 呢個燒春雞係幾唔錯！嘢飲方面，個咖啡係幾好飲 香滑正正常常嘅一間茶餐廳 價錢偏中上 …Read More

舊鋪都已經成日幫襯 搬咗去新鋪更加要支持下新鋪位於灣仔嘅商業大廈 無以前係街市咁地道咁親民不過氣氛依舊熱鬧一來到見到人山人海, 座無虛席. 本來限時90分鐘 但侍應哥哥好好人無趕我地走，傾計要好大聲因為都幾嘈雜！先講野食 叫左例牌食開既野 一條蒸魚 風沙雞 炸蝦丸 南乳炸豬手， 味道依舊香口惹味！呎價排檔一定唔少得飲返杯，而我哋都係為咗個戰鬥碗！超有香港大排檔風味！回憶返哂黎，不過始終都係冇以前喺北角街市咁貼地，但係總好過無左…Read More

同同事係附近太古城食完飯搵個地方chill 下搵到呢間 cafe 靜靜地可以傾下計， lunch hour 都多人係到食野價錢都同s字頭連鎖咖啡差不多， 當然質素係有過之而無不失， 都算唔錯！環境舒適，夠光猛令人心情好放鬆咁傾到計 來一個小小既休閒一刻～～～…Read More

又係鰂魚涌搵食平時中午好怕去好多人嘅地方食晏又要排隊又要等位今日難得可以早食飯，就去呢間一直都好想試嘅日式餐廳好彩，12點前到達 都仲有空位，可以即刻入去就坐低其實坐位就同普通餐廳一樣，雖然人多但都唔會太過迫其實呢間餐廳平平無奇 可能主打冇味精，無添加 吸引咗唔少人過嚟食 坐低唔夠10分鐘就已經出面勁多人排隊朋友叫咗一個招牌椰香烤雞野菜咖喱飯，雞扒都夠大件，足足有成三四件 野菜係非常多，雞扒煎過都幾香口都，對得住價錢$69 不過杯蘋果汁要加$5 仲要細細杯好唔抵！而我就叫咗糖心蛋肥牛烏冬，其實就十分之普通嘅，湯底清甜冇乜特別！終於一時呢一間咁人氣嘅餐廳，如果要排隊嘅話就冇必要！ 職員態度都不是十分有好，食完嘢就要即刻急急腳走，因為太多人等位…Read More

芯韻會係平時午餐快靚正會簡既一間餐廳先講嘢食，快狠準係基本，平時炒嘢都幾有鑊氣 ，最鍾意係食黑椒牛柳炒意粉，好香口又夠鑊氣又夠熱！價錢絕對對得上佢啲嘢食，聽聞得來又經濟， 大大盤夠飽肚，50-60 蚊 有咁既質素已經很不錯！平時啲阿姐嘅服務態度都唔錯，唔該前唔該後，繁忙時間就會收得快，所以唔洗等好耐！衛生程度就一般，有時枱抹得唔算好乾淨，餐具都會比杯熱水洗下。總括嚟講，性價比高，平時都會好鍾意幫襯呢啲經濟又性價比高既茶記…Read More

呢間地點很方便，就係觀塘地鐵站一出匯豐對面從來未飲過呢間就諗住試下，先講呢杯嘢飲其實都幾好飲嘅伯爵奶茶，伯爵味幾香 都幾出色，可惜都係偏甜！價錢都算中規中矩。呢間嘢嘅店員真出色！好似買杯嘢飲要求佢咁，多謝都冇句就基本操作，黑口黑面更加係特色！人哋睇吓個Menu都要諗吓，好似覺得我哂佢時間咁，出色！完全講唔上係態度差，係無態度可言！所以嘢飲好飲，或者正正常常 ，都會因為呢啲因素而減咗分，可以揀嘅話唔使試呢間都得，冇必要貼錢買難受…Read More