飛天小辣椒's Profile

入門口要行兩層樓層每個員工都好有笑容而家香港酒樓要搵倒真正服務態度好既環境唔容易令你心情更好坐低嘆茶除咗環境old school亦都食倒香港既人情味點心質素高值得再回頭…Read More

難得有事要去中環順便試下想食好耐既勝香園之前睇YouTuber白種元介紹過想食好耐中午12:30去到有4、5人等緊位大熱天30幾度都爆場好多人等位原來係有原因等左幾分鐘就有位坐咁耐涼足咁耐冇出過汗街邊檔黎講溫度控制得好好全場都好多大風扇每個角度都吹得倒唔覺得自己坐係街邊檔食緊野店員全部都上左年紀仲好好好好有禮貌啲老字號同港式茶餐廳都應該要學習下哩個水準！叫左例牌蕃茄牛肉麵、凍奶茶同檸檬脆豬啖啖蕃茄蓉、食到落底都仲係好濃烈既蕃茄湯味、足料、美味、店員又有禮貌、環境又冇預期中咁熱、出乎意料之外、我一路食都一路話哩度好評咁多而負評可以咁少真係有原因、用心經營既老字號檸檬脆豬、夠懷舊、好似小時候食既檸檬夾心餅、好味…Read More

天氣咁悶熱約左朋友去食個泰菜lunch4樓一出𨋢已經感受到餐廳既熱帶風味門口位靚仔哥哥好有禮貌咁安排我地坐咗卡位藤籃凳、藤籃卡位牆加上摩洛哥布藝咕𠱸，環境清幽旺角少見既東南亞泰菜餐廳叫左泰式豬手飯、碟上面有好幾大塊蝦片伴飯蝦片沾豬手醬汁食、豬手肉質嫩滑醬汁酸甜黏口、襯飯同蝦片配搭一流仲叫左酸辣鳳爪伴豬手飯食冷盤酸辣汁平衡一下豬手既肥美口感再叫左碟生蝦、泰式用虎蝦上面有蒜片+辣椒粒（好辣）食唔倒辣真係要夾走粒辣椒虎蝦啖啖肉配泰式辣生蝦汁靚仔哥哥推薦新飲品西瓜汁估唔倒黎到係原個西瓜上第一啖冰凍到打左個冷震🥶攤左一陣再飲個西瓜好甜飲左好耐都飲唔完係旺角返工想食得快靚正又舒服既餐廳值得推介…Read More

不嬲都鍾意食芒果早一兩星期見倒有香芒盛典餐牌覺得幾吸引專登黎試個下午茶見佢張相有咁多芒果期待左一陣黎試下Wtf???整出黎得3粒芒果？？？？芒果盛典是盛在哪裡？？？？實物跟圖文不符如果整得冇張相咁靚都可以原諒張相係放滿芒果先諗住黎試吓但係得果三粒芒果咁多？？？？煉奶又少得可憐、食落去乾爭爭咁好難食去茶記30蚊食個西多都有質素過佢如果得三粒芒果我唔洗浪費時間黎試啦咁大間公司都欺騙消費者真係辛苦哂整個咁靚餐牌去呃人！…Read More

事源見倒OpenRice咁多好評咪諗住黎試下星期五接近下午3點入去見有卡位兩個人坐低落完單後點知個待應行埋黎話叫我地坐埋一邊 ，話有人想坐我話《隔離枱咁多位，你叫人坐隔離枱，唔洗叫我起身》事源明明係中間圓枱好多位可以坐對面卡位都冇人係搭枱點知我朋友話唔想煩起身俾佢（一個阿姨)坐我未食已經成肚氣個待應阿姨話《人地係客想坐邊就要俾人坐》咁我唔係客？明明坐低左、仲要中間枱大把位唔坐要專登坐埋黎咁冇禮貌？叫左碟下午茶雞翼，黎到仲要係凍既！垃圾又態度、以後唔幫襯！…Read More

地點：尖沙咀加連威老道上樓舖既酸菜魚環境黑暗運用彩色燈飾營造派對場合帶俾人一種熱鬧既親切感菜式：酸菜味型桂花魚配土豆萵筍巨型花花形狀盤裝滿酸湯、舖滿桂花魚跟辣椒🌶️，望到已經令人垂涎三尺，叫左BB辣，酸味夠強烈適合愛吃酸的人，酸味令人胃口大開、愈食愈想食，桂花魚片入口即溶，口感嫩滑，好好食😋配菜中萵筍爽口與桂花魚形成對比強烈既口感，不枉我對盤酸菜魚念念不忘、再次回來吃水準仍然保持得好好👍🏻…Read More

太子近地鐵站2022年尾新開既一間波希米亞風cafe，裝修環境以木調為主，中午正值lunch hour繁忙時間到餐廳用膳，店員全程好忙碌之際服務態度亦保持友善，餐廳氣氛給人舒服既感覺，價錢同食物質素、裝修、服務性價比很高，難怪完左飯市時段都一直吸引好多人入去食野。菜式：1️⃣日式鰻魚全日早餐西式既all day breakfast就食得多，日式all day breakfast 第一次見有蒲燒鰻魚、哈密瓜🍈夠甜、炒蛋落左鮮奶、烤蕃茄多汁又香口、沙律菜、牛角包🥐看得出廚房既用心2️⃣蒜蓉/芝士焗生蠔+$68跟餐金黃色熱辣辣軟綿綿既芝士加上滑嘟嘟既生蠔熱辣辣生蠔海水味濃搭配香蒜而又冇搶走生蠔既海水味，有種温暖直入心頭❤️好食呀3️⃣紐西蘭頂級肉眼牛扒意粉叫左五成熟、生熟程度剛剛好、一切裡面粉紅嫩心，入口肉質軟嫩4️⃣玫瑰拿鐵Rose latte🌹舉起杯有花粉香氣、味道優雅飲落心情似去左浸玫瑰花瓣浴咁放鬆5️⃣ Tiramisu +$48跟餐用玻璃首飾盒裝住既提拉米蘇望落去已經好吸引✨香濃酒味唔會太甜，口滑軟綿綿…Read More

奧海城二期開咗一年左右既Tamago EN，店舖主題係雞蛋，全間餐廳都係雞蛋氛圍🥚🍳有好可愛既雞蛋卡位、蛋殼燈罩、有心思設計既餐廳，打開餐牌一眼望落去每一頁都係雞蛋菜式菜式：1️⃣燉牛肉蛋包飯碟上面鋪滿牛腩汁、配菜係牛腩+蘑菇+西蘭花、食落牛腩夠林、蛋包飯靠牛腩汁調味、炒蛋煮得滑身又保留倒蛋漿，腩汁吊胃口令人想添飯。2️⃣鮮果水果茶望落大杯足料，有多種生果：西柚、蜜瓜、龍眼、菠蘿、草莓、火龍果，食完主菜可以當飯後果，一杯茶既價錢兩種享受😋果茶飲落有雜果甜味，原來杯裡面仲有粒青檸可以自行篤爛佢提升果茶味覚、有別於一般檸檬。環境：⭐️⭐️⭐️⭐️⭐️👫🏻服務：⭐️⭐️⭐️⭐️🧹衛生：⭐️⭐️⭐️⭐️⭐️💰價錢：⭐️⭐️⭐️食物質素：⭐️⭐️⭐️⭐️⭐️回頭指數：⭐️⭐️⭐️⭐️(5星為最高分)餐廳：🥢類別：日式西餐📍地址：たまご園 (奧海城) (大角咀)大角咀海庭道18號奧海城二期UG層51號舖…Read More

南昌薈食完譚仔好想食甜品之際醒起Vwalk滿記甜品心思思左好耐之前一直都想食佢既滑滑布丁冰今日終於完成心願去到落單買外賣滑滑布丁冰$38一大舊芒果布丁，加椰汁加沙冰第一啖飲筒吸落去舊布丁頂住晒飲唔到椰汁之後中欄個布甸搞勻全杯嘢飲落好似以往酒樓食嘅花奶芒果布甸有種懷舊嘅感覺攪勻之後飲落好有香濃芒果味，不過飲唔出倒芒果肉，純粹舊芒果布甸好香，椰汁香味加綿綿薄片易入口嘅沙冰$38一杯略嫌細杯咗少少，好快飲哂如果大杯啲會更吸引…Read More

去到Vwalk想食餐坐得舒服又高質素既晚飯揀左和平飯店，生日時黎食過一次，記得佢d野幾好食。今次叫左平時食上海野必叫既四樣菜蟹粉小籠包雞絲粉皮花雕醉雞四川擔擔麵佢既茶飲落去似玄米茶、好香第一樣黎既係花雕醉雞冷盤、酒味香醇、開胃第二樣係雞絲粉皮青瓜、花生、花生醬，唔洗講咁多，就係好味第三樣係蟹粉小籠包包皮薄得黎唔會一夾就穿皮薄餡靚又多汁第四樣係四川擔擔麵擔擔面我試過好多間有啲好辣 有啲唔夠麻醬味今次食口感每啖都有花生碎花生醬潔身口感加埋微辣帶到湯底嘅味道好好食，哩個湯底可以送幾碗麵食…Read More

去TOP行街見倒間環境舒適、木色調為主既餐廳同朋友入左去食lunch餐廳主題係兔仔牆上面有兔仔led燈入到黎要去收銀處先落單收銀處旁邊有個玻璃櫃櫃入面嘅蛋糕每一款都好精緻機乎每一款甜品都有兔仔圖案我地叫左黑松露雞肉大蘑菇燴飯risotto香蕉朱古力榛子醬窩夫黑糖拿鐵咖啡black latte焙茶麻薯蛋糕Camellia第一樣黎既係黑松露雞肉大蘑菇燴飯risotto食落去有洋蔥切粒咬口加黑椒香味好睇又好食甜品香蕉朱古力榛子醬窩夫香蕉加焦糖榛子醬仲有糖粉係上層估唔到切落去係酥皮窩夫，食落粉感冇咁重，哩個配搭好食焙茶麻薯蛋糕Camellia哩個甜品最值得推介上層朱古力+忌廉下層係蛋糕中下層係冧酒mousse 底層係麻薯外層係金莎脆皮多重口感！…Read More

向來對環境舒適度有要求今日收早黎Habitu食個lunch打開menu揀左5分鐘…選擇困難症又想食香口脆卜卜既野又想食risotto 、但係risotto冇咩選擇最後揀左chicken spinach quesadilla菠菜雞肉墨西哥薄餅加杯田園香草薄荷葉檸檬汁首先黎左個墨西哥薄餅伴碟有三種醬1️⃣牛油果芒果他他2️⃣醋醃蕃茄3️⃣酸忌廉菠菜雞肉墨西哥薄餅咬落去有啖啖拉絲芝士扯倒出嚟、薄餅夠焦燶脆卜卜、熱辣辣三款帶有酸味醬可以中和返餡餅既油膩杯田園香草薄荷葉檸檬汁飲落去有草青味+夠哂酸甜清新既青檸味連沙冰飲落去都有酸酸既青檸味平時飲既檸水溶冰後變冰水好淡冇哂味而哩杯田園香草檸檬汁溶冰飲到最後都仲有又香又酸既青檸味最後埋單食左$189…Read More

Vwalk食街入面既轉角位落地大玻璃滿記甜品舖，精致裝修，吧台設計，金屬吧枱櫈腳，精緻嘅餐牌海報，好多款甜品都好吸引，次次黎親買甜品都想一次過試哂幾款甜品，不過知道自己會眼闊肚窄，唯有一次買一款，上次食過白雪仙草芋圓真係好好食，佢中間果舊雪糕球狀既芋頭配襯芋圓食完令我間唔中都回憶起果種口感，難以形容，總之就係好好食唔怪之得滿記咁多分店，而家d甜品愈黎愈有質素今次再食決定俾返個好評今次叫左窩心冰糖燉蛋、雪山紫米仙草佢個芋頭雪山好正…Read More

收工想食下垃圾食物行過景隆街馬會投注站旁邊嘅小食店見倒有一串串橙色既生腸、雞腎、魷魚$12/串，肚餓之際一口氣買咗超過十串，一大腕用發泡膠碗裝走，買完去隔籬街買煎釀三寶，電競舖頭旁邊見到人哋賣$10一串，即時覺得自己買貴左返到去開出嚟見倒咁大盒梗係又肚餓又興奮好想食啦一食落去好辣好辣食左幾嚿辣到頂唔順要加水點知愈食愈覺得難食D生腸、腎同魷魚點可以煮到咁韌咁難咬？愈食愈唔想食落去又冇味、又咬唔倒佢啲色素勁到我食完屙d尿變左深橙色又難食又貴又重色素冇下次…Read More

質素同Vwalk茶記有得揮坐低叫咗早餐A 雪菜肉絲米$37配腸仔煎蛋厚方包雪菜肉絲米都幾足料，啖啖雪菜同雞絲個蛋餐牌上寫住有得揀4種蛋（炒滑蛋、煎蛋、太陽蛋、熟蛋）係塊方包唔夠林，烘底會好食啲熱奶茶口感唔夠滑、略嫌鞋身第二個餐叫沙嗲牛肉米線相雙太陽蛋、牛油厚多士跟凍奶茶+$3呢個質素同一橋之隔Vwalk嘅餐廳比較佢係平啲哩度一份早餐$37VWalk嘅餐廳一份早餐起碼$40哩度餐廳裝修環境幾靚同埋坐得舒服…Read More