o.yukiyanyan.o's Profile

上次試過中午黎食可以，所以今次特登再黎試下晚餐。我地19:00黎到，我地係第一枱，師傅可以專心招呼我們，真好，開始開餐第一二度，前菜1.沖繩水雲加蟹肉水雲味道調校隻啱啱好，不會太酸，沒有遮蓋肉的鮮味，水雲的味道，可以帶動到整餐飯嘅開始2.海螺貝蘿蔔海螺的味道能夠保持，加埋用味淋醬油煮過，帶少少甜味，蘿蔔味道比關東煮濃少少，兩樣都不錯3.北海道蒓菜配大阪青柳貝蒓菜加上土佐酢的微酸，帶動起青柳貝的貝殼鮮味，車厘茄與龍珠果可以加上清新味道的點綴4. 北海道牡丹蝦配夢王蛋加蝦膏牡丹蝦的蝦肉夠爽，又甜，燒香了的蝦膏加上上面，蝦味大大題升，師傅再加埋日本第一蛋夢王，蛋黃令到蝦更加滑溜，又有蛋香，真係唔識得形容5. 北海道華漣生蠔配魚子土佐醋啫喱果然係一隻日本No.1既蠔，爽脆，鮮甜，好味重，第一次食到日本蠔咁重蠔味，好少何6. 火炙金目鯛配烏魚子火炙了的金目鯛魚油很香，只需配上日本嚟嘅烏魚子，又香又夠味7. 熟腦天生吞拿魚腩配紫蘇葉海鹽呢兩日都係吞拿魚中昂貴嘅食材，一生一熟喺口中交融，很有意思8. 磯煮鮑魚配黑松露醬鮑魚煮得剛剛好，加上黑松露醬，唔使形容大家都諗到9. 神户A4牛和他他北海道海膽法國魚子醬雖然呢個係一個好常見嘅菜式，但係這裏做得非常有層次感，材料夠豐富，現在都回味中10. 吞拿魚下巴配紫椰菜檸檬汁一上菜時，令我嘆為觀止，個decoration非常好，簡簡單單呢個燒吞拿魚下巴，可以整得咁漂亮，簡直係影相位寿司11.深海池魚配柚子胡椒12.赤貝配岩塩柚子皮青檸汁13.大吞拿魚腩配京葱薑蓉黃蘿蔔漬14.依佐木配北海道味噌15.北海道海膽以上壽司我不用講太多，我只想講魚生上面嘅配搭好夾，我最鍾意食就係滿滿的北海道海膽，超級有滿足感16. 魚湯秋田烏東到了主食，一樣都是上次的秋田烏冬，真係食多幾次都可以，百食不厭17. 北海道夕張蜜瓜甜品部份，不用花巧，簡單就是美總結，雖然比午餐時段貴，真係款式多了好多，很多變化，很多種類，物超所值…Read More

今日同屋企人去咗佐敦「蝦蝦燒」食放題，真係好開心！一進去就已經感受到餐廳嘅熱鬧氣氛！首先，呢間餐廳嘅服務真係一流，侍應生都好有禮貌，仲會主動幫我們介紹。食物好多選擇，包括各種新鮮嘅海鮮、肉類同埋蔬菜。我哋選咗大大隻蠔、海蝦、扇貝、鮑魚、魚，同埋好多串燒，仲有唔少配菜，真係眼花繚亂！大頭蝦自己楝，非常新鮮！ 仲有自助吧台，提供各式各樣嘅飲品同埋甜品，食完燒烤仲可以嚐嚐甜品，完美！仲有啲甜品同埋雪糕～仲有加一蚊可以打埋邊爐！…Read More

今日我朋友話請我食好野，我甚少過港島既人出銅鑼灣真係有啲唔係咁想，但係佢話有好野食就出一出啦，出到銅鑼灣搵呢間鋪真係有少少隱世，但行過去都唔算遠～我地入到去㨂咗一個平少少既set($598)，因為我地唔想食得太飽～正式上菜了～茶碗蒸 正正常常，無乜特別，心諗。。。。大鑊啦，會唔會好普通又似食迴轉壽司啲質素咁架。。。。高糖蕃茄 日本高糖蕃茄配上白酒啫喱長崎生蠔配蜜柑啫喱，甜得黎又帶點白酒香味，幾好既配搭～鰆魚刺身 燒香了魚皮既鰆魚再配上自家製既洋蔥汁，汁帶少少酸，但沒有蓋過魚的味道，贊！鮟鱇魚肝 平時食開鮟鱇魚肝做法都係切小塊配酸汁辣椒蘿蔔肉，這間店做法都幾特別，將魚肝打成蓉加入黃蘿蔔粒增加口感，味道與口感都幾好，開始令我頭先嘅想法改觀～六道壽司 我不再長細講，只係講材料夠鮮，配搭用心，味道做到平衡，不錯不錯～主食 特濃白魚湯烏冬，師傅話解用了日本秋田，烏東特性煙韌順滑，再配上超多魚骨熬製成濃厚既魚白湯，果然係一絕～甜品 兩色蕨餅，再加上黑蜜，一個簡簡單單傳統日式甜品去做結尾，滿足，滿足～總結 這餐價錢不算太貴，師傅同食材既質素，值得返轉頭再食多幾次！…Read More

近排天氣凍，最好做咩梗係打邊爐啦，講起打邊爐，梗係去出晒名既八合里，沙田第一家做現切鮮牛肉的潮汕火鍋店～依家八合里香港有分店，唔使去深圳咁遠就可以食到，正宗潮汕鮮牛肉火鍋。店舖環境舒服乾淨，見到全透明玻璃廚房清潔又衛生。新鮮肥牛肉，仲係即日屠宰每日配送，真材實料！見到都想食。開餐啦！先嚟一個原味牛骨湯底，清清地又有好香濃嘅牛骨味，新鮮手切肥牛同埋精品雪花牛，口感一流，牛肉味香濃夠晒新鮮，再食個手打牛丸，爽口彈牙好有牛香味。鮮活九節蝦，味道鮮甜爽口好新鮮。特色菌菇拼盤，一睇就知夠晒新鮮仲加多碟潮汕純米粿條口感嫩滑。最後，潮汕穀桃粿拼盤做甜品，正宗潮州風味，唔係度度有得食！再飲多杯鴨屎香檸檬茶（冷）同金桔百香（冷）潤一潤。食到飽飽返屋企。 大滿足！…Read More

位於觀塘站距離只有幾分鐘路程，我哋已經嚟過兩次，今次放工一行幾人，一齊嚟食嘢飲酒傾偈，呢度嘅價錢好親民，而且食物性價比高，餐廳簡約木系風格，座位舒適～蟶子鮮甜，都幾大隻，火候啱啱好，唔會太韌～原本我哋淨係叫咗芝士焗生蠔，生蠔size大又厚肉，真係好正，所以我哋叫多一轉生蠔，哈！試吓第二隻味蒜蓉生蠔，都係一樣咁吸引！呢度嘅燒羊架都係我最愛，師傅手勢好好燒到啱啱好，我哋仲選擇咗芝士大啡菇、炸豆腐 ，好大件份量十足～今晚好飽，好豐富呀！ …Read More

今晚我哋一行幾人，放咗工一齊去沙田食放題，係得沙田食放題一定揀二鍋頭 ，@hotpot2f 位置好方便，就係好運中心，係沙田站行過嚟都唔使5分鐘，餐廳環境寬敞，座位舒適，乾淨企理～麻辣惹味雞煲；份量十足，夠香濃惹味，配料十足、味道濃郁～酸菜魚鍋；魚肉香滑，勁正呀～火焰牛尾煲；上枱氣勢一流，打卡正呀！炆得好香濃，牛尾好淋又好滑，好好味～食完三個煲之後繼續打邊爐，我哋揀咗泰皇冬陰功湯底，食得好飽呀！呢度食物種類多元化，你想點配搭都有，真係好誇張！仲有多款啤酒、汽水、茶品選擇！一次過大滿足，絕對係性價比高嘅放題～…Read More

今日約咗閨蜜去銅鑼灣食午餐，好掛住鄉下日本，諗一諗不如去食omakase，不過食廚師發辦係有啲難度，因為要搵到一間高質嘅係好難，上網搵咗啲資料就去咗呢間度食Lunch廚師發辦…..安排入座後，先嚟咗前菜，北海道白粟米和茶碗蒸，之後就係日本兵庫縣黃金武士蠔；蠔味非常濃郁、鮮甜味，飽滿肥美鮮甜。平政魚；係九州食材，味道清甜。池魚卷；加咗蘿蔔嘅漬物，好有創意味道好特別。中拖羅；粉紅顏色好吸引，脂肪高，入口即溶，口腔充滿魚香，餘韻回甘。磯煮鮑魚；慢煮加昆布方式烹調，完美帶出鮑魚原有鮮味。之後仲有；銀鱈魚西京燒、甜蝦、北海道帆立貝、燒鰈魚、北海道馬糞海膽，秋田烏冬，呢個午餐係超級豐富，而且又高質…Read More

本身我係好鍾意抹茶味道嘅甜品，所以之前旺角分店我已經想去食，但係實在太多人排隊嗰次放棄咗，今日去咗MegaBox行街經過見到原來呢度都開咗分店，今次終於試到～我選擇咗；抹茶雪糕啫喱芭菲 $68啫喱份量都幾多，有Q彈彈嘅口感，唔甜。抹茶雪糕灑上咗抹茶粉，抹茶味啱啱好，而且有少少回甘，好味下次都會再食～凍無糖抹茶 $38抹茶味唔算太濃，沒有回甘，容易入口，飲落口感覺幾舒服～麻糬抹茶芝士蛋糕 $48買飲品可以用$48加購，麻糬夾咗喺中間，上邊同埋下邊都係芝士蛋糕，芝士味蛋糕都幾濃郁，表層就係忌廉加咗抹茶粉，抹茶粉有苦澀回甘，整體成件蛋糕都幾重口味～下次會再去試吓其他嘢飲＆甜品～…Read More

一個人去沙田行街，都唔知食咩好，又有啲肚餓，都係食碗台灣牛肉麵啦，簡簡單單～平時都有食開呢一間，水準係一時時，但係唔知點解都好想去食，今次食下午茶，第一次喺呢間度食下午茶～我選擇咗.Q版紅燒牛肉麵$47 ，粗麵，檸檬紅茶，加一埋單$52好似食午餐抵啲，都幾細碗吓，得兩舊牛肉，兩條菜，粗麵大概食三四啖已經無～佢哋嘅湯底真係比以前淡咗，以前牛肉味濃啲，佢哋呢度嘅粗麵係幾好食，彈牙，而且又滑，如果個湯底可以做返香濃，啲牛肉味會更加好～…Read More

嚟到沙田行街，途經見到呢一間壽司店，佢哋門口已經有外賣壽司，咁我咪走埋去睇吓囉，睇落去都好似幾好喎，所以就入咗去食晚餐試一試，餐廳坐嘅座位都舒適幾闊落，裝修簡潔，餐廳選擇嘢食嘅時候，客人係用iPad自己落單都好方便。今次我哋兩個人大約食咗$200 ～松葉蟹肉軍艦～黃金墨魚軍艦唐揚魷魚鬚～白子壽司～巨無霸鮮帶子～貝之盛～燒汁海膽金目鯛壽司刺身新鮮，好味，最後估唔到佢哋都有白子壽司，另外佢哋燒汁海膽金目鯛，呢一個配搭好特別～下次都會再嚟食，因為價錢合理，性價比高～…Read More

香港地呢間食早餐我已經食過好多次，佢哋門口嘅位置有麵包買，麵包係現場烘焙，感覺比較新鮮～今次我哋揀咗兩份早餐；炸魚柳+雙太陽蛋+多士配粟米粒炸魚柳上枱嘅時候係熱辣辣，非常好！魚柳粉漿又薄又脆。太陽蛋煎得好靚，不過粟米用牛油炒過，好香，不過好甜唔好食，廚師應該另外落咗糖抄～沙嗲牛肉公仔麵+多士+炒蛋呢個沙嗲牛肉公仔麵，早餐我哋已經食過好多次，越來越差，尤其是今次，湯底好淡，完全無沙嗲香味，牛肉得好少份量，牛肉完全無沙嗲香味！下次要諗諗先至再決定去唔去食！…Read More

好朋友生日約咗佢去尖沙咀食潮州菜，我哋8:00去到都好多人，好彩我哋一早預約咗，我哋一行三人～食潮州菜價錢一向都唔平，呢一間屬於中價，唔算太貴～翡翠欖菜油泡鮮魷西芹爽口，鮮魷彈牙，平時唔係太鍾意食欖菜，但係原來樣樣配合都幾好食～香麻海蜇爽口呀，正正常常咁啦～雜菌炒牛仔粒菇類好大件，牛仔粒亦都好大件，比例上細返啲會唔會好啲呢 ，哈！牛肉唔韌，不過我嫌佢size太大了～鮑魚蝦籽薑蔥撈麵鮑魚大隻，厚肉彈牙，有鮑魚香味，蝦籽好多，整體成碟嘢都好濃味～…Read More

本身好鍾意嚟利苑飲茶，因為佢哋幾間分店嘅服務員態度都非常好，而且佢哋嘅座位係好舒服啦，環境會令到你好舒服咁樣喺度嘆茶～今晚我就同兩個朋友去咗食晚餐～炸子雞，調味啱啱好，唔會過分鹹，外皮鬆脆，入口肉質仲係嫩滑～金蠔，份量十足好大隻呀，調味香濃好配合金蠔，呢個必點推介！花甲，呢一碟我覺得份量比較少，可能係因為海鮮嘅關係，但係花甲嘅質素非常好，粒粒脹卜卜，好鮮甜好好味～豉油王炒麵，火候啱啱好，如果可以再加多少少芽菜就更加好～…Read More

今日好想飲茶，但係又唔想飲啲傳統嘅茶樓，問吓朋友有咩好介紹，佢就叫我去咗呢一間得閒飲茶，個名幾得意咁就俾佢吸引咗啦，哈！呢度點心款式好多，有啲都幾有創意，酥炸魷魚，份量都幾大碟，外層炸粉都幾薄，外層脆口入邊剛剛好，我最鍾意食酥炸魷魚～灌湯餃，湯底清甜好味，灌湯餃個皮唔算太厚正常，內裏有蝦、荀，肉，調味得啱啱好好好味～流心奶皇包，熱辣辣，入口爆漿流心，咬一口奶黃即刻爆出嚟流，哈！所以食嘅時候大家要小心啲，哈哈～另外，我哋仲叫咗幾個點心，全部都幾好味～…Read More

天氣開始熱，不過我哋都好想打邊爐，所以去咗銅鑼灣呢一間打卡火鍋店，佢哋嘅湯底幾得意花嘅造型，用嚟打卡非常好，睇得出佢哋用心思做呢個湯底出嚟～醉雞，份量多，雞嘅肉質嫩滑彈牙，皮薄多肉，沒有過分脂肪，花雕酒加杞子條配剛剛好，好好味～雪花肥牛，油脂分布平均，肉質顏色靚，放落湯底淥幾秒已經OK，入口即溶嘅感覺，帶有少少牛肉味唔算太香濃～另外，佢哋呢度好多特色嘅飲品，用嚟打卡都非常好～不過都幾多人，所以記得要book位 …Read More