lazyslothjai's Profile

落雨濕濕唔知食咩好，就行去食幾年前食過嘅岩鹽。感覺少咗人等位，20分鐘到就入座👍🏼。.往時食dinner set都ok，今次試試散叫main menu，水準好似冇釜飯咁好咁吸引。.總共叫咗8樣嘢食，1杯嘢飲。.＊日本宮城縣生蠔 Oyster 🦪 （$138）店員推介即日飛機✈️空運到港，特色：蠔味相對濃嘅手掌大生蠔。蠔殼的確係手掌大細，開咗之前比想像中細咗啲。蠔味都ok，鮮甜。.＊蒜香雞腎🐔（$68）上碟見到啲蒜太金，第一下熱辣辣食係唔錯，但之後再食幾舊已經有好大陣燶蒜味，好苦，可能因為開始凍。建議蒜片做到少許金黃即可，可保留蒜味又可避免燶蒜嘅苦味。.＊2件火炙左口魚邊壽司🐟（$48）食完冇咩感覺，就係一舊有魚嘅壽司🤔。冇咩火炙味，又冇左口魚邊嘅油脂味。.＊2件火炙穴子壽司🍣（$48）長穴子壽司，壽司好似表現都一般般。.＊鰻魚柳川鍋🥘（$138）鰻魚ok，蛋ok。鍋湯底略嫌太甜，甜味搶曬其他食物嘅味道。.＊2串燒牛舌串🐂（$48）冇牛味，正常厚度。外層冇串燒嘅脆，內裡溫度唔夠熱，味道麻麻。.＊2串燒錦爽雞肉丸串🍢（$38）同燒牛舌串一樣，唔夠熱。不過味道還好。.＊明太子醬燒大啡菇🍄（$78）明太子醬好咸，外加上面嘅煙肉粒都咸。連埋菇一齊食中和到啲⋯⋯不過整體都係咸。.＊日出初夏 🍹（$46）菠蘿汁梳打水燒酎。冇菠蘿味，只是有甜味嘅梳打水燒酎。🙈.整體食物嘅表現都一般般，店員服務態度幾好。環境都舒服👍🏼…Read More

食完晚餐唔夠飽，又想搵個地方坐下。多人等位，不過都好快。.總共叫咗4個甜品：.＊芒果窩夫🧇窩夫外脆內軟，芒果好甜。加朱古力雪糕（+$12）。.＊熱椰皇桃膠鮮奶燉蛋白🍼桃膠冇咩味，建議可整黑糖桃膠，味道應該會更豐富。椰子肉🥥好香好淋，可以成個食曬😂.＊焗冰火芝士木糠布甸🍮有趣口感又凍又熱又甜又咸。未食過嘅味道，值得一試。.＊焗綠茶心太軟伴豆腐雪糕🍵有綠茶味，心太軟仲係流心。綠茶同豆腐味雪糕好夾。.整體來講，甜品唔錯。不過唔係一個傾計坐下嘅好地方，店舖好快就會執枱招待下一班客人。.…Read More

由逸東食到新蒲崗，味道都保持到。三項（$100）四項（$125）.今次叫咗兩個三項餐，一個五穀雜炊飯；一個轉咗烏冬（+$18），轉烏冬加$18有啲貴。而烏冬嘅味道一般（熱嘅醬油拌烏冬），熱力亦突顯咗「油味」。口感亦麻麻，應該係熱烏冬同處理手法令到烏冬偏淋。本身期待會有冷烏冬，建議店舖可以係夏天提供柚子冷烏冬，酸酸涼涼在天氣熱時應該會比較消暑開胃。.總共6項餸：＊本菇茶杯蒸🍄蛋好滑，味道剛好，溫度適中.＊南瓜薯餅🎃配搭一流。南瓜當造好甜，咁多個餸入面最好食😋.＊薑蔥汁煮茄子🍆味道適中。如果唔鍾意食薑就避免選擇，因為一入口薑味都頗濃。可考慮涼拌茄子。.＊亞麻籽西蘭花薯蓉🥦正常發揮，可多加西蘭花加強薯蓉口感.＊芝麻秋葵（+$5）之前嘅芝麻波菜比較吸引。芝麻醬味道都唔錯，最後仲用咗剩餘芝麻醬黎撈烏冬。.＊柚子醋漬番茄🍅醋漬蕃茄時間短，蕃茄未有柚子味。.整體來講，唔錯。間中想食素/清淡啲可選擇👍🏼。…Read More

Brûlée French Toast （$88）味道正常，份量太少，得一件，而味道冇咩特別之處，性價比的確唔高。而旁邊嘅cream入口比較油膩，影響口感。Iced Hojicha Latte （$56）黎到隻色嚇一嚇😂 同menu 太大分別。店員解釋因為用咗soy milk 唔係full milk 所以就係相入面嘅顏色。 如果想影相打卡就唔好叫soy milk 啦😂🙈。另外，食具感覺有啲殘舊。整體而言，勝在唔洗等位，空間OK，坐得舒服。留意番：每位客人最少要叫一樣食物/飲品。…Read More