Javv's Profile

留港週末好去處！這個海鮮Brunch 是近來難得的性價比十分高的選擇。 Semi-buffet 可以自選main course , 而且味道出色，前菜沙律及湯品都不錯，每人份的海鮮我覺得比起普通的自助餐來得豐富，有長腳蟹、鮑魚、凍蟹、螺、青口等等，還有厚切鵝肝小burger, 十分滿足！另外還有甜品枱及雪糕！不用介紹的還有無敵海景，雖然Cucina 已有點年資，不過不影響無敵維港景觀，除了旅客，偶爾來這裡吃一頓美景午餐也不錯！…Read More

同一班朋友本來係Zuma Hong Kong Happy Friday night, 因為現場音樂太噪吵轉枱，女侍應可能覺得我哋阻佢做生意，問佢再攞Menu 時將餐牌拋去枱邊，態度惡劣。同一位男經理投訴，問都未問佢同事就控訴番我哋惡，完全無幫件事而仲叫我哋道歉！我地一行人洗左萬幾蚊食飯，在中環地段要咁樣受氣，當晚現場根本唔Full ，作為餐廳服務，完全漠視客人意見而為左啖氣駡客實在令人咋舌。 店家的氣焰實在太過份，後來直頭報警，叫呀Sir 幫手調查！個位經理仲命令我哋比咭片佢，問我地係咪驚？大佬係中環置地有咁既待遇真係大開眼界，怪不得飲食業咁難捱，睇番佢哋啲評語原來係慣犯，每隔幾個月就有人一大篇咁投訴，仲要話係Zuma standards, 不得了。…Read More

呢一間Doraya開咗都有十幾廿年，每一次喺尖沙咀想揾魚生或日式食店嘅時候除咗去壽司店或者要好貴既omakase, 成日都會諗起呢一間Doraya，而且尖沙咀呢間嘅設定係更加似居酒屋，除咗有魚生飯之外，仲有好多日式小食, 而且有期間限定嘅海鮮推介。是晚我哋叫咗一客池魚刺身同埋新鮮北寄貝，百幾蚊有原條上的刺身有驚喜，再加上一杯Lemon Sour，完全就係日式居酒屋嘅設定，不過當然座位是比較光猛不是日式居酒屋的昏暗環境環境，但係食物絕對保證，而且價錢亦合理。…Read More

以咖啡廳裝潢卻是驚喜的Spanish 小酒館，在東邊街口的斜路上，很有自我格局，空間算倘大，最適合與朋友喝一點小酒，食一輪tapas. 主廚擔起前菜主菜一手包辦的角色，淺嚐了自家醃製橄欖，加潻一絲橙皮作點綴，畫龍點睛。主廚經常與食客交流，看得出有心又有誠意。出名的香草麵團有特色但略嫌過分脆硬，少了一點煙靭。薯仔蛋餅好味，煮法亦有特色。Octopus risotto 好好味，八爪魚非常tender，整體也很好。唯一缺點就是開放式廚房油煙問題，也沒辦法。…Read More

疫情控制放寬咗，想去外地玩玩又食又玩之情日日在纏繞！突然諗起喺太古坊間KIN Food Halls有靚靚裝修之餘，亦有好地道嘅食物質素，一於就落去走轉當喺東南亞brunch一吓！臨近聖誕，嚟到見到有特色聖誕套餐，一於試吓呢個「KINsmas Combo」套餐先。另外再點「海南雞飯」、「蝦多士」及「大坑薯條」。個「KINsmas Combo」套餐包括有日式烤雞配洋蔥味噌汁、沖縄黑糖牛油蕃薯、甜酸炒椰菜仔、傳統英式餡餅及經典聖誕曲奇。先講講個套餐，烤雞喺取餐時見雞皮唔乾之餘，仲有幾分亮澤，做得幾好。到咬落去時，肉汁一下就爆出嚟，同時肉質軟滑之餘調味又唔太濃，所以可以同時跟小朋友分享，而大人就可以點汁以提味。沖縄黑糖牛油蕃薯就焗得皮肉剛好分離，牛油同黑糖完全混和於蕃薯肉内，食落黑糖味冇搶走蕃薯味，幾balanced，是相當健康又充實的感覺。甜酸炒椰菜仔味道又幾得意，個人嫌佢炒得燶燶的焦糖特色味道有點搶，不過食吓食吓又成碟食晒。而傳統英式餡餅以果仁作餡，不過如果熱食就更好啦。總括而言呢個「KINsmas Combo」係抵食既。食食吓覺得有點意悠未盡，叫多個「檳城潮州炒粿條」，炒得超有鑊氣嘅粿條，成個人又被帶咗返去新加坡夜市的街頭。最後以「Campfire S’mores Waffle」作結，食完真係好似飛咗轉咁！…Read More

第二次唻censu食飯，上一次一行四位試佢哋嘅廚師發板，簡直欲罷不能。今次同朋友二人行，因為好想食佢哋嘅雞飯同埋海膽鮑魚湯飯團，侍應提議都係散叫比較好，因為驚食唔晒🥴頭盤今次試左鮮筍蝦卷，做法特別，鮮筍好香而且蝦肉炸過後整個配搭出來的味道很有驚喜。海膽湯飯個重點喺塊紫蘇葉度，將整個飯團弄散配合清湯及紫蘇葉，諗起都好想食。呢個特色海南雞飯絕對唔比其他三黃雞嘅西式餐廳比下去，雞皮香脆而雞肉嫩滑，飯既煮法好似西班牙式嘅paella ，雞油香配飯焦，食不停口！…Read More

等待兩三個月終於重新開幕，新店充滿意大利風情，比舊店光鮮得多，而且格調亦高級了。早前前往午餐，不再是只有意粉及薄餅的選擇，多了很多意大利菜式選擇，包括是不同類的芝士、沙律、海鮮更有sashimi, 午餐也可以來個正宗意式風情。侍應提議選擇他們的意大利粉，所以選了Aglio Olio這個經典意大利粉。雖然沒有什麼配菜但是他們用上等的橄欖油和辣椒蒜片香味十足，意粉亦十分彈牙非常惹味。甜品有兩種選擇，比起tiramisu, 個人更喜歡Affogato, 濃烈的意大利咖啡倒進冰凍的雪糕上，好味又過癮。順帶一提，餐廳沒有提供Tap water, 只有sparking 及 still water 給選擇。…Read More

一班人食飯要食中菜嘅話最近都成日去搵留家廚房，去酒店收費又太貴，去普通酒樓食物好多時真係又凍又無味，留家廚房無論係午市點心或者係晚市小菜都非常可靠。沒有太多嘅花巧，扎扎實實既粵式點心，食得滿足又開心！推介潤腸卷同煎糯米雞，其他地方好少見到。而每次必叫的有佢地既茶燻雞，燻得很入味，唔只皮香，肉也滲透煙燻味，食過好幾次水準都穩定。仲有必試佢嘅炒麵，炒得乾身又彈牙，同平時酒樓炒嘅完全係兩回事，配上辣椒醬，食得好飽都要忍唔住食多兩啖！…Read More

最近幫襯過幾次，有外賣亦都有現場食，佢哋嘅燒鵝真係冇得彈，每次俾你都係熱辣辣，因為佢限時會出少量，唔會一次過出晒幾隻鵝係到。燒鵝唔係太肥，而且皮香又脆，肉質甘香又多汁，佢嘅肉汁係會流晒出嚟，始終即刻食係最好架！我試過外賣拎返屋企，依然好香，不過肉稍為收緊一點，無現場食咁嫩。仲有堂食可以點佢嘅酒浸鵝肝，好香又滑，而且唔俾外賣，現場食記住要試試。不過其他菜式就差啲啦，試咗個雜菜煲同埋炸生蠔，味道都係一般而且價錢稍貴。…Read More

久不久就會想返嚟呢度食佢隻黃油雞，上一次到來時覺得好鬼正value for money，兩位嚟其實叫一隻雞連埋佢配嘅雞油飯和沙律已經好足夠，大概一千二/三左右埋單，但係飽滿既雞身，薄脆既雞皮，多汁有豐富肉味既燒雞，連雞胸都嫩滑美味，堪稱食過最出色既烤雞！不過今次到來，隻雞無上次咁豐滿，而且成個餐牌都加左價，埋單約千五蚊連水，雖然味道依然出色，雞油日本米飯既配搭還是會教人食不停口，不過沒有了上次的impressive, 或者要試吓其他名店再比較一下。多口一提，佢支sparking water 竟然無乜氣又唔夠凍，要扣扣分。…Read More

一早預定左同屋企人食生日飯，本來好期待而且見到有好多好評，諗住唔會差到去邊，但整體食物質素都幾失望，份量少而且幾個食物都太咸而唔係濃味，和牛同豬扒既肉亦唔見出色但要三百幾四百蚊一碟，成2千幾蚊但係食唔飽又唔好食🥲就算用上海港城coupon減幾百蚊都太overpriced了，Simplylife 都比佢好好 多…..最好的是生蠔但這完全唔需要技巧，不過最初有一隻係特別細好像生唔大既樣，後來叫侍應換了，但廚師最初應該要留意到，畢竟收緊差唔多$60一隻。hamachi appetiser 得6小片，小得可憐… 最唔開心係唔好食，生日飯好失望….雖然服務整體是好。…Read More

星期日中午周圍都排長龍唯獨呢一度只係排幾張枱所以試吓，叫個全日早餐，加個意粉餐。全日早餐個份量實在太屈機，牛油果醬多士原來只係真係得少少牛油果醬，連一片牛油果都無，唔駛驚違反商品說明條例，雞胸肉原來只得幾片，加茄汁豆，幾片菜，兩條細腸，一塊蕃茄，雖然不能同外邊的全日早餐比較，但係收得百幾蚊一個餐，個份量實在太令人失望，已經唔需要煮得有技巧，呢個樣子連茶餐廳都比不上。唔介意收多啲錢但好介意份量少同唔好食🥲可唔可以有誠意少少。…Read More

已經食過幾次，每次都趁non-peak hour 去唔駛排隊，食完一排又起心癮，成日想食多次個種軟綿煙韌口感！雖然原味最經典，肉桂味好濃，但係我更鐘情無肉桂粉既朱古力chocobon, 佢既朱古力味唔假亦唔係死甜，濃厚滋味，店舖人教返去叮熱40秒再切開食，就好似流心朱古力咁，好正呀！仲有原來可以揀盒裝肉桂卷會有多啲frosting, 雖然甜啲，但係佢哋個味好夾呀！下次會再試埋佢啲野飲，好似有幾種fancy 既奶昔，忘記休麼是月巴！…Read More

Friday night 食好西，當然。走到堅尼地城海旁，難得一家支撐數年的餐廳，沒有訂位，幸好還有剩下一張枱，又或者因爲晚上830 才入座的沒有幾個。兩個人點了兩個主菜加一個配菜，一個甜品分別有：- Pork Jowl 煮豬頸肉配肉豆，有趣的一道菜，豬像是慢煮過，肉質腍化，加上一點芥末醬，以酸味平衡油脂- Bouillabaisse 經典海鮮雜繪湯，整隻花蟹加上魚柳、大蜆、大蝦，湯頭鮮甜卻不是濃稠creamy 的那種- Madeleine, 甜品給我最大的驚喜！雖然小店推介的是soufflé,但我更愛實在的Madeleine, 即叫即制難得的熱呼呼，一丁點檸檬香氣更吸引人！一碟三個但食唔停口，最想回味的是這個！整體是實在又唔太貴的小餐館，廚師兼主理人每桌都會傾陣計，有心人值得支持～…Read More

早前與同事聚餐，除了清一式飲茶外，想找一個特別的午餐地點，見到這間剛開放給非會員，於是訂唻試下。聽講潮州會員包括多位城中富豪，水準應該有番咁上下？！訂位非常順利，之後經理會傳來菜牌，我地6位剛好半圍比較易處理。我加了個滷水拼盤，食潮州野當然要食滷水鵝！總括唻講每一道都食得出是老師傅的手勢，最喜歡的有：- 普寧豆腐伴灌章蝦棗 ： 做得非常好的一道傳統潮州小吃。豆腐外面炸得香脆但不過硬，內裡很嫩滑。灌章蝦棗實為蘿蔔絲混合一起，有趣。- 滷水拼盤非常豐富，有必吃鵝片豆腐外，還有滷蛋，肥肉，豬大腸，墨魚！一次過滿足晒唔同需求- 春菜煲，半煎馬友都好食，似家常菜- 甜品銀杏芋泥絕對必食，香濃芋味又唔過甜，明明好飽但食晒！總括來講食得好滿意，有機會同屋企人再唻～…Read More