MsV's Profile

裝修懷舊風，吃的是現代味道。蕃茄湯底、麻辣湯底喺香港絕對唔係陌生嘅湯底，呢兩個湯底撈埋一齊冇違和感。介紹翻呢個叫麻辣蕃茄湯底，下午茶餐牌嘅選擇。蕃茄湯底味道濃郁，味道富有層次感，各種味道都平均刺激味蕾，麻辣嘅味道冇搶走蕃茄酸味仲帶點甜味、辣味、好在麻辣的感覺不太重，還有點香草味，不過香草味應該來自豬扒醃料味道😂豬扒厚度中等，沒有切開，咁啱呢舊豬扒孤位比較多，要好小心咬開。湯底比較杰身，米線滑脫脫的，整體唔錯。…Read More

終於喺元朗發掘到一間有生滾粥，又有小炒嘅餐廳，兩個唔啦更嘅類別，味道同樣出色😋 呢度嘅生滾粥可以加唔同配料，例如肉丸、碎牛、豬紅、蠔仔、泥猛、蟹、艇仔….多到記唔曬，叫個貴妃粥加及弟，雙重享受。貴妃雞加綿滑粥底，及弟其實係啲豬內臟，就憑豬潤嘅爽滑嫩足以決高下。食粥配油炸鬼腸粉係無敵組合，估唔到一條咁普通嘅油炸鬼都有得講吓🤣熱辣辣脆卜卜，唔係洩氣㗎。鮮蝦腸粉隻蝦大又爽，誇張啲講仲粗過隻筷子。唔使被迫食粥嘅選擇都好多，有小炒、燒味、麵餐都有。先來一份蜆介鯪魚球，表面睇落摷曬皮仍有濕潤感覺，尚算大粒Q彈口感滲出肉汁，食曬鯪魚球嘅碟底都無乜油，而蜆介目測至少有三隻。菠蘿咕嚕肉，啖啖都係肉，沒有丁點肥糕，酸甜味恰好，重料之外仲係用新鮮嘅菠蘿。最後紅燒元朗脆皮乳鴿，size比我平時食嘅大隻小小，肉厚骨薄，味感頗濃。如果我下次再嚟，要留肚食甜品，養顏蛋白杏仁茶好吸引呀！可惜今次無預計份量係咁大碟，食完正餐都飽飽😎…Read More

超推薦任食火鍋、任飲啤酒生啤無酒精飲品、多款甜品😍埋單每人$210有找，任食鴛鴦火鍋，一個價錢啤酒生啤任飲，見到有廣告當月生日六人同行，有免費蛋糕，需要早2日預訂。早幾日天氣凍凍地超想打邊爐，就去咗馬辣。溫馨提示大家記得要訂位，我就係即興無訂位，好在大概等十五分鐘就有位，等位時候睇到馬辣黃巴士雪櫃有好多火鍋配料，食客喺黃巴士度揀火鍋配料，店員一直補給食材，唔擔心食材一度短缺或者唔新鮮。入座計120分鐘唔算速戰速決類，分秒必爭嘅我落咗火鍋鴛鴦湯底，手機落單肉類及海鮮先拎枱上嘅食物夾同碟出去掃架黃巴士配料，見到一串串台灣豆串、蜂巢豆腐、Q軟麻吉燒。呢啲食材感覺完全去咗台灣一樣😏見到蔬菜種類都算多同新鮮，唐生菜、菜心、娃娃菜、白菜、西洋菜等等，飲品除了一貫放題基本有的多款無酒精飲品，細心睇雪櫃有小量台灣飲品（不過都得返最後幾枝，太搶手吧）、酒精罐裝飲品，生啤、台灣馬辣有嘅花茶呢度都有、咖啡機，呢啲都係任飲，淨係飲品，飲得落你就贏了😎夾完火鍋配料、拎醬油飲品，返埋位剛好湯底、手機落單嘅肉類海鮮配料都到齊。我唔客氣喇😎👍🏻首先浸豆串，索曬麻辣湯真係超正，豆串新鮮，沒有那些油益味。👍🏻有幾款魚蛋都好正，特別記得水魚蛋超彈口。👍🏻另一款正方形魚蛋魚蛋咬落爆芝士。其他食材不過不失。👍🏻肉類嘅CP值高，牛肉豬肉類有幾款選擇，推薦頂級牛梅花，香牛味肉滑。👍🏻另一CP值高嘅蝦🦐新鮮彈口，仲有羊肉&每日海鮮，當日係蜆。👍🏻蜆都係新鮮，烚一陣全部都開口嘅，叫咗幾轉無一隻蜆有沙，處理功夫做得好好。讚👍🏻麻吉燒，每一轉唔同餡，食咗花生同芝麻，類似湯丸咁，個皮比湯圓更煙靭，有餡，煙韌控一定要試。呢度加湯唔需要嗌，店員來回巡視加湯，仲按我嘅湯底嚟加，打到最後湯底都唔變淡，加分位。甜品區有👍🏻即整香蕉班戟，睇住由整皮加上忌廉新鮮香蕉勁有心機吱埋朱古力面，埋位暖暖哋咁食係唔錯，皮薄薄地，唔會因為放題整到勁厚塞飽啲客，啲cream好幼滑豐滿，睇住隻香蕉係新鮮擺落去，真係無任何挑剔位置。👍🏻棉花糖😍即刻整，睇住店員不停捲呀捲成一大球，好治癒，本人覺得唔太甜，唔錯。甜品仲有法式燉蛋精緻小杯甜品啫喱、豆腐花、雪糕雪條。不過已經食得太飽都試唔曬咁多款。位位店員都超親切有禮貌，極有台灣感覺。我坐張枱有充電位，咁啱電話得30%電，即刻拎充電線出嚟，連電話都食到飽😂…Read More

【佛系請客 藏於屋村高質居酒屋】我作為一個有要求嘅人，一定善待跨區嚟搵我嘅朋友🤗。呢間居酒屋位於屋村商場內，門面裝修平平無奇，行入去即刻離地，裝修擺設穿越時空去到日本咁🥰環境舒適，職員行親民路線，價錢亦極親民兼高質。最愛時令推介餐牌，今次我就揀咗魚刺身。時令推介-黃金池魚$148半條我對池魚有情意結，🔸口感富有彈性，肉質透徹，🔸魚油豐富不致膩口，🔸味道鮮牛肉火鍋$105牛肉保證足量高質，嫩口無渣， 多元化配料盡索壽喜燒湯底。炸雞軟骨$39雞軟骨控表示十分滿意份量，唔係太燶充滿爽口彈性😂挑剔嘅我要求檸檬要都無托手踭。燒沙白大蜆$68粒粒新鮮開口飽滿多汁，底層鋪上一層鹽，視覺感升級。串燒鹿兒島和牛粒$68驚喜太大，比預期中更好，入口溶化濃厚肉味。三文魚三寶飯$69有六片三文魚，雖然唔可以同刺身價錢比而話抵，因為切法都唔同。不過以黑洞嚟計算，有飯到肚真係抵到爆燈。六片三文魚紋路清晰，唔係厚切，油脂比例恰當，配小量魷魚同海鮮沙律。雖然山長水遠叫朋友入嚟，屋村都有好嘢㗎😎食咁多嘢人均消費$300。而家做埋午市，都係抵食想偷懶唔煮叫外賣都化算…Read More

計劃去濕地公園玩，朋友推薦去天一商城食嘢先有力同小朋友放電。一落輕鐵上商場見到個餐廳牌，就近腳唔洗等位試一試啦。反正都好耐無食過越南嘢。蒜蓉牛油雞翼越南菜必食咁濟睇落只係餐廳仔，我係無抱任何寄望。價錢平平地$30有5隻雞翼，仲有生菜墊底靚靚咁上枱，睇到凹凸嘅皮表都幾正，一啖咬落去我同對面位眼都大埋，熱到辣咀嘅，卜卜脆程度坐對面位都聽到。金絲網春卷拼蝦餅春卷係我好鍾情，仲要網紋口感都唔同啲㗎。蝦餅算係厚身，口感未至於彈口勝在唔係「林池池」。香茅豬扒撈檬檬粉係乾身到挺起，加入酸辣調味同撈返軟，份量都幾多吓。豬扒一整塊廚師半切，厚度有返咁上下，個人覺得豬扒碎上會好啲，因為豬扒又大又厚，為保儀態唔敢張大個咀‘‘選’’骨，哈哈。咖哩吉列豬扒飯咖哩汁足夠撈飯味道唔辣，混合唔同香料味道帶出咖哩嘅香味，欖形嘅飯打破悶蛋式上碟，果然有心思。最後一樣後加單，**超推薦**招牌燒牛肉法飽見到隔離枱食法飽嘅聲音吸引咗我加單，本身都想嗌，初初我以為牛肉湯麵啲肥牛擺入麵包所以放棄咗，呢個諗法原來係錯錯錯曬!! 好在隔離枱嗌，我先無錯過呢樣美食。第一樣要講：價錢45蚊。 正常價錢第二：大過我2隻手板。 話曬我隻手公認大嘅男人手喎。第三：外脆內軟。 偷聽到職員講法飽岩岩焗起出爐，哇…自家整嘅麵包難怪咁正，有heart度加曬分。果一下脆聲真心不得了！第四：牛肉質量。可以講嘅係...只係計牛肉的肉汁與份量已超於45蚊！醬汁調味不會搶走牛肉味，青瓜、蕃茄、牛肉擺放位置排序明顯有研究過（我估咋），食嘅時侯唔會跌曬啲餡，而且擺放位置令咬落去口感啖啖分明。作為一個芫荽控，芫荽唔係點綴咁簡單，係提升味蕾呀！…Read More

見到人地打卡知道何蘭正開返兼搬咗，講咗好耐好掛住，好想食，立即約寶寶快閃開飯😎一如既往啲位好full！所以我哋約早啲去到都正確，等幾張枱都算快有位。環境舒適不在話，餐牌簡而精，其實心中已經揀好食咩，都循例問吓職員有咩好推薦。感受吓佢哋友好服務態度。 今次睇到餐牌有啲頭痛，餐牌入面各自有大家唔食嘅嘢。太掛住何蘭正味道，係叫多咗啲啲嘅。結論我哋本來抗拒嘅味道全部都讚好味。法式焦糖女兒紅獅頭鵝肝燉蛋配牛油多士朋友唔食鵝肝「鞋」口感都讚，鵝肝打成滑滑口感，面層有一層唔太甜嘅焦糖， 淨食醬嘅口感脆滑，配埋旁邊多士同薄脆餅， 絕對不會太膩， 而且醬料細細兜， 都足夠搽曬咁多塊多士。順德風情雙籽三文魚他他配香脆雲吞皮揉合各式食材， 味道特別， 三文魚他他入面 除咗大粒魚籽仲有細粒蟹子， 有菇類 三文魚 口感豐富， 配中式雲吞皮， 配搭成完美菜式。 唯獨檸檬味個人覺得比較搶啲。香煎熟食奧米加3羊柳配薯 仔，腐乳牛油汁唔食腐乳嘅好擔心腐乳味太重，羊又怕「蘇」 ，結果舉曬手指公。 腐乳味唔重之餘仲同羊柳好夾，望落唔太熟嘅羊柳，質感剛好，亦沒有血水。如果唔講完全唔知道係羊，羊一直感覺係肉要撕吃式一層層，好明顯呢個就唔係果種感覺。肉軟帶根部份存有肉香，亦有油脂部份。而配角嘅薯仔亦焗得內軟外脆。點小得，慢煮叉燒叉燒飯有咩特別？一個字正，慢煮保留肉質林口，肉有剛好嘅油份味道帶甜唔痴牙，仲有淡淡香料嘅味道不搶肉味，啲飯夾埋紅洋蔥一齊食去到另一層次感。見到肥肉唔好驚，睇清楚啲，一啲都唔肥㗎！有用心思在菜式的餐廳很少遇到，兼長期保持水準之上，實屬難得，要多多支持。呢個字作為全晚總結就最啱不過「正」…Read More

爆丼的著迷，一定係相機先食。一碗飯堆滿喜愛吃滿滿的魚生，多角度滿足感。嘟QR code 點餐，丼飯選擇達到10款，生熟丼都有。點餐後，先上面豉湯，不是太咸，內有小量蘿蔔，我不太喜歡面豉湯味道也一口氣飲完。 四重火山盛丼堆得又高又滿嘅材料，光是海膽也值回價錢。材料有海膽，份量多，雖然個色好似麻麻地，望落好似啞色啲啲卻好味之選，睇落層次分明食落質感佳，係鮮甜味道，魚籽真係多到滿瀉，粒粒都juice。魚蓉，一個尖塔咁高，打成魚蓉亦不失口感，每一啖都吃得滿足。蟹柳嘅自成一角，拆成一絲絲蟹肉，甜味充足。老實講材料份量與質素比到足，飯都唔少㗎，總算食丼唔係食飯飽唔夠餸。六重相樸爆盛丼呢碗排場矮小小，對比上一碗之下朋友都擔心唔夠飽。大概材料略同，呢碗我覺得重點喺魚度，魚的質地厚，油脂滿滿，經過火炙油脂口感爆燈，肉質感覺嫩滑，好想再來多兩件，大讚。點餐時按個人喜好選擇唔火炙都ok。牛油果配搭帶來清新感，不過朋友稱唔識欣賞，圍邊一周嘅魚籽配襯得好靚，仲有小量海膽同蟹柳絲。最後講一講，加埋枱上飯素口感更佳。飲品方便，有波子氣水或果汁或酒類， 不過食到濟濟地嚟罐氣水gur吓氣，直頭爽曬。…Read More

呢間餐廳朋友話好full，食下午易啲有位，食下午都無問題吖，反正餐牌一樣，而家仲有8折添。德國咸豬手呢團火不得了，有燒到我的食慾😋 打破豬手=食落口係肥嘅定論，豬手皮脆到食薯片咁，罪惡感細好多😎 欣賞完視覺享受，仲會拆埋骨，讚👍🏻食落啖啖肉，難怪不喜愛吃豬手又怕肥嘅友人都話一定要嗌呢個。慢煮甜酒燴和牛面頰睇落份量好似小小，但好味道嘅。淋口嘅面頰根本唔洗用刀切，加埋大量汁醬配小小醋，小小嘅醋香酸甜，味覺立即昇華，食落感覺亦無咁膩。吃吧招牌拼盤什菌、蘋果肝醬、三文魚莎莎、蟹肉牛油果、煙火腿蜜瓜。 看似普通嘢，汁料同口感顯見有用心配搭，每食一件都有驚喜。 我最愛係蟹肉牛油果，牛油果成熟度岩岩好，牛油果軟軟嘅口感，加埋脆卜卜嘅皮，極有層次感。啤一啤是常識吧！接骨木Whiskey 👍🏻👍🏻👍🏻這是朋友人生味道，是甜的，極易入口🤩甜甜得嚟沒有蓋過啤酒味道。是我推薦的山楂啤選擇了這特別的配搭，是飲著我人生的味道，酸溜的😆 山渣味道重，啤酒味也很重，我還是喜愛帶甜味的🤣成餐飯充斥食物香味，隔離枱上菜嘅香味，好想下次試試隔離枱嘅菜式😍提提你想食晚餐，記住訂枱😎…Read More

豆腐花一定要滑，食完個口唔鍾意有澀味。仲有碗豆腐花唔鍾意賣果個人不到碎濕濕同散收收。呢間好滑豆腐花只係8蚊碗，仲有唔同口味嘅豆漿。市區都可以買到好味腐乳，忍唔住第晚已經腐乳撈飯，仲撈咗兩晚，如果你唔鍾意腐乳就唔會明點解咁開心🤣 腐乳唔係只有咸味，係一種特別嘅香味加咸味。呢樽腐乳沒有苦味，軟硬度適中。揀咗辣腐乳，辣度亦溫和。豆腐花除咗滑口，介紹幾樣啦…唔hard sell喇冰糖豆腐花微甜嘅冰糖，味道更能吃出豆香。甜味唔會殺喉薑汁豆腐花聽說有風唔覺得薑辣，究竟係咪我有風呢🤣薏米白果豆腐花呢個配搭第一次食，重點薏米煲得夠軟身，咬口不錯。 朋友就喜歡，我覺得口感複雜左小小。紅豆沙豆腐花長輩搶手系列，紅豆沙起沙㗎，好足料，有連子，豆又林，無乜牙老人家表示good。黑芝麻豆腐花芝麻糊仲有分明夥粒，但係滑脫脫的，仲好香芝麻味道添花奶豆腐花桂花冰糖豆腐花 我好鍾意飲豆漿，呢度豆漿唔太甜，味道有得揀，貪新鮮試新口味，薏米豆漿、燕麥豆漿淨飲豆漿唔夠飽，試試呢兩款，都幾創新，不過唔可以飲太急材料會卡住樽口，證明幾足料。無糖豆漿少糖豆漿…Read More

突然之間朋友叫我上去佢屋企食飯兼攻打四方城，突然加多兩個人食飯唔夠餸，斬料係最基本。人生路不熟，見到邊間多人買邊間應該無錯㗎喇。話曬街坊生意吖嘛。 睇一睇門口嘅牌，半隻雞只係30蚊，哇…好平喎。斬半隻客家鹽焗雞。仲跟埋醬料添！客家雞通常啲人叫咸雞，咸味充足唔會過份咸，送飯正。雞肉都算滑㗎！ 唔好以為平係食雞骨，都多肉㗎！燒腩仔姐姐話岩岩出爐好正，事但啦，斬半斤吖唔該，仲脆脆地皮， 味道都係唔會太過咸，原來半斤斬埋唔係太多，少食滋味多。我連介辣都唔洗用都夠味道。燒鵝斬上壯，以為呢樣係最小份量，一打開都迫滿一個盒。 仲有燒鵝汁，麻煩伯友翻熱淋上面，伯友仲用秘密方法翻熱埋隻鵝添，個人覺得4樣嘢最正隻鵝，因為皮脆，好怕食鵝啲肉「鞋十十」 伯友翻熱完咬落有現場即食口感，味道香。 最後係我本身唔睇好嘅叉燒，我衰以貌取叉燒。 原來佢好有內涵，雖然無蜜糖掛住，啲汁得小小，將舊叉燒點下啲汁，樣子柴柴地竟然滑口，雖然切得唔算厚，都有質感的！ 我仲將叉燒汁撈飯添。總括254蚊買到咁多燒味，真係算好唔錯喇。如果我屋企樓下有呢間，我實幫趁燒味飯22蚊盒咋。…Read More

在手機跟朋友聊著，很想念旅行的炸雞，已經很久沒有衝出香港去慰勞胃口。立即成行去銅鑼灣，痛快地來一個炸雞放題。 午市放題成人$128任吃炸雞、pizza，同行大胃王要求加每位$20，食多幾種味道焗雞及小食。雖然寫焗雞，但我感覺有些上枱都是炸雞來的😅店員介紹下，先點飲品，需另收費，不過買一送一喔！主角炸雞來了，戴上店舖提供手套，一手拿起炸雞，享受放題吧！ 用心的炸雞，每款炸雞皮脆不油膩，除了我大愛的脆脆脆口感，還要無骨！啖啖厚肉也嫩滑，脆脆表皮配上唔同口味醬汁，個人最愛檸檬柚子炸雞、黃金咸蛋炸雞(推薦給蛋控)我是醬料控，多到滿瀉就最岩我！口味選擇太多，幸好可以數量一件落單，友人有些味道不愛吃，我也不用啃他的份量，太美好。其他口味也一致給讚，濃蒜，味道拿捏得剛好，蒜味不會太搶，也不失雞的味道。蜜糖蒜香，甜甜味中帶蒜香，不太咸，能平衡甜咸之間的味道，讚。韓式，友人表示味道偏咸，咸蟲嘅我當然好受落。甜酸，多肉的情況下，這口味也不錯，你應該也懂甜甜酸酸能多吃一點，放題嘛！我還以為帶辣，但沒有辣的。蜜糖芥末，只嘗到蜜糖，沒有食到芥末搶味感。炸雞放題策略，要一點菜來中和飽肚感，我是負面例子點菇類，友人點沙律才是無敵，還有酸蘿蔔，韓式辣海蜇，可幫忙消消膩。飲品是衝著打卡控來的！ 可惜我們忘記點小冰，味道最後有沖淡，可是那條棒棒是時候出場喇，一浸在飲品裡甜味再度釋放。可惜再大胃也食不下pizza。…Read More

講啲嘢你聽，好多人不喜歡去星馬😂無嘢玩吖嘛。偏偏我要去星馬🤯?!我要尋找兩樣最愛吃的😋肉骨茶 ＆ 😋海南雞飯之旅😋肉骨茶唔同門派和味道，其實最重要係啱自己口味啫😂我喺香港都搵到星馬美食呀！今次專程嚟試呢兩樣嘢㗎，果然無失望。🥢巴生肉骨茶飯一擺落枱都大嗌，好香呀！係我大愛肉骨茶味道，最愛濃郁藥材味，藥材味係香，唔會苦唔會澀味，一手將成碗飯倒落湯撈埋一齊食，真係好滿足。排骨大大件，肉骨茶煮嘅時間咁耐，肉質仲係嫩滑同入味㗎🥰🥢怡保芽菜雞飯喜歡爽口短短而肥嘟嘟芽菜，脆口無青味，近排有研究煮法處理得好嘅海南雞模樣，呢個海南雞合格之上啦！💯 睇下肉皮嘅排列列吖，呢度就唔講咁多喇，處理雞味亦鮮。馬來西亞桔仔水香港飲過味道最夾嘅一杯👍🏻酸甜品控制得宜，最後我連粒梅都食埋呀！以餐廳坐立位置而言，定價貼地，重點係好味，環境舒服，對住落地玻璃同朋友傾計食飯份外開心🤗 …Read More

爆多蟹籽 爆辣冷麵，有密集恐懼症，但又好鍾意食，之前食咗次嘅辣度，今次嚟挑戰版加辣，想埋爆茜🤣位於商場1樓小鋪，位置都易找到。只限外賣。首先拉麵底，自由揀餸，講埋要咩辣度就由職員開始加醬撈撈撈埋一齊。會問我要咩醬料多啲都可以講，中辣吖唔該，其他醬料正常。最後勁治療嘅一層蟹籽，正！拿回家吃，蟹籽滿瀉，仍然卜卜脆口，一夾拉麵傾瀉般跌蟹籽，真係好多蟹籽，再撈一撈均蟹籽同拉麵，口感麵質軟軟蟹籽脆脆的。麵又掛滿醬汁，不錯！而辣度不搶口，下次可以繼續加辣。一個爆茜版，仲以為無分別，原來夾埋荽茜食香好多㗎！ 仲多一份爽口感覺tim。而餸嘅方面，我揀咗牛肚 蟹柳 魷魚 丸類 拼盤，呢盒餸都可以加辣㗎， 避免辣上加辣呢盒餸要唔辣。 樣樣份量小小拼埋一大大大盒，好似有啲貪心添。 食料有切成細細咁每仲都充滿醬汁，除食材本身味道，仲有咸咸甜甜嘅味道。每盒拉麵份量都多㗎，當晚餐食都ok!因為有小朋友叫左一包唔辣嘅拉麵，對於大人嚟講唔辣就相對無咁吸引喇。…Read More

如果去唔到台灣，又想食半筋半肉...喺香港揀台灣嘢食就係咁簡單，新開嘅桂花小幸，等位半個鐘都值得㗎！手機落單也很方便。想念台灣 小不了一碗紅燒半筋半腩牛肉麵+養生清燉牛肉湯筋腩比例各半，雖然大大嚿肉但一啲都唔硬，筋嘅部分厚身得嚟夠林兼有口。揀咗台灣麵 麵嘅份量都多，重頭戲湯底看似清澈，實情濃郁藥材味道，朋友一口氣飲到見碗底才罷休。古早味鹵水拼盤一上枱熱辣辣，有牛肚 牛 雞翼 雞蛋 ，食材嘅中心都有鹵水嘅味道，唔係拖過鹵水就算，誠意攞滿分，抵讚！呢碟樣樣有小小岩曬我唔想食咁飽可以食啲其他小食。所以次次都食麵飽嘅我，今次終於發掘到另外好味道嘅嘢。現做煎餃子好瘋狂，煎得靚唔在講，一咬落去爆肉汁唧到周圍都係，咁岩我著白色衫，都唔知嬲唔嬲豬好😅椒鹽花枝丸每粒size都大，很易感受到外脆內彈牙口感。桂花雞翼個人很喜歡桂花糖跟雞翼配搭，都搞唔清自己係鍾意雞翼脆而滑嘅肉質定桂花糖味道。 還有桂花糖內的一片片忍不住欣賞一會。芝士奶蓋哈里山金萱奶蓋甜度恰到好處，配上茶香一點都不膩。脆脆阿華田整體看下去很深色，阿華田味道夠濃，飲品亦算大杯。…Read More

去同朋友拜年前，點都要打個底。上去人哋屋企輕食最岩。作為過氣荃灣友識去邊條街搵食經過Lucky Smash，不停有人排隊，行到門前香味撲鼻。仲拎埋個意頭，叫行運漢堡同店員短短傾計下，知道原來係burger joy副線，難怪咁多人排隊 ，而家唔洗去港島都食到喇。只有外賣嘅餐牌選擇簡單，原因重質不重量，所以好快揀好食乜嘢。我哋唔想食太多炸嘢，揀咗1個餐加多個包已經好足夠輕食。現場睇住漢堡即叫即做，睇住煎漢堡飽、煎牛肉、薯條即炸包起，安心食用，雖然人多等外賣，等候時間不超過10分鐘，認真快手。汽水係罐裝，我就比較鐘意罐裝嘅,岩曬。set 1 雙層芝士牛肉漢堡 薯條 飲品$98打開包裝，漢堡厚身，我差小小個口唔夠大一啖咬落去，醬汁一啲都唔吝嗇，睇相都知爆汁，仲有滿瀉邪惡嘅濃味芝士，漢堡口感實淨咬落去肉質不鬆散，也充滿肉汁。 漢堡之間配菜蕃茄洋蔥配搭充滿口感。薯條較幼身，份量算多，即炸起望住係盤嘅樣子一條條撐起真心吸引，炸起就包住應該焗林左，有啲唔開心享受唔到最佳口感。芝士牛肉漢堡$58少一層牛肉漢堡層亦不失禮，女性可以食得有儀態啲😆鬆軟麵包我最鍾意，唔會係麵包頂到飽，份量岩岩好。少一層芝士無咁濃郁芝士味更能吃到牛肉嘅香味。 …Read More