SfKevin's Profile

適逢就黎中秋,好多人都要出街做節,所以條街一黎多人左,二黎就係餐廳多左人,我呢d自己一支公去食飯,坐人一個位唔係咁好意思,所以今日去左foodcourt慢慢揀慢慢食,每次黎到foodcourt都有個魔力要食pepper lunch,因為佢既香味真係太霸道喇,一行到入foodcourt,已經香氣十足,食個腦都係諗住佢既牛肉飯！見咁耐無食,咁就食下啦😆😆經典牛肉飯！等左唔係好耐,大概十分鐘到,個飯就有得拎！鐵板好夠熱,牛肉炒兩炒已經食得,加d蜜糖汁甜甜地仲好食😄…Read More

又去到金魚街搵野食,其實今日又要出去做野,只係夠時間搵d篤篤野食,前幾日食完燒賣,今日就唔太想食啦,m記包細左又加左價,又唔想食喎,諗下諗下就好想食豪大大,有時都會行過食下雞脾食下薯條,雞扒就好耐無食喇,要塊輕量級啦！超辣粉！阿姐做野好快手,好多塊雞扒已經一早排左係到,唔知擺左幾耐呢,不過仲熱既！好耐無食,一食就覺得同以前個味唔同左,雖然你可以話佢係雞肉,都食得出雞肉味,但同時都食到個份雪味,頭一兩啖覺得ok ge,但後尾愈食愈難食,同以前d味唔同左,一開始仲驚輕量版唔夠,好彩都勉強食得晒…Read More

話說平時無無聊聊放工係大角咀搵野食時,有時行過都會見到呢間前家樂,其實佢都開左好耐,應該都唔錯,有次咁岩同同事傾開,原來大家都不謀而合想試下,擇日不如撞日,夜晚收工就去左😄店員介紹食醉雞,2個人,本身諗緊應該叫半隻定一隻,最後都叫左半隻,因為想食其他野😂,再叫唔同既邊爐料：響鈴、炸魚皮、日本廣島蠔、豚肉、羊肉！再叫左大藍妹啤啤佢😆醉雞一上枱就已經好香！落埋雞,等佢滾,同朋友傾計,見到like下fb再share就有可樂,仲要係枝裝既！咁咪玩下😆枝裝可樂係童年回憶黎！響鈴同炸魚皮都係伴酒菜,打邊爐一定要啤啤佢啦😆👍🏻蠔好大隻,都幾好食幾爽口！值得一讚係雞肉好嫩！我仲驚掛住同fd傾,唔記得夾起d雞會煲老左！豚肉好大碟,比起其他出面既餐廳大碟好多！豚肉肉質好彈牙,唔錯👍🏻不過我自己最鍾意既係呢到既羊肉！羊肉唔會好蘇,配埋花雕酒特別香,有時麻煩鍋反而搶左羊肉既蘇味,配醉雞湯呢個新穎配搭我鍾意😊…Read More

今日又要出去其他公司做野,去到銅鑼灣,通常食野比較貴,未到lunch時間,就會問定呢到既同事佢地會食咩,如果佢地叫外賣,我通常都會搭單叫埋,唔洗落去同人迫嘛！😊佢話佢地叫開呢間興利既外賣,話今日同事都唔得閒落去買,咁我就話同另外一個同事一齊去啦,睇佢外賣紙咁平,門鋪同我幻想既都差唔多！而佢既野食都真係幾平,我叫左呢個黑椒雞扒漢堡意,好鍾意食呢d大雜燴,一次過叫左6個飯盒,有得揀湯或者野飲,我自己就對湯不大興趣,所以叫左凍檸茶,等左大概10分鐘就搞掂,都幾快手👍🏻盒飯比我想像中大,味道就同價錢成正比啦,唔會太難食,下次去銅鑼灣食野就知食咩好喇😄…Read More

打風前夕去食個放題,等打風時要留係屋企都無咁空虛,黎到旺角,大瀛喜係非揀不可,大瀛喜都開左好耐喇,但係長期都好多人等位,可見佢質數有番咁上下,而得呢d醒目既,緊係book定枱,再早到15分鐘,準時入座啦,第一round先叫刺身,刺身種類都算多,而我依舊最愛三文魚,雞翼都好好食,熟食order左既都會黎,黎單好足,不過想講呢到員工上菜好有問題,一係就好粗魯咁拍落黎,轉身走左去,一去就明知你食緊果d野,再隊係你面前,但想講我地3個人,2張枱,另外一張枱仲有好多位,但佢就貪就手放滿左一張枱,咩事！…Read More

上次食完星洲總廚覺得都唔錯,今日咁岩又要經過附近,諗住再去翻灼啦,試下其他飯都好嘛,上次食飯時都雖然見到有好多人都係食咖哩,但好似都有分幾隻,唔太記得,今日黎到比上次多人左少少,今次叫左個海南雞飯！諗住試試佢味,我自己本身都幾鍾意食海南雞飯,一黎油飯香,二黎多汁點,岩晒重口味既我😆今次食海南雞飯都叫左油飯,不過呢到油飯唔算好香,雞望落既色水都幾好,雞肉都算滑,但配醬份量比較少,甜豉油唔太夠,辣味果隻醬個味唔太出,薑油又好似唔太香咁,認真一般,好彩d雞唔差…Read More

今日食lunch時黎到呢間香港冰室,之前聽同事講話呢到過左午餐時間幾好坐又有歌聽,咁我就見今日都係tea time先食lunch就過黎坐下啦,睇下有幾好坐嘛,望望餐牌,先記得好肚餓,叫左個牛魔王！姐係焗牛飯,店員話呢個有牛排喎,咁咪試下😋焗飯黎講唔算等得耐,飯好多,但個牛排呢?原來切上😂ok la,唔算難食既,不過本身對塊牛排有d期待姐😂😂仲以為係好大塊既,不過飯好多,又有薯仔,都好夠飽,同埋d歌都勉強係我年代有聽過,無咁悶囉…Read More

今日陰公遲左起身無時間食早餐,老闆仲要同你講手頭上既野急住要,咁姐係叫我唔好去食lunch la,ok,真係忙到傻左😳,落去樓下買個飯,因為真係太肚餓,今日去左齒留香,齒留香真係陪左我係呢間公司成長,以前ot成日去買飯,但近呢年都好少食,今次叫叉燒燒肉飯,盒飯一拎上手,細左咁多既！雖然一打開見到佢個樣都知好食,但飯少左既對於飯桶黎講真係好傷心😭加左價,飯少左係咩意思😭😭個心沉左一沉,正準備食我既午餐,一食落口,叉燒都無以前咁好食,燒肉仲ok,不過個飯無以前食完再想食多d既感覺,齒留香不再留香了,希望咁耐無食下次有改善啦！…Read More

今日又去金魚街行街,行完約左人又未夠時間,咁咪諗下有咩食,諗諗下就想食譚仔喇,咁咪上黎探下d阿姐,腩肉小辣唔該😆由於星期六,都幾多人,3點幾都要等大概5分鐘,不過平時都差唔多,平時我自己食譚仔,多數叫2餸再加一碟小食呀,不過今日唔係好肚餓,又買左支野飲,所以就叫左一餸過下口癮,見到佢有多一餸送,不過要叫2餸,再送多一個餸,全盛時期既我就食到😂😂姐係佢叫我再番黎食多次囉！寫下寫下都有d掛住佢隻皮蛋,下次再去食😏…Read More

好耐無食放題,諗起食有質素既放題都係諗起大喜屋系列,然後就諗食邊個level既大喜屋,今次揀左level 2既極尚啦,極尚雖然有得book位,但係去到都要去等下,8:30果場,一叫叫左差不多150張枱,第一round先叫刺身,成盤ko無難度,去到第二round叫熟食,都仲有一貫水準,依舊好食,值得既係呢個芝士蠔,芝士味十足,食到lamlam利,雖然我不嬲都主攻食物質素,有haagen daz同movenpick食都幾好但問到同行朋友點解唔鍾意食放題,佢話係因為個個食放題既人都好似狂食食飽自己,而店員又要做所有野都好hurry,落單,收盤,last order,收錢等等,無左enjoy食物既時間,我睇番成場,又真係好似係,所以今次為朋友比一個😓…Read More

同朋友今日突然好想打邊爐,佢話之前食過呢間幾好食,咁就帶我黎食下,晚飯時間,都算多人,大概十枱係門口等,但我地都好快,等左大概20min就入得～入枱之前姐姐會問要邊個set,咁我地揀左有刺身又有海鮮既set,本身覺得都幾貴,但一坐低就黎晒咁多海鮮,就覺得心理平衡d,牛肉唔錯,魚生都大概食左10碟,我地2個人,張枱長期都係擺滿野食,其實都有d唔好意思哈哈,不過牛肉既質素都唔錯,雖然係貴,但都貴得合理既咁多野食～…Read More

又來到紅茶,上次見到好多人食焗飯！咁身為焗飯頭號粉絲既我點可以唔試呢！今日比平時少人,排隊唔洗排好耐,我就急急腳入左去喇！今次叫左個咖哩焗雞扒飯,好肚餓！焗飯故然要等得耐d,個飯一黎到,已經好想開始屍殺佢,但係太熱要等多陣先😂咖哩色水係比較深果隻,雞扒都好大塊,以佢係用最傳既焗飯兜,所以去到個底既飯都好熱好熱,其實整體黎講個飯都好大兜好食,不過佢無一種食完再想食果種咖哩既惹味,唔知點解呢,可能佢既雞淹出黎同個咖哩味唔太match掛！🤔…Read More

今日行過旺中,諗住搵下野食,成日聽人講話南記好好食,我自己就未食過喇,咁d人成日話好食,咁咪試下囉,入到去,見到有下午茶餐,咁就叫左個酸辣湯米線,有招牌春卷同埋魚片,酸辣湯都幾惹味,值得一提既係佢下午茶餐都幾多餸,魚片爽口彈牙,我平時麻麻地食魚片,但呢個係食完可以再想食多一塊,唔錯唔錯！至於招牌春卷,真係幾好食,呢d係咪叫魚腐,食落有d似鯪魚肉,但又無咁腥,又唔會太黏口,都真係唔錯,仲有野飲送,可惜真係下午茶份量,食完唔太夠！…Read More

記得以前讀緊書時,大家都無咩錢,出街食飯就會去foodcourt之類坐得耐少少既地方,同埋搵d大件又抵食既餐廳,kfc當然係細路既其中一個選擇啦,今日同朋友心血來潮,2個人走去開左個桶餐！哈哈,對於2個大男人黎講,肚餓少少既話2個人食個桶都唔算過份既,雖然好耐無試過,第一時間當然係嘆左葡撻先！之後再慢慢食雞,一路食雞,一路再食個雞皇飯,一次過食晒咁多野都幾爽,唔洗好似好多人夾時食得呢樣食唔到第二樣,不過食到最後2件雞都真係會好飽,為左唔好曬野,我地都係頂到最後,食晒成個桶餐👍🏻…Read More

落左成個星期雨,見今日終於停雨,緊係行遠少少搵野食,行左過去太子警署果邊,之前都聽過人講話好多野食,見到呢間山東餃子好似好吸引,就入黎試試,今日想食d香口野,就叫左煎雙拼餃,津白鮮肉餃同埋青素水餃,我自己本身都幾鍾意食餃子,尤其是菜肉餃,呢間d餃子即叫即煎,所以都要等一陣,不過都無所謂既,最緊要煎得好食！餃子煎得幾香脆,唔會好油,菜幾新鮮,連埋肉食好有咬口,唔錯👍🏻青素餃就專登叫黎中和番平時食煎餃既油膩感,估唔到都幾足料幾大隻,下午茶時段都係40蚊左右,幾抵食,可以再黎👍🏻…Read More