ormarco's Profile

差唔多個個星期weekend幫襯早餐，比高少少價錢，買一個舒適的環境，其實有能力的都唔介意。雖然早餐種類都較為單一，但合自己口味。好可惜，同大部份香港食市一樣，後場點樣努力，都會比一兩個樓面搞衰。餐廳政策可以係用餐1小時45分鐘，但主管可以在未到一小時，用行動來話比你聽佢想你交枱。問你d野到齊未啦，需唔需要加單啦，收晒你枱面d餐具啦。作為一個本地人，如餐廳大大方方講因多人等候，想預早執拾，我哋係唔會介意同"識做"基本上康城分店大部份員工都好好態度，今次不知道是否主管心情不佳或受出面等位的人壓力，其態度同面口都差勁。令我依個顧客假日一早都心情不佳。作為食客，真係替廚房及其他員工不值。為免自己受到影響，唯有以後減少光顧或到其它分店一試…Read More

早年開店試過一次，覺得品質素同價錢不成正比。今次突然想食鰻魚，又比多次機會佢。今次食係埋單$133的雙層鰻魚丼套餐(波菜、汽水(長話短說：1. 食品款式多左好多，有好多牛肉、串燒同炸雞等較平價的選擇。但今次不是我的目標，不預置評2. 服務。落單位姐姐仔都算正常。有反應，無落錯單。在門口搞鰻魚飯連送上枱果位姐姐，就真係全程木面。觀察到佢永遠係唔會將食物放到客人面前，只放在最近佢的枱邊位置就行左去。我都要自己攞返碗飯埋自己果度。收銀/主管姐姐，同大部份食市一樣，我汽水同飯都黎左，提一提佢前菜未黎。就即刻話係第二邊出，係會咁。雖然佢有即刻跟進，但對於唔係亂咁催單的客人，佢只需答一句幫你跟跟已禮貌十倍3. 食物份量係夠，但質素唔得。鰻魚都係整定再返熱，而返熱又好似唔夠火咁(我其實無睇佢點返熱)，總之好似我去超市買去reheat咁。肉偏向淋至爛，皮就太軟，食時好易皮還皮，肉還肉。點都唔似燒鰻魚。4. 結論: 盡量不會再幫襯，價錢其次，服務及招牌菜出品唔得。…Read More

一段時間無去，好似食品選擇同服務都比以前差。星期五晚市，為左想食片皮鴨而去。服務：一坐低比個QRCode，無主動提供實體menu其實都可以，但手機上個menu係完全無圖片的，好難入手，所以見不常到的客都要個實體menu。食品選擇：一張主menu加一個甜品nenu，沒有了set，沒有片皮鴨，真係沒想到的情況。去到為的是片皮鴨，只怪自己想當然就入內。環境：溜冰場開了，又有曲棍球練習，成個場都好嘈。開了一段日子，卡位椅子破了也沒修補。食品：今次廚房好似制鹽的，羊肉及鱔糊都好淡，羊肉孜然粉有落，但無鹽味。鱔糊有色有大量韭黃但無味，剩食無叫飯伴食都覺得淡，真係好神奇。整體上評分係中下，本來想要的片皮鴨沒有了，叫了其他食品，除了小籠包保持水準，其餘都有d失望，所以無再追加甜品…Read More

疫前幫襯過，覺得幾好。今次再食，都只係叫左一字排加白飯。地方比以前整齊，有籃放袋。湯的藥材味濃，保持水準。但比以前落少左鹽，淡左。可能客人要求健康d，但少左咸味就帶唔出個湯應有的香味。一字排煮得過火，浪費了一字排，有d硬。希望只係一時失手。一百五十幾蚊黎講有d失望。…Read More

香港餐廳通病，食材ok，出品ok，但樓面破壞成個體驗。再加上staff特別提醒加一服務費，形成強烈對比。在沒有人排隊的門口等左一輪，由於沒有staff在門口招呼，所以行入兩步自行掃左安心出行先，咁都要比經過的職員"指導"要行返出門口等，真不是味兒。用QRCode落單，大部份流程自助，唯一體驗到服務就係餐具明顯水積，另外追單時第一回應唔係"幫你睇睇"，而係item有落到。All day breakfast技術含量不高，主要食環境及服務，其實如果有選擇，我係唔會比10%服務費。…Read More