董情's Profile

不經意係Facebook見到Zishea_既fan page，見到D相都好吸引，便約埋兩個姊妹來試試。地點好易去，就係加連威老道龍城藥房樓上。我地Book 左星期六3:30pm，一進入Zishea_好清靜，好乾淨當日只有我地一檯客，所以成個場比我地玩哂。好多打卡位，感覺夢幻，價錢唔貴，服務好好，最重要感覺到係好有Heart去經營。食物方面，每人共11款食物，鹹點五款、甜點六款 (每位$225)，每日只招待16位客人。1.法式焦糖鵝肝2.挪威煙三文魚多士3.蟹肉餅配蜜糖芥茉醬4.田園蛋沙津牛角包5.西班牙火腿配蜜瓜6.Strawberry mousse cake7.法國熱情果芒果千層&特濃朱古力千層蛋糕8.法式馬卡龍9.藍莓鬆餅10.手工朱古力脆片11.夢幻花花Cupcake每位包一杯水晶球特飲/蜜蜜花茶無限添飲咸點同甜品係分開兩個架，味道好好，個人喜歡咸點多一些。只收現金，我地竟然無咁多現金，又無得碌卡，好彩有得PayMe，實在太方便。仲有個小露台方便吸煙朋友。場地仲可包場同成班姊妹來個閨蜜Party。我都想係度搞個公主生日Party~~…Read More

呀男人生日，辛苦搵來至在食，問佢想食咩，通常都話無所謂，知佢鐘意西餐，選擇左位於登龍街金朝陽中心30樓既餐廳同佢慶生，預早兩星期已經Book 定位，當晚去到Reception 靚女帶位，係Window Seat ，個景都靚。睇完一輪Menu ，揀左$1,388 二人餐，兩款前菜，兩款主菜，甜品，有湯有Drink ，Staff推介生蠔，呀男人order兩隻，我自己就興趣不太，呀男人食完話超正，仲話靚生蠔係可遇不可求。前菜小食揀左帶子同埋Tuna ，主菜揀左墨汁意大利飯同埋慢煮三文魚，其實Steak 係必食，但小妹唔食牛，呀男人想Share 試多D 唔同野，所以無叫Steak。睇落Portion 唔算太，個其實好夠食，而且用料真係靚，賣相又吸引。甜品platter有蛋糕，有布甸，其實好多。加$38寫生日牌係包埋噴火蠟燭，咁其實又唔算貴。Staff 服務都唔錯，做到Fine Dining 既Level ，同你Greeting，會介紹Menu 食品，會問你對食物意見，會不斷refill 水，會換碟，會留意住客人食既進度上菜。最欣賞係上甜品時，呀男人電話突然響要講公事，個Staff 見到，原本已經捧住個甜品轉彎去第二邊，呀男人完全無察覺，等到呀男人講完電話先再上甜品，成件事好自然。未點噴火蠟燭前會主動同你地影相，然後點火之後又狂同你影好多張相，老實講如果影得唔好咪 自己delete羅，咁多張點都有幾張呃到Like 既，其實staff真係做得好好。埋單 $1,388 (2人餐) + $136 (2隻蠔) + $38 (蛋糕寫字 & 噴火蠟燭) + $78 (Sparking Water) + 10% = $1,804老實講$78 支水預左比人賺，去得呢D地方，呢D錢就唔好計，人地交租都要。平均每人$900 ，正所謂一分錢一分貨，食物環境服務都好好。辛苦搵黎至在食，間中同最重要既人豪一次，見到呀男人咁開心，值得既，我地兩個飽到第二朝都仲好飽!!!…Read More

其實都鐘意打冷，但又怕地方污穢又座得唔舒服，朋友推介來這間位於砵蘭街180+商場食打冷。地點好方便，朗豪坊行過去只需兩三分鐘，而且餐廳環境好新，座位又寬敞，我地一行4人 (3女1男) Book 左7點，仲安排有卡位。上菜好快，而且整體都好好味，4人叫左6餸1湯加一支啤酒，盛惠$729，每人$182左右，仲要旺角區，真係算唔錯。洗手間都算乾淨。食到9點幾無摧還檯。服務都幾好。值得Encore。臨走見到已經座滿全場，好野自然客似雲來。…Read More

Afternoon Tea 每日2點半開始，對上一次3點幾去食唔到，今次約埋姊妹一行3人，預早去排隊，我最早去到，1點半已經去到，門外已經有拉帶     for 排隊，  reception 姐姐叫我2點左右黎排，既然到黎到，1點半都照排，仲係排第一!!!—邊玩下手機，姊妹到齊已經1點45分，開始排左3-4 group，去到2點已經排左8-10 group ，好彩一開始無走開。到2點多，Staff開始點人數，到2:20左右開始入座，由2:30計起食個半鐘，由於我地排第一，可以揀到Booth Seat 。然後全餐廳都坐滿了，有幾       group 客人要留waiting list 等到4點再黎了。我地3人都係細食組，所以3人叫左2人afternoon Tea Set再額外一杯drink ，份量剛剛好。不論咸點甜點都好有水準，好好味。Staff 都不斷幫忙飲品加水。不過，冷氣大小小就更好。食物等左成20-25分鐘，影相又用左10分鐘，真正食野時間真係唔多，不過都夠時間。整體都滿意。…Read More

與好姊妹食生日飯，滿心期待，但比預期差。早10分鐘到左，但未夠鐘，明明有位都唔會比入，企係度等。地方很細，而且冷氣好唔夠。食物要等好耐，三個人叫左兩個Set 另外叫多杯飲品，其中一杯飲品等到差不多食完都未黎。侍應係妹妹仔多，無咩經驗，感覺真係一間普通Cafe 一樣。但雞翼的確美味，醬汁好得，值得一讚。意粉，蛋糕也很好。…Read More