yiplee27's Profile

天氣咁熱，正正常常隨便食個下午茶，加杯凍飲已經冇要求。食物質素唔係今次食評重點，免費加料同火氣十足的服務態度，相信係呢間店既特色之一。食到咁上下先發現，原來加送鮮炸蟑螂即刻叫個收銀呀姐黎睇。呀姐應該見慣大場面，佢一望，搵隻手碎左2下就掉左落地。佢好冷淡加高傲咁問隻野邊到黎，你地想點，一句唔好意思都冇。佢仲非常好心地話換過啲薯條俾你，但錢就照收，真係好窩心。隻野岩岩先係啲油炸死，你再炸幾多都唔食啦，個呀姐再話咁唔收你食物錢，但凍飲錢跟正價照收(24大元)，真係好窩心x2。 朋友堅持唔會比油炸蟑螂個餐錢，呀姐立即盡責地將所有食物同飲品一下收走哂，並附送黑面一塊。夏日炎炎，餐廳似乎想加旺客人火的感覺。我就唔會有下次，但想挑戰自己個胃既人不仿一試，祝各位好運!…Read More

晚餐隨便食的一餐。 見到呢間美心選擇都比較多元化，決定一試。叫左2個餐，晚餐連飲品，唔洗加錢。價錢尚算合理吧。1. 白咖哩豬扒飯咖哩汁係比較稠，但食起黎唔濃味。好唔好食就因人而異。豬扒雖然係厚切，可惜外硬內韌。想練習牙力可以一試! 雞蛋上餐時已經凍左。2. 酸菜魚牛肉米餐配料足，可惜主菜少，魚片3塊，牛肉是肉碎，需要自己整合先可以食到一啖肉。湯偏咸，當想飲啖可樂中和一下既時候，發現可樂竟然冇汽，唯有當糖水飲。…Read More

香港少一間就冇一間既鐵皮檔，得閒路過就試下，叫做幫襯過，咩都試下啦。餐牌簡單，食物選擇不多，有選擇困難症既朋友黎到唔洗驚。叫左一份西多士，豬扒三文治(烘底+$3) 同一杯凍鴛鴦，埋單一共$64。飲品沒有跟餐價，一定是散叫，所以價錢唔會比茶餐廳平。食物上得快，就豬扒三文治為例，麵包同豬扒都仲脆脆地。 不過麵包面積明顯比豬扒大了一點，可能..是為了讓你感受烘底面包的脆.......侍應姐姐態度親切，食的是街坊人情味，不計較才能吃得開心吧。 :)應該是隨店養的黑貓，默默的伴隨著大家。…Read More

放假因為行錯路而發現既一間小店，search完Openrice先知，原來都有幾間分店，見lunch time人少少，一於試下!叫左2個最平既餐，吉列豬寸扒定食同炸雞定食，$48蚊個餐包埋凍檸茶，抵食之選當日係即叫即炸，食到尾都仲係熱既，幾好!唯一留意既係，搵完位要出返收銀員到落單，如果唔係坐係到唔會有人埋黎幫你落單。拎餐都係自己出去拎，自助日式快餐店。 當然咁既價錢，自然要求唔好咁高。 整體都唔錯既!吉列豬寸扒定食炸雞定食…Read More

之前都幫襯過其他連鎖式一人燒肉店，不過一般都要排長龍。假日6點左右咁岩路過又發現一間，難得唔洗排隊，一於入去試下。今次叫左2個餐。既然有幫襯同類食店既經驗，就難免一路食一路會有比較。😂肉可以按自己食量分配，不過飯就係定量。跟餐泡菜/枝豆如果分量可以多啲就更好。款式都比較多。不過跟餐既肉切等比較厚，有點難燒。再追加19蚊既牛腹五花反而係薄切，好食!未夠7點食完埋單，出面而經出現一條小人龍，所以店員已經好有禮貌咁，準備所以野幫你埋單😎尚算親民既價錢，店員態度都唔錯，有機會都會再試…Read More

今次叫左個酸菜魚米線外賣返屋企食。外賣加1蚊，收銀姐姐仲問要唔要分開裝，咁問得，當刻梗係答分開裝既。 不過收左錢先知，原來如果分湯同麵裝，又要加1蚊。最後埋單$58+$2=$60。分量夠哂足，大大個麵，酸菜同魚既分量都好夠。味道都ok!正正常常又一餐。…Read More

裝修有幾靚都好，唔好食就係唔好食。仲諗住坐滿哂，多人食應該係好野，所以都決定一試。早餐價錢計埋野飲都已經40蚊個餐，唔係平架。早餐通常食最大眾，應該係最冇特殊技巧的餐。叫左2個餐，一個A餐，一個C餐。上菜快，可惜啲野黎到係唔熱既啲牛肉同豬扒，整到林得太過份，完全食唔到肉既感覺...公仔麵黎到都未煮好就上枱，睇完成個麵餅既時候都真係無言，個湯唔熱，個麵浸幾耐都冇用。 麵包唔熱，要成pat牛油咁食落口，真係好難頂火腿同蛋都係唔熱。…Read More

今次黎個泰式下午茶，價錢標價親民，不過最後都係有少少失望而回。叫左2個餐: 冬蔭功肥牛金邊粉，冬蔭功海南雞金邊粉，味道ok!凍飲加2蚊，叫左個鴛鴦同港式奶茶。鴛鴦ok! 港式奶茶聞落好香好吸引，不過飲落略甜。叫得下午茶，其實都預左份量偏少，不過真係少得可憐。3塊牛肉，3舊雞，麵少....就算俾多24蚊加左個通菜，碟菜既份量都係好少仲諗住有先見知明，落單時已經係主餐牌攔多左個餸: 香葉鹽燒烏頭，點知食哂啲野都未黎，非煩忙時段都要等9個字先有得食。等左咁耐已經冇心情再評佢既味道...條魚應該都係細魚。留意主餐牌既食物是要加一收費。…Read More

路經一間舊式的甜品店，樓面乾淨企理，見價錢又唔貴，一於買外賣一試。椰汁香芋西米露: 好多香芋，不過略覺得唔夠甜，一路食一路覺得係好健康既糖水 (或者係而家都係手搖飲品當道既年代，出面好多野都係偏甜，飲到個人重口味左😂)蔴蓉花生湯圓: 呢個夠哂甜，湯圓仲好足料，大大粒西米露加左湯圓，甜度就岩岩好外賣冇加外賣盒錢，份量又足，小店值得支持，亦都有不少老街坊會係到食，雖然糖水款式唔算多，但下次有機會都可再試其他款式。…Read More

之前一直都係買外賣食，覺得午市份量都幾多，次次都食得好飽。不過外賣始終不及堂食好，啲餸拎到返屋企會林左。今日難得放假有時間，就一於去食堂食。堂食確實係比較好，不過份量比較失望，配料份量少左好多，叫左個3餸，每樣餸大概3-4粒就完，冇外賣咁多。食完只能話岩岩好，冇左好飽既感覺。假日去食，午市要加一。不過外賣都會收外賣盒錢。留意午市係去到5:00pm, 但好似4:45pm就會cut單。想食午市(不論堂食/外賣)就可能要提早少少入黎買。…Read More

諗唔到食咩嗰時，茶餐廳就係最好既選擇。今次叫左2個簡單既餸。加個飯同野飲就搞掂一餐。密椒薯仔牛柳粒: 偏甜清蒸倉魚: 唔錯，已食過好多次飲品: 都係偏甜，每次都要記得講少甜請睇相…Read More

今次去到深水埗一間樓上火鍋店，都係6點黎就開始人多，6:30pm左右就坐滿哂人。火鍋配料都算不失不過，食材都新鮮，最抵食就梗係加1蚊有個湯底啦，每款配料價錢都合理。不過茶芥，醬料，加一，加埋都唔少。正正常常，沒太大期望，就唔會失望直接睇相。…Read More

2個人hea晚食，叫左3個餸，1個白飯，埋單$351蚊~6點開始就冇位，特別係得2個人食，好快就冇哂細枱。- 風沙雞，食到最後啲雞皮仲脆脆地，真係唔錯!- 螄蚶，略為細粒左啲，不過份量2個食都好夠- 啫啫通菜煲，正常唔錯…Read More