chankyky123's Profile

週末去開新城市廣場，到左中午時間一向都好難搵位，咁岩經過呢間餐廳見到有位，其中一個friend話食過覺得唔錯，所以我地就一齊入黎。望下餐牌，主要有幾款漢堡同埋牛扒，我就點左佢地嘅牛油果漢堡試下，原本以為係vege漢堡，但其實係有肉嘅，牛油果都好多，食落幾Juicy不過講到呢度嘅特點，都係佢嘅薯條放題，因為男仔食一個漢堡其實唔多夠飽，但係佢跟漢堡有一碟薯條，唔係普通嘅薯條，係有少少黑松露嘅味道，黎到嘅時候仲熱熱地幾好味，食完左可以refill 😍P.S. 雖然話係薯條放題，不過其實食完兩碟薯條都飽飽地，或者食量大嘅朋友可以挑戰第三碟😂…Read More

同朋友入長洲，行完一輪之後有d攰，想搵個地方坐低抖下，有朋友推薦去長洲冰室食芋圓，話一定要試，間鋪頭就係海旁路附近，好易搵，去到見到有人排緊，不過唔係等左好耐就有得入去一坐低睇下個menu，都幾多唔同嘅選擇，既然個frd話芋圓係必食，於是我揀左個雪糕多芒雙圓仙草，雖然要40幾蚊係港島價，但係份量真係好足夠，有芒果，有西米同小丸子，有個雪糕球，又有仙草，當然仲有芋圓，所有野撈埋一齊都幾match，d芋圓都好有咬口，下次入長洲都會再黎…Read More

平安夜諗去邊度食飯都幾頭痛，好彩朋友話想內食616火鍋，所以早幾日就訂定枱食過616同食般火鍋嘅最大分別，就係佢有牛嘅唔同部分，仲會好貼心同你講每個部分要煮幾多秒，不過我覺得個秒數都係參考，可因應個人要求煮耐快啲或者煮少啲湯底嗌左鴛鴦湯底，個人覺得呢個最抵，因為院鴛鴦果邊好入味，清湯果邊又有啲牛腩食下最鍾意食嘅係滑尾龍，唔知係佢本身滑定係因為有啲蛋，食落口真係好滑雖然每碟份量唔會話好多，不過都算係quality food…Read More

夜晚飽飽地唔係太想食飯, 朋友話想食米線, 一於去附近既譚仔三哥食因為時間唔係太夜, 所以我地三個人唔係等左好耐就坐低左, 我要左正常吧米線, 朋友就要左個過橋米線, 另外黎三哥點可以唔嗌小食, 所以我地都要左一個尖椒皮蛋同口水汁豬耳朋友碗過橋米線黎左, 黎遠已經聞到個三哥酸辣既湯底, 雖然係好大碗, 但係肚餓既時候一個人食晒成碗都幾爽小食都無令我地失望, 皮蛋好香, 豬耳好爽下次都會繼續黎…Read More

話說朋友係食齋既，所以成日都要陪佢搵啲素食嘅餐廳，而今晚呢一間就係我哋成日去嘅選擇之一，雖然價錢係偏貴，大概要$300一個人既晚餐，但係勝在佢有咖喱蔬菜白飯同酥餅，食落感覺唔會太似食緊齋（特別適合啲要陪朋友食齋既朋友黎食😂），酥餅亦都幾多件同埋好飽肚，所以雖然我本身唔係特別好食齋，都食得幾開心，朋友自然就唔洗講啦。之前試過去佢銅鑼灣嘅分店，果間面積比較細，而呢間尖沙咀嘅分店相對黎講大好多，所以都坐得幾舒服。…Read More

老實講我之前食過一次，覺得好一般，今次再同同事嚟食，仍然係覺得質素一般，飯唔係日本米，亦都非常硬，咖喱汁同豬肉就正常。佢好嘅地方係有兩種茶任飲，分別係柚子茶，同埋生薑茶，同行嘅朋友就好喜歡，話喺中環地方有一個$60-$70嘅飯食已經好抵啦，仲想點呀？呢度既餐廳環境亦都比較細同逼夾，坐得唔係好舒服，我哋好快食完就走左啦。…Read More

呢一日嚟到南華會練習哥爾夫球，練習之前食返餐飯先有氣力打。同事帶咗我嚟依間燒鵝餐廳，就喺南華會嘅保齡球場隔離，食完可以即刻去打番場保齡球，唔使行嚟行去，都幾方便。我哋叫咗半隻燒鵝加兩碗白飯兩個人分，燒鵝嘅質素高，兩個人分價錢亦都相宜，睇住人哋打保齡球食燒鵝，都係一個幾特別嘅體驗…Read More

都有一段時間冇去過長洲啦，呢一日風和日麗，決定同屋企人去長洲行吓，順便搵下食，行咗冇耐就覺得有啲攰，於是搵左間餐廳坐底，亦即係根記粥麵店。喺網上見到佢都係長洲一間幾出名嘅小店，價錢方面唔算好貴，我哋試咗佢既生滾豬肉片粥，粥底做得好綿，因為我本身中意食綿既粥，所以我覺得唔錯。環境方面，餐廳冇冷氣，只有風扇，而咁岩呢日都幾熱下，不過老闆知道我地覺得熱，就好好咁將個風扇對住我哋，所以呢度唔單止有好味，仲幾有人情味添。…Read More

平時已經好鍾意食日本菜，不過有時因為budget所限都會就住就住，所以如果唔係老闆請食飯，都唔會黎呢一間日式餐廳，事關價錢對一個打工仔黎講都真係幾貴，一個lunch平均要三百幾蚊。餐廳位於蘭桂坊，從中環置地廣場行過去都算幾近，面積又夠大，坐得幾舒服，樓面仲好高，呢日既人又唔算太多，好適合同friend/閨蜜一齊黎食同傾下計~我叫左個壽喜燒牛肉煲，伴隨有好多細細份嘅日式前菜，非常飽，味道亦好好，牛肉入口即溶，非常滿意既一餐，下次有機會(同有budget)都要再黎…Read More

今日朋友請食飯，嚟到依間位於金鐘太古廣場樓上嘅西餐廳，我哋叫咗一個套餐，有是日餐湯，牛扒雞蛋，窩夫，同埋飲品。餐廳嘅裝修係外國風格，坐得好舒服，好啱長時間同朋友吹水，但係食物質素我會話係一般般，最大敗筆係個湯，似係飲緊蕃茄醬，朋友叫嘅三文魚前菜反而好似OK（隔黎飯香）。窩夫賣相吸引，但係味道偏甜。…Read More

今日無咩野做，決定同屋企人去飲茶，平時飲茶飲黎飲去都係果幾間茶樓，今日決定試啲新野，同屋企人去四季酒店嘅中菜廳，龍景軒。呢度既位置十分好，就係IFC隔離，裝修同環境亦都襯得起食物嘅價格，平均每一籠點心係$100港紙左右，因為我地唔係好肚餓，所以唔係嗌左好多樣點心，不過飲茶一定要食燒賣既~食物質素方面，我無差嘅意見，但係稍為覺得依個價錢對上依個食物質素係有少少overprice，因為雖然食物係好味，但係未去到誇張嘅好味。🤔🤔…Read More

平時番番下工想飲野，除左去Pantry飲水之外，有時會買下珍珠奶茶，不過飲得多都無咩益。最近知道chater house開咗依間新嘅水果汁店，位置有少少隱秘，喺著名嘅咖啡店後面，呢一日就同同事嚟到試吓，我叫咗火龍果芒果汁，芒果汁飲落去似許留山，而火龍果汁呢就唔係好甜。依度嘅果汁選擇都大概係港幣$50左右，算係貴，但係如果喺landmark一帶返工嘅話，間唔中都可以嚟下試吓，佢仲有好多可以自己加錢加嘅選擇例如 chia seed 同 oatmeal，適合愛好健康既人。果然健康係要付出代價既…Read More

今日同屋企人嚟到四季酒店嘅中菜廳，龍景軒。位置一流，就係IFC隔離，裝修同環境亦都襯得起呢個價格，平均每籠點心係$100左右。食物係好味既，賣相都好精緻，整體黎講都算滿意。不過比得呢個價錢都有expect 啲野食再好食啲，所以覺得有少少overpriced。…Read More

從一兩年前開始就好鍾意去這間餐廳，近排黎嘅時候越來越多人，通常都要排10至15分鐘先可以入到去。餐廳有樓上座位，但係地面嗰層嘅裝修係靚啲嘅，空氣都流通啲。我叫咗我最愛嘅牛油雞翼作前菜，生牛肉河粉做主菜，同埋凍檸茶走冰。野食黎得好快，牛河係一貫水準，有少少可惜嘅係，今日嘅雞翼唔多夠熱，導致有少少油膩，希望只係偶然失準啦。凍檸茶就唔錯。總括來講，餐廳近黎似乎因為太多顧客，水準有少少回落，但係中環黎講，都不失為一間有一定性價比既餐廳。…Read More