celinewong's Profile

門口見到$78 set lunch，所以入去試吓，點知中伏。坐低後，個侍應俾本散叫Menu，問佢先俾lunch menu,。我落完order後，想加個薄餅小食$30左右，個印度老闆即刻話冇晒，叫我嗌個最貴$98嘅薄餅，咁我緊係無要到，迫我要食貴啲。1. 豬肉濕炒河係無味。2.冬陰功河係俾米線，味道偏酸。3.海南雞飯，肉好乾。所謂套餐唔包嘢飲，要加$15，整體來講，唔好食，一般茶記仲好食過佢。隔離有兩個客人，坐低睇完Menu唔啱就走咗，個印度老闆即刻衝過嚟眼神勁凶狠話”正垃圾, 正x佳”頭先走咗嘅客，在場有香港客人喺度都呆左，有其他客人喺度都咁講嘢，真係識做生意。現在真的明白點解香港人不留港消費，係有原因。…Read More

我叫左2餸飯，之前真心覺得係好食嘅，今次叫咗炒蜆同糖醋骨飯，放面上既蜆係開蓋，但放底嘅係全部唔開蓋，起碼有10幾隻係死嘅，咁樣好無良囉，死咗都唔好給客人，要專登放底，以為人哋唔知？下次真係唔會再買，出面有好多2餸飯選擇！…Read More

食物係可以的，員工將豉油倒落小朋友同我身上，我哋嗰日邊度都唔洗去。事後還態度好差，一句對唔住還好寸嘴，我知佢哋有好多生意唔休做，特別係遊客生意，除了食物，員工態度都好重要的。…Read More

環境好懷舊，食物質素普通一般，侍應態度好差(特別係光頭個嗰)食物價錢一啲都唔平，簡直係貼錢買難受。唯一好處係門外有乒乓波，單車比小朋友玩，不過試過就算，無下次回頭。…Read More

食物尚算ok，價錢偏貴，今日帶bb去食，但有食客喺室內食煙，我問個侍應室內可以食煙咩？個侍應話唔可以ga，但又唔叫個食客出去食，只係將個風機吹向出面，成間餐廳都係煙味，點解可以咁呢？…Read More

首先叫乜無乜，我叫水煮魚，無哂，咕嚕肉，無哂，最後叫豬潤雞煲，又無豬潤，d雞喊到嘔，飯又硬到石頭咁，價錢又唔平，侍應又無禮貎，鯉景灣都係叫soho east，點解可以有間咁差既餐廳，去附近茶記質素好好多，價錢差好遠，以後唔會再來，垃圾中垃圾，不知所謂！…Read More

之前食完唔記得寫食評，喺母親節嘅時候去呢間餐廳試下，佢地地下係洒吧，樓上係餐廳。因為佢有優惠，主菜係買一送一，非常抵食，味道也好，員工熱情又有禮貎，真係值得一去！…Read More

我叫左個燒肋骨湯麵，首先碗麵係有陣燶味，再睇舊燒肋骨黑到舊炭咁嘅樣，我同個waiter講返, 佢話會換返碗俾我哋，點知原來係將舊黑既燒肋骨放咗喺d麵入面，以為我睇唔到！最後有一幕，又係嗰個waiter同入面洗碗既員工嘈交，喺到掉爛d碗，之後衝左出去...即刻走左。之前我都嚟食過都無咁差，佢d員工次次都唔同，完全無禮貎，應該全部係part time！其實一間餐廳點解可以咁無管理，真係唔明！…Read More