maruko123's Profile

我其實好少寫食評，今次係第一次，因為我從來未去過一間咁無禮貌既餐廳食嘢。我搵唔到投訴渠道，所以係度寫。話說今日帶爺爺奶奶黎呢度飲茶，等拎位。個帶有大陸口音既阿姐同我講「@$*%下午茶」，因為佢大陸口音好重，加上茶樓好吵，我真係聽唔明佢講咩，叫佢講多次，但我依然聽唔明。然後佢又極度唔耐煩咁講多次，但我淨係聽得明「下午茶」呢三個字，然後我話「係啊，黎飲下午茶」。然後佢直情反曬白眼係度話「係咩係啫，我問你係午市定等下午茶啊」嘩，咩態度啊，我未話你廣東話唔正，你係度反我白眼？！仲話中秋全家係度食，馬上轉場。真係影響曬我心情，啲嘢幾好食都無用啦…Read More