soup2's Profile

今日行開太子,諗住買個下午茶餐外賣,見到呢間茶棧下午茶餐牌都有幾多選擇,諗住貪方便就快快買個鮮茄炒蛋飯外賣連熱飲 $46+$2 外賣盒錢...返到屋企打開個外賣飯盒,真係好失望,小格係餸,大格係白飯, 已經係細格,個餸蕃茄蛋連二分一滿都冇,蕃茄得兩小舊同少少炒蛋,連汁都比得十分孤寒,白飯就滿哂呀, 但啲餸少到得2,3 啖,根本就送唔到飯,雖然價錢唔係話貴,但係我覺得個餸都要畀合理嘅份量,你今次畀少咗以為慳咗成本,但係就難有回頭客,我就肯定唔會再幫襯. …Read More

相約一位好耐冇見嘅朋友諗住搵個地方可以食嘢坐下傾下偈, 之前bookmark咗呢一間喺長沙灣嘅cafe, 決定試下.由訂位開始, 一盞燈已經留咗一個好好嘅印象畀我 ...打電話去訂位, 店員十分友善有禮, 平日中午幫襯亦冇特別時限, 呢一點令我哋想坐低傾下偈嘅客人絕對係十分吸引. 當日因為朋友臨時唔舒服,所以打電話去cancel booking, 一盞燈員工亦好好,主動將我哋個booking移去下一個星期. 到幫襯當日, 的確有驚喜...估唔到長沙灣屋邨商場內有一間環境雅緻舒適嘅cafe, 地點十分易揾,長沙灣地鐵站C1出口一條直路行到尾就可以見到.晏晝有set menu, 價錢合理 ... 有意粉, burger,肉等等, set 包一個沙律同飲品, 亦可以加錢要湯及其它特飲, 對我哋嚟講,餐牌有足夠食物及飲品可以揀選, 食物同份量都合格有餘, 最令人愜意係員工態度十分好, 友善熱心, 喺適當嘅時候做適當嘅事,唔會打擾客人,我哋喺一盞燈過咗三個鐘頭十分難得嘅相聚時光. 另外一個窩心地方, 我哋光顧一個月後,一盞燈嘅 Cat 打電話通知我哋換咗新餐牌, 如果我地再去嘅時候可以贈送甜品,我哋之後都毫不猶豫相約再去一盞燈lunch, 第二次再去都係一個十分愉快嘅經驗 ! 多謝親切嘅Cat 同其他同事 !…Read More

呢間韓國食店位於樂富街市內,近入口處.由韓國籍姨姨主理,提供多樣韓國食物如泡菜,伴菜,炸雞,便當,飯卷等,真材實料,值得推介.已經幫襯好多次,食物保持水準,份量由其充足,特別推介紫菜包飯套餐,我特別喜歡炸蝦紫菜包飯,便當有包飯,辣炒年糕,炒粉絲同四款唔同嘅韓國配菜,即叫即做,如果比較細食,一份包飯便當可以分2餐都夠,另外海鮮小煎餅同薯仔煎餅,泡菜煎餅都係好味同價錢合理嘅小食選擇.…Read More

時不時睇到某些食店正評甚多, 但當自己去幫襯時又係另一回事,Grove 絕對係其中一間. 有日要去旺角太子,諗起一直都想試一下正評多嘅 Grove, 幫襯買咗下午茶 牛油果雙重芝士烤卷配藜麥沙律,黑咖啡 $49.打開外賣盒,我見唔到"卷", 只有4塊薄到以為漏咗餡料嘅餅皮, 我見餐牌寫烤卷,心目中自以為係wrap而不是薄嘅餅皮. 就算唔斟酌食物同餐牌描述,呢份 $49下午茶絕對令人失望,眼見薄餅皮薄到好似冇餡料咁,打開塊餅睇下,只見濕濕碎碎牛油果蓉同類似紅椒物體,D餡料又薄又疏,食入口完全只係餅皮一塊,餐牌上重話雙重芝士,現實完全食唔出芝士味,與實物絕對不符.唔會有興趣幫襯第二次.…Read More

$50三餸-腩肉(標示微辣),風琴豆腐,響鈴+粉絲, 外賣盒加$2, 即是總共$52得到一碗咁嘅嘢,個麻辣蕃茄湯重好大陣羊羶味,只係一碗橙色羶味水,完全冇蕃茄味,個腩肉係白烚冇味,完全伏,其實個廚師係咪以為整碗咁嘅嘢利潤大咗?! 咁佢有冇諗到咁樣係唔會有回頭客. …Read More

今日第一次喺 Memoir 午餐係一個好愉快嘅經驗. 由入餐廳到離開都得到親切友善嘅服務,尤其係 Vivian,我經 Openrice 訂枱時有mark 到係生日慶祝, 當我坐低後 Vivian 好專業主動提及生日慶祝安排,亦當隔離枱有多人到達預計會較為嘈雜時,主動提出幫我地調位,整個用餐過程流暢,食物係意想不到地好,價錢,材料同份量十分合理,食得到廚師有心機準備,整體經驗係近來試過好幾間新餐廳當中最好的,如果想食飯+慶祝生日, Memoir 係一個好嘅選擇…Read More

十分推介呢間由韓國人主理專門做外賣的家庭式小店，我試過單餸增量便當($78)混合便當($68), 不同口味的紫菜飯卷，各樣食物好味，份量足，值得加分嘅係隨便當有5~6種韓式前菜，試過有魚片, 豆芽,菠菜,泡菜, 蘿蔔,蓮藕片,辣蘿蔔絲…一個便當包含咗唔同味道及texture 嘅前菜，令到個便當更豐富，通常買韓國食物外賣都衹有主食，就算有前菜通常都衹係泡菜或者黃色嘅蘿蔔片，而呢間嘅店主係好有心機給主食配上多款前菜，另外佢地D外賣包裝得好乾淨企理，以佢哋嘅食物水準，價錢一D都唔貴，比起好多同區韓國外賣食物，實在係抵食。…Read More

於星期三中午經Openrice 訂星期五7:30pm並得到確認, 到今天星期五1:15pm收到餐廳打來通知今晚包場提供不了枱，說是有員工沒有留意網上訂枱，我只是被通知，如果不能提供枱早點通知客人是尊重、客人亦能有時間另作安排，今晚原本是和客人的appointment, 現距離booking 只有6小時，要重新可訂到尖沙咀7:30pm 乎合我所需食物、地點及budget 要求的日本餐廳十分困難，亦要重新和客人交待，如果這餐廳並不重視網上訂位的客人，請不要提供網上訂位服務，今次經驗十分不快…Read More

第一次往光顧，都算滿意，一字骨肉骨茶湯味濃，一字骨稔且有肉香，其他小食飲品如魚仔醬蘿蔔糕、咖央多士，桔仔話梅水，都算不錯，服務招呼尚算合理……但之後再往光顧兩次，已決定不需再去幫襯，食物差，服務更差，一字骨肉骨茶的一字骨又鞋又硬又冇味，湯味也不同，偏淡，怡保雞絲湯河粉比普通越南舖雞絲湯河更普通，員工唔憂做態度寫哂上面，自己在膠餐牌點完餐，多次舉手示意落單，並看到起碼2店員看到及望過來，但2人都當睇唔到，有一人顧客被大聲兼無禮貌指去特定位置，而當時亦未見繁忙多人，就算想方便之後坐位安排，店員亦應客氣同客人講。勞煩店員加肉骨茶，聽到行咗去當冇件事，再同另一員工講，隔一陣走嚟話而家冇得加住就走開，雖然之後都有幫我加湯，但過程令人覺得顧客要加肉骨茶是不應該的事，如果員工咁嫌棄，大可取消可免費加湯，大部份員工似老細多D，可能佢地真係，平日如果唔叫下午茶餐，一個人食一樣嘢加一凍飲起碼7-80蚊，咁嘅價錢，坐10分鐘，好迫嘅，加上未算好嘅食物同差嘅招呼，的確無需要再去幫襯. …Read More

今日同事外賣, 我叫咗 一碗 炸醬麵, 一打開見到少得可憐嘅麵同一小撮肉條, 成碗麵三四啖食完, 味道真係一般, 咁嘅味道隨便一 間麵鋪都食到, 碗嘢 收$41 , 收咁嘅錢 比咁嘅食物質素,好有問題. …Read More

食物選擇十分少, 熱食除一中湯兩西湯外, 就只有兩種已煮好的普通pasta, 一pizza, 一切肉, 3,4款中式食品 加兩小盆咖喱類, 燒烤的食品只有羊,腸仔及蝦, 羊好鹹, 即淥粉麵只有菜芯,娃娃娃菜, 鱼旦牛丸墨鱼丸, 冇嘢揀. 最唔好嘅地方係食物唔好食, 除中湯較好外, 其他試少少就唔會有興趣再食. 整晚充滿住令人費解的事情1) 餐具只有一义一刀, 冇 place mat 冇麵包小碟情況下, 每次收碟就隨手將用過刀义放係枱面, 又唔衛生又唔整潔2) 全晚就係 ‘收, 收, 收, 收, 收’, 侍應好急收碟, 明明食食吓只不過停低一陣同朋友講吓嘢-又收, 啱啱攞返嚟只不過唔係放係自已前面而放係枱邊-又收, 碗湯留返少少再飲-又收, 成晚淨係叫佢唔駛收嘢住都講到自已覺得煩, 最奇怪食到中途攞完嘢食返去, 餐巾都同你收埋3) 又係餐具問題, 理論上有甜品供應就有甜品义羹, 唔問佢攞就冇, 一係出面雪糕嘅羹, 但係生果以及部份甜品用羹係唔方便嘅4) 侍應態度係唔錯嘅, 但係唔專業, 餐飲熱檸茶比咗一壺茶, 三小片檸檬後走咗去收嘢, 係, 又係收嘢, 又要勞煩佢比返個茶杯及糖5) 同farfar01同一感受, 接近HK$400一位價錢飲凍飲竟然要以餐牌 a la carte 價錢收費, 是成本問題嗎? 加幾粒冰可能要好多錢, 未試過咁嘅price range嘅buffet飲凍嘢要以正價計, 我又唔係要特飲, 只不過係一杯凍檸茶, 印象真係好差6) 最後想同經理反映意見, 唔見人, 咁問其他侍應睇吓有冇comment card, 佢話要睇吓有冇, 花了一段時佢先揾到, 感覺係佢地唔特別歡迎及在意客人意見. 試過一次就算, 一定唔會再去. 恆生白金咭有九折, 折咗都唔掂.…Read More

或許廚師換了, 今晚在Crystal Cafe晚餐的食物令人十分失望. 跟之前兩次晚餐敘會的水準差距甚遠. Crystal Cafe有一点点私房菜的味道, 晚餐要訂位及決定所選晚餐價格,以便廚師準備材料.上星期訂位時己選了HK$280per head的晚餐. 訂了五位, 到達後order主菜時,三款其中的牛扒竟然只有一份,席間3位朋友只可選餘下的春雞或三文魚.不理解一早已訂了五位,如餐牌有牛扒的選擇,理應有足夠供應,如只有一份食材,就不應放進當晚餐牌.實際上只提供兩個選擇.不太滿意. 之前窩心的雪芭及花茶沒有了,頭盤,湯及鮮蝦pasta水準一般,吃完不會留下任何印象.令人最失望的是主菜.先上春雞,上菜一看,心裏一沉,春雞竟配上一球白飯,旁邊是數片意大利青瓜,紅蘿蔔及一件椰菜花.心想或許這是今晚春雞的配搭.當其餘三文魚及牛扒上菜後,看到所有主菜配上都是一模一樣的白飯蔬菜.不其然認為廚師應該不同了.以前每一道菜除味道十分好外,同時亦看得出廚師放的心機.每一個主菜所配上的side dish也不同,去配合主食材的味道及口感,但今晚的白飯實在是行貨得離譜.與花上60,70元的A.B.C餐要飯,意粉,薯菜帶出來的感覺一樣.春雞亦淡而無味,跟之前大家一邊吃一邊讚,完全不一樣.甜品是一件疑似Tiramisu物體,吃不出甚麽味道來.最後的熱咖啡是偏涼的,完全不合格.以HK$280一位的價錢,今晚食物水準,不會再來了. 很可惜曾經極有質素的食店現在己保持不了水準~:(…Read More

其實最終係無試過D食物-今晚係Elements食完晚餐,唔太飽又想食D甜品,行過見到大餐牌有Apple Crumble,好想食,加上有一南亞裔男待應主動友善叫我地坐低慢慢睇餐牌,印象唔錯.餐牌上有3款Shared Sweetness嘅甜品combo(每個HK$140未計加一),其中一款有Apple Crumble又有Chocolate Cake,好啱食又好適合兩個人share,就唸住試吓.當時約7点半,餐廳坐滿咗1/3至1/4人左右,但都問清楚我地淨係食甜品可以嗎.個男待應即時問一個東南亞裔著套裝,似係經理orSupervisor嘅女人,佢話'yes, no problem'咁我地就跟佢入去坐低.一坐低佢先話(唔見得有禮貌)'you have to return the table in 45 minutes.'其實我地真係唸住食個甜品就走,45分鐘應該問題不大,但係比佢咁限時限刻咁規定幾時走真係唔想,加上佢嘅態度唔係好又話'our restaurant is very full tonight'.我地寧願走都唔食.可能佢地D食物好Okay,但係都冇唸住再去試啦.…Read More

今晚第一次去亦將係最後一次,海鮮Laksa得個酸字,D海鮮(大部份係魷魚)冇味道,個牛肉湯河湯底得個甜字,賣相又一D都唔吸引.服務一般,兩個人叫咗兩碗粉,嚟到問都唔問我地分別叫咗D乜嘢,求其是但擺低每人一碗,最後我地自己對調番-兩碗食唔得哂嘅唔好味湯粉,盛惠HK$183大元…Read More

裝修後第一次光顧,整體光猛企理咗,但食物唔得,好鹹服務比以前更差,以前有D哥仔待應大声得嚟都OK,而家D女人待應收銀完全冇服務可言,'鞋'口'鞋'面,計錯錢重好似欠咗佢咁,七點後要收加一,只係換嚟兩杯茶,零服務.唔好食又貴,一定唔會再去.…Read More