為食大隻仔的個人專頁

大隻仔今次覓食嘅店舖就係💥 容記小菜王 💥大隻仔今次介紹一間米芝蓮推介餐廳，舊店喺深水埗已經大排長龍，而家搬遷太子新店更加乾淨企理服務高級，其中獲獎菜式「脆皮燒腩仔」係大隻仔喺中式酒樓食過最好食嘅燒腩仔，另外，蒜香骨、第一咀、沙拉骨都係必須推介。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 得獎脆皮燒腩仔 $138燒腩仔採用五花腩，層次分明，肥瘦適中，每食一啖都充滿油香，而外皮燒到金黃色，脆卜卜，咬一啖外皮香脆得誇張，驚為天人，非常之好食。🔥 咕嚕肉 $108選用新鮮無骨豬肉，食落口同冰鮮肉肉質分別好大，新鮮豬肉肉質更加鮮嫩鬆軟，咕嚕肉外皮薄脆，酸汁唔會太酸甜甜地啱啱好，選用新鮮菠蘿，十分開胃。🔥 招牌沙拉骨 $108一樣選用新鮮豬肉，啖啖肉，肉質好鬆軟，入口即化，配上沙律醬極之開胃。🔥 麻辣口水雞 $68口水雞肉質比較結實，強勁辣味十分之刺激味蕾，會越食越想食，灑上白芝麻更加惹味。溫馨提示：餐廳需要收茶位 $15 ，酸菜 $15…查看更多

大隻仔今次覓食嘅店舖就係💥 MANO 💥地址：銅鑼灣駱克道The L Square 5樓大隻仔今次介紹一間位於銅鑼灣核心地帶既modern Italian 餐廳，餐廳價錢唔算貴，而且味道不錯，喺OpenRice預早訂位仲有七五折，最啱約朋友銅鑼灣行完街一齊食晚飯。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 香烤千層芝士茄子 $68傳統意式焗茄子做法，每一層茄子之間都充滿蕃茄醬同 mozzarella cheese，加上洋蔥同蒜頭嘅香味，味道濃郁。🔥 忌廉牛油蒜香雜菌 $68用牛油爆香蒜蓉炒雜菌，再加入忌廉拌勻，牛油香味好突出，會食唔停口，附送嘅麵包外脆內軟，非常好食。🔥 Traditional Porchetta $238餐廳其中一款signature dish，傳統意式脆皮燒腩卷配辣肉腸蘭度豆，豬腩卷烤焗至外皮脆卜卜，中間豬肉帶有少少油香，雖然少少肥膩，但非常好食，辣肉腸蘭度豆味道一樣咁出色。🔥 卡邦尼扁意粉 $168用上扁意粉，每一條扁意粉都非常掛汁，灑上大量芝士，味道香濃。…查看更多

大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。…查看更多

大隻仔今次覓食嘅店舖就係💥 豐味窯雞 💥大隻仔今次介紹一間觀塘工廈只做窯雞外賣專門店，餐廳選用三黃雞，肉質嫩滑，皮滑脂肪豐滿，每隻雞都醃製過夜，味道十足。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 招牌豐味窯雞 $168招牌窯雞用雙層錫紙包住放入焗爐高溫焗製，一打開錫紙已經聞到好香嘅味道，外皮焗到金黃色，充滿醬汁，雞肉十分之嫩滑而且多汁，極之好味，會食唔停口，而且而家做緊優惠，加$1 就有冰粉一碗，好抵食。外賣套裝包括保溫袋、隔熱勞工手套、食用膠手袋、辣椒粉，十分之貼心！…查看更多

大隻仔今次覓食嘅店舖就係💥 Burger Mate 💥大隻仔今次介紹一間尖沙咀人氣手工漢堡包店，餐廳主打傳統美式漢堡包，麵包同埋手打牛肉漢堡都係自家製產品，所以數量有限，每日只可限量200個。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 黑松露蘑菇安格斯牛漢堡 $125爆瀉黑松露醬汁充滿整個漢堡包，安格斯牛肉漢堡充滿牛香味，而且非常多肉汁，每一啖都爆曬汁，非常Juicy，自家製麵包外脆內軟，中間夾住炒蘑菇、洋蔥、蕃茄片、生菜、小酸瓜，將味道提升到另一個層次。🔥 瑞士芝士安格斯牛漢堡 $85瑞士芝士安格斯牛漢堡一樣非常多汁美味，加上瑞士芝士獨有嘅香味，非常滋味。🔥 黑松露薯條 $65薯條即叫即炸熱辣辣，加上香味濃郁嘅黑松露醬，唔會太鹹，極之惹味。🔥 日式炸雞粒 $68份量不少，炸雞粒炸到剛剛好，外皮炸到金黃色，十分香脆，雞肉仍然多汁嫩滑，不會太乾太柴，點上自家醬汁，非常好味。…查看更多

大隻仔今次覓食嘅店舖就係💥 Shahrazad Lebanese Dining Lounge & Bar 💥大隻仔今次介紹一間非常有特色黎巴嫩菜式餐廳，餐廳裝修充滿地中海風情、中東風味，進入餐廳猶如置身外國一樣。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 cheese sambousek 黎巴嫩特色芝士炸餃，薄薄餃子皮炸到金黃色，餃子皮脆卜卜，切開餃子爆滿熔岩芝士餡料。🔥 kibbeh羊肉釀脆球，用水小麥造成外皮包住煎香左嘅羊肉碎同松子仁，羊肉味道香濃而不會羊膻味。🔥 mix grill small細混合燒烤拼盤，份量十足，包括羊肉粒、免治羊肉棒、羊扒、雞肉粒，可以一次品嚐多款不同肉類，而且肉質鮮嫩多汁唔乾唔柴。🔥 smoked ouzi rice煙燻香飯，大隻仔極之推薦，十分之有特色，每食一啖飯都有濃烈嘅煙熏香味。🔥 mint lemonade薄荷檸檬水，不會太甜，而且充滿香濃薄荷味。🔥 smoothie沙冰有三款口味揀，香蕉、芒果、雜莓，大隻仔今次就揀咗香蕉沙冰，香蕉味道突出好味。…查看更多

大隻仔今次覓食嘅店舖就係💥 蝦蝦燒 💥地址：佐敦白加士街10-12號永富大廈1樓大隻仔今次介紹一間即夾即燒流水蝦餐廳，餐廳座位旁邊設有大蝦缸，顧客可以親自隨時隨地即夾即燒流水蝦，流水蝦會不斷添加，保證貨源充足。除了流水蝦外，餐廳仲提供多款串燒、蔬菜、海鮮選擇，客人可以任拎返去座位慢慢燒。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 平日晚市 $348餐廳以自助形式拎食物，食物種類繁多，除咗流水蝦，仲有多款海鮮選擇，必食沙白、灰蜆、東風螺、魷魚、鮑魚、鮮帶子、帆立貝、生蠔等等，所有海鮮都係職員新鮮即叫即開，保證每樣都十分之新鮮。另外仲有大量燒烤食物選擇，雞翼、羊扒、寸骨、鴨胸、各款串燒。火鍋配料亦有好多選擇，各款丸類、腸仔、蟹柳、牛肉、羊肉等等。餐廳最近做緊優惠，加$1 就可以有個火鍋打邊爐，如果覺得燒烤食物比較熱氣，打邊爐都係一個好好嘅選擇。…查看更多

大隻仔今次覓食嘅店舖就係💥 Cambo ขุนทอง (The ONE) 💥大隻仔今次介紹一間遠近馳名，發跡九龍城嘅第一代泰國菜餐廳，多年來吸引不少城中名人幫襯，當中活蝦刺身、咖喱炒蟹更加係餐廳招牌菜式。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 串燒拼盤 $188超級有份量，仲要做緊推廣價，好抵食，一次過可以試晒8款串燒，雞、牛、豬、雞中翼、魷魚鬚、雞皮、豬頸肉仲有牛仔骨添，每款串燒都燒到啱啱好，保留到肉汁，肉質嫩滑。🔥 活蝦刺身 $112金寶最出名就係活蝦刺身，每一隻都非常新鮮彈牙，再配埋自家製醬汁，會食唔停口。🔥 青咖喱軟殼蟹 $118原隻軟殼蟹炸到脆卜卜，放入好惹味嘅泰式青咖喱內，再配上附送嘅法包一齊食滋味無窮。🔥 海南雞飯 $88泰式海南雞飯，雞肉嫩滑，最驚喜就係連雞翼都起埋骨，啖啖肉，非常滿足。🔥 泰式炒粉 $88泰式炒金邊粉，味道夠晒正宗，而且仲有三隻彈牙嘅大蝦。🔥 香芒糯米飯 $68必食嘅泰國甜品，甜甜地嘅椰漿配埋煙靭嘅糯米飯，會食唔停口。…查看更多

大隻仔今次覓食嘅店舖就係💥 Chutney Tandoor House💥 大隻仔今次介紹一間中環正宗印度菜餐廳，餐廳擁有兩座炭火Tandoori 窯爐，提供一系列炭火燒烤菜式，窯爐火力均勻，溫度一直保持住380度至400度，高溫炭烤不但可以鎖住肉汁，仲可以將食物燒到外層香脆同帶有焦香味道，十分美味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Chutney Lunch Set包前菜 + 主食 + 印度烤餅 + 甜品大隻仔叫咗兩份lunch set。2份前菜揀咗窯爐烤雞腿、蝦仁沙律。烤雞腿嫩滑多汁，用上傳統印度醬汁醃製，充滿印度風味，再配上薄荷酸辣醬更加美味。蝦仁沙律酸酸辣辣，味道清新。2份主菜揀咗馬薩拉醬牛肉丸、奶油雞醬烤雞馬薩拉醬牛肉丸，香料味道較重，香氣撲鼻，帶少少辛辣味道。奶油雞醬配烤雞塊，超級好食，烤雞配上奶油蕃茄醬汁，雞肉不但嫩滑多汁，仲有牛油香味。印度烤餅有3款口味可揀，plain - methi - garlic ，烤餅烤到外脆內軟，帶少少焦香味，煙煙韌韌，配上咖喱汁，真係會食唔停口。🔥 Mix Tandoor PlatterLunch Set Add On Item ，份量十足，澳洲羊架、澳洲鱸魚、本地黃油雞肉、奶油烤芝士雞肉，各一件，配上兩款惹味傳統印度甜酸醬，分別是紅菜頭酸辣醬同薄荷酸辣醬，十分滋味。🔥 Mango Lassi起源於印度旁遮普邦嘅傳統乳酪飲品，除咗芒果味，仲有幾款口味可以揀，plain - mango - rose - salted。…查看更多

大隻仔今次覓食嘅店舖就係💥 花晨月夕 💥 大隻仔今次介紹一間超高質既Omakase餐廳，師傅每道菜都介紹得好清晰而且好有禮貌，仲要價錢親民，擺盤又靚，份量好足夠，極之有驚喜，再加上師傅純熟嘅手法每一件壽司都好出色，難怪成為近期人氣打卡網紅店。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 花晨月夕 - Omakase Sun $1380🔥 先付先嚟第一道菜 先付，十分豐盛，而且擺盤好花心思好靚，用咗傳統日本裝飾點綴，打卡一流，店員話要逆時針順次序食用，黑豆蜜煮甜甜地、子蝦新鮮彈牙、秋刀魚生薑煮、合桃小女魚都好入味、仲有日式魚蛋同伊達卷、柑橘蜜煮就唔會太酸、最尾先食水雲。🔥 刺身三款將鮫鰈魚刺身捲起包住鮮蝦肉蓉加入紫蘇花再點上柚子醋一齊食，味道清新肉質彈牙。象拔蚌刺身爽口彈牙，味道好新鮮，可以配Wasabi豉油一齊食。金線鯛刺身魚皮先用火槍燒過，帶出焦香味，肉質超級嫩滑，入口即溶，完全冇根，好好食。🔥 御料理和牛壽喜燒，醬汁偏甜，和牛好大片，入口即溶好好食，仲有豆腐、大蔥、蒟蒻絲、草菇伴碟。🔥 壽司九貫第一件先嚟真鯛魚，加入檸檬皮，味道好清新。第二件就係用火槍燒過帶出油份香味嘅靜岡縣地金目鯛。之後就有肥美嘅帆立貝壽司同肉質結實既間八魚壽司。大隻仔必食推介 深海池魚，肉質鮮嫩肥美，加上柚子胡椒醬點綴，可以清新味蕾同減低魚腥味道。新鮮爽口彈牙活北寄貝，完全冇腥味，夠晒新鮮。跟住就係2件吞拿魚壽司，用醬油漬過嘅赤身。同埋油份滿滿嘅大拖羅，大拖羅好好食，入口即溶，充滿油香。最後一件重頭戲壽司當然係海膽壽司。用上北海道根室 赤海膽壽司，最尾再噴上金粉，十分之矜貴。師傅極之闊佬用成行海膽做一件壽司，海膽多到冇可能一啖就食得晒，滿口都係海膽，超級大滿足，加上用米做嘅淡雪鹽更加可以帶出海膽嘅鮮甜味。🔥 吸物日本七味蜆麵豉湯，七味蜆細細粒但幾有鮮味。🔥 甜品最後食埋士多啤梨蜜瓜圓滿作結。…查看更多

大隻仔今次覓食嘅店舖就係💥 湘舍壹號 💥大隻仔今次介紹一間好抵食嘅湘菜館，2人商務套餐都係$388，餐廳位於酒店1樓，氣派十足，座位闊落，枱與枱之間距離遠，完全聽唔到隔籬枱嘅嘈雜聲音，私隱度十足，而且仲有包廂房，係一間好適合傾生意或者宴客嘅一級商務食府。湘菜即係湖南菜，大隻仔都係第一次食，印象中以為每道菜式都會好辣，估唔到不但唔會太辣，而且每一道菜都好美味，仲要份量好多，簡直物超所值。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 湘舍商務午市2人套餐 $388🔥 前菜 - 燒椒皮蛋將青椒外皮燒焦後去皮去籽，將青椒肉同皮蛋攪勻後調味，完全唔辣唔油，味道仲好特別。🔥 湯品 - 筒子骨燉湖藕用上湖南特產粉嫩蓮藕加入筒子骨、高湯一齊燉煮，味道十足，極之好飲，值得推介。🔥 主菜 - 寧鄉花豬肉寧鄉花豬肉係湖南當地有名特色菜，用上寧鄉花豬肉口感就是不一樣，先用高湯燜出花豬肉，帶出清甜香味，花豬肉滑嫩爽口，再加入青椒、紅椒、蒜蓉，十分惹味。🔥 小菜 - 芙蓉鎮米豆腐湘西芙蓉鎮特色菜，米豆腐係將大米磨成米漿造成豆腐形狀，味道口感都好特別。🔥 蔬菜 - 時令蔬菜師傅功夫一流，鑊氣十足，椰菜加入高湯一齊快炒，清甜爽口。🔥 主食 - 青稞餅將青稞磨成面粉，製成大圓餅，口感煙靭，味道香甜，中間夾住黃色小米做餡料。🔥 甜品 - 紅棗百合燉雪耳糖水唔會太甜，滋潤養顏。…查看更多

大隻仔今次覓食嘅店舖就係💥 渝香餃手工餃子雲吞麵掂 💥 大隻仔今次介紹一間充滿家庭味道嘅手工餃子店，餐廳自家製菜脯粒麻辣味十足，辣度強勁，喜歡食辣嘅朋友一定要試。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 紫菜香菇拼芝士粟米豬肉煎餃 $60八隻充滿家既口味，味道偏淡，冇加味精，可以加入辣椒油、醬油、醋增加口味，餃子唔會太大粒，一啖一粒，方便進食，餃子煎得好香脆，紫菜餃子味道好特別，大隻仔都係第一次食，粟米芝士餃子粟米粒爆汁帶有少少甜味。🔥 重慶麻辣萵筍絲 $24將萵筍絲、紅蘿蔔絲加入麻辣汁涼拌，萵筍絲爽口，麻辣味道唔會太強烈，食唔到辣嘅朋友都可以一試。🔥 凍豆漿 $10豆漿唔會太甜，充滿淡淡豆味。…查看更多

大隻仔今次覓食嘅店舖就係💥 DHYC 得閒飲茶 💥大隻仔今日放假，見得閒飲茶，就去咗將軍澳海濱 DHYC 飲茶，餐廳位處海濱長廊，環境清幽寧靜，望住藍天白雲，跨灣大橋，環境優美，日落黃昏時候，柔和陽光照射下，真係好寫意，可以hea 足半日。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 蝦餃 $42蝦餃皮薄餡靚，餃皮夠晒煙靭，入面仲有原隻大蝦，蝦仁新鮮彈牙，點少少辣椒油，非常好食。🔥 菜苗餃 $42菜苗餃外皮晶瑩通透，菜苗夠晒多。🔥 松露雜菌餃 $48雜菌餃啱晒食素嘅朋友，餃皮仲用咗黑松露點綴，增加香味。🔥 鍋貼蝦多士 $88蝦多士即叫即炸，多士炸得香脆，表面鋪滿彈牙蝦膠。🔥 韭菜金錢蟹盒 $55韭菜非常惹味，外皮炸到卜卜脆。🔥 蘿蔔絲酥餅 $42蘿蔔絲酥餅外皮酥脆，內裏充滿一絲絲蘿蔔絲。🔥 焗叉燒包 $38焗叉燒包，用上墨西哥包皮，非常鬆軟。溫馨提示：茶位 $15…查看更多

大隻仔今次覓食嘅店舖就係💥 Aqua 💥大隻仔今次介紹一間可以望到無敵維港海景嘅高級餐廳俾大家，餐廳lunch好抵食，而且服務質素拍得住米芝蓮餐廳，性價比真係好高，嚟緊慶祝情人節係一個好好嘅選擇。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Sushi Friday Free flow sushi，sashimi，appetizers + one main course $388/75mins $488/120mins餐廳平日一至四只會做regular lunch set，星期五先會有Sushi Friday 任食刺身，壽司卷，前菜，魚生每一件都係厚切，油甘魚、帆立貝、三文魚都非常新鮮，大隻仔食足2 round 😂😂任食前菜有4款選擇，大隻仔就最鍾意安格斯生牛肉薄切配黑松露蛋黃醬，真係好好食，連續食咗兩碟🤭🤭另外仲包一款主菜，主菜有6款選擇，魚生丼、和牛丼、意大利麵、烤雞、天婦羅拼盤、西京燒銀鱈魚，大隻仔就揀咗黑松露牛肝菌手工意大利麵，意大利麵粗幼不一，口感特別，非常彈牙，牛肝菌忌廉汁配意大利麵，味道好夾。另一個主菜就揀咗日式薄切和牛丼飯，日本和牛入口即溶，配上和牛汁真係好好味。…查看更多

大隻仔今次覓食嘅店舖就係💥 小胖台灣麵 💥大隻仔今次介紹呢間台灣餐廳，台灣麵可以自由自選不同湯底同配料，而且配料多達36款選擇，大部份都係台灣直送 ，充滿台灣風味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 台灣自選湯麵系列 大隻仔今次就揀左「濃。純。香牛骨湯麵」 $40配6個餸，牛骨湯經過長時間熬製而成，牛味濃郁，再加入黃牛油，散發出濃郁牛香味，而且麵條選用手工台灣麵，口感煙靭，非常好食。夜市排骨酥 $12 金錢肚 $12滷牛筋 $12海鮮蝦油條 $10滷水豬大腸 $8芋頭貢丸 $6🔥 鴨屎香手打檸檬茶 $15可以半價升級手搖飲品，鴨屎香檸檬茶酸中帶甜，茶味香濃。🔥 台灣蒲燒魚腹便當 $65兩大片魚腩非常肥美嫩滑，充滿油香，用上蒲燒方法烹調，散發出蒲燒汁獨特香甜滋味。🔥 珍珠烏龍奶茶 $14可以半價升級手搖飲品，烏龍茶味香濃，奶香夠滑，珍珠口感非常Q彈。🔥 夜市鹽酥雞 $32鹽酥雞即叫即炸，外皮炸得酥脆，雞肉嫩滑多汁，熱辣辣，非常好食。溫馨提示：而家登記成為會員，除咗迎新優惠、升級優惠、生日優惠外，仲可以經積分換領系統用積分換領電子優惠券，每消費$5= 1分，食得越多獎越多。…查看更多