Yee.bee's Profile

約左位少女食野揀左間少女風浪漫派cafe食飯傾計店內睇得出好有心思佈置有布天幕，有花，有d似婚禮場地。不過，食野都好重要的😛✨All Day Breakfast 一來到見到好豐富，好精緻，所有食物都有心思烹調過，大至黑松露炒蛋大大份蛋又滑，小至一粒香蕉、蕃茄仔都有燒過。仲有燒粟米、超級juicy 大啡菇、煙三文魚、沙律、煎德國腸、水果pancake, 個pancake好好食，食得出唔係用cheap cheap 麵粉，成個早餐鹹甜都做得好出色👍🏻✨精品手作餃子套餐首先，好少可cafe有餃子食，幾新鮮。口味都算多，咁食餃子當然要食下家常口味先知好唔好食架麻，所以最後揀左粟米豬肉 & 香菇木耳豬肉。 一上碟發現每隻餃子都大大隻肥嘟嘟，而且餡料脹爆，皮夠薄，少女們一啖係食唔晒一隻餃架😂隨餐仲有沙律，兩件迷你madeleine，好可愛，而且好好味。店內有蛋糕櫃，可以揀選是日蛋糕✨我地揀左香蕉蛋糕份量十足，香味濃郁，上碟時焗番熱，暖暖地的香蕉蛋糕係最好食的，被火速掃晒了～✨叫左熱mocha & 抹茶latte兩杯都好濃郁好味重點是手寫卡片！好欣賞張張都唔同樣，仲要畫得好靚！現場都坐得好舒服😌坐坐下食食下傾傾下就過左兩小時，決定下次會再來的😆…Read More

工作與工作之間有少許空閒時間，想搵個地方坐下休息下，其實對於cat person來講，貓cafe係一個好好的選擇😆來到荃灣的［貓之茶房］，地方比我想像中大，又乾淨，而且日照充足，已經見到好多貓係窗邊曬太陽，大部分貓都會有頸圈刻住自己叫咩名，有d就圍住‘少爺脾氣’來提示唔好太熱情，每隻貓都好有性格，有晒關係圖俾客人了解更多，好多貓都係曾被遺棄的，好彩有貓cafe收留可以瞓好食好，而店員都好願意與客人分享貓貓故事，又會叫客人借d玩具同貓貓玩，店內有貓零食可購買，不過就會限定每一枱每小時只可買一次，避免買太多令貓貓食太多零食，可見店員都好花心思照顧貓貓，亦注重貓貓健康，見到隻隻都肥肥白白就知照顧得好好👍🏻有幸遇上貓貓放飯時間真係好得意呀😍😍😍隻隻都自動自覺埋位🥰首小時$58/位，之後每個鐘$38，咖啡、茶水都係免費的，亦有蛋糕曲奇提供，一d都唔貴，而見個蛋糕仲幾好食。不過要小心貓貓偷食😂唔玩貓又可以睇漫畫，飲下咖啡，見到d貓貓瞓的咁舒服我都好想瞓🧡…Read More

元朗不嬲有間「好到底麵家」好出名，原來有間新分店叫「好到底雲吞水餃麵」，聽聞係承傳左爺爺的配方由第三代經營，麵都係繼續工場自家出品，咁即係質素有保證啦！而且新店好乾淨企理，又大間d，幾好座。✨牛腩麵份量俾我想像中多，碗細細但勁多牛腩，份量十足，一夾起就感覺到炆得好軟淋，一咬就斷，牛腩走清爽路線，食多幾舊都唔膩。幼麵唔重鹼水味，本人少少怕好勁鹼水味果一種，所以好鍾意食呢間店的麵。湯底都夠晒清爽，用牛骨熬出的湯味，鍾意重口味的可以要求加腩汁。✨炸雲吞 炸鯪魚球口痕叫左d炸物食下，應該係新鮮即炸的，等左一陣先上菜，熱辣辣香噴噴。炸鯪魚球超大粒，裡面好足料厚實，第一次食鯪魚球附蜆芥醬，點一點試下又幾有趣，似點腐乳醬咁鹹，不過又有少少芥辣味，不妨一試，記得一次唔好點咁多😆 其實唔點任何醬都已經好好味。炸雲吞個樣靚到開晒花咁，而且炸得好乾身，食落唔好油淋淋，好香好脆，每粒都包左大粒蝦和豬肉，兩個字：好味！點少少泰色甜辣醬更加惹味，轉眼間就食晒！下次試下湯雲吞先☺️最後有少少驚喜係杯凍奶茶幾好飲茶味濃得來又跟奶幾平衡幾香滑叫左少甜就真係少甜，唔會多左或無左。…Read More

又因工作關係要周圍去搵食今日去左大角咀呢度都出名多好野食行過見到上海維記咁新淨就入左去同店員講我一個人食佢就指我去個有公仔嘅位置等我有隻公仔陪下😂好搞笑我見有幾個角落位置都有公仔睇黎都預左要陪唔同嘅一人食😂店面幾乾淨我11點幾去食lunch未有好多人不過一路食就愈來愈多人放lunch來食睇餐牌，午餐都好多選擇✨黑醋骨客飯即叫即整，上菜果一刻熱辣辣香噴噴黑醋味都幾香菜飯又好大碗好有份量雖然黑醋骨個名有個骨字不過其實係無骨的咬落去啖啖肉炆到好淋好入味個黑醋醬更加惹味，鹹甜適中配合黑醋少少酸好開胃不知不覺就食晒成碟+成碗飯✨花雕醉雞翼口痕叫多左個小食醉雞睇個樣都唔錯食落冇雪味亦都好入味上海野冷盤前菜有質素保證👍🏻都幾抵食呀 又好味隔離枱叫擔擔麵都好吸引有機會下次來叫…Read More

飲珍奶資歷都有十幾廿年咁耐都知唔係健康野但係要戒好似又好難咁最近發現開左幾間分店嘅more yogurt主打健康手搖飲今日的起心汗試下先離遠見到好大隻牛油果然後見到玻璃櫃有好多生果見到餐牌都有好多選擇主打牛油果其次仲有藍莓、香蕉、紅像火龍果等等配料都多選擇有開心果碎、糍粑、榴槤球等等都幾吸引，樣樣我都鍾意食我同朋友左諗右諗我叫左杯巴旦木牛油果乳酪奶昔朋友就叫左抹茶糍粑乳酪奶昔巴旦木即係有杏仁碎飲一杯已經感覺到好足料應該打左成個牛油果落去牛油果味好香濃好滑將平時的奶茶換做乳酪一樣有奶茶又滑又香甜嘅口感但係一定健康好多加埋杏仁碎，滑得來又有粒粒咬下絕對滿足到平時咬珍珠的口癮朋友果杯抹茶糍粑乳酷奶昔話抹茶和糍粑都係佢最愛無理由唔叫呢杯飲落第一下又估唔到抹茶味都幾濃郁而且淡淡都飲到糍粑真係好開心真係飲到尾都仲有証明有幾足料其實飲完呢杯都幾飽而且好好飲睇黎下次想買手搖飲可以考慮下呢個健康選擇！…Read More

見到門面及內部都好乾淨整齊員工們態度良好進店剛好見到員工完成一大盤手工包水餃好吸引決定叫呢個牛骨餃子麵套餐見到套餐都包含好多野好豐富好似好抵食牛骨麵先上一來到已經好香好香牛骨湯味而且湯頭都已熬到乳白色第一啖當然要試下個湯底先飲落清清甜甜，不油膩，又滿滿牛香應該都真係用左好多牛骨好足料新鮮熬成夾起一舊牛骨睇睇一夾起已經見到d牛肉熬到骨肉分離牛肉好嫩牛骨邊的筋肉又好有嚼勁而且一碗麵內有好多舊牛骨鍾意”損”骨的朋友一定好爽見到杯香矛香水檸檬茶好吸引叫左香矛味唔濃，唔似飲蚊怕水😂就係濃濃香水檸檬味，怕甜的可叫少甜套餐包埋4雙餃子我選了韭菜餃（另有白菜餃選擇）每粒餃子都大大粒好飽滿食落真係好有屋企風味好似小時候媽媽包餃子的味道好好食最後仲有甜品選了熱咋喳呢一碗真係好多料D豆多到不得了😂好豐富呀飽到上心口…Read More

今日要係尖沙咀工作，行來行去全日冇食過野，終於傍晚5點幾收工可以坐低食我嘅早午晚餐想休息唔再用腦，選擇大大間光猛乾淨的冰室實冇錯，貪佢又近又方便，食物選擇又多，最快捷當然係叫是日晚餐，但又心大心細好想試其他野，終於揀左鐵板牛扒餐！細個果時，有咩大時大節，老豆就會帶成家人落樓下茶餐廳食鐵板扒餐，諗起都開心😃原來長大左已經好耐冇咁樣食今日工作咁疲累，我諗我都值得好好地嘆番個豐富扒餐嘅！就選擇招牌鐵板西冷牛扒配蒜蓉汁啦！手機掃QR code落單好方便，牛扒可以選不同熟成度，本人喜歡全熟的，所以選7成熟，來到再鐵板煎一煎就剛剛好了👍🏻鐵板扒餐最興奮莫過於倒醬汁果下，聽到滋滋聲就更加餓！滋左一陣，切開塊牛扒，又估唔到真係剛剛好熟晒，咬落好軟熟，一d都唔柴，啖啖肉好爽，配蒜蓉汁好香，醬汁都幾重口味，配食肉就啱晒！成盤仲有蔬菜、焗薯好滿足👍🏻跟餐其實仲有一碗湯、一塊多士、一杯餐飲。想講熱奶茶有驚喜，果然用黑白淡奶沖係滑d,而且茶味和奶味都平衡，唔洗加糖飲最正！平平地据左個咁豐嘅扒，性價比幾高！有機會再來試其他野食👍🏻…Read More

呢間「茶舍」，有點似茶餐廳，又有點似cafe入去坐低食個午飯先入到餐廳已經下午兩點多，可以叫下午茶，見到都好多款式好吸引不過我太餓了都係想食個飯午餐都有好多選擇，樣樣都好似好好味咁😆叫左「濃蝦湯海鮮飯」估唔到又幾足料咁多海鮮！海鮮有帶子、蜆、魷魚、青口、蝦，第一啖當然要飲啖湯試下先啦，好濃蝦味，海鮮味，好濃郁，唔係水水稀稀果重，睇得出呢個湯應該都落左好多材料，絕不馬虎。然後連埋米飯一齊食，真係好好食！連米都係日本米，材料唔簡單一啖有湯有飯咁食落去，好舒服好好味，平時食米線都唔會飲湯的我，最後基乎飲晒成碗湯，好飽好滿足！原來叫午市套餐加$16就有個蛋糕食，所以叫左個柚子芝士蛋糕。平平地都唔算好大期望，點知又幾香柚子味，唔係得個甜字果種，芝士味又剛剛好濃郁，食埋甜品覺得好完滿☺️聽侍應講日日甜品都會有唔同，叫之前可問下先，或一開始去門口望下個蛋糕櫃先。…Read More

係大角咀附近做完野，諗住食個早晚飯，點知遇上落超級大雨！寸步難行之際見到「水門雞飯」，裝潢好似唔錯，就衝左入去。樓底高又幾舒服，幾好坐。仲要發現到下午茶咁抵食，有個主食+小食+飲品叫得「水門雞飯」當然要食招牌海南雞下午茶海南雞飯+炸春卷+熱咖啡海南雞飯，送碗胡椒冬瓜湯剛好落大雨天氣凍凍地，飲番淡湯就係好舒服胡椒味好濃郁！然後海南雞都好滑好嫩，油飯軟硬得宜，跟餐的醬汁係泰式的那種，一碟少少辣少少咸少少甜幾惹味，即使係下午茶，份量好已經好足夠一個女仔食。跟餐仲有個小食，我揀左炸春卷新鮮熱辣炸起，又香又脆裡面蝦滑之中真係食到一粒粒的蝦粒！見到有和牛串燒，口痕就點左一客和牛燒到剛剛好，外脆肉軟，本身無任何調味，和牛味道已經好出色點埋附送的泰式酸辣汁，即刻由日本去左泰國咁，醬汁呢個角色好重要！最後想講下呢杯，唔係中藥🤣係熱泰式咖啡，平時叫開凍飲版，但今日凍左真係好想飲熱野。開頭見到咁似中藥都怯怯地，飲落點知又好濃厚泰式咖啡味，又係好飲😆呢間下午茶真係好抵食！有機會同朋友再來試晚飯先！…Read More

去左位於朗豪坊中庭位的西餐廳, 好似可以好好坐下靜靜地享受晚餐。今次特別試了幾道招牌菜式,每一道都很美味。首先係烤焗檸檬香蒜比目魚扒。魚肉鮮嫩多汁,表層焦脆香濃,搭配柔滑的蒜泥酸甜醬汁,完美融合。估唔到檸檬&魚係可以夾埋一齊而又咁好食的, 都幾fresh幾開胃。跟住有烤雞翼。肉質鮮嫩多汁,外層炸得酥脆可口。醬汁味道恰到好處,不會過於濃稠或甜膩, 仲加左少少辣, 好香口。然後是蟹肉野菜餅, 外層酥脆,內餡飽滿香甜可口。蟹肉的鮮味與時蔬的清甜完美結合,肉質細緻柔軟,口感層次豐富。淋上香濃的蛋黃醬,更添惹人垂涎的風味。最後當然唔少得甜點, 就是柚子芝士蛋糕。細膩柔滑的芝士餡,搭配爽脆的餅底,清新酸甜的柚子香氣令人回味無窮。不同的口感層次,完美平衡了整道甜品的風味。總結, 每一道菜式都展現左對細節係有追求的。無論是前菜、主菜還是甜點,每一道菜品都令人回味。…Read More

做完GYM一出門就見到阿美車仔麵講真，車仔麵係運動完的好選擇來的呢一間仲可以選菜底添不過我今日好餓總之要選鍾意食嘅野😆自選： 豬紅，滷水雞翼，油麥菜，米粉，花生沙爹汁唔係好多車仔麵店有油麥菜架，我好鍾意食的，而且份量唔少，好啱我！豬紅就唔係甜滷水果隻味，係咸味，我都幾鍾意唔甜的，有d地方醃得太甜變得好假好奇怪。滷水雞翼又幾入味，又唔會太咸，洽到好處，食得出有用時間心機醃的，食到中間塊肉都仲好滋味！花生沙爹汁都唔錯，又幾香，少少甜味，同車仔麵好夾丫。由於真係太餓，再叫多份炸豆腐！炸出來熱辣辣，脆卜卜，咸咸香香，外脆內軟，開頭以為自己會食唔晒，點知一啖一粒咁食晒了！同埋，其實呢間店裝潢係好有心思，都幾靚的，樓底又高，一面落地窗坐落幾舒服，雖然位置有少少吊腳，不過運動完或簡單食一餐，係好推薦的👍🏻…Read More

約左閨蜜晚飯傾計，串燒店絕對係好選擇！揀左粗店燒烤係因為無論係門面&內面都好光猛乾淨果然入到去真係好乾淨又冇好大陣油煙味，感覺已很良好一坐低店員就會俾孜然粉&辣粉好欣賞個辣粉，會唔辣到舌頭痛，又香😝🍽️椒鹽魷魚鬚炸到咁金黃色，食落唔會肉還肉，粉皮還粉皮，而且份量充足🍽️藤椒魚皮閨蜜竟然冇食過呢款魚皮！？呢個仲要有藤椒味，少少麻，椒又香，魚皮又爽，成功導左佢喜歡上呢樣美食🤭🍽️鐵鍋煮卜卜蜆鐵爐裡面有酒精啫喱煲住，睇住d蜆由合口煮到開口，過程好治癒🤣 d豆卜&粉絲好入味！🍽️燒茄子第一次食燒茄上，上面有菜甫，又係好食喎！當然蒜粒果d有保存到，好惹味，一絲絲夾上來食好滿足！🍽️燒雞皮、烤美國牛肩肉串、燒菠蘿串燒係廚房即燒，然後放上一個有蠟燭熱住的鐵鍋上保溫的，唔洗趕住食，好啱傾計！雞皮脆卜卜，牛肩肉調味恰到好處，份量充足，食完肉就食菠蘿解下膩，好清甜😋🍽️粗烤飯團好似日本燒烤店咁有烤飯團，飯團烤到香香脆脆真係好好食架！上面仲有肉鬆沙律醬紫菜，真係要兩個人食！份量都大，一個人食睇怕唔洗食其他野～🍽️黑白糍粑、炸饅頭串燒店都不忘甜品環節🤭黑白糍粑有驚喜！混左花生碎、朱古力醬，然後炸到熱辣辣咁食，一咬落去好軟糯，係幸福的味道🥹炸饅頭被我們選為必食！難得炸饅頭唔會油淋淋，咬落又鬆軟，同煉奶配合得天衣無縫，差點想再點多份，最終太飽放棄了🤣 要讚一讚店員，因我地剛好坐在喇叭之前，店內播歌聲令我地聽唔到對方講野，店員都主動話較番細聲d, 好貼心，之後我地就舒舒服服咁傾計了。btw, 無限時，可以同閨蜜盡情傾到飽呀！…Read More

一直也有留意到觀塘開源道新開了一間日式餐廳，門面簡單恬靜，但平日上班午膳都匆匆忙忙的，怕未能好好享受體驗，而家適逢生日，便與朋友提議來到試一試晚餐。餐廳採用懷舊昭和風設計，一系列復古木櫃，有一區又日式校園風，用課室枱櫈做餐桌椅，最有趣莫過於有個跳馬箱，令人很有衝動挑戰一下😂⭐️醬油灸燒丼有本人最喜歡的左口魚，無慮即叫！一來到已感覺到份量沒在敷衍，大大碗珍珠米飯，配上左口魚、三文魚、玉子、帆立貝灸燒，左口魚的油脂味跟飯是絕配，所有材料都食得出很新鮮👍🏻⭐️自家醃西京燒銀鱈魚定食將銀鱈魚西京漬京燒，帶出又甜又鹹的風味，而且將魚燒得細嫩，配少許跟配的蛋黃醬，又有另一番風味，就是美味！第一個想到蛋黃醬配燒魚的人究竟在想甚麼？🤭⭐️為食二人再加一客雞之盛宴，就是雞的串燒，有雞胸軟骨、雞腿肉、雞心、雞肝、雞皮，幻想自己去了日本居酒屋食串燒，全部都好香脆，又有嚼勁，最欣賞當然是燒雞皮，乾脆又充滿油香🧡⭐️最後當然要用甜品作收尾，跟餐加配了朱古力蛋糕，有自家製風味，不太甜不會膩，簡簡單單剛剛好窩心。餐廳以定食為主，除了主食外，附送的食物也不容急視！味噌湯用料充足，有紅白蘿白、豆腐、昆布、蜆！只用看的已知道有多用心🧡喝下去鮮甜，鹹度適中，寒流下喝一口很溫暖。前菜薯仔沙律及牛蒡絲都是看日劇常見的家常小菜，看似簡單但又會食不停口，就是日式小菜的魅力吧。…Read More

是晚重點係要同好朋友聚一聚，當然要搵間安靜環境良好，又有美食的餐廳啦☺️最終揀左土瓜灣啟岸的wm cafe & bar,係土瓜灣站行過來其實好方便，一入門口店員已經好好地安排左窗口位置，望住出面繁忙嘅都市而我地舒舒服服地食野🤭望住餐牌樣樣都想試架其實不過兩個女仔真係食唔到咁多不能盡錄🤭✨啤酒個人喜好，喜歡生啤，好爽✨南瓜湯餐湯絕不失禮，南瓜和忌廉打到綿密順滑，中間又夾雜左少許南瓜肉，証明真材實料冇花冇假✨慢煮和牛牛面肉伴薯蓉、炸大蒜絲、豆苗沙律係用刀切落去塊和牛時已感覺好嫩食落口直程又嫩又滑，好好味好欣賞慢煮出來的食物伴薯蓉又恰到好處份量十足✨香煎比目魚、香辣茄汁藜麥配自家製魚汁本身香煎比目魚已經冇得輸，魚皮都煎到好香脆，但呢碟我最欣賞辣茄汁藜麥，可能我少機會食藜麥，再配好少食嘅辣茄汁又估唔到幾驚喜，又健康又好味嘅食物✨香蒜辣椒白酒煮大蜆蜆肉幾大粒，咬落啖啖肉好滿足，蒜味濃，滲出淡淡酒香，因本人怕辣叫左少辣，可以調節辣度呢方面好貼心 由於環境太舒服食物太好，傾左好耐，下次想同好朋友食飯暢談會再來👍🏻店員表示土瓜灣啟岸呢一間d食物同其他分店唔一樣的，都有興趣試下其他分店🤭…Read More

難得平日放假，瞓到自然醒然後嘆個late lunch 選擇左係元朗水車館街一間比較新的87 coffee位於小巷內，睇落幾chill幾舒服座位又夠闊落乾淨好適合閨密或情侶飲杯啡傾下偈睇個餐牌樣樣都好吸引最終叫左2個主食＋2杯啡＋一件蛋糕意式菠茶蟹肉闊條麵一來到見到咁多蟹肉已經好欣賞調味洽到好處再配合菠菜已經冇得輸闊條麵軟硬適中，隱約有點蛋香味而且闊條麵掛汁量極高食每一啖都有種好安心好滿足感覺呢種真係小店先會有的情懷安格斯美式漢堡包份量都幾大，塊漢堡牛扒好厚食落仲有少少筋位好有咬口好有牛味keep到好juicy，調味又剛剛好又係去連鎖店一定食唔到的美味Black coffee & Dirty相比起美味嘅食物，咖啡就OK啦Dirty冇左髒髒的外表，攪拌後飲反而好飲D 整體都唔差之後見到隔離枱叫特飲可能會特別D 藍莓cheeese cake跟餐加$38有個飯後蛋糕做甜品都叫幾大件，芝士份量幾充實，整件又唔會太甜好啱現代人口味講真，第一次來食覺得很好幾抵食希望可以keep到水準因為我要再來再來再來！😆…Read More